မြန်မာစီးပွားရေးသည် အာရှ၏ နောက်ထပ် ကျားတကောင်ဖြစ်နိုင်မဖြစ်နိုင်!

နိုင်ငံရပ်ခြား ရင်းနှီးမြှုပ်နှံမှုများကို လူသုံးကုန်ထုတ်လုပ်ရေးအတွက်(စက်ရုံတွေ) လာရောက်ကြမှ  အမိမြန်မာပြည်မှာ အမှန်တကယ်  အခြေခံစီးပွားရေးတိုးတက်လာမှာဖြစ်ပါကြောင်းအသိပေးပါရစေ...
 

ပြည်သူလူထုတွေအားလုံးထင်နေကျတာက အခုဘဲ အာလာဒင်ပုံပြင်ကလို..အုံဖွ! လုပ်လိုက်တာနှင့် ချက်ချင်း ရွှေနန်းတော်ကြီးဖြစ်သွားမယ်ထင်နေကျပါတယ်...မထင်လိုက်ပါနှင့် ဒါတွေကပုံပြင်တွေပါဘဲ! အိမ်မက်တွေပါ....ဒါပေမဲ့လောလောဆယ် အခုလိုအသွင်ကူးပြောင်းရေးကာလမှာ တခါမှမကြားဖူးတဲ့ မြေဈေးနှုန်းတွေနှင့်  မီလီနာတွေဖြစ်သွားကျပြီး အဆင်ပြေသွားကျသူတွေကတော့ ငွေပိုငွေလျှံရှိကျတဲ့  ပြည်တွင်းခရိုနီတွေနှင့် ပြည်တွင်းပြည်ပ(ရာခိုင်နှုန်းများများကတော့) တရုတ်သူဌေးတွေဘဲဖြစ်ပါတယ်လို့သိရပါတယ်၊ (တက်နေတဲ့ မြေတွေကိုဈေးကစားပြီးဝယ်ရောင်းလုပ်နေကျတာပါ၊ ငွေမဲတွေကိုငွေဖြူတွေ ဖော်တာလဲပါမှာပေါ့)...

အခုလဲ ပြည်သူလူထုတွေ တအားမျော်လင့်နေတဲ့ နိုင်ငံပြည်သူလူထုတွေအတွက် အကျိုးရှိစေမဲ့ အခြေခံ စီးပွားရေးအဆောက်အုံဖြစ်တဲ့  လူသုံးကုန်ထုတ်ရေးအပိုင်းဖြစ်သော စက်မှုဇုံတွေဖွံ့ဖြိုးမှ ဖြစ်မှာပါ...

အခုလောလောဆယ်ရေပန်းစားနာမည်ကြီးနေတဲ့စက်မှုဇုံဖြစ်တဲ့ သံလျှင်ကဂျပန်ဦးစီးတဲ့ စက်မှုဇုံတွေ အကောင်အထည်ဖော်ဆောင်တာ အောင်မြင်မှ နောက်ထပ်စက်မှုဇုံတွေ ဆက်တိုက်ဖြစ်လာနိုင်မှာပါ၊ ဒါကလဲ ၂၀၁၅ခုနှစ်လောက်မှ အဖြေသိရမှာမဟုတ်ဘူးလား.....
(ပထမဦးဆုံးစက်မှုဇုံဖြစ်တဲ့ ထားဝယ်စက်မှုဇုံကတော့ ရင်းနှီးမြှပ်နှံ့မဲ့အဓိကကျတဲ့ ဂျပန်တွေဝင်မလာလို့ ဒုက္ခရောက်နေပြီလေ)...ဘယ်လိုဆက်စခန်းသွားမလဲမသိဖြစ်နေရပြီ...

ဒါပေမဲ့ အမိပြည်တွင်းမှာက မငြိမ်မသက်ဖြစ်နေတဲ့ ဘာသာရေးနှင့် အဓိကလျှပ်စစ်ပါဝါမလုံလောက်မှုတွေ နှင့်ဈေးကြီးလာတဲ့မြေဈေးကွက်တွေက လာရောက်ရင်နှီးမြှမ်နှံမဲ့နိုင်ငံခြားလုပ်ငန်းရှင်တွေအတွက်ရင်လေး မိပါတယ်...

ကမ္ဘာလုပ်ငန်းရှင်ကြီးတွေလောက်ဘဲ လက်ဦးမှုရအောင်လာရောက်ပါသေးတယ်(Cocacola, Heineken, Sumsung,General တွေလောက်ဘဲ လာရောက်သေးတာကိုကြည့်လိုက်ရင် သိသာနေ ပါတယ်) ၊ ဈေးပေါတဲ့လယ်မြေတွေနှင့် ရန်ကုန်နှင့်ဝေးလျံတဲ့ဒေသ လုံခြုံရေးကောင်းတဲ့ မီးလျှပ်စစ်ဓာတ်အားရနိုင်တဲ့ ဗိုလ်လောင်းတွေမွေးထုတ်တဲ့စစ်တပ်မြို့ဖြစ်တဲ့မှော်ဘီမှာဘဲ ရင်းနှီးမြှပ်နှံထားတာကိုကြည့်လိုက်ပါ၊ ဘယ်စက်မှုဇုံတွေအပေါ်မှမမှီခိုဘဲ သီးသန့်ရပ်တည်နေတာကိုက ထူးမခြားနေဘူးလား! ဒါတွေကို ကြည့်လိုက်ရင် အစိုးရလူကြီးတွေနှင့်လဲဖက်စပ်ရှယ်ယာပါဝင်နေတာကို ကြည့်လိုက်ရင်သိနိုင်ပါတယ် လေ.....ဗမာ့ခရိုနီတွေရဲ့စက်ရုံတွေက မှော်ဘီမှာဘဲရှိကျတယ်မဟုတ်ကျပါလားနော်!.....

Foreign Investment Law of Myanmar

ဒီမှာဖတ်ကြည့်ပြီးမှ အမိမြန်မာမှာ ရင်နှီးမြှမ်နှံကျပါ.....

Burma’s Investment Commission Open for Business
Doing Business in Myanmar

ဒါက မြန်မာပြည်မှာ ရင်နှီးမြှပ်နှံချင်ရင် အကြံပေးထားပြီးဖတ်သင့်တဲ့စာတမ်းလေးပါ အတော်ကိုပြည့်စုံ ပါတယ်...စာမျက်နှာ ၄၀လောက်ရှိပါတယ်...

Myanmar Business Guide

What You Need to Know Before Doing Business in Myanmar

ဒါကဧရာဝတီဗမာမှဆောင်းပါးလေးကိုပြန်လည်ကူးယူဖော်ပြလိုက်ပါတယ်....

မြန်မာနိုင်ငံသည် အာရှ၏ နောက်ထပ် ကျားတကောင်ဖြစ်သည် (၁)

ယုံ၍ပုံမလောင်းလိုက်ပါနှင့်..
အာရှကျားနိုင်ငံများ၏ စီးပွားရေးစနစ် နှင့် မြန်မာနိုင်ငံ၏ စီးပွားရေးက နည်းနည်းမျှမတူပါ...

ဂျာရက် ဘစ်ဆင်ဂျာ (ဓာတ်ပုံ – Foreign Policy)

မြန်မာနိုင်ငံ၏ စီးပွားရေးကို ယခုတိုင် သယံဇာတ အခြေခံ စီးပွားရေး စနစ်ဖြင့် လည်ပတ် မောင်းနှင်လျှက် ရှိနေသေးပြီး သဘာဝ ဓာတ်ငွေ့ကဏ္ဍ၊စိုက်ပျိုးရေး ထွက်ကုန်များ၊ ကျွန်းသစ်၊ ကျောက်စိမ်း၊ တွင်းထွက်ပစ္စည်း များဖြင့် အခြေခံ လုပ်ကိုင်နေရဆဲ ဖြစ်သည်။ ဤသို့သော အခြေခံ ထွက်ကုန်များသည် ပြီးခဲ့သည့်နှစ် မြန်မာနိုင်ငံ၏ နိုင်ငံခြား တင်ပို့ရောင်းချမှု၏ ၈၀ ရာခိုင်နှုန်း ရှိနေခဲ့သည်။ နိုင်ငံခြား ရင်းနှီးမြှုပ်နှံမှုများသည်လည်း ၎င်းကိုပင် အခြေပြု လာရောက်နေကြသည်။

ရေနံ၊ သဘာဝဓာတ်ငွေ့ကဏ္ဍနှင့် သတ္ထုတူးဖော် ရေးလုပ်ငန်းများတွင် လာရောက်မြှုပ်နှံ လုပ်ကိုင်ခဲ့ကြရာ ပြီးခဲ့သည့် ဆယ်စုနှစ် ငါးနှစ်အတွင်း၌ နိုင်ငံခြား တိုက်ရိုက်ရင်းနှီးမြှုပ်နှံမှု၏ ၉၀ ရာခိုင်နှုန်း ရှိနေသည်။ မြန်မာနိုင်ငံက အနောက်နိုင်ငံများနှင့် ပြန်၍ အဆင်ပြေ သင့်မြတ်လာသည့် အတွက်ကြောင့် ထိုကဏ္ဍများအပေါ်တွင် စိတ်ဝင်စားမှုများ ပို၍ပင် ရှိလာခဲ့သည်။ မြန်မာအစိုးရသစ်က ရေနံနှင့် သဘာဝဓာတ်ငွေ့ကဏ္ဍ လုပ်ကွက် ၁၀ ခုအတွက် သဘောတူညီမှုများကို ယခုနှစ်တွင်ပင် ထပ်၍ လက်မှတ်ရေးထိုးခဲ့ပြီး နောက်ထပ် လုပ်ကွက် ၂၃ ခုအတွက်လည်း ကမ်းလှမ်းထားသေးသည်။ ထိုမျှမက အစိုးရသစ်က သတ္တုတူးဖော်ရေး လုပ်ငန်းများနှင့် စိုက်ပျိုးရေး စီမံကိန်းများအတွက် မြေများကိုလည်း ကမ်းလှမ်းပေးအပ်ခဲ့သေးသည်၊ အချို့ သူများက တယ်လီကွန် ဆက်သွယ်ရေးနှင့် ဘဏ်လုပ်ငန်းတို့ အပေါ်တွင် စိတ်ဝင်စားမှု ရှိနေကြသော်လည်း မြန်မာနိုင်ငံ၏ သဘာဝ သယံဇာတ ထုတ်ယူရောင်းချသည့် လုပ်ငန်းသည်သာ ရင်းနှီးမြှုပ်နှံသူတို့အတွက် ဆွဲဆောင်မှုအဖြစ် ပိုမြင်နေကြသည်။

နှိုင်းယှဉ်ချက်အရ ဆိုရလျှင် အာရှကျားနိုင်ငံများက သဘာဝသယံဇာတ ရှားပါးကြပြီး ပြည်ပပို့ကုန် တိုးတက် ဖြစ်ထွန်းလာစေရေး အပေါ်သာ မှီခိုအားထားခဲ့ကြရသည်။ သူတို့ဆီကို လာရောက်ကြသည့် နိုင်ငံရပ်ခြား ရင်းနှီးမြှုပ်နှံမှုများမှာလည်း လူသုံးကုန် ထုတ်လုပ်ရေးအတွက် လာရောက်ကြခြင်းဖြစ်ပြီး သဘာဝ သယံဇာတအတွက် လာရောက်ကြခြင်း မဟုတ်ပေ။ သူတို့က လုံးဝမတူခြားနားသည့် နိုင်ငံတကာ အခင်းအကျင်း အနေအထားတခုတွင် ရှင်သန်ဖွံ့ဖြိုးလာခဲ့ရသူများ ဖြစ်သည်။ နိုင်ငံရပ်ခြားတင်ပို့ရန် ပြိုင်ဆိုင်မှု နည်းပါးနေသေးသော အခြေအနေတွင် ဖွံ့ဖြိုးလာခဲ့ခြင်း ဖြစ်သည်။
သူတို့က ထုတ်ကုန်များကို စားသုံးမှုအလွန်မြင့်မားသည့် အနောက်နိုင်ငံများသို့ ရောင်းချကြသည်။ အနောက်နိုင်ငံများသည် ကမ္ဘာ့စီးပွားရေး အကျပ်အတည်း၏ သက်ရောက် ရိုက်ခတ်မှုများကို ယခုလောလောဆယ်တွင် ရင်ဆိုင်နေရသည့် နိုင်ငံများ ဖြစ်သည်။

မြန်မာနိုင်ငံအတွက်မူ ကံမကောင်း အကြောင်းမလှသည့် အချက်မှာ အခြေခံထွက်ကုန်များ အားထားမှီခို တင်ပို့နေကြရသည့် နိုင်ငံများ ဖြစ်သောကြောင့် အာရှကျားနိုင်ငံများထက် ဖွံ့ဖြိုးမှုနှေးကွေးရန် အကြောင်း ရှိနေပါသည်။ တဖက်တွင်လည်း နိုင်ငံ့စီးပွားရေး၏ အခြားကဏ္ဍများတွင် တန်းတူညီမျှမှု မရှိသော ရင်းနှီးမြှုပ်နှံမှုကို ဖြစ်ပေါ်စေသည်။ ဤသို့သော အခြေအနေမျိုးကို ဒတ်ခ်ျရောဂါ (Dutch disease) ဟု ခေါ်ကြသည်။ မြန်မာနိုင်ငံအနေဖြင့် ဤကဲ့သို့သော ရောဂါမျိုးကို ခံစားနေရပြီဖြစ်၍ လာမည့်နှစ်များ တွင်လည်း နိုင်ငံ၏ ဖွံ့ဖြိုးတိုးတက်မှုအတွက် အခက်အခဲ အဟန့်အတားများ ရှိနေစေဦးမည် ဖြစ်သည်။

သဘာဝဓာတ်ငွေ့ ပြည်ပ တင်ပို့ရောင်းချမှုမှ ရရှိလာသည့်ငွေကြောင့် နိုင်ငံ၏ ငွေကြေး ကျပ်တန်ဖိုးကို မြင့်တက်လာစေသည်။ ၂၀၀၇ ခုနှစ်တွင် တဒေါ်လာလျှင် ၁၄၀၀ ကျပ်မှ၊ ၂၀၁၁ ခုနှစ်တွင် ၇၀၀ ကျပ်အောက် ကျဆင်းခဲ့သည်။ ပြုပြင်ပြောင်းလဲရေး လုပ်ငန်းများအတွက် အဓိက အခက်အခဲတခု ဖြစ်စေသည်။ ဤသို့ ကျပ်ငွေဈေး ဆက်လက် မြင့်တက်နေမှုအတွက်ကြောင့် (တဖက်တွင်လည်း အထွေထွေလုပ်ငန်း စရိတ်စကများ မြင့်မားနေခြင်း၊ အခြေခံ အဆောက်အဦ ညံ့ဖျင်းခြင်း၊ ပြိုင်ဆိုင်မှု အားကောင်းသည့် အကြိတ်အနယ် ယှဉ်ပြိုင်ရသည့် နိုင်ငံတကာဝန်းကျင် အခြေအနေရှိနေခြင်း အတွက်ကြောင့်) မြန်မာနိုင်ငံ လူသုံးကုန်ထုတ်လုပ်ရေးနှင့် ကုန်ပစ္စည်း ထုတ်လုပ်မှုလုပ်ငန်း ဖွံ့ဖြိုးတိုးတက်လာစေရန် ကျန်သည့် ကျားနိုင်ငံများကို အတုယူ လုပ်ဆောင်နိုင်ရန် ခက်ခဲစေပါလိမ့်မည်။
 

မြန်မာနိုင်ငံက နိုင်ငံခြား ရင်းနှီးမြှုပ်နှံမှုများ လိုအပ်လျှက် ရှိသည်

ဤအချက်မှာ ခက်ခဲရှုပ်ထွေးလှသည်။ မြန်မာနိုင်ငံရှိ နိုင်ငံခြား ရင်းနှီးမြှုပ်နှံမှုများမှာ မလိုအပ်သော နေရာများသို့သာ အများဆုံး ၀င်ရောက်လာကြလိမ့်မည်။ လိုအပ်မှု အနည်းဆုံး ကဏ္ဍများ၌ အများဆုံး ရောက်လာနေကြခြင်းဖြစ်ပြီး ပြောရလျှင် သဘာဝသယံဇာတများ ထုတ်လုပ်ကြရန် လာရောက် ရင်းနှီးမြှုပ်နှံနေခြင်းပင် ဖြစ်သည်။ ဤသို့သော ရင်းနှီးမြှုပ်နှံမှုများသည် တိုက်ရိုက် ရင်းနှီးမြှုပ်နှံမှု အနည်းငယ်မျှကိုသာ ဖြစ်စေပါသည်။ သာမန်ပြည်သူများအတွက် အလုပ်အကိုင် အများအပြားကို ဖန်တီးပေးလိမ့်မည် မဟုတ်ပါ။ အဓိကအကျိုးရှိစေမည့်သူမှာ အစိုးရဖြစ်ပြီး အစိုးရအတွက် ၀င်ငွေများ ရရှိလာစေမည်။ သို့သော်လည်း အခြားနိုင်ငံ အစိုးရများကဲ့သို့ပင် မြန်မာနိုင်ငံရှိ အစိုးရကလည်း သဘာဝ သယံဇာတများမှ ရလာမည့် ၀င်ငွေကို တိုင်းပြည် ကုန်ထုတ်လုပ်ရေး တိုးတက်ကောင်းမွန်စေသည့် အရင်းမြစ်များကို ထုတ်လုပ်မှုဖြစ်စေသည့် ရင်းနှီးမြှုပ်နှံမှု အဖြစ်သို့ ပြန်လည် ပြောင်းလဲနိုင်စွမ်း မရှိကြပါ။

ဤအခြေအနေအစား နေပြည်တော်ရှိ လူအများစု လက်ခံထားကြသည့် သဘောထားမှာ “နိုင်ငံခြား ရင်းနှီးမြှုပ်နှံမှုတွေ ၀င်လာရင် စီးပွားရေးအလိုလို တိုးတက်လာမည်” ဟူ၍ ဖြစ်သည်။ ဤအရင်းအနှီးများ အပေါ်တွင် လူများစုက လက်ခံထားကြသည့် သဘောထားမှာ “နိုင်ငံခြားရင်းနှီးမြှုပ်နှံမှုနှင့် တိုးတက်ဖွံ့ဖြိုးမှုကို တန်းတူထား” မြင်နေကြသည်။ ဤအချက်မှာ မမှန်ကန်ပါ။ မတူကွဲပြားသည့် နိုင်ငံခြား ရင်းနှီးမြှုပ်နှံမှုများသည် စီးပွားရေးစနစ်အပေါ် မတူကွဲပြားသည့် အကျိုးသက်ရောက်မှုကို ဖြစ်ပေါ်စေသည်။ နည်းပညာနှင့် လုပ်နည်းကိုင်နည်းများ ဆောင်ကျဉ်းလာသည့်၊ လွှဲပြောင်းပေးလာမှုရှိသည့် နိုင်ငံခြား ရင်းနှီးမြှုပ်နှံမှုများသည် အကျိုးဖြစ်ထွန်းစေသော်လည်း သဘာဝသယံဇာတများ အတွက် လာရောက်ကြသည့် နိုင်ငံခြား ရင်းနှီးမြုပ်နှံမှုများသည် အန္တရာယ်ရှိစေသည်။

အကြောင်းမှာ ပြန်လည် ဖြည့်ဆည်းနိုင်စွမ်း မရှိသည့် ပိုင်ဆိုင်မှုများကို ရောင်းစားခြင်းမှ ရလာသည့် ၀င်ငွေ ဖြစ်သောကြောင့်ပင်။ အစိုးရက ရရှိလာသည့် ငွေကြေးများကို ကုန်ထုတ်လုပ်မှု တိုးတက်စေသည့် အပေါ်တွင် ထုတ်လုပ်နိုင်စွမ်း ဖြစ်စေမည့် ကဏ္ဍများတွင် ပြန်လည် ရင်းနှီးမြှုပ်နှံနိုင်စွမ်း မရှိသေးသည့် ကာလတွင် ဤသို့သော ပိုင်ဆိုင်မှု သယံဇာတများကို မည်သည့် အတွက်ကြောင့် အလျင်စလို ရောင်းချလိုကြရပါသနည်း။

မြန်မာနိုင်ငံသည် မကြာသေးမီက သယံဇာတ ထုတ်လုပ်ရေး လုပ်ငန်းများတွင် ပွင့်လင်းမြင်သာမှု ရှိစေရေး ကြိုးပမ်းမှု Extractive Industries Transparency Initiative (EITI) အဖွဲ့ကြီးက ချမှတ်သော လမ်းညွန် သတ်မှတ်ချက်များကို သဘောတူလိုက်နာရန် ပြင်ဆင်လုပ်ကိုင်ခဲ့သည်။ ထိုသို့ သဘောတူ လိုက်နာမည်ဆိုလျှင် အကျင့်ပျက် ခြစားမှုကို တိုက်ဖျက်ရန် အထောက်အကူ ဖြစ်စေပြီး သဘာဝရင်းမြစ်များမှ ရရှိလာသည့် ထိုဝင်ငွေများကိုလည်း ပြည်သူအများ သိရှိအောင် စာရင်းဇယားများ ထားရှိလာစေမည် ဖြစ်သည်။ သို့သော်လည်း ဤသို့ ပွင့်လင်းမြင်သာမှုနှင့် နိုင်ငံတော် ရင်းနှီးမြှုပ်နှံမှု ရန်ပုံငွေတို့ရှိလျှင် တိုင်းပြည်၏ စီးပွားရေးဟန်ချက် မညီလည်း အလုပ်ဖြစ်နိုင်သည်ဟု ပုံသေကားကျ ပြောမရပါ။ သို့သော်လည်း ဤသို့ ပွင့်လင်းမြင်သာမှုနှင့် နိုင်ငံဓနဥစ္စာ ကြွယ်ဝမှု ရန်ပုံငွေ (Sovereign wealth fund) တို့မှာ နိုင်ငံတခု၏ မျှတညီညွတ်သည့် စီးပွားရေးစနစ်အတွက် အစားထိုးနိုင်မည့် နည်းလမ်းများ မဟုတ်ကြပါ။ ဤသို့ သဘာဝ သယံဇာတ ထုတ်လုပ်မှုကဏ္ဍတွင် နိုင်ငံခြားရင်းနှီး မြှုပ်နှံမှုများ အလျင်စလို အလုံးအရင်း မရောက်ရှိလာသေးသည့်တိုင် ပို၍ ကောင်းမွန်သည့် အခြေအနေတရပ် ဖန်တီးနိုင်ပါသေးသည်။
 

မြန်မာနိုင်ငံ၏ ပြဿနာမှာ အရင်းအနှီး မရှိခြင်းပင် ဖြစ်သည်

ဟုတ်ပါသည်။ သို့သော် အခြေခံ ပြဿနာမှာ အရင်းအနှီးမရှိ၊ ချို့တဲ့နေမှု မဟုတ်ပေ။ သို့သော် ရှိသည့် အရင်းအနှီးကို ကုန်ထုတ်လုပ်မှုလုပ်ငန်းများ တိုးတက်ကောင်းမွန်စေရန် ထိထိရောက်ရောက် အသုံးမချနိုင်သည့် စီးပွားရေးစနစ်သာ အဓိကပြဿနာ ဖြစ်နေသည်။ ပြီးခဲ့သည့် နှစ်များအတွင်း ရန်ကုန်နှင့် မန္တလေးမြို့များတွင် အိမ်မြေဈေးများ အဆမတန် တက်နေခြင်းမှာ မြန်မာနိုင်ငံ၏ လူကုံထံ လူနည်းစုတွင် သိသာထင်ရှားသည့် ငွေကြေးရင်းမြစ်များ မတန်တဆ ရှိနေကြောင်း ပြသနေခြင်းပင် ဖြစ်သည်။ မြို့လယ်ခေါင်ရှိ မြေ ၁ ဧက ဈေးနှုန်းမှာ ဒေါ်လာ ၁ သန်းကျော် ရှိနေရာ ထိုင်းနိုင်ငံ ဘန်ကောက်မြို့ မြေဈေးထက်ပင် များပြားနေပါသည်။ ဤသို့ ဈေးနှုန်းမြင့်နေစေသည့် အခြား အကြောင်းအချက်များလည်း ရှိနေပါသေးသည်။ အဓိက အကြောင်းအချက်တခုမှာ တခြား ရင်းနှီးမြှုပ်နှံမှုပြုစရာ နေရာမရှိခြင်းပင် ဖြစ်ပါသည်။ ဘဏ်များအပေါ် ယုံကြည်မှု မရှိကြဘဲ ငွေကြေးများကို နိုင်ငံရပ်ခြားသို့ ရွှေ့ပြောင်းရန်လည်း ခက်ခဲလှသည်။ သို့အတွက်ကြောင့် လူအများက သူတို့ ပိုင်ဆိုင်မှုများကို မရွှေ့ပြောင်းနိုင်သည့် အိမ်ခြံမြေ၊ ရွှေနှင့် ကျောက်မျက်များဖြင့် စုဆောင်း သိုမှီးထားကြခြင်း ဖြစ်ပါသည်။

တချိန်တည်းမှာပင် နိုင်ငံ၏ ကျေးလက်ဒေသများ၌ ချေးငွေရရှိရန် ခက်ခဲနေကြပြန်သည်။ အပေါင်ထားစရာ ပစ္စည်း မရှိသူများက တရားမ၀င် ငွေချေးသည့် နေရာများမှ ချေးငွေရယူရန် ကြိုးပမ်းနေကြရပြီး တလလျှင် ၁၀ ရာခိုင်နှုန်းမျှ အတိုးပေးနေကြရပါသည်။ နိုင်ငံပိုင် စိုက်ပျိုးရေးဘဏ်ကလည်း လယ်သမားများကို စိုက်ပျိုးရေးစားရိတ် လိုအပ်ချက်၏ သုံးပုံတပုံမျှကိုသာ ထုတ်ချေးပေးနိုင်သည်။ ပုဂ္ဂလိက ဘဏ်များအနေဖြင့် လယ်သမားများကို ငွေမထုတ်ချေးရန် တားမြစ်ထားသည်။ ဤသည်မှာ ယခင် ဆိုရှယ်လစ် အစိုးရ လက်ထက်မှနေ၍ အမွေဆက်ခံ ကြွင်းကျန်နေရစ်သည့် မလိုအပ်တော့သော ဥပဒေတခုလည်း ဖြစ်သည်။ ဤစနစ်ကြောင့် ဖြစ်ပေါ်လာသည့် ရလဒ်မှာ အရင်းအနှီးများသည် ကျေးလက်ဒေသသို့ မရောက်ရှိတော့ခြင်း ဖြစ်သည်။ ပိုက်ဆံငွေကြေးများ ပိုရလာခြင်းကြောင့်လည်း ဤပြဿနာကို ဖြေရှင်းနိုင်ဖွယ် မမြင်ပါ။
 

