(ဒါ ကျနော်က ကိုယ်မိလာတဲ့ဆိုင်ကို သာဓကထား ပြောပြတာပါ။ဒီဆိုင်ကို မုန်းလို့ မဟုတ်ပါဘူး။ဒီလိုဆိုင်တွေ ဘယ်နှဆိုင်လောက်တောင် ရှိနေမလဲ။ ကိုယ့်နိုင်ငံအကျိုးအတွက် လူထု သတိထားမိအောင် ဝိုင်းshareပေးကြပါ။)
စိတ်မကောင်းစရာတစ်ခု ပြောပြရဦးမယ်။ ကျနော် အရမ်းကြိုက်တဲ့ မန္တလေးက The Myst Shisha Loungeu မှာ ဖြစ်သွားခဲ့တာပါ။ ပထမဦးစွာ ကျနော်ဟာ ဟိုးးးးးးအရင် ဆေးကျောင်းသားဘဝကတည်းက The Mystမှာ အမြဲထိုင်လေ့ရှိတဲ့ Customer ပါ။ သူ့ဆိုင်မှာ ထိုင်ရတဲ့Feelingနှင့် သူ့Shishaကို ကြိုက်လွန်းလို့ပါ။ အခုတော့ နောက်ဘယ်တော့မှ မသွားတော့ဘူးလို့ ဆုံးဖြတ်လိုက်ပါပြီ။
ပထမဆုံးစဖြစ်ခဲ့တာ ကျနော်ဘွဲ့ယူတဲ့အထိမ်းအမှတ် သူငယ်ချင်းတွေကို ပြုစုတဲ့နေ့ကပေါ့ (Marchလ ၁ ရက်နေ့ညပါ။ Bill ရှင်းတာတော့ 2.3.2019 1:30Amပေါ့) အဲ့ညကျ ကျနော်တို့သောက်တာ စုစုပေါင်း ၁သိန်းခွဲလောက်ကျတော့ Taxက ၇ထောင်ကျော်ကျတာပေါ့။ ရတယ် Okay ကိုယ်တွေဆိုတာ အခွန်ကောက်ခြင်းရဲ့ အကျိုးကျေးဇူးတွေကိုသိနေလို့ အခွန်ဆောင်ရမှာ မကြောက်ပါဘူး။ ဒါပေမယ့် သူတို့ အခွန်တံဆိပ်ခေါင်း ကပ်ပေးထားတာက ၁၃၀၀ဖိုးတည်း (၁၀၀တန် တံဆိပ်ခေါင်းလေး ၁၃ ခု)
ကျနော်က အမြဲလိုလို ဘယ်ဆိုင်ထိုင်ထိုင် တံဆိပ်ခေါင်းအမြဲစစ်တယ်။ ပြီးရင် အဲ့တံဆိပ်ခေါင်းကို ၂ခါပြန်သုံးလို့မရအောင် ဖြဲပစ်ခဲ့တဲ့အကျင့်ရှိတယ်။ အဲ့တော့ တံဆိပ်ခေါင်းစစ်တော့ ၇ထောင်ကျော်ကို ၁ထောင်ကျော်ပဲကပ်ထားတာ မတော်တဆမှု လုံးဝမဖြစ်နိုင်ဘူး။ ကြားထဲက တမင်ခိုးလိုက်တာပဲ။
အဲ့မှာ ကျနော်သောင်းကျန်းတော့တာပဲ ကျနော် မန္တလေးကို ဘွဲ့လာယူနေစဉ်၃ရက်အတွင်းမှာပဲ သူ့ဆိုင်မှာ ညတိုင်း ကျနော်အားပေးခဲ့တဲ့ငွေဟာ ၃,၄သိန်းအထက်မှာရှိပါတယ်။ ဒီလို ညတိုင်းလာပြီး မျက်မှန်းတန်းမိနေတဲ့ Customer အပေါ်တောင် ဒီလိုလုပ်ရဲရင် အခြားလူတွေအပေါ်လည်း သူတို့လုပ်မှာပဲ။
ဒါ ပထမတစ်ခါတုန်းက သူတို့ကို ဆူခဲ့ပြီး နောက်မလုပ်ဖို့ မှာခဲ့ပါတယ်။ ခုလို Facebookကြီးမှာ တင်ပစ်ဖို့ကလည်း သူများစီးပွားရေးကို မဖျက်ဆီးချင်ဘူးလေ။