မြန်မာ့စီးပွာရေး ပြဿနာများ၏ လက်သည်တရားခံမှာ အရေးယူ ပိတ်ဆိုမှုများ ဖြစ်သည်

သေချာ လေ့လာကြည့်မည်ဆိုပါက မဟုတ်ပါ။ ဒဏ်ခတ် အရေးယူမှုကြောင့် မြန်မာနိုင်ငံ၏ စီးပွားရေးကို ထိခိုက်သည်။ သို့သော်လည်း ပုဂ္ဂလိကဏ္ဍအတွက် ကြုံတွေ့နေရသည့် အကြီးမားဆုံး ပြဿနာ မဟုတ်ပါ။ ရန်ကုန်နှင့် မန္တလေးရှိ စီးပွားရေး လုပ်ငန်းရှင်များနှင့် ပြောဆိုကြည့်ရာ ပြီးခဲ့သည့်နှစ်များအတွင်း သူတို့ရင်ဆိုင် ကြုံတွေ့နေရသည့် အကြီးမားဆုံး ပြဿနာမှာ လျှပ်စစ် ထောက်ပံ့ပေးမှု ပြဿနာ၊ နိုင်ငံရေး မတည်ငြိမ်မှု၊ အကျင့်ပျက် ခြစားမှုများပင် ဖြစ်ပြီး ဤအကြောင်းအချက်များ အားလုံးမှာ အစိုးရ၏ ထိန်းချုပ်နိုင်မှုအတွင်း ရှိပါသည်။ ဒဏ်ခတ်ပိတ်ဆို့ အရေးယူမှုမှာ နောက်ထပ် အကြီးမားဆုံး အခက်အခဲ ဖြစ်ပါသည်။ အကြောင်းမှာ အမေရိကန်ပြည်ထောင်စု ငွေကြေးဝန်ဆောင်မှုများ ပိတ်ပင်ထားမှု (U.S. Financial services ban) ကြောင့် အပိုကုန်ကျစားရိတ်များ ဖြစ်ပေါ်စေပြီး အမေရိကန်သို့ ပြည်ပပို့ကုန် ဈေးကွက် ပျောက်ဆုံးသွားစေသည်။ အခြားသော ပြဿနာများတွင် ညံ့ဖျင်းသည့် အခြေခံအဆောက်အဦ၊ အစိုးရ၏ တဖက်သတ် ဆုံးဖြတ်ချက်များ ချမှတ်ခြင်း၊ အတင်းအကျပ်သဘော စိတ်ထင်လျှင် ထင်သလို ဆုံး ဖြတ်ချက်များ ချမှတ်ခြင်း၊ သမာသမတ်ကျ ဘက်လိုက်မှုကင်းသည့် မျှတဘက်လိုက်မှုကင်းသည့် တရားစီရင်ရေးစနစ် ရှိမနေခြင်း၊ စသည်တို့ကြောင့် မြန်မာနိုင်ငံတွင် ကုန်ကျစားရိတ် မြင့်မားလာစေပါသည်။ ကုမ္ပဏီကြီး အများစုအဖို့ကား ဒဏ် ခတ်ပိတ်ဆို့မှု ဆိုသည်မှာ သူတို့စီးပွားရေး လုပ်ကိုင်ရာတွင် ကြုံတွေ့ရသည့် အငယ်စား အခက်အခဲ တခုသာ ဖြစ်ပါသည်။

ဒဏ်ခတ်ပိတ်ဆို့ အရေးယူမှုကို မူလက မြန်မာနိုင်ငံ၏ လူ့အခွင့်အရေး အခြေအနေအပေါ် တုံ့ပြန်ဆောင်ရွက်မှုအဖြစ်သာ ရှုမြင်ထားခဲ့ကြပါသည်။ သို့သော်လည်း ၎င်းတို့သည် ယခုအခါတွင် မထိရောက် အသုံးမ၀င်တော့ပါ။ သို့သော်လည်း ၎င်းအသုံးဝင်သည့် အခန်းကဏ္ဍကို ဖော်ပြလာကြပါသည်။ ဒဏ်ခတ်အရေးယူမှုက ပစ်မှတ်ထားနေသည့် အကြီးမားဆုံးနှင့် ဆက်သွယ်မှု အကောင်းဆုံး ကုမ္ပဏီကြီးများမှာ ဤအရေးယူမှုကို ကျော်လွှားလုပ်ဆောင်နိုင်ရန် ငွေကြေးအရင်းအနှီးနှင့် နိုင်ငံတကာ အဆက်အသွယ်များ ရှိနေကြပါသည်။

ဤသို့ အရင်းမြစ်များ မရှိကြသည့် အငယ်စားနှင့် အလတ်စား ကုန်ထုတ်လုပ်မှု လုပ်ငန်းများ (SMEs) မှာ ဒဏ်ခတ်ပိတ်ဆို့မှု၏ နောက်ဆက်တွဲကို ခံကြရပြီး ၎င်းတို့မှာ မြန်မာနိုင်ငံ ဖွံ့ဖြိုးတိုးတက်မှုအတွက် မရှိမဖြစ် အရေးပါသည့် လုပ်ငန်းများ ဖြစ်ကြပါသည်။ ဒဏ်ခတ်အရေးယူမှုသည် မြန်မာနိုင်ငံ စီးပွားရေးအတွက် အဓိကပြဿနာ မဟုတ်ပါ။ သို့သော်လည်း ဒဏ်ခတ်ပိတ်ဆို့မှုကို ဆက်လက် ထိန်းသိမ်းထားခြင်းအားဖြင့် လူ့အခွင့်အရေးအတွက် စိုးရိမ်ပူပန်မှုများကို ဖြေရှင်းကြရန် အထောက်အကူ ဖြစ်စေမည် မဟုတ်သကဲ့သို့ ပြုပြင်ပြောင်းလဲမှုများနှင့် ဖွံ့ဖြိုးတိုးတက်ရေးအတွက် အဟန့်အတား ဖြစ်ရန်ပင် ရှိပါသည်။
 

(ဆက်လက် ဖော်ပြပါမည်)

(Foreign Policy မဂ္ဂဇင်းတွင် ဖော်ပြထားသော ဂျာရက် ဘစ်ဆင်ဂျာ (Jared Bissinger) ၏ Think Again: Burma’s Economy ကို ဘာသာပြန်ဆို ဖော်ပြပါသည်။ ဂျာရက် ဘစ်ဆင်ဂျာသည် သြစတြေးလျနိုင်ငံ ဆစ်ဒနီမြို့ရှိ မက်ကွာရီ တက္ကသိုလ် (Macquarie University) တွင် ပါရဂူဘွဲ့အတွက် ကြိုးပမ်းနေသည့် ကျောင်းသားတဦး ဖြစ်ပါသည်။ ဂျာရက် ဘစ်ဆင်ဂျာသည် ယခင်က အမျိုးသား အာရှသုတေသနဆိုင်ရာ ဗျူရိုမှ ပညာရှင်တဦးလည်း ဖြစ်သည်။)

Ref:burma.irrawaddy.org

- Posted using BlogPress from my iPhone5

တရုတ်တို့ မြန်မာကို ဆုံးရှုံးပြီလော

မြန်မာတို့၏ အသံစုံစုံ ရှုပ်ထွေးနေသော ဒီမိုကရေစီသည် အနောက်နိုင်ငံဘက် ဦးတည် လိုက်သောအခါ တရုတ် အစိုးရသည် ၄င်း၏ပါဝါကို ထိန်းသိမ်းရန်နှင့် မြန်မာကို အနှောင့်အယှက် ဖြစ်စေရန် လူမျိုးစု ပဋိပက္ခများကို ဝင်ရောက် မွှေနှောက်ဖို့ သင့် မသင့် ငြင်းခုံမှုများ ပွက်လော ရိုက်လာလေတော့သည်။

၂၀၁၁ ခုနှစ်မှ စတင်ပြီး သမ္မတ ဦးသိန်းစိန်၏ ဒီမိုကရေစီ ပြုပြင် ပြောင်းလဲမှုများဖြင့် စတင်သော အပြောင်းအလဲများ မြန်မာနိုင်ငံတွင် ပေါ်ပေါက်လာမှု များသည် တရုတ်နိုင်ငံ အတွက် ပြဿနာတစ်ခု ဖြစ် လာသည်။ တရုတ်နိုင်ငံသည် ဆယ်စုနှစ်ပေါင်း ကြာမြင့်စွာ အဆိုပါ အာဏာရှင် ဆန်သော အိမ်နီးချင်းနှင့် နွေးထွေးသော ဆက်ဆံရေးကို ထားရှိပြီး ယင်းနိုင်ငံ၏ သဘာဝ သယံဇာတများ ထုတ်ယူမှုနှင့် နိုင်ငံခြားရေး ပေါ်လစီတို့အပေါ် လက်ဝါးကြီးအုပ်ခွင့်ဖြင့် ကြည်နူးခဲ့ သည်။ သို့သော် မြန်မာနိုင်ငံသည် အသံစုံစုံ ရှုပ် ထွေးနေသော ဒီမိုကရေစီ တစ်စိတ်တစ်ပိုင်း ဖြစ်လာသောအခါ အတိတ်ကာလ တပ်မတော် အစိုးရကို ထောက်ပံ့ ကူညီခဲ့ပြီး စီးပွားရေး အမြတ်ထုတ်မှု များလုပ်ခဲ့သော ဘေဂျင်းအစိုးရကို ပြည်သူများက ခါးခါးသီးသီး ဖြစ်နေကြသည်။

တရုတ် အစိုးရသည် တရုတ်-မြန်မာ နယ်စပ်တွင် တိုက်ပွဲများ ဖြစ်နေသောကြောင့် သူ၏တပ်များကို နှစ်နိုင်ငံ နယ်စပ်သို့ ဇန်နဝါရီလ အစောပိုင်း၌ ပို့ဆောင်လိုက်သည်။ တရုတ် ပိုင်နက် အတွင်း ပဋိပက္ခများ ဖိတ်စဉ်လာပါက အခြေအနေ ဆိုးရွားလာနိုင် သဖြင့် မြန်မာနိုင်ငံသည် ဒေသတွင်း တည်ငြိမ်မှု၏ ခြိမ်းခြောက်မှု တစ်ခု ဖြစ်နေဆဲပင်။

မြန်မာနိုင်ငံသည် အိန္ဒိယ သမုဒ္ဒရာသို့ ဆက်သွယ်ပေးမည့် မဟာဗျူဟာမြောက် လက်ရန်း တစ်ခုသဖွယ် တရုတ်အတွက် မဖြစ် နိုင်တော့။ သို့တည်းမဟုတ် အာဆီယံ၌ သစ္စာရှိ ထောက်ခံမည့်သူ အဖြစ် မဟုတ်နိုင်တော့။ မြန်မာအစိုးရသည် ဝါရှင်တန်နှင့် ဆက်ဆံရေး တိုးတက်မှု အရှိန်မြင့်လာခြင်းသည် အာရှ၌ အမေရိကန်သြဇာ ပြန်လည် ချိန်ခွင်လျှာ ညှိနေခြင်း ဖြစ်သောကြောင့် တရုတ်အတွက် စိတ်ရှုပ် ထွေးစရာ တိုးပွားလာသည်။

တရုတ်လက်နက် ကုမ္ပဏီကြီး တစ်ခုနှင့် မြန်မာ တပ်မတော်ပိုင် မြန်မာ့စီးပွားရေး ဦးပိုင်လီမိတက် တို့ ပူးပေါင်းပြီး ဆောင်ရွက်နေသော မြန်မာနိုင်ငံ အလယ်ပိုင်း မုံရွာအနီးရှိ လက်ပံတောင်းတောင် ကြေးနီ စီမံကိန်း အပေါ် ဒေသခံ ရွာသားများနှင့် သံဃာ တော်များက ပြီးခဲ့သည့် လပေါင်းများစွာ အတွင်း ဆန္ဒပြ ကန့်ကွက်ခဲ့ကြသည်။ ၂၀၁၁ အတွင်း တရုတ်ကုမ္ပဏီ တစ်ခုက တည်ဆောက်နေသည့် ဒေါ်လာ ၃ ဒသမ ၆ ဘီလီယံ မြစ်ဆုံရေကာတာ စီမံကိန်းကို ပြည်သူ့ ဆန္ဒအရ သမ္မတ ဦးသိန်းစိန်က ရပ်ဆိုင်း ထားခဲ့သည်။ မုံရွာအနီး လက်ပံတောင်း တောင်စီမံကိန်းကို ကန့်ကွက်မှု များသည် မြန်မာနိုင်ငံအတွင်း တရုတ် ရင်းနှီးမြှုပ်နှံမှုများ အတွက် အန္တရာယ် ရှိနေပြီ ဆိုသည့် စိုးရိမ် ပူပန်မှုများ မြင့်တက် လာစေတော့သည်။

တရုတ်တို့ အမျိုးသား အကျိုးစီးပွား ထိခိုက်မှုကို ဟန့်တားရန် နေပြည်တော် အစိုးရကို တားမြစ်ဖို့ တရုတ် တို့တွင် ဆောင်ရွက်နိုင် စွမ်းအား နည်းနည်းသာ ရှိတော့သည်။ အစိုးရ သုတေသီများ၊ အရှေ့ တောင်အာရှ ကျွမ်းကျင်သူများ ပါဝင်သော တရုတ် နိုင်ငံခြားရေးရာ ပေါ်လစီ အသိုင်းအဝိုင်း အတွင်း ငြင်းခုံမှုများ ကျယ်ကျယ် လောင်လောင် ပေါ်ထွက်လာနေသည်မှာ တရုတ်အစိုးရသည် တစ်ချိန်က မိတ်ဆွေများ ဖြစ်ခဲ့ဖူးသည့် နေပြည်တော်ကို ဆန့်ကျင် နေသော တိုင်းရင်းသား လူမျိုးစု လက်နက်ကိုင် အဖွဲ့များနှင့် ပြန်လည် ပေါင်းသင်းပြီး အင်အားချိန်ခွင်လျှာကို ပြန် ထိန်းသိမ်းရန် ဆိုသည့် သဘောထား ဖြစ်သည်။ ယူနန် ရဲ ကောလိပ်မှ နိုင်ငံရေးသိပ္ပံ ပါမောက္ခ လျန်ကျန်းယွန်က အဆိုပါလူမျိုးစု လက်နက်ကိုင် အဖွဲ့များနှင့် ပတ်သက်ပြီး ၂၀၁၁ တွင် အရေးပါသော စာတမ်းတစ်စောင် ရေးသား ခဲ့သည်။ “အဆိုပါ (တိုင်းရင်းသား လက်နက်ကိုင်များကို) အသုံးပြု ပါက ၄င်းတို့သည် မြန်မာနိုင်ငံတွင် တရုတ်နှင့် အမေရိကန် တို့အကြား ထိပ်တိုက် ရင်ဆိုင်မှုများ၏ ရှေ့တန်း မျက်နှာစာတွင် တရုတ်တို့၏ သစ္စာ အရှိဆုံးသော မိတ်ဆွေများ ဖြစ်လာပေလိမ့်မည်” ဟု ရေးသားခဲ့သည်။

မြန်မာနိုင်ငံ လွတ်လပ်ရေး ရရှိသည့် ၁၉၄၈ ခုနှစ် နောက်ပိုင်း ကတည်းက အရှေ့ပိုင်းနှင့် မြောက်ပိုင်းဒေသရှိ တိုင်းရင်းသားများ ဖြစ်သော ဝ၊ ကချင်တို့နှင့် တရုတ် အစိုးရသည် ရင်းနှီးဆက်နွှယ်မှု ကို ကာလကြာမြင့်စွာ တည်ဆောက်ထားပြီး ဖြစ်သည်။ အဆိုပါ ပတ်သက်မှု၏ အမြင့်ဆုံး ဒီဂရီမှာ ၁၉၆၀ ပြည့်နှစ်များ အတွင်း ဗဟို အစိုးရကို ဆန့်ကျင်ခဲ့သော (ကချင်၊ ဝ နှင့် တရုတ် အမျိုးသားများ ပါဝင်သည့်) ဗမာပြည်ကွန်မြူနစ် ပါတီကို တရုတ် အစိုးရက ထောက်ခံ ပံ့ပိုးပေးမှုဖြစ်သည်။ တရုတ်အစိုးရ၏ ငွေအား လူအားဖြင့် ကူညီ ထောက်ပံ့မှုတို့ ၁၉၉၀ ပြည့်နှစ် အစောပိုင်း ကာလများတွင် နိဂုံးချုပ်သွားခဲ့သည်။ သို့သော် ယူနန်ပြည်နယ်သည် ဘိန်း အစားထိုး သီးနှံ စိုက်ပျိုးခြင်းမှသည် အခြားသော စီးပွားရေး ပူးပေါင်းဆောင် ရွက်မှုများဖြင့် ယင်းအဖွဲ့များနှင့် ထိစပ် ပတ်သက်နေဆဲ ဖြစ်သည်။

၂၀၁၁ စက်တင်ဘာ လ၌ မြန်မာ အစိုးရသည် “ဝ” အဖွဲ့နှင့် ငြိမ်းချမ်းရေး သဘောတူညီချက် ရရှိခဲ့သော်လည်း ကချင် အဖွဲ့နှင့် မြန်မာ့ တပ်မတော်တို့အကြား တိုက်ပွဲများ ဆက်လက် ဖြစ်ပေါ်နေဆဲ ဖြစ်သည်။ ဇန်နဝါရီလ ၂ ရက်နေ့တွင် ကချင် လက်နက်ကိုင် အဖွဲ့ကို လေကြောင်း အသုံးပြုပြီး တိုက်ခိုက် ခဲ့သည်ဟု ဝန်ခံခဲ့သည်။ တရုတ် အစိုးရက ယင်းဖြစ်ရပ် အတွက် အနည်းအကျဉ်းသာ ထုတ်ဖော်ပြောခဲ့ပြီး တရုတ်နှင့် မြန်မာတို့သည် အရေးကြီးသော အိမ်နီးချင်းများဖြစ်ကာ အမေရိကန်ပြည်ထောင်စုနှင့် မြန်မာတို့ အကြား ဆက်ဆံရေး တိုးတက်မှုကို တရုတ်တို့က ကြိုဆိုကြောင်း နိုင်ငံခြားရေး ဝန်ကြီးက ပြောဆိုခဲ့သည်။ သို့သော် တရုတ်တို့သည် အတိတ်ကာလ တုန်းက ပြုမူ ခဲ့သလိုပင် လိုလားချက်ကို တိုက်ရိုက် ထုတ်မပြောဘဲ မြန်မာအပေါ် ကောင်းကောင်းမွန်မွန် ဆက်ဆံပြခဲ့ သည်။ ပြီးခဲ့သည့် နိုဝင်ဘာလ အတွင်း တရုတ်အစိုးရက ကျွမ်းကျင်သူ တစ်ဦးနှင့် သီးသန့် တွေ့ဆုံရာ၌ တရုတ်သည် မြန်မာအပေါ် ချဉ်းကပ်မှု အား နည်းလမ်းပေါင်းစုံ အသုံးပြု သင့်သည်ဟု ဆိုသည်။
"နယ်စပ်လူမျိုးစု လက်နက်ကိုင် အုပ်စုတွေက ကျွန်တော်တို့ရဲ့ ဖဲချပ်တွေပဲ။ ဒါတွေကို ကောင်းကောင်းမွန်မွန် ကိုင်တွယ် တတ်ဖို့ပဲ လိုတယ်" ဟု ဘေဂျင်း အခြေစိုက် နောက်ထပ် တရုတ် ကျွမ်းကျင်သူ တစ်ဦးက ဆိုသည်။
သူ၏အမြင်သည် လွန်ခဲ့သော နှစ်အနည်းငယ် အတွင်း ကျွန်တော်စကား ပြောခဲ့သည့် အခြားသူများနှင့် အမြင်တူနေသော် လည်း တစ်ယောက်မှ လူသိရှင်ကြား ထုတ်မပြော ခဲ့ကြပေ။

၎င်းတို့က တရုတ် အစိုးရသည် ကချင်နှင့် မြန်မာ အစိုးရအကြား ကြားဝင် ပေးသင့်ပြီး တရုတ်၏ သြဇာနှင့် လွှမ်းမိုးမှု မြန်မာတို့ကို သတိပေးရန်၊ နယ်စပ်ဒေသ တည်ငြိမ်မှု ရှိရန် ပြုလုပ်သင့် သည်ဟု ယုံကြည် နေကြသည်။ ထို့အပြင် နေပြည်တော်ကို ဆန့်ကျင်နေသော လူမျိုးစု လက်နက်ကိုင် များကို တရုတ် အစိုးရက အားပေး ကူညီသင့်ပြီး မြန်မာ့ တပ်မတော်ကို တိုက်ခိုက်မှုများ ရပ်တန့် သွားရန်နှင့် နယ်စပ် တစ်လျှောက် သစ်၊ ကျောက်စိမ်းနှင့် အခြားသယံဇာတများ အတားအဆီးမရှိ စီးမျောခွင့် ရရန် ဖိအား ပေးသင့်သည်ဟုဆိုသည်။ အဆိုပါ လေ့လာသုံးသပ်သူ များ၏ အဆိုအရ လက်နက်ကိုင် လူမျိုးစုများကို ထောက်ပံ့ အားပေးခြင်းသည် နေပြည်တော် အပေါ် တရုတ်တို့ ချိန်ခွင်လျှာ ထိန်းဖို့နှင့် တရုတ်၏ အမျိုးသား အကျိုးစီးပွားတို့ကို ရိုသေလေးစားဖို့ မြန်မာကို ဖိအားပေးခြင်း ဟုဆိုသည်။ သို့သော် မြန်မာသည် အနောက်နိုင်ငံ၏ လက်အတွင်း ပစ်ဝင်ခို လိုက်ကတည်းက တရုတ်တို့ အတွက် ဆုံးရှုံးစရာ တစ်ခုမှမရှိ၊ ရစရာချည်းသာ ဖြစ်သည်ဟု ထင်မြင် ယူဆနေကြသည်။

တရုတ်နိုင်ငံခြားရေး ဝန်ကြီးဌာနနှင့် နီးစပ်သူများကတော့ အဆိုပါ အမြင်ကို လက်မခံကြပေ။ ၄င်းတို့သည် တရုတ်တို့၏ သူတစ်ပါးနိုင်ငံ ပြည်တွင်းရေးကို ဝင်ရောက် မစွက်ဖက်ရေး မူကိုသာ နှုတ်တက်ရွရွ ရွတ်နေကြပြီး နှစ်နိုင်ငံ ခိုင်မာသော ချစ်ကြည်ရေး ကို တည်ဆောက်ထားပြီး ဖြစ်သဖြင့် လူမျိုးစု လက်နက်ကိုင်များ အရေးကြောင့် နေပြည်တော်ကို အထီးကျန် ဖြစ်စေမည်ဆိုသည့် ယူဆချက်ကို ငြင်းဆိုခဲ့သည်။ အဆိုပါ လေ့လာသုံးသပ်သူအများစု ယုံကြည်ကြသည်မှာ ပွက်လောရိုက် နေသော ဒီမိုကရေစီသည် တရုတ် အကျိုးစီးပွားကို လတ်တလော နာကျင်စေမည် ဖြစ်သော်လည်း တဖြည်းဖြည်း ကွယ်ပျောက် သွားမည်ဟု ဆိုကြသည်။ နေပြည်တော် အစိုးရသည် ဘေဂျင်း၏ ထောက်ခံမှုရရှိရန် ယခင်လို ပြန်လှည့်လာမည်၊ သို့မဟုတ်ပါက မြန်မာပြည် သည် ဖရိုဖရဲ တိုင်းပြည်အဖြစ် ကျရောက် သွားမည်။ ထို့ကြောင့် နှစ်နိုင်ငံ စလုံး ကာလတာရှည်သော ချစ်ကြည်မှု ရှိခဲ့သလို တရုတ်သည် မြန်မာ၏ အကြီးမားဆုံးသော ရင်းနှီးမြှုပ်နှံသူ၊ ကုန်သွယ်ဖက် ဖြစ်သည်ဟု ၄င်းတို့က ဆိုကြသည်။

၎င်းတို့ အမြင်တွင် မြန်မာလူမျိုးစု လက်နက်ကိုင် များက တရုတ် ပါဝင်လာခြင်းကို ကြိုဆိုသည်ဟု ဆိုသည်။ KIA သတင်း ရပ်ကွက်တစ်ခု အဆိုအရ “မယုံကြည်ရသော၊ လူမျိုးကြီး ဝါဒ ကိုင်စွဲထား သော မြန်မာ အစိုးရသည် ကမ္ဘာ့ အင်အားကြီး တစ်ခုခု ကျောထောက် ထောက်ခံ မပေးပါက မည်သည့် သဘောတူညီချက် ကိုမျှ လိုက်နာ မည်မဟုတ်” ဟုဆိုသည်။ အမေရိကန် ပြည်ထောင်စုသည် တိုင်းရင်းသား လူမျိုးစု လက်နက်ကိုင်များ ဘက်က ရပ်တည်ခြင်း ထက် နေပြည်တော် ဘက်ကို ရပ်တည်ဖို့ အာရုံစိုက် နေမှုကြောင့် ကချင်နှင့် “ဝ” တို့က တရုတ်သည် ၄င်းတို့၏ အားအကြီးဆုံး မဟာမိတ် ဖြစ်လာရန် မျှော်လင့်နေကြသည်။

ပြီးခဲ့သည့် နှစ်အနည်းငယ် အတွင်း ဝါရှင်တန် သို့ ချစ်ကြည်ရေး မကြာခဏ သွားရောက်ခဲ့သည့် ကချင်အ

ဖွဲ့ ဝင် များက အမေရိကန်တို့၏ စိတ်ဝင်တစား မရှိမှုကို စိတ်ပျက်လက်ပျက် ဖြစ်သည် ဟု ဆိုကြသည်။ တရုတ် ဒေသခံ အာဏာပိုင် အချို့ကမူ “ဝ” အဖွဲ့ဝင် များသည် သူတို့အပေါ် အမေရိကန်တို့က မူးယစ်ရာဇာများ၊ လက်နက်မှောင်ခို ကုန်ကူးသူများဟု ခေါ်ဝေါ်နေခြင်းကို ရပ်တန့်စေ လိုသော မျှော်လင့်ချက်ကို ဆုပ်ကိုင် မထားလိုတော့ဟု ဆိုကြသည်။

မြန်မာသည် တရုတ်နိုင်ငံနှင့် တစ်စတစ်စ ဝေးကွာလာနေခြင်း အပေါ် ဘေဂျင်း၏ စိုးရိမ် ကြောင့်ကြမှုကို နားလည် လာနေသော ကချင်နှင့် ဝတို့သည် နိုင်ငံရေး အဖြေရှာရန် နှင့် ကိုယ်ပိုင် အုပ်ချုပ်ခွင့် ရရန် ၄င်းတို့၏ လှုပ်ရှားမှုကို တရုတ် အစိုးရက ထောက်ခံသင့်သည် ဟု ဆိုသည်။ သို့သော် အဆိုပါ နိုင်ငံရေးမျှော်မှန်းချက် အတွက် လှုပ်ရှားသည့် တိဘက်နှင့် ဝီဂါတို့ အပေါ် တရုတ်တို့ ဖိနှိပ်မှုများ ရှိနေသောကြောင့် တရုတ် အစိုးရအတွက် မျက်နှာပျက်စရာသာ ဖြစ်ပေတော့မည်။ သို့သော် နိုင်ငံရေးသည် သူစိမ်းများကို တစ်အိပ်ရာ အတွင်း အိပ်အောင် လုပ်နိုင်သည်။ လူမျိုးစု လက်နက်ကိုင်များ၏ အရေးကို ထောက်ခံပြီး မြန်မာ အစိုးရကို ဂရုမစိုက်ကြောင်း ပြသမည် ဆိုပါက အတော်ပင် ဆိုးရွား လှသော ဖီလာတိုက်မှုကြီး ဖြစ်နေ ပေတော့မည်။

မူရင်းဆောင်းပါး - Has China Lost Myanmar?
Yun Sun (Foreign Policy Magazine မှ ဖော်ပြချက်) 

Ref:thevoicemyanmar

ပန်းခင်းလမ်းနှင့် ခယောင်းလမ်း များကို ဖြတ်ရဦးမည့် တရုတ်-အမေရိကန် ဆက်ဆံရေး

ယခုဆောင်းပါးမှာ ကမ္ဘာ့စီးပွားရေး အင်အားကြီး နှစ်နိုင်ငံဖြစ်သော အမေရိကန်နှင့် တရုတ်တို့၏ ဆက်ဆံရေးတွင် ကြုံတွေ့လာနိုင်ဖွယ် ရှိသော အန္တရာယ်များ၊ ပူးပေါင်း ဆောင်ရွက်နိုင်မည့် နယ်ပယ်များ အကြောင်းကို တရုတ်လူမှုရေးသိပ္ပံ အကယ်ဒမီမှ ပညာရှင်ဖြစ်သူ Huang Ping ၏ အမြင်များကို ဘာသာပြန်ဆို ဖော်ပြလိုက်ပါသည်။

မဝေးတော့တဲ့ အနာဂတ်ကာလ မှာ တရုတ်-အမေရိကန် ဆက်ဆံရေး ဘယ်လိုဖြစ်လာမယ် ထင်ပါသလဲ။
တင်အေးကျော် 

 အနာဂတ် တရုတ်-အမေရိကန် ဆက်ဆံရေးနဲ့ ပတ်သက်လို့ ပြောရရင် တရုတ်ရော၊ အမေရိကန် အနေနဲ့ရော ပိုပြီး လက်တွေ့ကျဖို့ လိုသလို ပိုပြီး ကြောင်းကျိုးကျကျ စဉ်းစားနိုင်ဖို့လည်း လိုပါတယ်။ နောက်ပြီး နှစ်နိုင်ငံစလုံး အနေနဲ့ စီးပွားရေး တိုးတက်ဖို့၊ ဖွံ့ဖြိုးမှုကို မြှင့်တင်နိုင်ဖို့၊ လုံခြုံရေး၊ ငြိမ်းချမ်းရေး နဲ့ တည်ငြိမ်ရေးတို့ ရရှိဖို့အတွက် အမှန် တကယ်ကြုံတွေ့ နေရတဲ့ စိန်ခေါ်ချက်တွေ၊ ပြဿနာတွေ၊ အခွင့်အလမ်း တွေကို အကဲဖြတ်ဖို့လည်း လိုပါတယ်။

ဒီကိစ္စက ခက်တော့ခက်ခဲတဲ့ ကိစ္စပါ။ ဒါပေမဲ့ တရုတ်-အမေရိကန် နှစ်နိုင်ငံ အနာဂတ် ဆက်ဆံရေးနဲ့ ပတ်သက်လို့ ကျွန်တော့်အနေနဲ့အကောင်းမြင် သဘောထား ရှိပါတယ်။ နှစ်နိုင်ငံစလုံး အနေနဲ့ လက်တွေ့ ကျတဲ့ မူဝါဒတွေ ရေးဆွဲနိုင်ဖို့၊ ပြီးတော့ ဒီမူဝါဒတွေ အောက်ခြေအဆင့်ထိ ပျံ့နှံ့ ရောက်ရှိသွားဖို့ ဆိုတာကတော့ အချိန် ယူရလိမ့်မယ် ထင်တယ်။

ဒီနေရာမှာ ပြောစရာရှိတာက တရုတ်-အမေရိကန် ဆက်ဆံရေးဆိုင်ရာ ပညာရှင် အတော်များများ ပြောနေကြတဲ့ အမေရိကန် ရွေးကောက်ပွဲမှာ ဘယ်သူပဲ နိုင်နိုင် အမေရိကန် အနေနဲ့ တရုတ်နဲ့ ပုံမှန်ဆက်ဆံရေး ပြန်ဖြစ်အောင် လုပ်မှာပဲ ဆိုတဲ့ အယူအဆကို ကျွန်တော်သဘော မတူပါဘူး။ အမေရိကန် သမ္မတလောင်း မစ်ရွန်းနီ ပြောဖူးတာက သူသမ္မတ ဖြစ်ဖြစ်ချင်း တရုတ်ကို ငွေကြေးလဲလှယ် နှုန်း ဈေးကစားသူလို့ ခေါ်ဝေါ်သုံးနှုန်း သွားမယ်လို့ ပြောဖူးပါတယ်။ တကယ်လို့ အိုဘားမားသာ ပြန်အရွေးမခံရဘူး ဆိုရင် တရုတ်-အမေရိကန် ဆက်ဆံရေး ဟာ အရင်လို ရှေ့ဆက်နိုင်မယ်လို့ စိတ်ချလက်ချ မပြောနိုင်ပါဘူး။ ပြောရ မယ်ဆိုရင် တရုတ်-အမေရိကန် ဆက်ဆံရေးဟာ အခုအခါမှာ အလွန် ရှုပ်ထွေးလာပြီ ဖြစ်တဲ့အတွက် အရင်က နားလည်ထားတဲ့ ပုံမှန် အခြေအနေဆို တာမျိုး မရှိနိုင်တော့ပါဘူး။

တရုတ်ခေါင်းဆောင်သစ်နဲ့ အိုဘားမား အစိုးရတို့ အနေနဲ့ ဘယ်နယ် ပယ်တွေမှာ အတူတူတွဲ အလုပ်လုပ်နိုင်မယ့် အခွင့်အလမ်းတွေ ရှိသလဲ။

တရုတ်ရော အမေရိကန်ရော ရင်ဆိုင်နေရတဲ့ အဓိက စိန်ခေါ်ချက်က စီးပွားရေးပါ။ ဒီစီးပွားရေး နယ်ပယ်မှာပဲ တရုတ်နဲ့ အမေရိကန် နှစ်နိုင်ငံပူးပေါင်း လုပ်ဆောင်နိုင်တဲ့ နယ်ပယ်ပါပဲ။ အခု အချိန်မှာ ဒီနှစ်နိုင်ငံစလုံးမှာ စီးပွားရေး အခက်အခဲတွေ တွေ့နေပါတယ်။ ဒီအခက် အခဲတွေကို တစ်နိုင်ငံတည်းနဲ့ ဖြေရှင်းလို့ မရနိုင်ပါဘူး။ ဒီမှာ မေးစရာ ရှိလာတာက တရုတ်နဲ့ အမေရိကန်တို့အနေနဲ့ စီးပွားရေး တိုးတက်မှုနဲ့ အလုပ်အကိုင် ရရှိမှုကို ဆက်လက်ထိန်းထားဖို့ သူတို့ရဲ့ စီးပွားရေး အဆောက်အဦကို ဘယ်လိုပြန်လည် တည်ဆောက်မလဲ ဆိုတာပါပဲ။

ဒီနေရာမှာ သူ့နိုင်ငံ ကိုယ့်နိုင်ငံ ဆိုတဲ့ အမျိုးသားနိုင်ငံ (Nation-State) ပုံစံနဲ့ အဓိကထား စဉ်းစားလို့ မရတော့ဘူး။ စီးပွားရေးဆိုတာ အားလုံးဆက်စပ် ပေါင်းစည်းနေတယ်လို့ စဉ်းစားရလိမ့်မယ်။ ကမ္ဘာ့စီးပွားရေး ပုံစံဟာ အကူးအပြောင်း အခြေအနေကို ရောက်နေပါပြီ။ ဒီတော့ အမေရိကန် အနေနဲ့ တရုတ်ကို “အမေရိကန် ရဲ့အလုပ်အကိုင်တွေကို လုယူနေသူ” “ငွေကြေး လဲလှယ်မှုကို ထိန်းချုပ်နေသူ” ဆိုပြီး အပြစ် တင်မနေသင့်ပါဘူး။ ဒီစီးပွားရေး ပြဿနာ တွေက စောစောက ပြောတာမျိုးထက် ပိုပြီး နက်နဲပါတယ်။ ဒီတော့ နှစ်နိုင်ငံစလုံး အနေနဲ့ စီးပွားရေး အဆောက်အဦနဲ့ ဆိုင် တဲ့ကိစ္စ၊ လုပ်သားအင်အားတို့ နှစ်နိုင်ငံ စလုံးရဲ့ စည်းမျဉ်း စည်းကမ်းတို့ ဆိုတဲ့ စီးပွားရေး အရင်းအမြစ်တွေကို အဓိက အာရုံစိုက် ဖြေရှင်းသင့်ပါတယ်။ နောက်ပြီး ကမ္ဘာ့စီးပွားရေး ပုံစံ အကူးအပြောင်းမှာ ကြုံတွေ့နေရတဲ့ ဘဏ္ဍာရေးနဲ့ ပတ်သက်တဲ့ စည်းမျဉ်းလို ဟာမျိုးမှာ နှစ်နိုင်ငံစလုံး ပူးပေါင်း လုပ်ဆောင်သင့်ပါတယ်။

နောက်ပြီးတော့ ဝါရှင်တန် အစိုးရ ရော၊ ဘေဂျင်းအစိုးရ အနေနဲ့ရော ငြိမ်းချမ်းရေး၊ ဒေသတွင်း တည်ငြိမ်ရေး၊ ကမ္ဘာ့အစီအစဉ်လိုမျိုး ကိစ္စတွေမှာ နှစ်နိုင်ငံ ပူးပေါင်း လုပ်ဆောင်နိုင်ပါ တယ်။ ဒီကိစ္စတွေဟာ နှစ်နိုင်ငံစလုံး အတွက် သူမနာ ကိုယ်မနာ အခြေအနေ မျိုး ဖြစ်စေမှာပါ။ တကယ်တော့ နောက် လာမယ့် လေးနှစ်အတွင်း ကြုံတွေ့လာ နိုင်တဲ့ ဒေသတွင်းပြဿနာ၊ ကမ္ဘာလုံး ဆိုင်ရာ ပြဿနာ၊ အစဉ်အလာ မဟုတ်တဲ့ ခြိမ်းခြောက်မှု တွေနဲ့ပတ်သက်ပြီး နှစ်နိုင်ငံ ပူးပေါင်း လုပ်ဆောင်မယ့် နည်းလမ်းတွေ ကို ရှာဖွေသင့်ပါတယ်။ ဒေသတွင်း လုံခြုံရေး နဲ့ ပတ်သက်လာရင် မြောက်ကိုရီးယားတို့၊ ပါကစ္စတန်တို့၊ အာဖဂန်နစ္စတန် တို့ပါသလို အရှေ့အလယ်ပိုင်း လုံခြုံရေး ကိစ္စတွေ ဟာလည်း နှစ်နိုင်ငံ ပူးပေါင်းဆောင်ရွက် နိုင်ဖို့ အလားအလာရှိတဲ့ ကိစ္စတွေပါပဲ။

နောက်ပြီးတော့ ရာသီဥတု ပြောင်းလဲ လာမှုနဲ့ ပတ်သက်တဲ့ ကိစ္စမှာလည်း နှစ်နိုင်ငံ ပူးပေါင်း လုပ်ဆောင် နိုင်ပါတယ်။ ဒီပြဿနာ ဟာဆိုရင် နိုင်ငံတစ်နိုင်ငံ၊ တိုင်းပြည် တစ်ခု၊ လူမျိုးတစ်မျိုး၊ အစိုးရတစ်ရပ် တည်းရဲ့စိန်ခေါ်ချက် မဟုတ်ပါဘူး။ ရာသီဥတု ပြောင်းလဲမှုရဲ့ဒဏ်ကို လူတိုင်း ခံစား နေရတာပါ။ ဒီပြဿနာကို ကိုင်တွယ်ဖြေရှင်း ဖို့ဟာက အမျိုးသားရေး မူဝါဒတို့၊ နိုင်ငံတကာ ဆက်ဆံရေးတို့ နဲ့တင် မလုံလောက်ပါဘူး။

ဘယ်နယ်ပယ်တွေ ဟာဖြင့် နှစ်နိုင်ငံ ပူးပေါင်း ဆောင်ရွက်ရာမှာ အခက်အခဲ ဖြစ်စေမယ် ထင်ပါသလဲ။

သမိုင်းနဲ့ချီပြီး နှစ်နိုင်ငံ ရင်ဆိုင် နေရတဲ့ ပြဿနာ နယ်ပယ်ကတော့ လူ့ အခွင့်အရေး ကိစ္စနဲ့ စစ်ရေး တည်ဆောက် မှုကိစ္စပါ။ ဒီပြဿနာတွေဟာ ဒုတိယ ကမ္ဘာစစ်နဲ့ စစ်အေးကာလရဲ့ အကျိုးဆက် တွေပါ။ နောက်ပြီး မဖြေရှင်းရသေးတဲ့ ကိုရီးယား ကျွန်းဆွယ် ပြဿနာ၊ တရုတ် ပြည်မကြီးနဲ့ ထိုင်ဝမ်ပြဿနာ၊ တရုတ်နဲ့ ဂျပန် ပြဿနာ တွေလည်း ပါပါတယ်။

ဒီပြဿနာ တွေဟာ မကြာသေးတဲ့ ကာလတွေမှာ အခြေအနေ ပိုဆိုး လာပါတယ်။ ၉/၁၁ ကိစ္စဖြစ်ပြီးတဲ့ နောက်ပိုင်းမှာ အမေရိကန်ရဲ့ အာရုံဟာ အာရှထက် အီရတ်နဲ့ အရှေ့အလယ်ပိုင်း ကို ရောက်သွား ပါတယ်။ အခုနောက် ပိုင်းမှာ အမေရိကန်ဟာ အာရှဒေသကို ပြန်ပြီး အာရုံ စိုက်လာတဲ့ အခါမှာ အစဉ် အလာအရ ဆက်ဆံခဲ့တဲ့ ထိုင်းတို့၊ ဖိလစ်ပိုင်တို့၊ သြစတြေးလျတို့၊ တောင်ကိုရီးယားတို့၊ ဂျပန်တို့နဲ့ ဆက်ဆံရေး ပြန်လည် တည်ဆောက် ခဲ့ သလို၊ အိန္ဒိယတို့၊ မွန်ဂိုလီးယားတို့နဲ့ လည်း ဆက်ဆံရေး အသစ် တည်ဆောက် လာပါတယ်။ ဒီမှာတင် တရုတ်အနေနဲ့ လုံခြုံမှု မရှိသလို ခံစားလာရတာပါ။

အဲဒီကိစ္စတွေ ကတော့ တရုတ် အနေနဲ့ အမေရိကန်နဲ့ ဆက်ဆံရာမှာ ကြုံတွေ့ရမယ့် အစဉ်အလာ လုံခြုံရေး ဆိုင်ရာ ပြဿနာတွေပါ။ နောက်ပြီး အမေရိကန် အနေနဲ့က ထိုင်ဝမ်တို့၊ ဂျပန်တို့၊ ဖိလစ်ပိုင်တို့ အပါအဝင် အာရှ ပစိဖိတ်ဒေသ မှာရှိတဲ့ နိုင်ငံတွေနဲ့ စစ်ရေး သို့မဟုတ် မဟာဗျူဟာ စာချုပ်တွေ ကနေတစ်ဆင့် ဆက်ဆံရေး နှောင်ဖွဲ့မှုတွေ လုပ်နေပါ တယ်။ ဒီကိစ္စတွေကတော့ တရုတ်နဲ့ အမေရိကန် အကြားမှာ ယုံကြည်မှု အနည်းဆုံး အခြေအနေကို ဖြစ်စေမယ့် နယ်ပယ် တွေပဲဖြစ်ပါတယ်။

ဒါပေမဲ့ ကမ္ဘာကြီးဟာ ဒေသတွင်း ပြဿနာအသစ်၊ ကမ္ဘာလုံးဆိုင်ရာ ပြဿနာ အသစ်တွေ ကြုံတွေ့နေရတဲ့ ခေတ်သစ် တစ်ခုကို ဝင်ရောက် နေပါပြီ။ အဲဒီခေတ်သစ် ကမ္ဘာကြီးထဲမှာ အစဉ် အလာပုံစံမျိုး မဟုတ်တဲ့ လုံခြုံရေး ဆိုင်ရာ ပြဿနာတွေလည်း ရှိလာပါတယ်။ ဒီနယ်ပယ် ဟာလည်း နှစ်နိုင်ငံအကြား တိုးမိ တိုက်မိနိုင်တဲ့ နယ်ပယ်တွေပါပဲ။ ဂလိုဘယ်လိုက်ဇေးရှင်းကြောင့် ကမ္ဘာကြီး မှာ အေဂျင်စီ အသစ်တွေ နိုင်ငံမဟုတ် သော သရုပ်ဆောင်သစ်တွေ (အယ်လ်ကေဒါ အကြမ်းဖက် အဖွဲ့အစည်း) စသည် ပေါ်ထွက်လာသလို စီးပွားရေး ဟာလည်း ကမ္ဘာ့စီးပွားရေး အကူးအပြောင်း ဖြစ်စဉ် တွေကို ဖြစ်လာစေပါတယ်။

ဒီတော့ တရုတ်နဲ့အမေရိကန် အပါအဝင် ကမ္ဘာ့နိုင်ငံများ အနေနဲ့ သမားရိုးကျ မဟုတ်တဲ့ လုံခြုံရေးပြဿနာ တွေ၊ မီဒီယာ၊ နည်းပညာ၊ နိုင်ငံရေး၊ စီးပွားရေး စတဲ့ မျက်နှာစာ ပေါင်းစုံကနေ ထွက်ပေါ် လာနေတဲ့ စိန်ခေါ်မှုတွေကို ဖြေရှင်းဖို့ အတွက် ပူးပေါင်းလုပ်ဆောင် ဖို့ လိုအပ်ပါတယ်။

ဒီ လုံခြုံရေး ပြဿနာတွေကို ရည်ရွယ် ဖြေရှင်းနိုင်ဖို့ တရုတ်နဲ့ အမေရိကန်တို့ ဘာတွေ လုပ်နိုင်မယ် ထင်ပါသလဲ။

တရုတ်နဲ့ အမေရိကန်ကြားမှာ ဖြစ်နေတဲ့ အဓိက အငြင်းပွားမှုတွေကို ဖြေရှင်းဖို့ ဆိုရင် တရုတ်ခေါင်းဆောင် ဟောင်း တိန့်ရှောင်ဖိန်ရဲ့အဆိုပြုချက် ဟာ လက်တွေ့ကျဆဲပါပဲ။ သူပြောတာ က "ထိုင်ဝမ်လို အရှေ့တရုတ်ပင်လယ် ပိုင်နက် အငြင်းပွားမှု ကိစ္စမျိုးတွေဟာ သူ့ထက်ပိုကြီးတဲ့ အရေးကိစ္စတွေ အတွက် ဘေးဖယ် ထားသင့်ပါတယ်" လို့ ဆိုတာမျိုးပါ။

နောက်ပြီးတော့ ၁၉၇၂ ခုနှစ်က တရုတ်နိုင်ငံကို အလည်အပတ်သွား ရောက်ခဲ့တဲ့ အမေရိကန်သမ္မတ ရစ်ချက်နစ်ဆင်က တရုတ်ခေါင်းဆောင်ကြီး မော်စီတုန်းနဲ့ တွေ့တုန်း ထိုင်ဝမ်ကိစ္စ ဆွေးနွေးတဲ့ အခါ တရုတ်ခေါင်းဆောင်ကြီး မော်စီတုန်းက "ထိုင်ဝမ်က သေးသေး လေးပါဗျာ။ ကမ္ဘာကြီးက အကြီးကြီး" ဟု ပြန်လည် ပြောကြားခဲ့တာတွေက လက်တွေ့ ကျတယ်ပြောရမယ်။

တရုတ်နဲ့ အမေရိကန်ကြားမှာ ရှိနေတဲ့ အစဉ်အလာ လုံခြုံရေးပြဿနာ ဟာ အခုမှပေါ်လာတဲ့ ပြဿနာအသစ် မဟုတ်သလို ချက်ချင်း လက်ငင်းကြီး ဖြေရှင်းလို့လည်း မရနိုင်ပါဘူး။ ဒါ့အပြင် စီးပွားရေး ပူးပေါင်းဆောင်ရွက် မှုတို့၊ သံတမန်ရေး အငြင်းပွားမှုတို့၊ တခြားအဓိကကျတဲ့ စိန်ခေါ်မှုတွေနဲ့ နှိုင်းယှဉ်လိုက်ရင် ဒီပြဿနာ တွေဟာ အဲဒီလောက်လည်း အရေးမကြီးသလို၊ အဲဒီလောက်လည်း အဆောတလျင် ဖြေရှင်း ရမယ့်ပြဿနာတွေ မဟုတ်ပါဘူး။

ဒါကြောင့်မို့ တရုတ်၊ အမေရိကန် နဲ့ ဂျပန်တို့ အနေနဲ့က အစဉ်အလာ ပိုင်နက် အငြင်းပွားမှုတွေကို ဘေးဖယ် ထားသင့်ပါတယ်။ ဥပမာအနေနဲ့ တရုတ်နဲ့ ဂျပန် အငြင်းပွားနေတဲ့ ဒိုင်အိုယု သို့မဟုတ် ဆန်ကကူကျွန်း ကိစ္စလိုဟာမျိုး၊ တောင်တရုတ်ပင်လယ် ပိုင်နက် အငြင်းပွားမှုလို ဟာမျိုးပေါ့။ ဒါမျိုးတွေကို ခဏဘေးဖယ်ထားပြီး လတ်တလော အရေးတကြီး ဖြေရှင်းရ မယ့် သမားရိုးကျ မဟုတ်တဲ့ လုံခြုံရေး ပြဿနာတွေကိုပဲ ပူးပေါင်း ဖြေရှင်းသင့် ပါတယ်။ ဒီလို ဖြေရှင်းခြင်း အားဖြင့် တရုတ်ရော၊ အမေရိကန်ရော တခြား နိုင်ငံတွေ အတွက်ပါ အကျိုးကျေးဇူး ရှိစေမှာပါ။ အထူးသဖြင့်တော့ တရုတ်ရော၊ အမေရိကန်ရောဟာ စစ်အေးကာလ အမြင်မျိုးနဲ့ လုပ်ဆောင် နေတာတွေ၊ နိုင်ငံတချို့နဲ့ အထူးမဟာမိတ် ဖွဲ့နေတာမျိုးတွေကို ရပ်တန်းက ရပ်သင့်ပါတယ်။ အဲဒီလိုလုပ်နေမယ့် အစား နှစ်နိုင်ငံစလုံး အနေနဲ့ ဒေသတွင်း လုံခြုံရေးလို ကိစ္စမျိုးတွေမှာ ပူးပေါင်း လုပ်ဆောင်ဖို့ လိုအပ်ပါတယ်။

အဲဒီလို ပိုင်နက် အငြင်းပွားမှုလို သမားရိုးကျ လုံခြုံရေး ပြဿနာတွေက နောက်ဆုံး မှာတော့ ဖြေရှင်းဖို့ နည်းလမ်း ရှာတွေ့လာမှာပါ။ စိတ်ရှည်ဖို့တော့ လိုတာပေါ့။ နောက်တက်လာမယ့် မျိုးဆက်တွေ ကလည်း ပိုတော်ကြမှာပဲ လေ။ တရုတ်-အမေရိကန် ဆက်ဆံရေး ဟာ ကမ္ဘာမှာ အရေးပါဆုံးသော နှစ်နိုင်ငံ ဆက်ဆံရေး ဖြစ်မယ်ဆိုရင် တရုတ်နဲ့ အမေရိကန် ခေါင်းဆောင်တွေ အကြား မှာရှိတဲ့ ယုံကြည်မှုဟာ အလွန် အရေးကြီးတာပေါ့။ တကယ်လို့ အမေရိကန်က တရုတ်ကို ကြိုတင် အသိမပေးဘဲ ထိုင်ဝမ် ကို လက်နက်တွေ ဆက်ရောင်းနေရင်၊ တိဘက်ခေါင်းဆောင် ဒလိုင်းလားမားနဲ့ တွေ့နေမယ် ဆိုရင်၊ ဒါမှမဟုတ် အမေရိကန် အနေနဲ့ သူ့ရဲ့စစ်အေးခေတ်က မဟာမိတ် တွေနဲ့ပဲ အစေးကပ်နေမယ် ဆိုရင်တော့ တရုတ်အနေနဲ့က အဲဒီအခြေအနေကို အဆိုး စာရင်းထဲ ထည့်မှာပဲ။ ဒီတော့ နှစ်နိုင်ငံ ခေါင်းဆောင်သစ်တွေ အနေနဲ့ တစ်ဖက်နဲ့ တစ်ဖက် နားလည်မှု လွဲမယ့် ကိစ္စမျိုး အဓိက ဦးတည် ဖြေရှင်းသင့်တယ်။