ဒါပေမယ့် မနေ့ညက နောက်တစ်ခါ ထပ်လုပ်ပါတယ်။ ဒုတိယပုံမှာကြည့်ပါ။ ၂ ထောင်ကျော် ကောက်ထားတဲ့ Taxကို ၁၂၀၀ဖိုးပဲ ကပ်ထားတယ်လေ။ ထပ်ခိုးပြန်ပြီ။၁၀၀၀တန် တံဆိပ်ခေါင်း ၅၀၀တန် တံဆိပ်ခေါင်းတွေ ရှိလျက်သားနဲ့ ၁၀၀တန်လေးတွေ အများကြီးကပ်ပြီး မျက်စိရှုပ်အောင် လုပ်ထားတာပါ။
ဒါပေမယ့် ကျနော့်လိုကောင်က ဘယ်လိုကပ်ထားထား အမြဲသေချာစစ်တယ်လေ။ တွေ့သွားတယ်။ ဒီတစ်ခါ ဘာမှမပြောတော့ဘူး။ တိတ်တိတ်ကလေးပဲ ဓာတ်ပုံရိုက်လာပြီး အားလုံးသိအောင် ခုလို ဖွင့်ချရခြင်းဖြစ်ပါတယ်။
ထူးခြားတာတစ်ခုက ၂ခေါက်လုံး အပေါ်ထပ်မှာထိုင်မှပဲ ဖြစ်တာပါ။ အောက်ထပ်မှာ ထိုင်တုန်းက မဖြစ်ဖူးပါဘူး။ ဒီ Post ကို ဆိုင်ရဲ့ တာဝန်ရျှသူ တစ်ယောက်ယောက် မြင်သွား ခဲ့မယ်ဆို အပေါ်ထပ်ကို သတိပြုစေချင်ပါတယ်။ ကျနော်ဘာကြောင့် ဒီတံဆိပ်ခေါင်းလေးကို သဲသဲလှုပ်ဖြစ်နေရသလဲ ကျနော်တွက်ပြမယ် သေချာဆက်ဖတ်ပါ။
ဒီလိုပါ နိုင်ငံတော် စားသုံးသူက အခွန်ဆောင်ရင် အခွန်တံဆိပ်ခေါင်းကပ်ပေးမှ နိုင်ငံတော်ကို အခွန်ငွေတွေရောက်ပါတယ်။ ဒီတံဆိပ်ခေါင်းတွေကို အခွန်ရုံးမှာ သတ်မှတ်ထားတဲ့ ဈေးအတိုင်း ဆိုင်က ပြန်ဝယ်ရတာလေ။
ဥပမာ – ၁၀၀၀တန် အခွန်တံဆိပ်ခေါင်းကို အခွန်ရုံးမှာ ငွေ ၁၀၀၀ နှင့် ဝယ်ပြီး ကျနော်တို့ Tax ၁၀၀၀ ကျရင် ၁၀၀၀ ကပ်ပေးရတာလေ။ အဲ့တော့ အခွန်တံဆိပ်ခေါင်းတွေဟာ ဘယ်အခွန်ဦးစီး ဘာညာသာရကာမှ မဖြတ်ရလို့ ၁၀၀ ဆို၁၀၀ ကိုယ်ဆောင်သမျှ ကပ်ပေးသလောက် နိုင်ငံတော်ဘဏ္ဍာတိုက်ကို အတိအကျ မပျက်မယွင်း ရောက်လို့ ဆောင်ရတာ အတန်ဆုံးအခွန်ပါ။
အခု သူတို့က ၇၀၀၀ ကျော် ကျတာကို ၁၃၀၀ ဖိုးပဲ ကပ်ပေးတာဆိုတော့ ကြားထဲက ၅၇၀၀ ခိုးထားလိုက်ပြီလေ။ ကျနော်ကလည်း ပေးလိုက်ရတယ်။ နိုင်ငံတော်ကလည်း မရဘူး။သူက ကြားထဲက ခိုးထားလိုက်တာ ၅၇၀၀။ ဒီလို တစ်ဝိုင်းကို ပျှမ်းမျှခြင်း ၅၀၀၀ လောက်ခိုးရင် တစ်ညကို သူ့ဆိုင်မှာ အနည်းဆုံး ဝိုင်း ၄၀ လောက်ရှိပါတယ်။ ဒါဆို ခိုးယူငွေ ၂ သိန်းလောက်ရနေပြီလေ။ တစ်ည ၂ သိန်း တစ်လကို သိန်း ၆၀။ တစ်နှစ်ကို သိန်း ၇၀၀ ကျော် ခိုးနေတာပါ။