ဒီရေးရာ နယ်ပယ်တွေမှာလည်း တိုးတက်မှုတွေ ဖြစ်လာနိုင်ပါတယ်။ ဥပမာ - ထိုင်ဝမ် ကိစ္စဟာ တရုတ်နဲ့ အမေရိကန်ကြားမှာ အရင်က လုံးဝ အထိမခံတဲ့ ကိစ္စမျိုးပါ။ ဒါပေမဲ့ တဖြည်း ဖြည်းနဲ့ ဒီကိစ္စအပေါ် သဘောထားတင်းမာ တာမျိုးတွေ နည်းလာတာ တွေ့ရပါတယ်။ ဒီလိုပဲတရုတ်နဲ့ ဂျပန်ကြားမှာ အငြင်းပွား နေတဲ့ ဒိုင်အိုယု သို့မဟုတ် ဆန်ကကူ ကျွန်းစုအရေး ဆိုရင်လည်း တဖြည်းဖြည်း တင်းမာမှုတွေ လျော့လာ နိုင်ပါတယ်။ ဒီပြဿနာက ပြည်သူတွေနဲ့ မီဒီယာ တွေမှာ အထိမခံတဲ့ ကိစ္စဖြစ်နေပေမယ့် နှစ်နိုင်ငံစလုံး အနေနဲ့က စီးပွားရေးပြန်လည် ကောင်းမွန်ဖို့ ကိုသာ ဦးစားပေးကြမှာပါ။

တရုတ် ခေါင်းဆောင်သစ် ရှီကျင်းပင်း နဲ့ အမေရိကန်သမ္မတ အိုဘာမားရဲ့ ဒုတိယ မြောက် သမ္မတသက်တမ်းမှာ နှစ်နိုင်ငံရဲ့ နိုင်ငံခြားရေး မူဝါဒအ ပြောင်းအလဲက ဘာဖြစ်လာနိုင်မယ် ထင်သလဲဗျ။

ကျွန်တော့် အထင်တော့ အမေရိကန် သမ္မတ အိုဘားမားရဲ့ ဒုတိယ သက်တမ်းက သူ့ရဲ့ပထမ သက်တမ်းထက် ပိုပြီး လွယ်ကူမယ်လို့ ထင်ပါတယ်။ ၂ဝဝ၉ ခုနှစ်တုန်းကတော့ သူက သမ္မတသစ်လည်း ဖြစ်တယ်၊ ပြီးတော့ ဒီလို အဆင့်မြင့်တဲ့ ရာထူးမျိုး၊ သူအရင်က တာဝန်မယူဖူး သေးဘူးလေ။ နောက်ပြီး သူအိမ်ဖြူတော် ကို ရောက်တော့ ဘဏ္ဍာရေး အကျပ်အတည်း ပြဿနာကိုပဲ အရေးတယူ ဖြေရှင်းခဲ့ရ တာလေ။ အခုအချိန်ကတော့ သူ့ရဲ့ဒုတိယ သမ္မတ သက်တမ်းလည်း ဖြစ်တယ်၊ လေးနှစ် လောက်လည်း သမ္မတ အတွေ့အကြုံရှိ ထားပြီးပြီ ဆိုတော့ ပြဿနာတွေ၊ရေးရာ ကိစ္စတွေကို တခြား ကမ္ဘာ့ခေါင်းဆောင် တွေလိုပဲ သိတဲ့သူတစ်ယောက် ဖြစ်လာ ပြီလေ။ သူ့ရဲ့အစီအစဉ် တွေဟာ အရင် ကထက် ပိုပြီး လက်တွေ့ကျမယ်၊ ပိုပြီး ကြောင်းကျိုး ဆီလျော်မှု ရှိပါလိမ့်မယ်။

ဒီတော့ တရုတ်တို့ အာရှတို့နဲ့ ပတ်သက်တဲ့ အိုဘားမားရဲ့ နိုင်ငံခြားရေး မူဝါဒဟာ သိပ်ပြီး အဆက်အစပ်မဲ့တာ မျိုးတွေ မဖြစ်လောက်ပါဘူး။ အခု အချိန်ကာလဟာ တရုတ်နဲ့ အမေရိကန် အကြားမှာ စစ်အေးတိုက်ပွဲ အသစ်လည်း မဟုတ်ပါဘူး။ ဖြစ်ဖို့လည်း မလိုပါဘူး။ လိုအပ်နေတာက ချိန်ညှိမှု ပြုလုပ်ဖို့ လိုတာပါ။ အိုဘားမား အနေနဲ့ ကြီးသည် ငယ်သည်မရွေး အာရှနိုင်ငံတွေနဲ့ အဆက်အသွယ် လုပ်ဖို့ လိုအပ်ပါတယ်။

အိုဘားမားချိန်ညှိဖို့ လိုတဲ့ကိစ္စက အမေရိကန်ရဲ့“အာရှမဏ္ဍိုင်” ဆိုတဲ့ကိစ္စ ကို အဓိပ္ပာယ် ဖွင့်ဆိုတာပါ။ အမေရိကန် က အာရှမဏ္ဍိုင် ဆိုပြီး ကြေညာလိုက်တဲ့ အခါမှာ အာရှနိုင်ငံဆီကို မှားယွင်းတဲ့ အချက်ပြ သင်္ကေတ ပြလိုက်သလို ဖြစ်သွား ပါတယ်။ အာရှနိုင်ငံတွေ အနေနဲ့ အမေရိကန် ဘက်က နေရမှာလား၊ တရုတ်ဘက်က နေရမှာလားဆိုတဲ့ အကျပ်အတည်းမျိုးကို ကြုံတွေ့ခဲ့ရပါ တယ်။ အမေရိကန်သမ္မတ အိုဘားမား အနေနဲ့ သူ့ရဲ့သမ္မတ ဒုတိယသက်တမ်း လေးနှစ် အတွင်းမှာ ဒီကိစ္စအပေါ် ကိုင်တွယ် ဖြေရှင်းသင့်ပါတယ်။

တရုတ် ခေါင်းဆောင်သစ် အနေနဲ့ လည်း သူ့ရဲ့အာရှဒေသမှာရှိတဲ့ ဂျပန် လို၊ ရုရှားလို၊ အိန္ဒိယလို အိမ်နီးချင်း နိုင်ငံမျိုးတွေ အပေါ်မှာ အာရုံစိုက်ပါ လိမ့်မယ်။ ကျွန်တော် ခံစားမိတာက တော့ တရုတ်ဟာ အမေရိကန်နဲ့ ဆက်ဆံရေးကို အရေးကြီးမှန်းသဘော ပေါက်ပေမယ့် သူ့ရဲ့အိမ်နီးချင်းနိုင်ငံ တွေနဲ့ ဆက်ဆံရေး ကောင်းမွန်အောင် ထိန်းသိမ်းဖို့ကိစ္စမှာ သိပ်လုပ်တာ မတွေ့ရဘူး။ တရုတ်နိုင်ငံခြားရေး မူဝါဒ ဟာ အာရှဒေသတွင်းမှာ ပိုပြီးဟန်ချက် ညီတဲ့၊ ပိုပြီး ပူးပေါင်းမှုရှိတဲ့၊ ပိုပြီး ကျယ်ပြန့်တဲ့ မူဝါဒမျိုး ဖြစ်သင့်ပါတယ်။

တရုတ်နဲ့ အမေရိကန်တို့ရဲ့ ရင်းနှီးမြှုပ်နှံမှု ကိစ္စမှာ ဘယ်အရာတွေ က အတားအဆီး ဖြစ်နေတာပါလဲ။

တရုတ်မှာ အမေရိကန် ရင်းနှီးမြှုပ်နှံ မှုတွေ တိုးပြီး မလုပ်တော့တာရဲ့အကြောင်း အရင်း တစ်ချက်က အမေရိကန် အနေနဲ့ ပြည်တွင်းကို ပိုပြီး အာရုံကျလာတာ ကိုယ်ကျိုးစီးပွား ကာကွယ်ရေးမျိုး အထိ ဖြစ်လာတဲ့ တိမ်းညွတ်ချက်တွေ ကြောင့်ပါ။ အမေရိကန် အနေနဲ့ ရင်းနှီးမြှုပ်နှံမှုနဲ့ နည်းပညာ ပူးပေါင်းမှုကိစ္စ ဒီနှစ်ခုစလုံး မှာ ပိုပြီး လမ်းဖွင့်ထားတာမျိုး လုပ်ဖို့ လိုပါတယ်။ ဒီလို ဖွင့်ပေးခြင်း အားဖြင့် အမေရိကန် စီးပွားရေးနဲ့ အမေရိကန်မှာ အလုပ်အကိုင် ရရှိမှုကိုရော ထောက်ကူ ပေးနိုင်ပါလိမ့်မယ်။ နောက်ပြီး တရုတ် နဲ့ နည်းပညာပူးပေါင်းမှုက နှစ်နိုင်ငံလုံး ရဲ့ကုန်သွယ်ရေး ညီမျှမှုကို အားပေး ပါလိမ့်မယ်။

ဒီနေရာမှာ ထပ်ဖြည့်ပြောရရင် တော့ နိုင်ငံခြား ကုမ္ပဏီတွေ အနေနဲ့ တရုတ်မှာ ဘယ်လို စီးပွားရေး လုပ်ရမယ် ဆိုတာ လေ့လာနေဆဲ အဆင့်မှာပဲ ရှိပါ သေးတယ်။ တရုတ်မှာ ရင်းနှီးမြှုပ်နှံ ထားကြတဲ့ အမေရိကန် ကုမ္ပဏီတွေ၊ ဂျပန် ကုမ္ပဏီတွေ၊ ဂျာမနီကုမ္ပဏီတွေ အနေနဲ့ တချို့အောင်မြင်ကြသလို၊ တချို့ အောင်မြင်မှု မရကြပါဘူး။

ဒီလို အခက်အခဲကြုံရတဲ့ အကြောင်းကတော့ တစ်ခါတစ်ရံမှာ နည်းပညာပိုင်း ကြောင့်ပါ။ ဒါတင် မကသေးဘူး။ တရုတ်ဈေးကွက်၊ တရုတ်ယဉ်ကျေးမှု၊ တရုတ်လူမျိုးတွေ ရဲ့အကြိုက်တွေ မတူကြတာကလည်း အကြောင်းရင်း တစ်ရပ်ပါ။ တရုတ်မှာ စီးပွားရေး ဘယ်လိုလုပ်မလဲ ဆိုတဲ့ ကိစ္စ ဟာ နိုင်ငံခြား ကုမ္ပဏီတွေ ရင်ဆိုင်နေရ တဲ့ပြဿနာ တစ်ခုပါ။

ဒီလိုပါပဲ တရုတ် ကုမ္ပဏီတွေ အနေနဲ့လည်း အမေရိကန်မှာ ရင်းနှီး မြှုပ်နှံရာမှာ အခက် တွေ့နေကြပါတယ်။ အကြောင်းကတော့ တရုတ် ကုမ္ပဏီတွေ အနေနဲ့ ကမ္ဘာ့ ဈေးကွက်မှာ ဝင်ရောက် လှုပ်ရှားနိုင်ဖို့ ရာမှာ အတွေ့အကြုံနည်း ပါးသေးတာ ကြောင့်ပါ။ ဒီတော့ အမေရိကန် ရင်းနှီးမြှုပ်နှံမှု ပတ်ဝန်းကျင်မှာ အသားကျ ဖို့ရာ အတွက်က တရုတ်ကုမ္ပဏီတွေ အနေနဲ့ အချိန်ပို လိုအပ်ပါတယ်။ ဒီလို အချိန်ရဖို့ အတွက် အမေရိကန် အစိုးရအနေနဲ့ တရုတ် ရင်းနှီးမြှုပ်နှံမှု တွေကို ငြင်းပယ် တာမျိုး မလုပ်သင့်ပါဘူး။

ဒီတော့ တရုတ်ရော အမေရိကန်ပါ ချိန်ညှိမှုတွေ လုပ်ဖို့ လိုအပ်ပါတယ်။ လက်ရှိ အချိန်မှာတော့ တရုတ်မှာ ရင်းနှီးမြှုပ်နှံမယ့် အမေရိကန် ကုမ္ပဏီတွေ အတွက်ရော၊ အမေရိကန်မှာ ရင်းနှီးမြှုပ်နှံမယ့် တရုတ် ကုမ္ပဏီတွေ အတွက်ရော ကိုင်တွယ်ဖြေရှင်း နိုင်မယ့် မူဘောင် မရှိသေးပါဘူး။ နှစ်နိုင်ငံ စလုံးမှာက အဲဒီရင်းနှီးမြှုပ်နှံမှုတွေ အတွက် ပြဿနာ တစ်ခုချင်း စီကိုသာ သီးခြား ကိုင်တွယ် နေကြတာပါ။ ဒီလိုဖြစ်နေတာက ကမ္ဘာ့အင်အားကြီး နှစ်နိုင်ငံ အတွက် ကောင်းတယ်လို့ မပြောနိုင် ပါဘူး။

Ref: Promise and Pitfalls of the U.S.-China Relationship

Ref:thevoicemyanmar

လူထုမပြောင်းဘဲ တိုင်းပြည် မပြောင်းနိုင်ပါ

ဒေါ်စုက လူထုကိုပြောပါတယ်။ တိုင်းပြည်ဘယ်တော့ ပြောင်းမလဲဆိုတာ သိဖို့ကိုယ့် ဘာသာပြန်မေးပါ။ ကိုယ်ဘယ်တော့ ပြောင်းမလဲ၊ ကိုယ့်စိတ်ဘယ်တော့ပြောင်းမလဲ၊ တိုင်းပြည်အတွက် ဘယ်တော့အလုပ်လုပ်မလဲဆိုတဲ့ အပေါ်မူတည်ပါတယ်လို့လူထုကိုပြောသွားပါတယ်။ လူထုပြောင်းမှ တိုင်းပြည်ပြောင်းမယ်လို့ ဆိုလိုတာပါ။ လူထုမပြောင်းရင်ဘယ် အစိုးရပဲအုပ်ချုပ်သည် ဖြစ်စေ၊ ဘယ်ဖွဲ့စည်းပုံအခြေခံဥပဒေနဲ့အုပ်ချုပ်သည်ဖြစ်စေ၊ဘယ်လောက်အားကောင်းတဲ့အတိုက်အခံပဲရှိပါစေ တိုင်းပြည် က အကောင်းဘက်ကိုဦးတည်ပြီး (အမှန်တကယ် ပြည့်ပြည့်ဝဝ) ပြောင်းလဲဖို့လုံးဝမဖြစ်နိုင်ဘူးလို့ ပြောချင်တာဖြစ်ပါတယ်။

မှန်ပါတယ်။ လူထုက ပြောင်းလဲမယ်ဆိုရင်၊ လူထုက မိမိအတ္တအကျိုးစီးပွားနဲ့တွဲယှဉ်ပြီး မိမိတို့ မှီတင်းနေထိုင်တဲ့လူ့အဖွဲ့အစည်းရဲ့အကျိုးစီးပွားကိုတတ်စွမ်းသလောက်ပါဝင်ထမ်းဆောင်ကြိုးပမ်း ကြမယ် ဆိုရင် အစိုးရလည်းပြောင်းရမှာ ဖြစ်ပါတယ်။ နိုင်ငံရေးလည်းပြောင်းရမှာ ဖြစ်ပါတယ်။ အခြေခံဥပဒေ ဆိုတာလည်းပြောင်းရမှာဖြစ်ပါတယ်။ လူနေမှုစနစ်လည်း ပြောင်းရမှာ (တိုးတက်မြင့်မား လာရမှာ) ဖြစ်ပါတယ်။

လူထုက တကယ်ပြောင်းရင် ဒီမိုကရေစီ လူ့ဘောင်လည်း (အလျင်အမြန်) ပေါ်ပေါက်လာမှာ ဖြစ်ပြီး ဘယ်တော့မှ ပြန်လည် ဆုံးရှုံးမှာ မဟုတ်တော့ပါဘူး။ တိုင်းပြည်ရဲ့ အနာဂတ်ဟာ လူထု လက်ထဲမှာပဲ လုံးလုံးလျားလျား ရှိနေတာပါ။လူထုကသာ ကိုယ့်ကြမ္မာ ကိုယ်ဖန်တီးရမှာ ဖြစ်ပါတယ်။အစိုးရဆိုတာ စနစ်တွေကို ကောင်း အောင် တည်ဆောက်ပြုပြင်ပေးဖို့ တာဝန်ရှိပါတယ်။ လွတ်လပ်ခွင့်၊ တန်းတူညီမျှခွင့် တို့ကို ဥပဒေများပြဋ္ဌာန်းပြီး၊ ဥပဒေများပြင်ဆင်ပြီး ဖန်တီးပေးရမှာ ဖြစ်ပါတယ်။ မတရားအခွင့် အလမ်းရယူဖို့ ကြိုးစား တဲ့ သူတွေကို ဥပဒေနဲ့ အညီ တားဆီးပေးဖို့ အစိုးရမှာ လုံးဝ တာဝန်ရှိပါတယ်။ အရည်အချင်း ရှိသလောက် တိုးတက်ခွင့်ကို အခွင့်အရေးတန်းတူ ညီမျှမှုနဲ့ ပြဋ္ဌာန်းပေးဖို့ အစိုးရမှာ လုံးဝ တာဝန်ရှိပါတယ်။ မိမိတိုးတက်အောင်မြင်ဖို့အတွက်ကိုတော့လူထုကမိမိတို့ဘာသာဆောင်ရွက်ရမှာဖြစ်သလို တစ်ကယ်တမ်း တိုင်းပြည်တိုးတက်အောင်ဒီမိုကရေစီဖြစ်ထွန်းအောင်အဓိကလုပ်ရမှာက လူထုကိုယ်တိုင်ပဲ ဖြစ်ပါ တယ်။

အခုအခါမှာ နိုင်ငံရေးအရ တိုးတက်ဖြစ်ထွန်းမှုတွေ ရှိလာနေပါပြီ။ အရင်က လုံးဝ မျှော်လင့် မထားတဲ့အခြေခံ ကောင်းတွေ၊ အခြေ အနေ ကောင်းတွေက တစ်စတစ်စ ဖြစ်ထွန်း လာနေပါပြီ။ အားလုံး ပြည့်စုံပြီလို့ မဆိုလိုပါဘူး။ တစ်ကယ်တမ်း လူထု ရရှိရမယ့် အခွင့် အရေးတွေ အားလုံး ရသေးတာမဟုတ်ပါဘူး။ ပြောရရင် အခြေခံ လူတန်းစား အတွက် ဘာအခွင့်အလမ်းမှ အမှန်တကယ် ရရှိသေး တာ မဟုတ်ပါဘူး။ ဒီမိုကရေစီ နိုင်ငံလည်း ဖြစ်သေးတာမဟုတ်ပါဘူး။ အစိုးရ ကိုယ်တိုင်က ဒီမိုကရေစီနိုင်ငံ အဖြစ်ရောက်ဖို့ ခရီးရှည်ကြီး ချီတက်ကြရ ဦးမယ်လို့ သေသေချာချာ ပြောထားတာလည်း ရှိပါတယ်။အစိုးရက ဘယ်လောက်ပဲ လုပ်လုပ် လူထု မပါလာရင် ဘယ်လိုမှ အလုပ် မဖြစ်နိုင်ပါဘူး။ လူထု တစ်ရပ်လုံးက တတ်စွမ်းသလောက် ဝိုင်းဝန်း လုပ်ကိုင် ဆောင်ရွက်ကြမှသာ လိုရာခရီးကို ရောက်နိုင်မှာ ဖြစ်ပါတယ်။

ဒီမိုကရေစီ နိုင်ငံအဖြစ် ထူထောင်မယ် ဆိုတဲ့ ရည်မှန်းချက်နဲ့ အခု လုပ်ကိုင် ဆောင်ရွက်နေတာတွေ ကလည်း တကယ်တော့ လူထုရဲ့ သဘောထား ဆန္ဒကို အကောင်အထည် ဖော်နေတာသာ ဖြစ်ပါတယ်။လူထု တစ်ရပ်လုံးက ဒီမိုကရေစီ စနစ်ကိုသာ လိုလားတဲ့ အကြောင်း တညီတညွတ် ထုတ်ဖော် ဆန္ဒပြုခဲ့လို့သာ ဖြစ်ပါတယ်။ ဒီမိုကရေစီ စနစ် တည်ဆောက် နေခြင်းရဲ့ တစ်ခုတည်းသော အဓိက အကြောင်း ရင်းလည်း ဖြစ်ပါတယ်။ လူထုက အခု တိုင်းပြည် တည်ဆောက်ရေး လုပ်ငန်းစဉ်မှာ တက်တက်ကြွကြွ ထိထိရောက်ရောက် ပါဝင်ဖို့ အချိန် ကျရောက် နေပါပြီ။

လူထုက တော်သလိုနေရင် ခရီးက ပိုရှည်သွားနိုင်ရုံ မကပါဘူး၊ ပန်းတိုင်နဲ့တောင် လွဲချော် သွားနိုင်ပါတယ်။လူထု တစ်ရပ်လုံးရဲ့ ဇွဲ၊ လုံ့လ၊ ဝီရိယ၊ လူထု တစ်ရပ်လုံးရဲ့စိတ်အား ထက်သန်မှု၊ လူထုတစ်ရပ် လုံးရဲ့ နိုင်ငံရေးဖြစ်စဉ်ကြီး တစ်ခုလုံးကို စိတ်ပါဝင်စားမှုနဲ့ ပူးပေါင်း ဆောင်ရွက်မှု ဖြင့်သာ ဒီမိုကရေစီ နိုင်ငံဆိုတာ ပေါ်ထွန်း လာနိုင်ပါတယ်။

လိုအပ်ချက်တွေ၊ အားနည်းချက်တွေ၊ ပြဿနာတွေ အခက်အခဲ တွေကိုပဲ ကြည့်ပြီး လက်ညှိုးထိုး အပြစ်တင်နေလို့ အလုပ် မဖြစ်နိုင် ပါဘူး။ အတိတ်က နစ်နာ ခဲ့ရတာတွေ၊ ဆုံးရှုံး ခဲ့ရတာတွေကို ပြန်ပြော နေလို့၊ အတိတ်က အမှားတွေကို ထိုင်လက်ညှိုးထိုး အပြစ်တင်နေလို့ အကျိုးထူး တစ်စုံတစ်ရာ မရနိုင်ပါဘူး။ ဒီမိုကရေစီ အခွင့် အရေးတွေကို လူသန်းခြောက်ဆယ် လုံး အတူတကွ ဝေမျှ ခံစားကြမယ်ဆိုတဲ့ စိတ်မျိုး ထားနိုင်ဖို့ လိုပါတယ်။ ဟိုလူတော့ အခွင့်အရေးတွေ မရရဘူး၊ ဒီလူ ကိုတော့ အခွင့်အရေးတွေ မပေးနိုင်ဘူး ဆိုတဲ့စိတ်တွေ ရှိနေသမျှတော့ ဒီမိုကရေစီ မရမှာ သေချာပါတယ်။ အတိတ်က အမှား လုပ်ခဲ့တာတွေကို အဲဒီအမှားတွေ လုပ်ခဲ့မိသူ တွေရော၊ အဲဒီအမှားတွေကြောင့် ထိခိုက် နစ်နာခဲ့ရသူ တွေကပါ သင်ခန်းစာအဖြစ် ရယူသင့်ပါတယ်။ နောင် တစ်ချိန်မှာ အတိတ်က အမှားတွေ ပြန်မမှားကြဖို့ပဲ လိုပါတယ်။အတိတ်ကလို ပြန်မခံစားရဖို့ လိုပါတယ်။ အငြိုးသံသရာ၊ အာဃာတ သံသရာထဲ မနစ်မွန်းကြမှသာ၊ ရင့်ကျက်တဲ့ သဘောထား မြင့်မြတ် တဲ့၊ ခွင့်လွှတ်တဲ့ လူထုဖြစ်မှသာ ဒီမိုကရေစီ ဆိုတာဖြစ်ထွန်းမှာ ဖြစ်ပါတယ်။ အငြိုး အာဃာတတွေ ကျန်နေသေးရင် သံသယတွေက ကျန်နေပြီး ယုံကြည်မှုကို ဘယ်လိုမှ တည်ဆောက်လို့ ရနိုင် မှာ မဟုတ်ပါဘူး။ ယုံကြည်မှု တည်ဆောက်လို့မှ မရရင် စည်းလုံး ညီညွတ်မှု ဆိုတာလည်း ဘယ်လိုမှ ဖြစ်ပေါ်လာမှာ မဟုတ်ပါဘူး။ တိုးတက်တဲ့ သာယာဝပြောတဲ့ ဒီမိုကရေစီ လူ့ဘောင်ကို စည်းလုံး ညီညွတ်မှုဖြင့်သာ ရရှိနိုင်ပါတယ်။

ဘာကြောင့် ဒါကိုပြောရသလဲဆိုတော့ ဒီမိုကရေစီရေးအတွက် ခလုတ်ကန်သင်းတွေ ဖြစ်စေနိုင်တဲ့ အကြောင်းတရားတွေမို့ပါ။ တန်ဖိုးရှိတဲ့ အချိန်တွေကို တိုင်းပြည် ထူထောင်ရေးအတွက်သာ အသုံးပြု သင့်ပါတယ်။ အစစအရာရာနောက်ကျနေတဲ့ တိုင်းပြည်ကို လူတန်းစေ့ဖို့ဆိုတာ အချိန်ကိုအကျိုးရှိရှိ သုံးနိုင်ဖို့လိုအပ်ပါတယ်။ လူမျိုးစုတစ်ရာကျော်လောက် ကွဲပြားနေတဲ့ လူ့အဖွဲ့အစည်းမှာ စည်းလုံး ညီညွတ်မှုကို ကြိုးစားပမ်းစား တည်ဆောက်မှသာရနိုင်မှာပါ။ အတိတ်အိပ်မက်ဆိုးကြီး ကနေ ရုန်းထွက်ပြီး အနာဂတ်ကို မျက်ခြည် မပြတ်ဘဲ ပစ္စုပ္ပန်မှာ အားထုတ် ကြိုးပမ်းကြရ ပါလိမ့်မယ်။
လက်ရှိ နိုင်ငံရေး ဖြစ်စဉ်ထဲ လူထု ပါဝင်မှုက အားရစရာ မရှိ လှသေးဘူးလို့ ပွင့်ပွင့်လင်းလင်း ပြောခွင့်ပြုပါ။ လူထုက အခုထက် ပိုပြီးဝင်ဖို့ လိုပါတယ်။ အခြေအနေတွေ ဘယ်လောက်ပဲ ဆိုးနေပါစေ၊ လူထုက ကိုယ့်တာဝန် ကိုယ်ကျေဖို့ ကြိုးစားကြစေ လိုပါတယ်။

အကျင့်ပျက် ခြစားမှုတွေကိုလက်ညှိုးထိုးပြီး အဲဒါတွေကြောင့် လုပ်လည်းမထူးပါဘူးလို့ ဘေးဖယ် မနေကြပါနဲ့။ ခြစားမှုတွေပပျောက်အောင် နှစ်ပေါင်းများစွာ လုပ်ကြရမှာပါ။ ငါးနှစ်၊ ဆယ်နှစ်နဲ့ ပြေလည်မယ့် ပြဿနာ မဟုတ်ပါဘူး။

သေချာတာကတော့ လူထုမပါရင်ဘယ်တော့မှပြေလည်မှာ မဟုတ်ပါဘူး။ တစ်ယောက်ချင်း စီက တတ်နိုင်သလောက် ဝိုင်းလုပ် ကြရပါလိမ့်မယ်။ အမြင်မတော်တာတွေ့ရင် စာရေးပြီးအစိုးရဆီပို့ရင် ဒါဟာ တစ်ပိုင်တစ်နိုင် ပါဝင်ဆောင်ရွက်ရာ ရောက်ပါတယ်။
တိုင်လည်းအလကားပဲလို့ မယူဆစေချင်ပါဘူး။ အစိုးရကိုယ်တိုင်ကအကျင့်ပျက်ခြစားမှုကို တိုက်ဖျက်လိုတဲ့ စိတ်ဆန္ဒ ရှိနေပါပြီ။လူထုပါရင် မြန်သွားပါလိမ့်မယ်။

ဘတ်စ်ကားစီးလို့ စပယ်ယာက မတရားဟောက်ရင် ငြိမ်မခံပါနဲ့။ လူတွေကျပ်သပ်နေအောင်တင်ရင်လည်း ခရီးသည်ကပြောခွင့် ရှိပါတယ်။ ပြောဖို့တာဝန်ရှိပါတယ်။ အားလုံးကနေသာသလိုနေတာ ကျင့်သားရနေ တော့ အခုပြုပြင်ပြောင်းလဲရေးတွေလုပ်မှ အခြေအနေတွေကပိုဆိုးလာတာတွေ့ရပါတယ်။ ကားပေါ်မှာ တိုင် လို့ရတဲ့ ဖုန်းနံပါတ်တွေ ရေးထားပေမယ့် ဘယ်သူကမှ ဘယ်တုန်းက မှ ဖုန်းဆက်တိုင်တာ မကြုံဖူးပါဘူး။ တိုင်လို့လည်း အလကားပါပဲ ဆိုတဲ့ စိတ်နဲ့ နေမြဲတိုင်းနေ ခံမြဲတိုင်း ခံနေကြတာပါပဲ။ မခံရင် မလုပ်ရဲပါဘူး။ ပြန်ဟောက်ရင် စပယ်ယာတွေက ငြိမ်သွားတာ များပါတယ်။ ခံနေရင်လည်း ပိုလုပ်တတ်တာ အားလုံး အသိပါ။ အမှန်တရား မှန်း သိလို့ ပြောသင့် ပြောထိုက်တာကို ပြောရမယ့် အချိန်မှာ ရဲရဲဝံ့ဝံ့ ပြောတာလည်း လူ့အဖွဲအစည်း အတွက် ကိုယ့်မှာရှိတဲ့ တာဝန်ကို ထမ်းဆောင်တာပဲ ဆိုတာ နားလည်ဖို့လိုပါတယ်။ ပြောရမယ့် ဟာကို ပြဿနာ ကင်းအောင်ဆိုပြီး မပြောဘဲ နေတာဟာလည်း တာဝန် ပျက်ကွက်တာ ဆိုတာ သိဖို့လိုပါတယ်။ အားလုံး ဝိုင်းမပြုပြင်ဘဲနဲ့ တော့ အစိုးရချည်းပဲ ဘယ်လိုမှ အလုပ်ဖြစ်အောင် လုပ်လို့ မရတာ သေချာပါတယ်။ အလွန်အကျွံ ပျက်စီးနေတဲ့ တိုင်းပြည်ကို အစိုးရက ပဲ အကောင်းပကတိ ဖြစ်အောင် မပြင်နိုင်တာ သေချာပါတယ်။ နိုင်ငံရေး ပါတီတွေ၊ နိုင်ငံရေးသမားတွေ ကပဲ အကောင်းပကတိ ဖြစ်အောင် မပြင်နိုင်တာ သေချာပါတယ်။ တခြားတိုင်းပြည်က အကူအညီတွေ သက်သက် နဲ့လည်း အကောင်းပကတိ ဖြစ်အောင် မပြင်နိုင်တာ သေချာပါတယ်။

ရပ်ကွက် အုပ်ချုပ်ရေးမှူးတွေ ရွေးတော့လည်း အိမ်ထောင်ဦးစီး တွေ အားလုံး စုံစုံညီညီ သွားပြီး မဲပေးတဲ့ ရပ်ကွက်ရယ်လို့ မကြားမိ ပါဘူး။ ဒါ ဘာကြောင့်လဲ ဆိုတော့ အရင်ခေတ် အဆက်ဆက်က ဘယ်လိုပဲ မဲပေးပေး အလကားပဲ ၊ သူတို့တင်ချင်တဲ့သူ တင်တာပဲ ဆိုတဲ့ အသိက စွဲနေလို့ ဖြစ်ပါတယ်။ အခုတော့ ပြဿနာတွေ ပေါ်လို့အသံ တွေ ထွက်လာပါတယ်။ အားလုံးက မဲပေးဖို့ သွားကြမယ်ဆိုရင် မဟုတ်တာ လုပ်ချင်ရင်တောင် လုပ်လို့ မရပါဘူး။ ကြောက်တာရယ် ပြဿနာ မဖြစ်ချင်တာရယ်၊ အကြောင်း မထူးပါဘူးဆိုတဲ့ အယူအဆ ရယ်ကြောင့် မဟုတ်တာ လုပ်ချင်တဲ့ လူတွေက အခွင့်အရေး ရသွားတတ်တဲ့ သဘောရှိပါတယ်။

အသေးအဖွဲလို့ ထင်ရပေမယ့် နိုင်ငံရေးအရ အရေးကြီးတဲ့ ကိစ္စတွေမှာ လူထုက ပါဝင် ထမ်းဆောင်ဖို့ ပျက်ကွက် နေကြဦးမယ် ဆိုရင်တော့ မဟုတ်တာ လုပ်ချင်တဲ့ လူတွေကပဲ ဆက်လက် မင်းမူ နေပါလိမ့်ဦးမယ်။

ကန်စွန်းရွက် စိုက်တဲ့သူက ကန်စွန်းရွက် တစ်စီးကို ၅၀ကျပ် လောက်ပဲရတဲ့ အချိန်မှာ ဈေးထဲမှာ လက်လီဝယ်ရတဲ့ ဈေးက (လမ်းစရိတ် ကိုအကြောင်းပြပြီး) ၂၅၀ ကျပ် ဖြစ်နေပါတယ်။ လမ်းစရိတ်ကလည်း လိုတာထက် ပိုဈေးများနေတာလည်း အမှန်ပါ။ ဒါက အစိုးရမှာ လုံးလုံးလျားလျား တာဝန်ရှိပါတယ်။ (ဓါတ်ငွေ့တွေ အလုံအလောက် ပေးနိုင်အောင်ကြိုးစားပြီး သယ်ယူ ပို့ဆောင်စရိတ် ကျအောင်လုပ်ပေး ဖို့တာဝန်ရှိပါတယ်။) ဒါပေမဲ့ လမ်းစရိတ်ကုန်လို့ တင်ရမယ့် ဈေးထက် အများကြီးပိုတင် ထားတာက ဈေးသည်တွေရဲ့တာဝန် လုံးလုံး ဖြစ်ပါတယ်။ တစ်ရက် အိမ်သုံးစရိတ် ထက် အများကြီးပိုရ အောင်ရှာပြီး နေ့တိုင်းနှစ်လုံးထီ ထိုးနေကြတာက လူ့အဖွဲ့အစည်း အပေါ် မှာရော၊ ကိုယ့်မိသားစု အပေါ်မှာပါ တာဝန် မဲ့တဲ့ လုပ်ရပ်တွေပါ။ လူထုက ရထိုက်တဲ့ အခွင့်အရေးတွေကို မြန်မြန်ရဖို့ ကိုယ်ထမ်းဆောင် ရမယ့် တာဝန်တွေ ကိုလည်း မှန်မှန်ကန်ကန် ထမ်းဆောင် ကြရပါလိမ့် မယ်။ ရှောင်သင့်တာကို ရှောင်တာဟာလည်း တာဝန် ထမ်းဆောင်ခြင်း ဖြစ်တယ်ဆိုတာ သိရှိ နားလည်ကြဖို့ အရေးကြီးပါတယ်။

လူထုက ပြုပြင်ရမယ့်၊ ဆင်ခြင်ရမယ့်၊ အားထုတ်ရမယ့် အကြောင်းခြင်းရာ တွေက ရေးပြပြောပြလို့ မကုန်နိုင်တာကြောင့် လူထုကမိမိတို့ဘာသာ စဉ်းစား တွေးဆပြီးပြုပြင် ဆောင်ရွက်ကြပါလို့ မေတ္တာ ရပ်ခံပါရစေ။ လူထုတာဝန်တွေက အစိုးရနည်းတူ အမြောက် အမြားရှိ တယ်ဆိုတာ သတိချပ်ဖို့ လိုပါတယ်။လူထုကသာ ကိုယ့်တာဝန် ကိုယ်ကျေရင် လူ့အဖွဲ့အစည်း တစ်ရပ်လုံး တစ်မုဟုတ်ချင်း တိုးတက် ပြောင်းလဲ သွားနိုင်ပါတယ်။(လူထုကသာစည်းကမ်းတကျနည်းလမ်းတကျနဲ့တက်တက်ကြွကြွပါဝင် ဆောင်ရွက်ကြ မယ်၊ ပြင်သင့်တာတွေ ပြင်ကြမယ်ဆိုရင် အချိန်တိုအတွင်း ဒီမိုကရေစီ ရနိုင်ပါတယ်။ အခုလက်ရှိ အနေအထားအတိုင်းဆိုရင်တော့အချိန်များစွာယူရပါလိမ့်ဦးမယ်။) အစိုးရဆိုတာဘယ်တော့မှ လူထု သဘောထားဆန္ဒကို လွန်ဆန်လို့ မရပါဘူး။

လူထုကိုဆန့်ကျင်တဲ့ အစိုးရဆိုတာလည်း ယာယီအားဖြင့်သာတည်မြဲနိုင်တာပါ။ တစ်နည်းနည်းနဲ့ ကွယ်ပျောက်သွားရတာချည်းပါပဲ။ လူထုကကိုယ့်ကိုယ်စားတိုင်းပြည်ကိုစီမံခန့်ခွဲမယ့် သူတွေကို ရွေးချယ်ခွင့် ရှိတဲ့ ရွေးကောက်ပွဲ တွေမှာ မဲရုံကိုအရောက် သွားရမယ့် တာဝန်ရှိပါတယ်။ သေသေချာချာ စေ့စေ့စပ်စပ် ရွေးချယ် ဖို့ တာဝန်ရှိပါတယ်။လူထု ကိုယ်စားလှယ်တွေက မဟုတ်တာလုပ်နေ ရင်လည်းရဲရဲဝံ့ဝံ့ ပြန်လည်ဖယ်ရှားဖို့ တာဝန်ရှိပါတယ်။ ဖွဲ့စည်းအုပ်ချုပ်ပုံ အခြေခံဥပဒေကို သေသေချာချာ နားလည်အောင်ဖတ်ရှုလေ့လာဖို့ တာဝန်ရှိပါတယ်။ အခြေခံ ဥပဒေမှာ အားနည်းချက် အားသာချက်တွေ ရှိပါတယ်။

အားနည်းချက်တွေ အတွက် ပြင်ရမယ့် အချိန်ရောက်ရင် ပြင်ဖို့ လိုပါတယ်။ တကယ်တမ်း ကတော့ လူထုက အဆင်သင့် ဖြစ်တာနဲ့ အခြေခံဥပဒေက မပြင်လို့ မရပါဘူး။ လူထုအဆင်သင့် မဖြစ်ရင်လည်း ပြင်ဆင်ဖို့ ခက်ခဲပါလိမ့်မယ်။ သူများ တကာက အခြေခံ ဥပဒေပြင် ရမယ်လို့ ပြောဆို နေတာနဲ့ပဲ ကိုယ်လည်း ရောယောင်ပြီး လိုက်ပြော နေဖို့ မသင့်ပါဘူး။ သိအောင်လုပ်ဖို့ နားလည်အောင် လုပ်ဖို့ လူထု မှာ တာဝန်ရှိပါတယ်။ လူထုက နိုင်ငံရေးအရ အဆင်သင့် မဖြစ်သေး ဘဲ ပြင်ဆင်မယ် ဆိုရင်လည်း အင်အားစုတွေ အကြားစည်းလုံးမှု ပြိုကွဲပြီး တိုင်းပြည်ကံကြမ္မာ သံသရာတစ်ပတ်လည်ရုံပဲရှိပါလိမ့်မယ်။

လူထုတစ်ရပ်လုံးက အခြေခံ ဥပဒေကို နားလည်သိရှိသွားတဲ့ နေ့၊ အမျိုးသားရေး အသိအမြင်တွေ ပြည့်စုံလာတဲ့နေ့၊ လူထုတာဝန် ကျေတဲ့နေ့မှာ သက်ဆိုင်တဲ့သူတွေ အားလုံးကလည်း ပြင်ဆင်ဖို့ သဘောတူတဲ့ အနေအထားကို ရောက်လာမှာ သေချာပါတယ်။

စည်းကမ်းမရှိ အမှိုက်မပစ်ဖို့ လူတိုင်းမှာ တာဝန်ရှိပါတယ်။ ငါတစ်ယောက်တည်း စည်းကမ်းရှိလို့ မထူးပါဘူးဆိုတဲ့ အတွေးမျိုး ဖျောက်ကြပါ။ သူများက စည်းကမ်း ချိုးဖောက်နေတာ မြင်တွေ့ရ ရင်လည်း တတ်စွမ်းသလောက် တားဆီးဖို့ တာဝန်ရှိပါတယ်။ တရား သဖြင့် စီးပွား ရှာဖွေပြီး သမာအာဇီဝ နည်းလမ်းတကျ အသက်မွေး မှုပြုဖို့ တာဝန်ရှိပါတယ်။ မတရားသဖြင့် စီးပွားရှာတဲ့ ဝိသမသမား တွေကိုလည်း အားပေးအားမြှောက် မလုပ်ဖို့ တာဝန်ရှိပါတယ်။ ကုန် ပစ္စည်းတစ်ခုကို ဝယ်လိုအားမရှိရင် မတရားဈေးနှုန်း သတ်မှတ်ပြီး ရောင်းလို့ လုံးဝမရပါဘူး။ ဝယ်သူရှိမှ ရောင်းသူ ရှိတာပါ။ မတရား ရောင်းရင် မဝယ်ဘဲ နေရမှာလည်း လူထုတာဝန် ဆိုတာ နားလည်ရ ပါမယ်။ မတရားတာကို မခံဘူးဆိုတာ လက်တွေကျကျ ကျင့်ကြံ ကြရပါလိမ့်မယ်။ ကိုယ့်အတ္တ အတွက်ကျတော့ လျှော့လျှော့ပေါ့ပေါ့ လေး စဉ်းစားနေသမျှ ကာလပတ်လုံး မတရားမှု တွေက ရှိနေဦးမယ် ဆိုတာ သတိပြုကြဖို့ လိုပါတယ်။

လူထုဆိုတဲ့အထဲမှာ အစိုးရ ဝန်ထမ်းများလည်း ပါဝင်တယ် ဆိုတာ အထူးပြောဖို့ လိုမယ်မထင်ပါ။ အစိုးရက ပြောင်းနေပေမယ့် မပြောင်းချင်တဲ့ ဝန်ထမ်းတွေက အများစု ဖြစ်နေသေးတယ်ဆိုတာ လည်း စိတ်မသက်သာစရာအကြောင်းတစ်ခုဖြစ်ပါတယ်။ ကိုယ်ကျိုးပဲရှာချင်သေးတယ်၊ အမျိုးသားရေးစိတ်ဓါတ် ဆိုတာကို ရယ်စရာလို့ပဲ သဘောထားနေသေးတယ်ဆိုရင်တော့ အစိုးရက အကောင်အထည် ဖေါ်ဖို့ ကြိုးစားနေတာတွေသဲထဲရေသွန်ဖြစ်ကုန်ပါလိမ့်မယ်။နောက်တစ်ခေတ်မှာ လူလုပ်မယ့်မျိုးဆက်သစ်တွေ အတွက် အခုလူလုပ်နေတဲ့မျိုးဆက်ကအနစ်နာခံဖို့လိုပါတယ်။ အခြေခံကောင်း တွေကို တည်ဆောက်ပေးဖို့လိုပါတယ်။ ငါ့သားငါ့သမီးတွေကို အထုပ် ကြီးကြီးပေးခဲ့ရင်စိတ်ချရပြီဆိုတဲ့ ခပ်တိမ်တိမ်အတွေးအခေါ်တွေ စွန့်လွှတ်ပြီး လူ့အဖွဲ့အစည်းတစ်ခုလုံးကောင်းအောင် တည်ဆောက်ပေးခဲ့မှဆင်းရဲသည်ဖြစ်စေ၊ချမ်းသာသည်ဖြစ်စေအာမခံချက်ရှိမယ့် ဘဝတွေကိုပိုင်ဆိုင်နိုင် မယ်ဆိုတဲ့ အသိတရားတွေ လူတိုင်းမှာကိန်းဝပ်လာမှသာ ဒီမိုကရေစီဆိုတာ ဖြစ်နိုင်ပါလိမ့်မယ်။

လူထုဆိုတဲ့ စကားရပ်ထဲမှာ သန်း ၆၀ စလုံး အကျုံးဝင်ပါတယ်။ ခရီးသည်ကတားလိုက်ရင် ကားခကို ကျသင့်တာထက် အများကြီးပိုပြောပြီး တန်ရာတန်ကြေး ဈေးဆစ်ရင်ခရီးသည်ကို စကားတောင် ပြန်မပြောတော့ဘဲ မောင်းထွက်သွားတတ်တဲ့ တက္ကစီသမားတွေလည်း အကျုံးဝင်ပါတယ်။ တက္ကစီ မီတာတွေ သုံးရမယ်ဆိုတဲ့ အမိန့်ထုတ်ပြီး အမိန့် အတိုင်း ထိထိရောက်ရောက် မလုပ်နိုင်ဘဲ စည်းကမ်း ဥပဒေတွေကို မပြင်ဘဲ ထားတဲ့ သက်ဆိုင်ရာ လူကြီးမင်းလည်း အကျုံးဝင် ပါတယ်။ နှစ်လုံးထီ တွက်ပြီး အချိန်ကုန် စိတ်လေနေတဲ့ နှစ်လုံးထီ ထိုးပြီး တစ်နေ့တစ်ခြား လုံး ပါးပါးနေတဲ့ ရပ်ကွက်ထဲက လူတွေလည်း အကျုံးဝင် ပါတယ်။

ရဲကို လိုင်းကြေးပေးပြီး ပေါ်ပေါ်ထင်ထင် ရောင်းနေတဲ့ နှစ်လုံးထီဒိုင် တွေလည်း အကျုံးဝင်ပါတယ်။ လိုင်းကြေးယူပြီး မဖမ်းမဆီးဘဲ အမျိုးသားအကျိုးစီးပွားကိုပါထိခိုက်တဲ့အထိ မသိကျိုးကျွံ ပြုနေတဲ့ ရဲအရာရှိ များလည်းအကျုံးဝင်ပါတယ်။အများပြည်သူပိုင်တဲ့ကတ္တရာလမ်းမပေါ်ကွန်ကရစ်လမ်းမပေါ် ကွမ်းတံတွေးကို အားမနာတမ်းတဗျစ်ဗျစ်ထွေးတဲ့လူတွေနဲ့အဲဒီသူတွေကိုထိထိရောက်ရောက်အရေးမယူတဲ့နိုင်ငံ့ဝန်ထမ်း တွေလည်းအကျုံးဝင်ပါတယ်။

လူထုတာဝန်တွေက ဘယ်လောက်များပြီး ဘယ်လောက်အခြေခံကျတယ် ဆိုတာ ခုလောက်ဆို တော်တော်လေးရိပ်စားမိလောက်ပါပြီ။အမျိုးသားရေးစိတ်ဓါတ်နည်းနည်းမွေးလိုက်နိုင်မယ်ဆိုရင်လွယ်လွယ် လေးနဲ့လည်း လိုက်နာဆောင်ရွက်လို့ ရနိုင်တာတွေပါ။
အခြေခံကမှစမပြင်နိုင်ရင် ဘာမှတိုးတက်ဖြစ်ထွန်းလာမှာ မဟုတ်ပါဘူး။ လူထုကခုလိုပဲဆက်ပြီး နေသာသလိုနေမယ်၊ ပြုပြင်ရမှာတွေကို မပြုပြင်ကြဘဲ မသိကျိုးကျွံ ပြုနေမယ်ဆိုရင် ဒီမိုကရေစီ နဲ့လည်း ဝေးနေပါလိမ့်ဦးမယ်။ လူထုမပြောင်းနိုင်ရင် အစိုးရပြောင်းတိုင်းလည်း တိုင်းပြည်မပြောင်းနိုင်ပါဘူး။ တိုင်းပြည်မကောင်းနိုင်ပါဘူး။ လူထုကသာတကယ်ပြောင်းပါ၊ တိုင်းပြည်သေချာပေါက် ပြောင်းပါ လိမ့်မယ်။ တိုင်းပြည်သေချာပေါက် ကောင်းပါလိမ့်မယ်။

ပိုက်တင်

Ref:thevoicemyanmar

ပြည်တော်ပြန်သင့်ပြီလား?

ဒါတွေဖတ်ပြီးမှရွှေတွေပြည်တော်ပြန်ကျပါလို့ပြောချင်ပါတယ်  ...
အမှန်တကယ်ရွှေတွေ ပြည်တော်ပြန်သင့်တဲ့အချိန်ရောက်နေပြီလား? အချိန်မရောက်သေးပါဘူးလို့ဘဲ ပြောရမှာဘဲ! မီးနှင့်လိုင်းကားတွေဘာမှထူးမလာသေးပါဘူး၊ ဖုန်းဈေးတွေ၊ကားဈေးကျလာတာဘဲ ရှိပါ သေးတယ်၊အခုတောင်ကားတွေများလာပြီး ကားလမ်းကြပ်လို့ရုံးတက်ရုံးဆင်းအချိန်တွေ ပိုပေးနေရတဲ့ ဒုက္ခရောက်နေရပြီလေ!ကဲ! သင်တကယ်ပြန်ဖို့စဉ်းစားနေပြီရင် ပြန်ပြီးမြန်မာပြည်သေချာလေ့လာကြည့် ပါအုံးနော်! ရမဲ့လစာတွေကကော ဒီကနီးပါးရနိုင်ပါမလား? အိမ်တအိမ်အတွက် လူနေမှုစရိတ်တွေက ဒီက အနေအထားနှင့် အတူတူနည်းပါးရှိနေပြီး ၀င်ငွေကကွာနေခြားနေရင် အဆင်မပြေနိုင်ပါဘူး!မြို့ပြင်က တန်ဖိုးနဲအိမ်ခန်းဈေးကဘဲသိန်း၁၅၀ ဆိုရင်တော့ သာမန်လူတန်းစားတွေအတွက်တော့ အဆင်မပြေနိုင် သေးပါဘူးလို့ပြောရင်းနှင့်ဘဲ.....


• နိုင်ငံအတွက် နိုင်ငံခြားငွေရှာဖွေခြင်းအကြောင်း

FDI- Foreign Investment ဆိုတဲ့ နိုင်ငံခြားရင်းနှီးမြှုပ်နှံမှုဆိုရင် လူပိန်းအတွေးအရ သူဌေးနိုင်ငံတွေက ဆင်းရဲတဲ့နိုင်ငံတွေဆီ လာရောက်ရင်း နှီးမြှုပ်နှံတယ်လို့ ထင်မိမယ်။ မဟုတ်ပါဘူး။ ကမ္ဘာ့ထိပ်တန်း နိုင်ငံခြားရင်းနှီး မြှုပ်နှံမှု အများဆုံးရတဲ့နိုင်ငံဟာ သူဌေးနိုင်ငံတွေပဲ ဖြစ်ပါတယ်။ အမေရိကန်ဟာ Top နေရာကိုယူထားပါတယ်။ နိုင်ငံတစ်နိုင်ငံမှာ နိုင်ငံခြားရင်းနှီးမြှုပ်နှံမှုဆိုတာမရှိရင် အဲဒီနိုင်ငံတော့ မလွယ်တော့ဘူးလို့ ပြောရပါမယ်။ ကမ္ဘာ့အချမ်းသာဆုံးဆိုတဲ့ အမေရိကန်ကို နိုင်ငံခြားကကုမ္ပဏီများ လာရောက်ရင်းနှီးဆုံးနေဆဲပါတယ်။ ၀ီကီမှာကြည့်တဲ့အခါ နိုင်ငံခြားရင်းနှီးမြှုပ်နှံမှု အများဆုံးရတဲ့ နံပါတ်အစဉ်လိုက်နိုင်ငံများဟာ အမေရိကန်၊ ပြင်သစ်၊ အင်္ဂလိပ်၊ ဂျာမဏီ၊ ဟောင်ကောင် (တရုတ် ပြည် တိုက်ရိုက်မလာလိုသူများ ဟောင်ကောင်မှတဆင့် ရင်းနှီးမြှုပ်နှံပါတယ်)၊ ဘယ်လ်ဂျီယံ၊ နယ်သာလန်၊ စပိန်၊ တရုတ် ..စသည် တို့ဖြစ်ပါတယ်။ စင်ကာပူက အဆင့် ၁၇ မှာရှိပြီး၊ ဂျပန်က အဆင့် ၂၀၊ ထိုင်းနီုင်ငံ အဆင့် ၂၈၊ တောင်ကိုးရီးယား အဆင့် ၂၉၊ အင်ဒိုနီးရှား အဆင့် ၄၁၊ ဗီယက်နမ် အဆင့် ၄၃ ရှိကြပါတယ်။>>List of countries by received FDI
မိမိငွေကို ရင်းနှီးမြှုပ်နှံဖို့ဆိုတော့ ဥပဒေစိုးမိုးတဲ့နိုင်ငံတွေမှာပဲ ရင်းနှီးမှာပါ။ အာဏာရှိတိုင်း အနိုင်ကျင့်၊ အာဏာအလွဲသုံးတဲ့ အာဏာရှင် နိုင်ငံတွေ၊ ပါးစပ်ဥပဒေတွေနဲ့အုပ်ချုပ်တဲ့နိုင်ငံများမှာ ဘယ်သူကမှ လာရောက်ရင်းနှီးမှာမဟုတ်ပါဘူ။ ဒါကြောင့် ဥပဒေစိုးမိုးရေးဟာ မြန်မာ အစိုးရရဲ့ အဓိကတာဝန်ဖြစ်တယ်လို့ ဆိုပါတယ်...