ဒီလို ဘားမှာ လာသောက်ကြပြီ ဆိုမှတော့ အားလုံးက မူးနေကြတာလေ။ ကျနော့်လို Tax စစ်မယ့်လူ ဘယ်နှယောက် ပါမယ် ထင်သလဲ။
အခြားမြို့က လူတွေထက် မန္တလေးသူ မန္တလေးသားတွေက အခွန်ငွေရဲ့ အကျိုးကျေးဇူးကို ပိုသိကြမှာပါ။ အခု မန္တလေးမြို့ကြီးတိုးတက်လာတာ နေ့ချင်းညချင်းမဟုတ်ပါဘူး။ မြို့တော်ဝန် ဦးရဲလွင်အစိုးရ တက်လာခါစက ဘာမှ မလုပ်ပေးနိုင်ပါဘူး။ ပိုက်ဆံမရှိဘူးလေ။ အခွန်တွေကောက်ပြီးမှ ဒီအခွန်ငွေတွေနင့် လမ်းတွေခင်း မီးတိုင်တွေစိုက် လုပ်ပေးနိုင်တာလေ။ ရှင်းရှင်းပြောရရင် ကျနော်တို့ အခွန်ဆောင်ထားတဲ့ ကျနော်တို့ပိုက်ဆံတွေနှင့် အခုလို လုပ်ပေးနိုင်တာပါ။ ဘယ်နိုင်ငံ ဘယ်ဖန်ဆင်းရှင်ကမှ လာလုပ်ပေးသွားတာမဟုတ်ဘူး။ အခုလို ကြားထဲက ဖြတ်ခိုးတဲ့ သူခိုးရှိနေရင် ကျနော်တို့ ရပိုင်ခွင့်တွေ မီးတိုင်တွေ လမ်းတွေ ဘယ်ကပိုက်ဆံနှင့် ဆောက်ကြမလဲ။
ကျနော်တွက်ပြမယ်။ ခုနက တွက်ပြတဲ့အတိုင်း ဒီတစ်ဆိုင်ထဲက တစ်နှစ်ခိုးငွေ သိန်း၇၀၀ ဆို မီးတိုင် အတိုင်၇၀ စိုက်လို့ရပါတယ်။ မီးသတ်ကားတစ်စီး ဝယ်လို့ရပါတယ်။ အမှိုက်သိမ်း ၃ဘီးယာဉ် အစီး၂၀ကျော် ဝယ်လို့ရပါတယ်။
ဒီဆိုင်က ကျနော့်လို သတိထား စစ်တတ်တဲ့သူနှင့်တွေ့သွားလို့ ပေါ်သွားပေမယ့် ဒီလို ခိုးနေတဲ့ ဆိုင် ဘယ်နှဆိုင်ရှိမလဲ ဘယ်သူမှ မသိဘူး။ ဒါကြောင့် ကျနော် ဒီနေရာကနေ အားလုံးကို ကိုယ်စားသောက်ပြီး Billရှင်းတဲ့အခါ။ အခွန်တံဆိပ်ခေါင်း သေချာစစ်ဖို့ရယ် အဲ့တံဆိပ်ခေါင်းကို ပြန်သုံးမရအောင် သေချာဖြဲပစ်ခဲ့ဖို့ရယ် တိုက်တွန်းရင်း ပြည်သူ့ဘဏ္ဍာငွေကို ခိုးယူတဲ့ The Myst Shisha Lounge ကိုလည်း ပြင်းပြင်းထန်ထန် ရှုတ်ချလိုက်ပါတယ်။
PS ကျနော့် Post ကို share ရုံပဲ မ Share ပါနဲ့။ share လည်း share copy လည်း ယူထားပေးကြပါ။ ကျနော့်အကောင့် Report အထုခံရရင် ကျနော့်အကောင့် ပျက်မှာထက် ဒီစာလေးတွေ ပါသွားမှာ ပိုစိုးရိမ်လို့ပါ။
Source : Kyaw Wai Yan Phyo FB:http://wunyan.com/?p=19616
No comments:
Post a Comment