ကိုးရီးယား၊ စင်ကာပူတို့ အနှစ် ၄၀ အတွင်း ကမ္ဘာ့ထိပ်တန်းရောက်သွားတာ သယံဇာတကြောင့်မဟုတ်ပါ။ Human Resource ကြောင့်ဖြစ် ပါတယ်။ စိတ်နေစိတ်ထားပြောင်းလဲဖို့သာ အဓိကဖြစ်ပါတယ်။ တကယ်လို့ စင်ကာပူလိုပဲ မြန်မာပြည်က လျှပ်စစ်လုံလောက်စွာ ထုတ်နိုင်ရင် လည်း ၀င်ငွေမရှိရင် သုံးစွဲနိုင်မှာမဟုတ်ပါဘူး။ (data are from CIA Factbook)

 

စီမံကိန်းအမည်သာရှိပြီး လက်တွေ့အကောင်အထည်ဖော်သည့် လုပ်ငန်းနည်းပါးသည့် အတွက် အုတ်သဲကျောက်များ အရောင်းအ၀ယ်အေးပြီး ဈေးနှုန်းကျဆင်း  

စီမံကိန်းအမည်သာရှိပြီး လက်တွေ့အကောင်အထည်ဖော်သည့် လုပ်ငန်းနည်းပါးသည့်အတွက် အုတ်သဲကျောက်များ အရောင်းအ၀ယ်အေးပြီး ဈေးနှုန်းများပါ ကျဆင်းလျက်ရှိကြောင်း ဈေးကွက်အတွင်းမှ စုံစမ်းသိရှိရသည်။

ယခုနှစ်အတွင်း၌ တည်ဆောက်ရေးစီမံကိန်းပေါင်း များစွာကို လျာထားထားနိုင်သော်လည်း အမှန်တကယ် စတင်တည်ဆောက်မည့် ကာလမှာ လိုနေသေးကြောင်း သိရသည်။

နှစ်စဉ် ဒီဇင်ဘာလနှင့် ဇန်န၀ါရီလတို့မှာ အုတ်ထွက်သည့်အချိန်ဖြစ်ပြီး အရောင်းအ၀ယ် သွက်လေ့ရှိသော်လည်း ယခုနှစ်တွင်မူ အရောင်းအ၀ယ် ပါးလျက်ရှိကြောင်း၊ သဲနှင့် ကျောက်စရစ် ၀ယ်လို အားမှာလည်း ယခင်နှစ်များနှင့် နှိုင်းယှဉ်ပါက သိသာစွာ လျော့ကျသွားခဲ့ခြင်းဖြစ်ကြောင်း သိရသည်။

ယခုလက်ရှိ အုတ်သဲကျောက် ရောင်းဝယ်မှုအခြေအနေနှင့် ပတ်သက်၍ မင်္ဂလာတောင်ညွှန့်မြို့နယ်ရှိ အုတ်သဲကျောက် ရောင်းဝယ်ရေး ဆိုင်ပိုင်ရှင်ဖြစ်သူ တစ်ဦးက "မနှစ်ကတောင် ဒီနှစ်ထက်ပိုပြီးတော့ ရောင်းအားကောင်းသေးတယ်။ ဒီနှစ်မှာ ဆောက်လုပ်ရေး ကန်ထရိုက်တွေကလည်း ၀ယ်တာနည်းလာပြီး လူနေအိမ်တွေက အသေးစားပြင်ဆင်မှုအတွက် လိုအပ်တာလောက်ကိုပဲ လက်လီဝယ်ကြတာ များတယ်။ ကန်ထရိုက်သမားတွေကလည်း အခုနောက်ပိုင်း ဆောက်လုပ်ရေးလုပ်ငန်းတွေ ပါးနေပြီး သိပ်မဆောက်ကြရတော့ အရင်ယူထားတဲ့ ပစ္စည်းအတွက်တောင် ငွေအကျေအလည် မပေးချေနိုင်တာမျိုးတွေ ရှိတယ်" ဟု ပြောပြခဲ့သည်။

ဈေးကွက်အတွင်းသို့ ဆားတလင်း၊ ပဲခူး၊ တိုက်ကြီး၊ သီလ၀ါနှင့် ပင်လယ်ဝတို့မှ အုတ်၊ သဲ၊ ကျောက်များ

ဝင်ရောက်မှုများပြီး ယခုနှစ် ၀င်ရောက်မှုမှာ ပုံမှန်အတိုင်းရှိကြောင်း သိရသည်။

အုတ်ဈေးနှုန်းများမှာ ယခင်နှစ်က ကုန်းအုတ်တစ်လုံးလျှင် အမြင့်ဆုံး ၁၀၅ ကျပ်အထိ ရှိခဲ့သော်လည်း ယခုနှစ်တွင်မူ အုတ်တစ်လုံးလျှင် ၈၈ ကျပ်မှ ၉၀ ကျပ်ဝန်းကျင်သာ ရှိနေကြောင်း၊ သဲဈေးနှုန်းမှာ ယခုနှစ်တွင် တစ်ကျင်းလျှင် ၆၀၀၀ ကျပ်ဖြင့် ပုံမှန်အတိုင်းရှိနေကြောင်း၊ ကျောက်စရစ်မှာ တစ်ကျင်းလျှင် ယခင်နှစ်က ကျပ် ၅၅၀၀၀ ကျပ်အထိ ရှိသော်လည်း ယခုနှစ်တွင် ၃၈၀၀၀ ကျပ်ဝန်းကျင် ရှိကြောင်းသိရ သည်။

အုတ်နှင့်သဲဈေးနှုန်းများမှာ ပြောင်းလဲမှုနည်းသော်လည်း ကျောက်စရစ်ဈေးမှာမူ ဧပြီလသို့ရောက်လျှင် သိသာစွာ တက်လေ့ရှိပြီး မိုးရာသီတွင် ပြန်လည်ကျဆင်းလေ့ ရှိကြောင်း၊ ဘိလပ်မြေဈေးနှုန်းမှာမူ ပုံမှန်အတိုင်းရှိနေကြောင်း သိရသည်။

ဆောက်လုပ်ရေးလုပ်ငန်းများ အနေဖြင့် ကုန်းအုတ်ကို အများဆုံး အသုံးပြုပြီး ၇၄၇ တံဆိပ် အုတ်အမျိုးအစားနှင့် KBZ တံဆိပ် အုတ်အမျိုးအစားကို အ၀ယ်များကြောင်း၊ ကွန်ကရစ်အုတ်မှာမူ ဆောက်လုပ်ရာတွင် လျင်မြန်မှုရှိသော်လည်း ရေရှည်ခိုင်ခန့်မှု မရှိသဖြင့် အသုံးပြုမှုနည်းကြောင်း သိရသည်။

Ref:elevennews

 

 

အလုပ်အကိုင်သစ်များ ဖန်တီးမည့် ရင်းနှီးမြှုပ်နှံမှု အရေးတကြီးလို

ကျေးလက်စီးပွားရေး မဖွံ့ဖြိုးလျှင် နိုင်ငံ့စီးပွား မတိုးတက်နိုင် (ဓာတ်ပုံ- Reuters)

မြန်မာနိုင်ငံအနေဖြင့် အာရှကျားနိုင်ငံ များကဲ့သို့ ပြည်ပပို့ကုန်ထုတ်လုပ်ရေး ကို အခြေခံသည့် စီးပွားရေးစနစ်ကို ပြောင်းလဲရန် အရေးပေါ်လိုအပ်နေပြီး အလုပ်အကိုင်သစ်များကို ဖန်တီး ပေးမည့် ရင်းနှီးမြှုပ်နှံမှုများ ပြုလုပ် နိုင်မှသာ နိုင်ငံ့စီးပွား ခေါင်းထောင်နိုင် မည်ဟု ထိပ်တန်း အမေရိကန်မဂ္ဂဇင်း Foreign Policy ၏ ဆောင်းပါး တစောင်က တိုက်တွန်းရေးသား လိုက်သည်။
 

ဩစတြေးလျ မက်ကွာရီ တက္ကသိုလ်တွင် စီးပွားရေးဆိုင်ရာ ပါရဂူဘွဲ့ယူ စာတမ်းအတွက် မြန်မာပြည် စီးပွားရေးကို လေ့လာနေသူ ဂျဲရက်ဘစ္စင်းဂါးက Think Again: Burma’s Economy ဆောင်းပါးတွင် မြန်မာ့စီးပွားရေးကို သဘာဝဓာတ်ငွေ့၊ စိုက်ပျိုးရေး၊ သစ်၊ ကျောက်စိမ်းနှင့် သယံဇာတ ရောင်းရငွေများပေါ်တွင်သာ တည်မှီနေကြောင်း၊ မြန်မာ့ပို့ကုန် ၈၀ ရာခိုင်နှုန်းနှင့် နိုင်ငံခြားရင်းနှီးမြှုပ်နှံမှု၏ ၉၀ ရာခိုင်နှုန်းမှာ ယင်းကဏ္ဍများတွင်သာ ဖြစ်ကြောင်း၊ ယင်းမှာ အလုပ်အကိုင်သစ်များကို မဖန်တီးပေးနိုင်ကြောင်း၊ အဆိုပါ ဝင်ငွေများမှာ အစိုးရအတွက် ကောင်းမွန်သော်လည်း အစိုးရမှာ ယင်းဝင်ငွေကို ကုန်ထုတ်လုပ်မှုတွင် ပြန်လည်ရင်းနှီးရန် မစွမ်းဆောင်နိုင်ကြောင်း ရေးသားထားသည်။
 

“ဤသို့ ဖြစ်နေသော်ငြား နေပြည်တော်တွင် ပြန့်နှံ့နေသော အမြင်သဘောမှာ “နိုင်ငံခြား ရင်းနှီးမြှုပ်နှံမှု ညီမျှခြင်း ဖွံ့ဖြိုးတိုးတက်မှု” ဖြစ်ပုံရသည်။ ထိုအယူအဆ မှားသည်။ ရင်းနှီးမြှုပ်နှံမှု ပုံစံ အမျိုးမျိုးသည် တိုင်းပြည် စီးပွားရေးအပေါ် အခြေခံကျကျ သက်ရောက်မှု အမျိုးမျိုး ဖြစ်စေသည်။ နည်းပညာနှင့် ကျွမ်းကျင်မှု အတတ်တို့ကို သယ်ဆောင်လာသည့် ရင်းနှီးမြှုပ်နှံမှုသည် အကျိုးရှိသည်။ သို့သော် သယံဇာတ ရင်းနှီးမြှုပ်နှံမှုမှာ အန္တရာယ်ရှိနိုင်သည်။ အကြောင်းမှာ ပြန်လည် အသုံးမချနိုင်သည့် ပိုင်ဆိုင်မှုများကို ရောင်းချခြင်းဖြင့်သာ ဝင်ငွေကို ဖန်တီးခြင်းကြောင့်ပင်” ဟု ထောက်ပြဝေဖန်ထားသည်။

ထို့အပြင် အရင်းခံ ပြဿနာမှာ အရင်းအနှီး မရှိ၍ မဟုတ်ဘဲ ကုန်ထုတ်လုပ်ရေးအတွက် စီးပွားရေးစနစ် ကိုယ်နှိုက်ကပင် အစွမ်းမထက်၍ ဖြစ်ကြောင်းလည်း ဆိုသည်။
 

ဥပမာအားဖြင့် ခြံမြေ ဈေးများ ခေါင်ခိုက်အောင် မြင့်နေကြောင်း၊ မြေတဧက အမေရိကန်ဒေါ်လာ တသန်းကျော်ပေါက်နေကာ ဘန်ကောက်ထက်ပင်မြင့်ကြောင်း၊ တခြား အကြောင်းများကြောင့်လည်း ဈေးနှုန်းမြင့်လာရသော်ငြား အဓိက အကြောင်းတခုမှာ ရင်းနှီးမြှုပ်နှံရန် အခွင့်မရှိ၍၎င်း ဘဏ်များ၌လည်း အလုပ်မဖြစ်၍၎င်း တိုက် ခြံမြေ၊ ရွှေ၊ ကျောက်မျက် ဈေးကွက်များတွင်သာ ဝင်ရောက် ရင်းနှီးကြသောကြောင့်ဟု ရေးသားထားသည်။
 

တချိန်တည်းတွင် ကျေးလက်ဒေသများတွင် ငွေချေးနိုင်မှု လုံးဝကင်းမဲ့နေကြောင်း၊ အစိုးရ စိုက်ပျိုးရေး ဘဏ်များသည် တောင်သူများ လိုအပ်ချက်၏ သုံးပုံတပုံသာ ငွေထုတ်ချေးနိုင်ပြီး ပုဂ္ဂလိကဘဏ်များကို ငွေထုတ်မချေးရန် ပိတ်ပင်ထားကြောင်း၊ ထို့ကြောင့် ပြင်ပငွေချေးသူများထံတွင် တလ ၁၀ ရာခိုင်နှုန်း အတိုးဖြင့် ငွေချေးနေရ၍ လယ်သမားများအကြွေးသံသရာလည်ကာ ဆင်းရဲတွင်းမှရုန်းမလွတ်နိုင် ဟုလည်း ဝေဖန်ရေးသားထားသည်။
 

စီးပွားရေးပိတ်ဆို့မှုမှာ တိုင်းပြည်စီးပွားရေးကို ထိခိုက်ခဲ့သော်လည်း ပုဂ္ဂလိကကဏ္ဍအတွက် အကြီးဆုံးပြဿနာ မဟုတ်ဟုလည်း ရန်ကုန်နှင့် မန္တလေးရှိ စီးပွားရေးသမားများကို ကိုးကား၍ဆိုသည်။ နှစ်ပေါင်းများစွာကြာ ပုဂ္ဂလိကစီးပွားရေး ကဏ္ဍကို ဒုက္ခပေးနေသည်မှာ လျှပ်စစ်မီး မလုံလောက်ခြင်း၊ နိုင်ငံရေး မတည်ငြိမ်ခြင်း၊ လာဘ်စားခြင်းတို့ဖြစ်ပြီး ပြဿနာများမှာ အစိုးရ၏ လက်တွင်း၌သာရှိကြောင်း၊ စီးပွားရေးပိတ်ဆို့မှုမှာ ကြီးမားသော အမေရိကန်ဈေးကွက်ကို လက်လွှတ်ရခြင်းနှင့် အမေရိကန် ငွေကြေးဝန်ဆောင်မှုကိုသုံးမရခြင်းတို့ကြောင့်နောက်ထပ်အကြီးဆုံးအခက်အခဲဖြစ်သည်ဟု ရေးသားသည်။ လမ်းပန်းဆက်သွယ်ရေး ခက်ခဲမှု၊အမျိုးမျိုးပြောင်းနေသည့် မူဝါဒ၊ ဘက်မလိုက်သည့် တရားစီရင်ရေး ကင်းမဲ့မှုစသည့် များမြှောင်သော အခြားအကြောင်းများကလည်း စီးပွားရေးလုပ်ငန်းများကို စရိတ် ပိုထောင်းစေကြောင်းလည်း ဆိုသည်။
 

ဆောင်းပါးရှင်က စီးပွားရေးပိတ်ဆို့မှုခံရသော ခရိုနီနှင့် စစ်တပ်ပိုင် ကုမ္ပဏီများအဖို့ ပိတ်ဆို့မှုကို ကျော်လွှားရန်ငွေကြေးအရင်းအမြစ်များနှင့် နိုင်ငံတကာအဆက်အသွယ်ကောင်းများကို ရရှိထားပြီ ဖြစ်သော်လည်း မြန်မာ့စီးပွားရေး ဖွံ့ဖြိုးမှုအတွက် မရှိမဖြစ် လိုအပ်သော အသေးစားနှင့် အလတ်စား လုပ်ငန်းရှင်တို့က ပိတ်ဆို့မှုကြောင့် ခါးစည်း အခံရဆုံး ဖြစ်နေတော့သည်ဟု ဆိုထားသည်။

“စီးပွားရေး ဆက်လက် ပိတ်ဆို့ထားခြင်းက လူ့အခွင့်အရေး ချိုးဖောက်မှု စိုးရိမ်ချက်များ ဖော်ထုတ်ခြင်းကို မကူညီနိုင်သလို ပြုပြင်ပြောင်းလဲမှုနှင့်ဖွံ့ဖြိုးရေးတို့ကိုလည်းနှောင့်နှေးစေလိမ့်မည်” ဟုမှတ်ချက်ပေးထား သည်။
 

မြန်မာပြည် နိုင်ငံရေးဖွဲ့စည်းပုံ ပြောင်းလဲနေသော်လည်း စီးပွားရေး ချုပ်ကိုင်မှုက မပြောင်းလဲဘဲ ပုဂ္ဂိုလ်ရေး နီးစပ်မှုဖြင့်သာ စခန်းဆက်သွားနေကြောင်းလည်း ဆိုသည်။ နိုင်ငံပိုင်လုပ်ငန်းများကို ပုဂ္ဂလိကပိုင် ပြုရာ၌ ရန်ကုန်၊မန္တလေးနှင့်နေပြည်တော်ရှိအဆက်အသွယ်ကောင်းနှင့်ငွေရှိသူများသာအခွင့်ထူးခံစားကြရကြောင်း ထောက်ပြထားသည်။
 

မြန်မာပြည်အနေဖြင့် ခိုင်မာတောင့်တင်းသည့် အခွန်စည်းကြပ်မှုစနစ် ကင်းမဲ့နေပြီး အသစ်ပြုလုပ်ထားသော ပုဂ္ဂလိကပိုင်ကုမ္ပဏီများမှ ထပ်မံဝင်လာသော အခွန်အတုပ်များကိုလည်း မြန်မာပြည်သူတို့မခံစားရကြောင်းလည်းဆိုသည်။ (တပ်ပိုင် စီးပွားရေး လုပ်ငန်းများကလည်း အခွန်ပေးစရာ မလိုပေ။) “တိုင်းပြည်ဖွံ့ဖြိုးရေး ရည်မှန်းချက်များနှင့် ဆန့်ကျင်စွာ ပြုပြင်ပြောင်းလဲမှု အများအပြားသည် လက်တဆုပ်စာ လူနည်းစု ကောင်းစားရေးသို့သာ ဦးတည်နေတော့သည်” ဟု ဆောင်းပါးရှင်က မှတ်ချက်ပြုထားသေးသည်။
 

စီးပွားရေးနှင့် ပတ်သက်၍ အချင်းပွားနေသည်မှာ “ခေါင်းမာဂိုဏ်း” နှင့် “ပြုပြင်ရေးဂိုဏ်း” မဟုတ်ဟုလည်း ဆိုသည်။ အတိတ်ကို လွမ်းနေသူမှာ အနည်းငယ်မျှသာဟု ဆိုပြီး စီးပွားရေးစနစ်သစ်ကို မည်သို့ ပုံဖော်မည်ဆိုသည့်အပေါ် လွန်ဆွဲနေကြောင်းသာ ဖြစ်သည်ဟု ဆိုသည်။ တဘက်တွင် နိုင်ငံတကာဈေးကွက်သို့ တံခါးဖွင့်လိုက်သောကြောင့် အကျိုးအမြတ် ရရှိလာသော လုပ်ငန်းများနှင့် အဆင့်မှီ ကုန်ပစ္စည်းများအတွက် အမြဲ ဈေးပိုပေးနေရသော စားသုံးသူများရှိပြီး တခြားတဘက်တွင် စီးပွားရေး စနစ်ဟောင်းအောက်တွင် လုပ်ငန်း တည်ထောင်ခဲ့သူများနှင့် အကယ်၍ တိုင်းပြည်ကို တံခါးဖွင့်ရာတွင် အလွန်မြန် အရမ်းဖွင့်ပါက လုပ်ငန်း ဆုံးရှုံးသွားနိုင်သူများ ရှိကြောင်း ဆိုသည်။

ထို့အပြင် နိုင်ငံခြား ရင်းနှီးမြှုပ်နှံမှုဆိုင်ရာ ဥပဒေအပေါ် ငြင်းခုံနေကြသော်လည်း တိုင်းပြည်၏ ၇၀ ရာခိုင်နှုန်း အလုပ်လုပ်နေကြသော စိုက်ပျိုးရေးကဏ္ဍကဲ့သို့အရေးပေါ်လိုအပ်နေသည့်စီးပွားရေး ပြုပြင်ပြောင်းလဲရေး ကိုမူမေ့ထားကြကြောင်းပြောသည်။ မြေယာများ သိမ်းယူမှုနှင့် မြေယာစီမံခန့်ခွဲရေးများမှာ လယ်သမားများအတွက် အကျိုးမရှိသလောက် ဖြစ်ကြောင်းလည်း ဆိုသည်။ လယ်စိုက်သူများ ငွေမဖြစ်ဟု ဆိုလိုက်ပြီး (စရိတ်ထောင်း သောကြောင့်) ငွေဖောင်းပွနှုန်း မြင့်နေပြီး (နိုင်ငံခြားငွေလဲနှုန်းကြောင့်) စပါးဈေးကျနေ၍ အကြွေးတင်မှုကျယ်ကျယ်ပြန့်ပြန့် ဖြစ်နေသည်ဟု ဆိုထားသည်။ ချေးငွေနှင့် လက်လှမ်းမှီသော ကုမ္ပဏီများ၏ ကန်ထရိုက်စိုက်ပျိုးရေး လုပ်ငန်းသာ တွင်ကျယ်လာနေပြီး တောင်သူများ ကျောမွဲဘဝက လွတ်ဖွယ်မမြင်၍ ပုံဖျက်ထားသော မြန်မာ့စီးပွားရေးပင်ဟု နိဂုံးချုပ်ထားသည်။
 

ဆောင်းပါးရှင်က နောက်ဆုံးအကြံပြုချက်မှာ ကျေးလက်စီးပွားရေး ပြဿနာများကို ဖြေရှင်းရန် ရေရှည်နည်းနာရှိမှဟူ၍ပင်။ အခွန်ကင်းလွတ်ခွင့်ပြုထားသော နိုင်ငံခြားရင်းနှီးမြှုပ်နှံမှုများသည် အဖြေမဟုတ်။ လယ်ယာ အလုပ်သမားများ၏ ထုတ်လုပ်နိုင်စွမ်းကို မြှင့်တင်ပေးရန်၊ အမှန်တကယ် တိုင်းတာတွက်ချက်နိုင်မည့်လယ်ယာကုန်ထုတ်လုပ်မှုကဏ္ဍ တည်ထောင်ရန်နှင့် သယံဇာတရောင်းရငွေများ လယ်ယာစိုက်ပျိုးရေးကဏ္ဍ၏ အခြေခံအဆောက်အဦများတွင်ပြန်လည်ရင်းနှီးမြှုပ်နှံမှသာ တိုင်းပြည်စီးပွား ရေး  အစစ်အမှန် ဖွံ့ဖြိုးနိုင်မည်ဟု အကြံပြုထားသည်။
Ref:burmese.irrwaddy.org


ဆက်စပ်သတင်းများကို...
(၁) ကမ္ဘာပေါ်ရှိ နေထိုင်စားသောက်ကုန်ကျစရိတ် အမြင့်ဆုံး မြို့ကြီးများစာရင်းတွင် ရန်ကုန်မြို့ အဆင့် ၃၅ အထိခုန်တက်

(၂) မြန်မာ့စီးပွားရေး စဉ်းစားဆင်ခြင်စရာများ

(၃) ပြည်တော်ပြန်ရန် စဉ်းစားနေကြပါသလား(ဇော်အောင်-moemaka)

(4) Vietnam’s FDI in perspective of competition with Myanmar

အာရှကျားဖြစ်မယ့် မြန်မာပြည်တဲ့လား

အာရှဖွံ့ဖြိုးရေးဘဏ် (အေဒီဘီ) က သိပ်မကြာသေးခင်းတုန်းကပဲ မြန်မာပြည်ဟာ အာရှမှာ ထွန်းတောက်လာမယ့် နိုင်ငံတနိုင်ငံလို့ နိမိတ်ဖတ်လိုက်ပါတယ်။ ဩဂုတ်လအတွင်းမှာ ထုတ်ပြန်တဲ့ အေဒီဘီ အစီရင်ခံစာရဲ့ သုံးသပ်ချက်မတိုင်ခင်မှာလည်း နိုင်ငံတကာအဖွဲ့အစည်းတွေ၊ အကြံပေးပညာရှင်အဖွဲ့တွေ၊ အစိုးရတွေနဲ့၊ အစိုးရမဟုတ်တဲ့ အဖွဲ့အစည်းတွေကလည်း ဒီလိုပဲ ခန့်မှန်းခဲ့ကြပါတယ်။ နိုင်ငံခြားသား ရင်းနှီးမြှုပ်နှံသူတွေ ကြားထဲမှာလည်း ဒီအမြင်ကို ကျယ်ကျယ်ပြန့်ပြန့် လက်ခံထားကြပါတယ်။

ဒီလိုနဲ့ စီးပွားရေးမြို့တော် ရန်ကုန်မှာ တည်းခိုစရာ ဟိုတယ်ခန်းတွေ ရဖို့ ပိုခက် လာသလောက်၊ မြန်မာပြည်ကို သွားဖို့ လေယာဉ်ကလည်း စီးပွားရေးသမားတွေနဲ့ပဲ ပြည့်နေ တတ်ပါတယ်။ အာရှကျားဖြစ်လာတော့မယ့် မြန်မာပြည်မှာ အခွင့်အရေး လက်လွှတ်ခံရမှာကို စိုးရိမ်စိတ်နဲ့ အလုအယက်သွားနေကြတာပါ။

စီးပွားရေးတွဲဖက်ပါမောက္ခ Sean Turnell

မြန်မာပြည်ကြီး အခုလို အသစ်စက်စက် မက်မောစရာဖြစ်လာရတာ ၂၀၁၁ ခုနှစ် မေလမှာ အမည်ခံ အရပ်သားအစိုးရအဖွဲ့ရဲ့ အကြီးအကဲဖြစ်လာတဲ့ သမ္မတ ဦးသိန်းစိန် စတင်ဖန်တီးလိုက်တဲ့ ဆက်တိုက်ပြုပြင်ပြောင်းလဲမှုတွေရဲ့ ရလဒ်လို့ ဆိုနိုင်ပါတယ်။

ပြုပြင်ပြောင်းလဲမှုတွေ အများစုက စီးပွားရေးထက် နိုင်ငံရေးက ပိုများတယ်ဆိုနိုင်ပေမယ့် အရင်တုန်းကတော့ မြန်မာပြည်ဆိုရင် လူ့အခွင့်အရေးကိစ္စတွေနဲ့ ပက်သက်လို့ အပယ်ခံ၊ စီးပွားရေး အခွင့်အလမ်းတွေ အဟောသိကံဖြစ်နေတဲ့ တိုင်းပြည်အဖြစ် တလျှောက်လုံး မြင်ခဲ့ကြတဲ့ နိုင်ငံတကာရဲ့ အမြင်တွေကိုတော့ ပြောင်းလဲသွားဖို့ အထောက်အပံ့ ဖြစ်သွားတာကတော့ အမှန်ပါပဲ။

ဥရောပက အစိုးရတွေ၊ အမေရိကန် ပြည်ထောင်စု၊ ကနေဒါ၊ ဩစတြေးလျနဲ့ နယူးဇီးလန်တို့က မြန်မာပြည်ရဲ့ ပြုပြင်ပြောင်းလဲမှုတွေ အတွက် ဆုလာဘ်အဖြစ် အရင်တုန်းက ဒဏ်ခတ် ပိတ်ဆို့မှုတွေထဲက တော်တော်များများကို တရစ်ပြီး တရစ်လျှော့ချရင်း၊ ပြုပြင်ပြောင်းလဲရေးသမားတွေကို အားပေးရင်း၊ သက်ဆိုင်ရာ နိုင်ငံတွေက စီးပွားရေးသမားတွေကိုလည်း အရင်က ပိတ်ထားတဲ့ စီးပွားရေးအခွင့်အလမ်းတွေကို ဖွင့်ပေးလိုက်ပါတယ်။

ဒီလို အပြုသဘော တိုးတက်မှုတွေ ရှိလာပေမယ့် မြန်မာပြည်ရဲ့ ပြုပြင်ပြောင်းလဲရေးဆိုတာတွေက သမ္မတ ဦးသိန်းစိန်၊ အရေးကြီးတဲ့ စစ်အရာရှိတချို့နဲ့ ဒေါ်အောင်ဆန်းစုကြည်တို့လို လူပုဂ္ဂိုလ် အနည်းစုလေးမှာပဲ မှီခိုနေရတဲ့ ကွဲလွယ်ရှလွယ်၊ မရေမရာ အခြေအနေပါပဲ ။ ပြောရရင် ပြုပြင်ပြောင်းလဲရေး လုပ်ငန်းစဉ်တွေ ပြီးမြောက်ဖို့ ခရီးကလည်း ဝေးလွန်းပါသေးတယ်။

နှစ်ပေါင်း ၅၀ ကြာ တလွဲစီမံခန့်ခွဲမှုတွေကြောင့် စီးပွားရေးလောကမှာ ဒဏ်ရာတွေကလည်း ဗရပွနဲ့ ရှိ နေပါတယ်။ အခြေခံအဆောက်အဦပိုင်းမှာ ဖရိုဖရဲဖြစ်နေတာ၊ အဂတိလိုက်စားမှုတွေ သောင်းကျန်းနေတာ ခရိုနစ်စနစ်၊ အစိုးရရဲ့ စွမ်းရည်ပိုင်းနဲ့ ပေါ်လစီ ချမှတ်တဲ့ အပိုင်းမှာ အားနည်းချက်တွေရှိနေတဲ့ အခြေအနေ၊ လက်စမသတ်နိုင်သေးတဲ့ လူ့အခွင့်အရေး ချိုးဖောက်မှုတွေ၊ တိုင်းရင်းသားပဋိပက္ခနဲ့ ဘဏ္ဍာရေးကဏ္ဍ အဆင်ပြေပြေ လည်ပတ်နိုင်ရေးမှာ အကန့်အသတ်တွေရှိနေတာ၊ တခြား ပြဿနာသောင်းခြောက်ထောင်ကြောင့် အသွင်ကူးပြောင်းရေးမှာ အခက်ကြုံနေရပါတယ်။

ဒီလို အခက်အခဲတွေဟာ အသွင်ကူးပြောင်းတဲ့ နိုင်ငံတိုင်းမှာ ကြုံရလေ့ရှိတဲ့ ပြဿနာတွေပါပဲ။ ဒါပေမယ့် ဒီအခက်အခဲတွေကြောင့် မြန်မာ့စီးပွားရေးနဲ့ပတ်သက်လို့ သုံးသပ်တဲ့အခါတိုင်းမှာ သတိကြီးကြီးထားဖို့ လိုအပ်တယ်ဆိုတာကို သတိပေးနေပါတယ်။

တချိန်တည်းမှာ ကျန်နေသေးတဲ့ စီးပွားရေးဒဏ်ခတ်ပိတ်ဆို့မှုတွေကြောင့် မြန်မာပြည်ထဲကို ရင်းနှီးမြှုပ်နှံမှုတွေက ထင်သလောက်ဝင်လာဖို့ အရေးမှာ အဟန့်အတား ဖြစ်နေပါတယ်။ နောက်ဆုံးကျန်နေတဲ့ အထဲက အရေးအကြီးဆုံးကတော့ အမေရိကန် ပြည်ထောင်စုက ချမှတ်ထားတဲ့ မြန်မာပို့ကုန်တွေကို ပိတ်ပင်ထားတဲ့ ဥပဒေပါပဲ။ ၂၀၀၃ ခုနှစ် မြန်မာ့ လွတ်လပ်ရေးနဲ့ ဒီမိုကရေစီ ဥပဒေအရ ချမှတ်ထားတဲ့ ဥပဒေကို ၂၀၁၂ ခုနှစ် ဇူလိုင်လ ၁၈ ရက်နေ့မှာ ၃ နှစ်သက်တမ်းတိုးထားပါတယ်။ ဒါပေမယ့် မြန်မာပြည်က အခြေအနေတွေ တိုးတက်လာရင် အမေရိကန်သမ္မတက ဆိုင်းငံ့ထားမယ်ဆိုရင်လည်း ဖြစ်ပါတယ်။ ဒီပိတ်ဆို့မှုကြောင့် မြန်မာပြည်မှာ အလုပ်အကိုင် အခွင့်အလမ်းတွေကို ဖန်တီးပေးနိုင်မယ့် ထုတ်လုပ်မှုကဏ္ဍနဲ့ ဆိုင်တဲ့ (ဥပမာ ချည်မျှင်နဲ့ အထည်အလိပ်) လုပ်ငန်းတွေလို ကဏ္ဍတွေမှာ နိုင်ငံခြားရင်းနှီးမြှုပ်နှံမှုတွေ ၀င်လာမယ့်ကိစ္စကို တုံ့ဆိုင်းသွားစေပါတယ်။

ပြည်တွင်းရင်းနှီးမြှုပ်နှံမှုဥပဒေကလည်း ဒီနေရာမှာ အရေးကြီးပါတယ်။ နိုင်ငံတကာက အရင်းအနှီးတွေကို ဆွဲဆောင်နိုင်စွမ်းတဲ့ အလားအလာကောင်းတွေတဲ့ ရှိနေတဲ့အခြေအနေမှာ ရင်းနှီးမြှုပ်နှံမှုဥပဒေက အဆုံးအဖြတ်ပေးသွားတာမျိုးရှိတတ်လို့ပါ။ သမိုင်းကြောင်းအရ နိုင်ငံခြား ရင်းနှီးမြှုပ်နှံမှုတွေကို လှိုက်လှိုက်လှဲလှဲမရှိခဲ့တဲ့၊ ကန့်သတ်ခဲ့တဲ့ မြန်မာပြည်လို နိုင်ငံမျိုးအတွက်ဆိုရင် အခုလို အသွင်ကူးပြောင်းနေတဲ့ ကာလမှာ ပိုလို့တောင် အရေးကြီးပါတယ်။

သမ္မတဦးသိန်းစိန်က လက်မှတ်ထိုးပြီးရင် အတည်ဖြစ်လာတော့မယ့် ရင်းနှီးမြှုပ်နှံမှုဥပဒေဟာ နိုင်ငံခြားရင်းနှီးမြှုပ်နှံမှုတွေကို ဆွဲဆောင်နိုင်မယ့် အခြေအနေတွေ ထည့်သွင်း ရေးဆွဲထားပါတယ်။ ဥပဒေသစ်အရ နိုင်ငံခြားရင်းနှီးမြှုပ်နှံသူတွေဟာ မြန်မာပြည်မှာ နှစ်ရှည်မြေငှားရမ်းခွင့်တွေရကြမှာ ဖြစ်ပါတယ်။ (အခုအချိန်အထိတော့ မြေငှားရမ်းခွင့်ကို တင်းတင်းကျပ်ကျပ် ကန့်သတ်ထားသလို၊ နိုင်ငံတော်ကပဲ မြေယာအားလုံးနီးပါးရဲ့ သီးသန့်ပိုင်ရှင်ဖြစ်နေပါသေးတယ်။)

ဥပဒေအသစ်အရ နိုင်ငံခြားက ရင်းနှီးမြှုပ်နှံသူတွေဟာ ၅ နှစ်အခွန်ကင်းလွတ်ခွင့် ရကြမှာ ဖြစ်ပြီး၊ တခြား အခွန် လျှော့ပေါ့ပေးတာတွေကို ခွင့်ပြုထားသလို၊ နိုင်ငံပိုင်သိမ်းခံရမယ့် ဘေးကနေလည်း အာမခံထားပါတယ်။ (စီးပွားရေးလုပ်ငန်းတွေကို အစိုးရက ပြည်သူပိုင် သိမ်းခဲ့ဖူးတဲ့ သမိုင်းကြောင်းရှိခဲ့တဲ့ မြန်မာပြည်အတွက် ကိစ္စက အရေးကြီးပါတယ်။)

အခုအထိ တင်ပြခဲ့သလောက်တော့ အပြစ်ပြောစရာမရှိသေးပါဘူး၊ ဒါပေမယ့် မြန်မာပြည်ရဲ့ နိုင်ငံခြားရင်းနှီးမြှုပ်နှံမှုဥပဒေကို ကြည့်ရင် အကျိုးစီးပွားမတူတဲ့ အုပ်စုတွေ မြန်မာပြည်ထဲမှာ ဆက်ရှိ နေတယ်ဆိုတာကို တွေ့နိုင်ပါတယ်။ အထူးသဖြင့် ဥပဒေထဲမှာ မကြာခင် နှစ်တွေအတွင်း တိုင်းပြည်ရဲ့အဓိက စီးပွားရေးကဏ္ဍတွေမှာ ချယ်လှယ်ခဲ့ကြတဲ့ ခရိုနီစီးပွားရေး အုပ်စုတွေရဲ့ အကျိုးစီးပွားတွေက ထင်ဟပ်နေပါတယ်။

စီးပွားရေးကဏ္ဍတိုင်းလိုလိုမှာ လက်တံဖြန့်ကျက်ထားတဲ့ ခရိုနီတွေက နိုင်ငံခြား ပြိုင်ဆိုင်မှုဆိုတာကို အရင်ဆုံးနဲ့ အရေးအကြီးဆုံး ခြိမ်းခြောက်မှုအဖြစ် မြင်ကြပါတယ်။ ဒါကြောင့်ပဲ နိုင်ငံခြားရင်းနှီးမြှုပ်နှံမှုဥပဒေမှာ လက်လီ အရောင်းအ၀ယ်လုပ်ငန်း၊ စိုက်ပျိုးရေးကဏ္ဍပိုင်ဆိုင်မှု၊ သားငါးလုပ်ငန်းနဲ့ တခြား အခြေခံ လူသုံးကုန်ပစ္စည်းလို အပေါ့စားစက်မှုလုပ်မှုလုပ်ငန်းနဲ့ ၀န်ဆောင်မှုလုပ်ငန်းတွေမှာ နိုင်ငံခြား ရင်းနှီးမြှုပ်နှံသူတွေရဲ့ အခန်းကဏ္ဍကို ကန့်သတ်ထားတဲ့အချက်တွေ ပါဝင်နေပါတယ်။

ပြောရရင် နောက်ဆုံးကျတော့ လစ်ဘရယ် ပြုပြင်ပြောင်းလဲရေးသမားတွေနဲ့ အရင်အစိုးရ လက်ထက်တုန်းက အကျိုးဖြစ်ထွန်းခဲ့သူတွေကြားမှာ အားပြိုင်မှုက နိုင်ငံခြားရင်းနှီးမြှုပ်နှံမှုဥပဒေဆိုတာကို ပုံဖော်လိုက်တာပါပဲ။ နောင်မှာလည်း မြန်မာပြည်ဟာ စစ်မှန်တဲ့ စီးပွားရေး တိုးတက်မှုလမ်းကြောင်းပေါ်ကို တက်နိုင်၊ မတက်နိုင်ဆိုတာကိုလည်း ဒီအားပြိုင်မှုကပဲ ဆုံးဖြတ်ပါလိမ့်မယ်။

Macquarie University မှ စီးပွားရေးတွဲဖက်ပါမောက္ခ Sean Turnell ရေးသားသည့် Myanmar: Asia’s next ‘tiger’? ဆောင်းပါးကို ဘာသာပြန်ပါသည်။)

နေသွင်

Ref;burmese.dvb.no

မြန်မာ့စီးပွားရေး စဉ်းစားဆင်ခြင်စရာများ

မနှစ်တုန်းက မြန်မာပြည်ရဲ့ နိုင်ငံခြားပို့ကုန်တွေကို ကြည့်လိုက်ရင် ဆိုခဲ့တဲ့ကဏ္ဍတွေက ရတဲ့ ၀င်ငွေက ၈၀ ရာခိုင်နှုန်းရှိပါတယ်။ လွန်ခဲ့တဲ့ ဆယ်နှစ်အတွင်း နိုင်ငံခြား ရင်းနှီးမြှုပ်နှံမှုတွေကို ကြည့်လိုက်ရင်လည်း ရေနံ၊ ဓာတ်ငွေ့၊ သတ္တုတူးဖော်ရေးကဏ္ဍတွေမှာ ရင်းနှီးမြှုပ်နှံမှုကပဲ နိုင်ငံခြားတိုက်ရိုက် ရင်းနှီးမြှုပ်နှံမှုစုစုပေါင်းရဲ့ ၉၀ ရာခိုင်နှုန်းဖြစ်နေပါတယ်။ အခုတခါ မြန်မာနဲ့ အနောက်နိုင်ငံတွေကြားမှာ ပြန်လည် သင့်မြတ်သွားကြပြန်တော့ စောစောက ကဏ္ဍတွေက အရင်ထက်တောင် စန်းပွင့်လာဖို့ ရှိပါတယ်။ ဒီနှစ်အစောပိုင်းမှာပဲ အစိုးရသစ်က ရေနံနဲ့ ဓာတ်ငွေ့ လုပ်ကွက် ၁၀ ခုကို လုပ်ကိုင်ခွင့်တွေ ချပေးခဲ့သလို နောက်ထပ် ၂၃ ကွက်မှာ လုပ်ကိုင်မယ့် သူတွေကို ဖိတ်ခေါ်နေပါတယ်။ သတ္တုတူးဖော်ခြင်းလုပ်ငန်းနဲ့ စိုက်ပျိုးရေးလုပ်ငန်းတွေအတွက် လုပ်ပိုင်ခွင့်တွေ ချပေးနေတာ ရှိပါတယ်။ တယ်လီကွန်မြူနကေးရှင်းနဲ့ ဘဏ်လုပ်ငန်းတွေမှာ စိတ်ဝင်စားမှု တချို့ရှိနိုင်ပေမယ့် နိုင်ငံခြားရင်းနှီးမြှုပ်နှံသူတွေ အဓိက မျက်စိကျမယ့် ကဏ္ဍက သဘာဝသယံဇာတတွေကို ထုတ်ယူတဲ့ကဏ္ဍ (extractive industries) တွေပဲ ဖြစ်နေပါတယ်။

 

မြန်မာပြည် ပြဿနာက အရင်းနှီးမရှိတဲ့ ပြဿနာလား။

ဟုတ်သယောင်ယောင်နဲ့ မဟုတ်ပါဘူး။ တကယ်တမ်း မြန်မာ့စီးပွားရေးရဲ့ အခြေခံကျတဲ့ ပြဿနာက အရင်းနှီးတွေကို သူ့နေရာနဲ့သူ အဆင်ပြေပြေ၊ အကျိုးရှိရှိ အသုံးမချနိုင်တဲ့ ပြဿနာ ဖြစ်နေပါတယ်။

လွန်ခဲ့တဲ့ နှစ်ပိုင်းတွေအတွင်း ရန်ကုန်နဲ့ မန္တလေးမှာ အိမ်ခြံမြေဈေးတွေ အဆမတန် ထိုးတက်သွားတာကို ကြည့်လိုက်ရင် မြန်မာပြည်က အထက်တန်းလွှာတွေရဲ့ လက်ထဲမှာ ငွေပင်ငွေရင်း တော်တော်များများ ရှိ နေတယ်ဆိုတာရဲ့ သက်သေပါပဲ။ မြို့လယ်မှာ တဧကလောက် ကျယ်တဲ့ မြေတကွက်ရဲ့ တန်ဖိုးက အမေရိကန်ဒေါ်လာ ၁ သန်းလောက်တော့ အောက်ထစ်ဈေး ပေါက်ပါတယ်။ ပြောရရင် ဘန်ကောက်က မြေဈေးထက်တောင် ပိုမြင့်နေပါတယ်။

ဒီလို ဈေးမြင့်ရတဲ့ တခြားအကြောင်းတွေ ရှိနိုင်ပေမယ့် အဓိက အရင်းခံ ဇစ်မြစ်ကတော့ ငွေလုံး ငွေရင်းတွေကို ရင်းနှီးမြှုပ်နှံစရာ တခြားနေရာမရှိတဲ့ ပြဿနာပါပဲ။ ဘဏ်တွေက စိတ်မချရသလို ငွေကြေးတွေကို နိုင်ငံခြားကို လွှဲပြောင်းဖို့ကလည်း မလွယ်ပါဘူး။ ဒါကြောင့် လူတွေက ငွေရလာရင် အိမ်ခြံမြေ၊ ရွှေ၊ ကျောက်မျက်တွေကိုပဲ ၀ယ်စုထားလိုက်ကြပါတယ်။

မယုံနိုင်စရာအပြောင်းအလဲတွေ ဖြစ်နေတယ်၊ ရှေ့ မှာလည်း ဧကန်လာဦးမှာလား။ သိပ်တော့ မထင်ပါနဲ့ဦး၊ အစိုးရက စီးပွားရေးဖြေလျှော့မှုတွေမှာ အရေးကြီးတဲ့ အဆင့်တွေကို လုပ်ဆောင်ခဲ့တာမှန်ပါတယ်။ ဥပမာအနေနဲ့ ငွေလဲနှုန်းကို ပြုပြင်လိုက်တာ၊ သွင်းကုန် စည်းမျဉ်း၊ စည်းကမ်းတွေကို လျှော့ချပေး လိုက်တာမျိုးတွေပါ။ ဒါပေမယ့် တစုံလုံးအနေအထား မှာတော့ စီးပွားရေးထက်စာရင် နိုင်ငံရေးအပြောင်း အလဲတွေကပိုပြီးမယုံနိုင်စရာကောင်းတာပါ။ တဖက်မှာ စီးပွားရေးနဲ့ ပတ်သက်တဲ့ ဥပဒေအသစ်တွေကို ကြည့်လိုက်ရင်ပဲ ဘ၀င်မကျချင်စရာတွေ အများကြီးရှိ နေပါတယ်။

တကယ်တော့ မြန်မာ့စီးပွားရေးလောကမှာ ခေါင်းမာဂိုဏ်းနဲ့ ပြုပြင်ပြောင်းလဲရေး သမားတွေကြားထဲမှာ တိုက်ပွဲပြင်းထန်နေတာ မဟုတ်ပါဘူး။ အရင်စနစ်ဟောင်းရဲ့ အကျိုးကျေးဇူးတွေကို ခံစားခဲ့ရတဲ့ လူနည်းစုလေးက အတိတ်ကို တသသဖြစ်နေကြပါတယ်။ အခုဖြစ်နေတဲ့ ပြဿနာက စီးပွားရေး အခင်းအကျင်းသစ်အပေါ်မှာ ပေါ်ပေါက်နေတဲ့ ပဋိပက္ခဖြစ်ပါတယ်။

ပဋိပက္ခရဲ့ ဘက်တဘက်မှာ နိုင်ငံတကာ ဈေးကွက်တွေ ပွင့်လာတာကြောင့် အကျိုးကျေးဇူးခံစားရတဲ့ စီးပွားရေးလုပ်ငန်းတွေနဲ့ တချိန်တုန်းက တခြားရွေးစရာမရှိလို့ စံချိန်မမီတဲ့ ပစ္စည်းတွေကို မတန်မရာဈေးတွေ ပေးဝယ်ခဲ့ရတဲ့ စားသုံးသူတွေ ရှိနေပါတယ်။ တခြားတဖက်မှာတော့ အရင်စီးပွားရေး ပုံစံအဟောင်းအပေါ်မှာ စီးပွားရေးကို တည်ဆောက်ထားတာကြောင့် စီးပွားရေးကို မြန်မြန်နဲ့ကျယ်ကျယ် ဖွင့်လိုက်ရင် သူတို့ လုပ်ငန်းတွေ ကျဆုံးသွားမှာကို စိုးရိမ်နေတဲ့ လူတွေရှိနေပါတယ်။ တိုက်ပွဲက အပြောင်းအလဲလုပ်မယ်၊ မလုပ်ဘူးဆိုတဲ့ အပေါ်မှာ ၀ိဝါဒ ကွဲနေကြတာမဟုတ်ပါဘူး။ အပြောင်းအလဲကို ဘယ်လိုလုပ်မှာလဲ၊ ဘယ်သူတွေက အကျိုးရှိမှာလဲ ဆိုတဲ့အပေါ်မှာ အပေးအယူမတည့် ဖြစ်နေကြတာပါ။

လွှတ်တော်က အတည်ပြုပြီး သမ္မတ ဦးသိန်းစိန်က လက်မှတ်မထိုးသေးရသေးတဲ့ နိုင်ငံခြား တိုက်ရိုက် ရင်းနှီးမြှုပ်နှံမှု ဥပဒေအသစ်ကို ကြည့်လိုက်ရင် တိုက်ပွဲက မပြီးသေးဆိုတာကို သိသာနေပါတယ်။ နိုင်ငံခြားရင်းနှီးမြှုပ်နှံမှုတွေ ခပ်မြန်မြန် အလုံးအရင်းနဲ့ ဆွဲဆောင်နိုင်ဖို့ ကြိုးပမ်းမှုရဲ့ တစိတ်တဒေသအဖြစ် အစောပိုင်းမှာ အစိုးရက လိုက်လျောမှုပေါင်းများစွာနဲ့ ဥပဒေမူကြမ်းကို ဆွဲလိုက်ပါတယ်၊ အငြင်းအခုံတွေ ပေါ်ပေါက်ခဲ့ပြီး ဥပဒေကို စီးပွားရေးသမားတွေက ဘူးခံလိုက်ကြပါတယ်။

ရင်းနှီးမြှုပ်နှံသူတယောက်ဟာ အနည်းဆုံး အမေရိကန်ဒေါ်လာ ၅ သန်း ရှိရမယ်ဆိုတာမျိုး ကန့်သတ်ချက်တွေ အမြောက်အမြားကို သူတို့တွေ တင်ပြကြပါတယ်။ နည်းပညာ အဆင့်နိမ့်တဲ့ စက်မှုလက်မှုလုပ်ငန်းတွေအပေါ်မှာ မောင်ပိုင်စီးဖို့ ကန့်သတ်ကြပါတယ်။ နိုင်ငံခြားနဲ့ ဖက်စပ်လုပ်ငန်းတွေမှာလည်း နိုင်ငံခြားက ရင်းနှီးမြှုပ်နှံသူတွေရဲ့ ပိုင်ဆိုင်မှုကို အများဆုံး ၄၉ ရာခိုင်နှုန်း အထိပဲ ခွင့်ပြုဖို့ ကန့်သတ်ကြပါတယ်။ နောက်ဆုံးအဆင့် ပြင်ဆင်ထားတဲ့ ဥပဒေကတော့ အကြိတ်အနယ် ငြင်းခုံပြီးမှ ညှိညှိနှိုင်းနှိုင်းနဲ့ နိုင်ငံခြားရင်းနှီးမြှုပ်နှံသူတွေ လက်ခံနိုင်လောက်တဲ့ အခြေအနေကို ရောက်လာတဲ့ ပုံမျိုးပါပဲ။

ဒါပေမယ့် အရေးအကြီးဆုံး လုပ်ဆောင်ရမယ့် စီးပွားရေး ပြုပြင်ပြောင်းလဲရေးကဏ္ဍ တချို့ကတော့ အခုချိန်အထိ လုပ်ငန်းစဉ်တွေထဲမှာ ပါမလာသေးဘဲ ကြက်ပျောက်ငှက်ပျောက်ဖြစ်နေတုန်းပါပဲ။ အထူးသဖြင့် မြန်မာပြည်မှာ လူဦးရေရဲ့ ၇၀ ရာခိုင်နှုန်းက လုပ်ကိုင်နေတဲ့ စိုက်ပျိုးရေးကဏ္ဍကို ကြည့်လိုက်ပါ။

မြေယာနဲ့ဆက်စပ်နေတဲ့ သိသာတဲ့ စိုက်ပျိုးရေးကဏ္ဍ ပြုပြင်ပြောင်းလဲရေး ၂ ခု လုပ်ဆောင်ခဲ့ပေမယ့် ၂ ခုစလုံးက ပြဿနာရှိနေပါတယ်။ ကုမ္ပဏီတွေကို မြေသိမ်းအောင် အားပေးအားမြှောက်လုပ်တယ်၊ မြေယာ စီမံခန့်ခွဲရေး ကော်မတီတွေကို နိုင်ငံရေးဇာတ်ခင်းလာအောင် လမ်းဖွင့်ပေးထားတယ်လို့ ကျယ်ကျယ်ပြန့်ပြန့် ဝေဖန်ကြပါတယ်။

ဆိုလိုတာက ဒီဥပဒေတွေကတော့ သာမန်လယ်သမားတွေအတွက် အားကိုးလောက်စရာ ဘာမှ ဖြစ်မလာပါဘူး။ ပြုပြင်ပြောင်းလဲမှုတွေကြောင့် ဆင်းရဲမွဲတေမှု လျော့ကျလာပြီး ကျယ်ပြန်တဲ့ စီးပွားရေးဖွံ့ဖြိုးရေးကို ဖော်ဆောင်နိုင်မှာလား။

လွဲပြန်ပါတယ်။ လက်ရှိ စီးပွားရေးပြုပြင်ပြောင်းလဲရေး အစီအစဉ်တွေကြောင့် ကျယ်ပြန်တဲ့ စီးပွားရေး ဖွံ့ဖြိုးမှုကို ပေါ်ထွက်လာမယ်လို့ စဉ်းစားတာလောက် တက်တက်စင်အောင်လွဲတဲ့ စိတ်ကူးယဉ်မှုမျိုး မရှိ ပါဘူး။ အခုအထိ အပြောင်းအလဲတွေက အုတ်ရောရော ကျောက်ရောရော ပါပဲ။ ဥပမာ ငွေကြေးမူဝါဒ ပြုပြင်ပြောင်းလဲမှုလိုမျိုး (အကောင်း)နဲ့ မြေယာဥပဒေလိုမျိုး (အဆိုး) တွေ ရောနေတာကို ဆိုလိုတာပါ။ ကျယ်ပြန့်တဲ့ ဖွံ့ဖြိုးမှုတွေအတွက် အကန့်အသတ်ဖြစ်စေတဲ့ နိုင်ငံခြား တိုက်ရိုက် ရင်းနှီးမြှုပ်နှံမှုဥပဒေ၊ အထူးစီးပွားရေးဇုန် ဥပဒေတို့နဲ့ ပွဲဆူနေတာနဲ့ပဲ တခြားအရေးကြီးတဲ့ ကိစ္စတွေအလှည့်ကို မရောက်နိုင်အောင် ဖြစ်နေပါတယ်။

အခုအချိန်အထိ မြန်မာခေါင်းဆောင်တွေဟာ စိုးရိမ်စရာအကောင်းဆုံး ကျေးလက်က ကိစ္စတွေကို ထိထိရောက်ရောက် မကိုင်တွယ်ကြသေးပါဘူး။ ကျေးလက်က လယ်သမားတွေဟာ လယ်လုပ်ပြီး အကျိုးမခံစားရဘဲ ဖြစ်နေကြပါတယ်။ ငွေကြေးဖောင်းပွနေတာနဲ့အမျှ သွင်းအားစုဈေးနှုန်းတွေ မြင့်တက်နေပါတယ်။ တချိန်တည်း ငွေလဲနှုန်းမှာ မြန်မာကျပ်ငွေက မာနေပြန်တာကြောင့် ကောက်ပဲသီးနှံ ဈေးနှုန်းက ကျဆင်းနေပါတယ်။

ထုတ်လုပ်မှုတွေ တိုးတက်လာအောင် အစိုးရရဲ့ဝန်ဆောင်မှုတွေ လိုအပ်နေပါတယ်။ သယ်ယူပို့ဆောင်စရိတ်တွေ လျော့ကျအောင်လုပ်ပေးဖို့ လိုအပ်နေပါတယ်။ လမ်းတွေ၊ ဆိပ်ကမ်းတွေ၊ ရေသွင်းမြောင်းစနစ်တွေ၊ ဆက်သွယ်ရေးကဏ္ဍတွေ အားလုံး နတ္ထိဖြစ်နေပါတယ်။ ဒီလို အရေးကြီးတဲ့ ပြဿနာကို ဖြေရှင်းရမယ့်အစား အစိုးရဟာ အထက်တန်းလွှာက ရေပေါ်စီသမားတွေရဲ့ကိစ္စတွေကိုပဲ ဦးစားပေးနေပါတယ်။

အကျိုးတူစိုက်ပျိုးရေး လုပ်ငန်းဆိုတာတွေနဲ့ အခွင့်ထူးခံ ကုမ္ပဏီတွေက တခြား ဘယ်ကမှ အရင်းနှီး မရနိုင်တဲ့ လယ်သမားတွေကို ချေးငွေနဲ့ သွင်းအားစုတွေကို ထုတ်ချေးပေးတဲ့ အစီအစဉ်က တစခန်းထနေပါတယ်။ တချို့ စိုက်ပျိုးစီးပွားလုပ်ငန်းတွေမှာ အမြတ်အစွန်းများနေပေမယ့် လယ်သမားစစ်စစ်တွေ ကိုယ်တိုင်ကျတော့ အရှုံးပြနေတာကို ထောက်ရင် မြန်မာ့စီးပွားရေးကို ထိခိုက်စေတဲ့ အလွဲကြီးလွဲနေတဲ့ ကိစ္စတွေ ရှိနေပါတယ်။

ကျေးလက်စီးပွားရေးမှာ ရှိနေတဲ့ ပြဿနာကို ဖြေရှင်းတဲ့နေရာမှာ ရေရှည်မဟာဗျူဟာတွေ ရှိဖို့ လိုအပ်ပါတယ်။ လုပ်သားတွေရဲ့ထုတ်လုပ်မှုစွမ်းရည် တိုးတက်လာဖို့၊ အသက်ဝင်ရှင်သန်နိုင်စွမ်းတဲ့ ထုတ်လုပ်မှု ကဏ္ဍ ဖြစ်လာဖို့၊ အစိုးရအနေနဲ့ ထုတ်လုပ်မှုကဏ္ဍမှာ တိုက်ရိုက်ရင်းနှီးမြှုပ်နှံမှုတွေ တိုးလုပ်ဖို့ (အထူးသဖြင့် အခြေခံ အဆောက်အဦပိုင်းကို ဆိုလိုပါတယ်) လိုအပ်ပါတယ်။

ဒါတွေကို မလုပ်ဘဲ နိုင်ငံခြားရင်းနှီးမြှုပ်နှံသူတွေကို အခွန်ကင်းလွတ်ခွင့် အဆမတန်တွေ လှိမ့်ပေးနေရင် အစိုးရ၀င်ငွေကို ထိခိုက်တာပဲ အဖတ်တင်ပါလိမ့်မယ်။ ကျယ်ပြန့်လွှမ်းခြုံတဲ့ ဖွံ့ဖြိုးရေးဆိုတာ မြန်မာပြည်က လူအများစုကြီးနဲ့ဆိုင်တဲ့ ပြဿနာတွေကို အမှန်တကယ် နားလည်ပြီး၊ အဲဒီပြဿနာတွေကို ကိုင်တွယ်

ဖြေရှင်း ပေးမှသာ ဖြစ်လာနိုင်မှာပါ။

 

ပြောရရင် ဤခရီးကား ဝေးပါသေးတယ်။

မူရင်း။ ။ Think Again: Burma’s Economy by BY JARED BISSINGER (FP)

 

နေသွင်

Ref:burmese.dvb.no

မြန်မာပြည်မှာ လိုအပ်နေတဲ့အရာ

မကြာခင်က သွားခဲ့တဲ့ ကျနော့်ရဲ့ ခရီးမှာ မွန်ဂိုးလီယားကနေ ဒုတိယခရီး တထောက် ကတော့ မြန်မာပြည်ဖြစ်ပါတယ်။ (အူလန်ဘာတောကနေ နေပြည်တော်ကို သွားရတဲ့ ခရီးစဉ်က မလွယ်ပါဘူး)၊ Johns Hopkins တက္ကသိုလ်၊ အဆင့်မြင့် နိုင်ငံတကာ လေ့လာရေးဌာန (SAIS) က ကျနော်ရဲ့ လုပ်ဖော်ကိုင်ဖက်ဟောင်း (Roger Leeds) နဲ့ ကျနော်တို့ ၂ ယောက် မြန်မာပြည်မှာ ပုဂ္ဂလိက ကဏ္ဍဖွံ့ဖြိုးရေး ရက်တိုသင်တန်းလေးတခု ပေးခဲ့ပါတယ်။

 

နိုင်ငံရေးနှင့် ဖွံ့ဖြိုးရေးပညာရှင် ဖရန့်စစ်ဖူကူယားမား

 

 

ဖွံ့ဖြိုးရေးဆိုင်ရာ ခေါင်းဆောင်မှုအကယ်ဒမီ (Leadership Academy for Development) လို့ ကြီးကျယ်တဲ့ ခေါင်းစဉ်အောက်မှာ ကျနော်တို့ ၂ ယောက် ပူးတွဲရေးဆွဲထားတဲ့ သင်ရိုး ညွှန်းတမ်းကတော့ Harvard Business School (HBS) က သင်ရိုးတွေကို အခြေခံထားပါတယ်။ အစိုးရ ကဏ္ဍကို ပြုပြင်ပြောင်းလဲရင်း ပုဂ္ဂလိက ကဏ္ဍကို ဖွံ့ဖြိုးလာအောင် လုပ်တဲ့ နည်းလမ်းတွေထဲမှာ အစိုးရအခန်းကဏ္ဍ မပါတဲ့နည်းလမ်းရော၊ စီးပွားရေးလုပ်ငန်းတွေမှာ အစိုးရက ၀င်ရောက် ကူညီတဲ့ နည်းလမ်းတွေပါ ထည့်သွင်းရေးဆွဲထားပါတယ်။ အဓိက ရည်ရွယ်တာကတော့ ဖွံ့ဖြိုးဆဲနိုင်ငံတွေရဲ့ အစိုးရကဏ္ဍတွေထဲမှာ အဂတိလိုက်စားမှုတွေနဲ့ အလုံးစုံ ပျက်စီးကိန်း ဆိုက်နိုင်လောက်တဲ့ အသက်အရွယ်မတိုင်သေးတဲ့ တချိန်ချိန်ကျရင် ပြုပြင်ပြောင်းလဲရေးသမားတွေ ဖြစ်လာနိုင်တဲ့ လူငယ် အလယ် အလတ် တန်းစား ခေါင်းဆောင်တွေ အတွက် ရည်ရွယ်ပါတယ်။

ရန်ကုန်မှာတော့ လူထုအခြေပြု အဖွဲ့အစည်းတွေက လှုပ်ရှားတက်ကြွသူတွေနဲ့ လွှတ်တော်အမတ်တချို့ကို အကျဉ်းရုံးပြီး သင်တန်းပို့ချခဲ့ပါတယ်။ နေပြည်တော်မှာတော့ အစိုးရဌာနတွေက ဗျုရိုကရက်အရာရှိတွေကို သင်တန်းပေးခဲ့ပါတယ်။

ပြီးခဲ့တဲ့ နှစ်က မြန်မာပြည်က ထူးခြားတဲ့ အဖြစ်အပျက်တွေကို စောင့်ကြည့်ခဲ့တဲ့ လူတွေက အရင်ဆုံးမေးကြတဲ့ မေးခွန်းကတော့ မြန်မာပြည်က ဒီမိုကရေစီလမ်းစပွင့်လာတာတွေက တကယ်မှဟုတ်ရဲ့လားဆိုတဲ့ မေးခွန်းပါပဲ၊ ဘယ်အရာကိုမှ လျှော့တွက်လို့ မရဘူးဆိုတာ အမှန်ပါပဲ။ မြန်မာစစ်တပ်က အာဏာရှင်စနစ်ကို တစ်ကနေ ပြန်စနိုင်တဲ့ အခင်းအကျင်းတွေ အများကြီးရှိပါတယ်။

ဒါပေမယ့် မြန်မာပြည်က ပြည်သူတွေ တော်တော်များများကတော့ ရေရှည်အတွက် အခုမှ လမ်းပွင့်ခါစ အခြေအနေဟာ စစ်ခေါင်းဆောင်ပိုင်းက တော်တော်များများရဲ့ သဘောဆန္ဒကိုလည်း ထင်ဟပ်နေတယ်လို့ ဆိုကြပါတယ်။

ဒီအခြေအနေတွေဖြစ်အောင် စတင်အကောင်အထည်ဖော်ခဲ့သူက အရင် စစ်ဦးစီးချုပ်ဟောင်း ဗိုလ်ချုပ်မှူးကြီး သန်းရွှေပါပဲ။ သူ့အရှေ့က ဦးနေ၀င်းလို ဘ၀မျိုးဖြစ်မှာကို သူမလိုလားခဲ့ပါဘူး။ ဒီလိုနဲ့ ရှေးရိုးစွဲ ဗိုလ်ချုပ်တွေကို ပါလီမန်ထဲ အတင်းပို့လိုက်ပါတယ်။ ပိုပြီး အရည်အချင်းရှိတဲ့ လူတွေကို ၀န်ကြီးဌာနတွေ ကိုင်ခိုင်းလိုက်ပြီး၊ စစ်တပ်ကိုတော့ သူ့ကို ကျေးဇူးသိတတ်မယ့် နှိုင်းယှဉ်ချက်အရ ငယ်ရွယ်တဲ့ အရာရှိတွေရဲ့ လက်ထဲကို အပ်လိုက်ပါတယ်။ ဒီလိုနဲ့ စစ်တပ်ထဲမှာ တတိယနေရာနဲ့ သမ္မတနေရာအတွက် တန်းစီနေတဲ့ သူရရွှေမန်းလည်း ပါလီမန် ဥက္ကဋ္ဌဘ၀ရောက်သွားပါတယ်။ ဒီအပြောင်းအလဲတွေထဲမှာ ဗိုလ်ချုပ်ဟောင်း လက်ရှိသမ္မတ ဦးသိန်းစိန်အတွက် တက်လမ်းပွင့်သွားပြီး၊ ဦးသိန်းစိန်က ဒေါ်အောင်ဆန်းစုကြည်ကို အိမ်ချုပ်ဖမ်းထားတာကို လွှတ်ပေးလိုက်သလို၊ နိုင်ငံရေး အတိုက်အခံတွေကို လည်း ထောင်ကနေ ပြန်လွှတ်ပေးလိုက်ပါတယ်။

ဧပြီလ ကြားဖြတ် ရွေးကောက်ပွဲမှာလည်း ဒေါ်အောင်ဆန်းစုကြည်ရဲ့ အမျိုးသားဒီမိုကရေစီ အဖွဲ့ချုပ်ဝင်တွေ အယောက် ၄၀ ကျော် ရွေးကောက်ခံရပြီး ပါလီမန်ထဲကို ၀င်သွားကြပါတယ်။

တကယ်တမ်းပြောရရင် စစ်တပ်နဲ့ သမ္မတလက်ထဲက အာဏာကို ပါလီမန်ထဲ အလွှဲအပြောင်းမှာ ပြုပြင်ပြောင်းလဲရေးအတွက် ပြဿနာတွေကို ဖန်တီးလိုက်ပါတယ်။ လက်ရှိပါလီမန်ဆိုတာက စစ်တပ်အရာ
ရှိ ဟောင်းတွေနဲ့ (နေရာအတော်များများကို ဖွဲ့စည်းပုံ အခြေခံဥပဒေအရ ခွင့်ပြုထားရတာဖြစ်ပါတယ်)။ စစ်တပ်နဲ့ မကင်းရာ မကင်းကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အရပ်သား မဟာမိတ်တွေနဲ့ပဲ ပြည့်နေပါတယ်။

သူတို့တွေဟာ လွန်ခဲ့တဲ့ ဆယ်စုနှစ်တွေမှာ စစ်တပ်နဲ့ပေါင်း၊ ခရိုနီအရင်းရှင်စနစ်ကို ကျင့်သုံးရင်း ချမ်းသာလာသူတွေဖြစ်တဲ့အတိုင်း၊ တချို့ဆိုရင်လည်း၊ စီးပွားရေး ဒဏ်ခတ်ပိတ်ဆို့မှုအလွန် တိုင်းပြည်ရဲ့ စီးပွားရေးဖွံ့ဖြိုးတိုးတက်မှုကို တွန်းတင်နိုင်ရေးအတွက် အသည်းအသန်လိုအပ်နေတဲ့ နိုင်ငံခြားတိုက်ရိုက် ရင်းနှီးမြှုပ်နှံမှုဥပဒေသစ်ကို တောင်တောင် အီအီနဲ့ အချိန်ဆွဲနေကြပါတယ်။ စီးပွားရေးလောကရဲ့ ရေပေါ်ဆီသမားတွေဟာ နိုင်ငံတကာနဲ့ ယှဉ်ပြိုင်ရမှာကို ကြောက်လန့်တကြားနဲ့ နိုင်ငံခြားပိုင်ဆိုင်မှုကို ကန့်သတ်ချင်တာနဲ့ အမျိုးသားစီးပွားရေးဆိုတဲ့ ဆင်ခြေတွေကို သုံးနေကြပါတယ်။

၂၀၀၅ ခုနှစ်တုန်းက တည်ဆောက်ထားတဲ့ မြန်မာပြည်ရဲ့ မြို့တော်သစ် နေပြည်တော်မှာလည်း ခရိုနီအရင်း
ရှင်စနစ်ဟောင်းက လက်ရာခြေရာတွေ တပြုံတမကြီးရှိနေပါတယ်။ နေပြည်တော် ဆိုတာက အစိုးရဆန့်ကျင်ရေး ဆန္ဒပြမှုတွေ ဖြစ်ပေါ်လာရင် ရှောင်နိုင်ဖို့ တည်ဆောက်ခဲ့တယ်လို့ ကျယ်ကျယ်ပြန့်ပြန့် လက်ခံထားကြတဲ့ အလွန်ကိ်ု ထူးခြားဆန်းကြယ် မြို့တမြို့ပါပဲ။

ဝန်ကြီးဌာနတွေ တခုနဲ့ တခုကြားမှာ ခပ်ကျယ်ကျယ်ခွာထားပြီး၊ ဗလာကျင်းနေတဲ့ ဧရာမ လမ်းသွယ်ကြီးတွေနဲ့ ဆက်ထားပါတယ်။ သမ္မတအိမ်တော်ကလည်း အမေရိကန်သမ္မတရဲ့ အိမ်ဖြူတော်နဲ့ အဆပေါင်းများစွာ ကြီးပြီး၊ သမ္မတအိမ်တော်ရှေ့က လမ်းမကြီးကလည်း လမ်း ၂၀ သွား လမ်းမကြီးဖြစ်နေတာ တွေ့ရပါတယ်။ ကျနော်တို့ တည်းခိုတဲ့ ခေတ်မီဟိုတယ်ကြီးဆိုတာကလည်း အပျံစားဆိုပေမယ့် တည်းခိုတဲ့လူက မရှိသလောက်ပါပဲ။ ဟိုတည်နဲ့ တလမ်းထဲမှာ ဇိမ်ခံဟိုတယ် အနည်းဆုံး ဒါဇင်ဝက်လောက်က ဆောက်လက်စဖြစ်ပါတယ်။ မြန်မာပြည်မှာ လာမယ့်နှစ်မှာ ကျင်းပဖို့ရှိတဲ့ အရှေ့တောင်အာရှ အားကစားပွဲတော်နဲ့၊ နောက် ၁ နှစ် အာဆီယံထိပ်သီး အစည်းအဝေးအတွက် တည်ဆောက်နေတာပါ။ ဒီ ၂ ပွဲကလွဲရင် ဟိုတယ်တွေဟာ စီးပွားရေးအရ တွက်ချေကိုက်မယ့် အလားအလာလည်း မရှိပါဘူး။ အစိုးရက သူတို့ရဲ့ စီးပွားရေးဘက်တော်သားတွေ ကို တခြားမက်လုံးတွေကို ပေးထားတာ သက်သက်ကြောင့်ပဲ အခုလို ဟိုတယ်တွေကို ဆောက်နေကြ တာဖြစ်ပါတယ်။

အမျိုးမျိုးသော နိုင်ငံရေးဖိနှိပ်မှုတွေအောက်က ထုသားပေသားကျနေတဲ့ မြန်မာပြည်က အရပ်ဘက်က အဖွဲ့အစည်းတွေရဲ့ ဒဏ်ခံနိုင်စွမ်းကလည်း အတော်ကို အံ့ဩလောက်ပါတယ်။ ထောင်ထဲမှာ ၁၀ နှစ်၊ ၁၂ နှစ်၊ ၁၈ နှစ် အသီးသီးကျခံရသူတွေ တသီတတန်းကြီးနဲ့ မိတ်ဆက်ရပါတယ်။ နိုင်ငံရေး အကျဉ်းသားဟောင်းတွေထဲမှာ ကျနော့်စာအုပ်တွေကို မြန်မာဘာသာပြန်သလို၊ လွန်ခဲ့တဲ့ နှစ်တွေအတွင်း တခြားအမြင်တွေကိုလည်း မိတ်ဆက်ပေးတဲ့ ကွန်မြူနစ်ဟောင်း တယောက်လည်း ပါလာပါတယ်။

အမျိုးသားဒီမိုကရေစီအဖွဲ့ချုပ်ရဲ့ ဌာနချုပ်ကတော့ ရုတ်ရုတ်သဲသဲနဲ့ အလုပ်များနေတဲ့ နေရာပဲ၊ အကြောင်းမလှတော့ ဒေါ်အောင်ဆန်းစုကြည်နဲ့တော့ တွေ့ခွင့်မရခဲ့ပါဘူး။ ကမ္ဘာ့အဆိုးဆုံး (အဖိနှိပ်ဆုံး) အာဏာရှင်တွေ အုပ်ချုပ်ခဲ့တဲ့ နိုင်ငံမှာ ပြည်သူတွေရဲ့ ပါဝင်မှုတွေ အခုလောက် ရှိနေတာကို တွေ့ရတော့လည်း အထူးတလည် မအံ့ဩဘဲ မနေနိုင်ပါဘူး။

အခုကာလမှာ စီးပွားရေးပညာရှင်တွေအပေါ်မှာ ကျနော့်ရဲ့ အမြင်က သိပ်ကြည်လှတယ် မဟုတ်ပေမယ့် မြန်မာပြည်ခရီးမှာ ရှင်းရှင်းလင်းလင်း သိလိုက်ရတဲ့ အချက်ကတော့ မြန်မာပြည်အတွက် ဒီမိုကရေစီအရေးလှုပ်ရှားသူတွေ အခုထပ်ပိုပြီး မလိုအပ်တော့ဘူးဆိုတာပါ။ အင်ဒိုနီးရှားမှာလိုမျိုး အမေရိကန်မှာ ပညာတတ်ပြီး တိုင်းပြည်ပြန်လာကြတဲ့ စီးပွားရေးပညာရှင်တွေ (ဘာကလေမာဖီးယားတွေ) လိုအပ်နေပါတယ်။

မြန်မာပြည်မှာ နေရာတိုင်း လိုအပ်ချက်တွေက မယုံနိုင်အောင် များလွန်း ပါတယ်။ ငွေအလွှဲအပြောင်းတွေ လုပ်နိုင်တဲ့ ဘဏ်တွေ မရှိတဲ့အတွက် နိုင်ငံခြားသားတွေ မြန်မာပြည်ထဲ သွားမယ်ဆိုရင် ဘဏ်စာရင်းတွေကို ပိတ်ထားပြီး အမေရိကန်ဒေါ်လာ အသစ်ကျပ်ချွတ် ငွေသားတွေကိုပဲ ယူသွားဖို့ပဲ အကြံပြုပါတယ်။

နေပြည်တော်က လွဲရင် တိုင်းပြည်ရဲ့ အခြေခံအဆောက်အအုံပိုင်းက ဖရိုဖရဲပါပဲ။ နယ်စပ်တွေကို ကုန်ပစ္စည်းတွေ ဖြတ်သန်းဖို့က ခက်ခဲသလောက်၊ မုတ်သုံမိုးရာသီလွန်ရင် လျှပ်စစ်မီးကလည်း အလွန်ပျက်တတ်ပါတယ်။ အထီးကျန်နိုင်ငံဖြစ်ခဲ့တဲ့ အကျိုးဆက်တွေထဲက တခုကတော့ တိုင်းပြည်မှာ လူသားအရင်းအမြစ် လိုအပ်ချက်က အလွန်ကြီးမားပါတယ်။ မြန်မာပြည်မှာ အင်္ဂလိပ်စာသင်တာကို ၁၉၆၄ မှာ ရပ်ဆိုင်းခဲ့ဖူးပါတယ်။ ကျောင်းသား လှုပ်ရှားမှုပြီးတဲ့နောက် ၃ နှစ်လုံးလုံး တက္ကသိုလ်တွေကို ပိတ်ထားပါတယ်။ ပြင်ပကမ္ဘာက အကြောင်းတွေကို သင်ချင်တတ်ချင်စိတ် အကြီးအကျယ် ငတ်မွတ်နေတာတွေကိုလည်း တွေ့ခဲ့ရပါတယ်။ ဒီကွက်လပ်ကို ဖြည့်ဖို့ဆိုရင်တော့ မျိုးဆက်တဆက်မက အချိန်ယူရပါလိမ့်မယ်။

မြန်မာနဲ့ မွန်ဂိုလီးယားတို့ ကြားမှာ အင်္ဂလိပ်စာ အမ် (M) နဲ့ စတဲ့ နိုင်ငံတွေ ဖြစ်တာချင်း တူရုံသာမက
တရုတ်နဲ့ အိမ်နီးချင်းတွေဖြစ်တာလည်း အတူတူ၊ တရုတ်ပြည်အပေါ် စိုးရိမ်တကြီးနဲ့ မလိုလားတာချင်းလည်း တူကြတဲ့အကြောင်း မကြာခင်တုန်းပဲ ကျနော် ပို့စ်တခု ရေးထားဖူးပါတယ်။ တရုတ်ပြည်ရဲ့ အတောမသတ်တဲ့ လူသုံးကုန်ပစ္စည်း လိုအပ်ချက်ကို အကြောင်းပြုလို့ သတ္တုတူးဖော်ရေးလုပ်ငန်းတွေ ထောင်တက်သွားတယ်။ အိမ်နီးချင်းတွေ ဖြစ်တဲ့ တရုတ်နဲ့ ရုရှားလက်ကနေ ရုန်းထွက်နိုင်ဖို့ မွန်ဂိုလီးယား အစိုးရဟာ တတိယ အိမ်နီးချင်းပေါ်လစီ (Third Neighbor Policy) ဆိုတာကို ချမှတ်ပြီး အမေရိကန်၊ ဥရောပနဲ့ ဆက်ဆံရေး ခိုင်မြဲအောင် ကြိုးပမ်းလာရတယ်။

မြန်မာနဲ့ တရုတ်ဆက်ဆံရေးမှာလည်း ဒီသဘောမျိုးပါပဲ။ အမေရိကန်က ဒဏ်ခတ်ပိတ်ဆို့မှုတွေ ချမှတ်တဲ့ အချိန်ကစလို့ မြန်မာ့စွမ်းအင်ကဏ္ဍမှာ တရုတ် ကုမ္ပဏီတွေဟာ အရေးပါလာခဲ့ပါတယ်။ ဒီလိုနဲ့ ဧရာဝတီမြစ်ပေါ်က မြစ်ဆုံရေကာတာ စီမံကိန်းကိစ္စမှာတော့ မြန်မာစစ်အစိုးရဟာ အနောက်နဲ့ (ပြည်သူတွေနဲ့ပါ) ပူးပေါင်းဖို့ အကြောင်းရင်းတခု ဖြစ်လာခဲ့ပါတယ်။ မြစ်ဆုံ ရေကာတာက ထွက်လာမယ့် စွမ်းအင်ရဲ့ ၉၀ ရာခိုင်နှုန်းကို တရုတ်ပြည်ကို တင်ပို့မှာဖြစ်ပါတယ်။ ဒီစီမံကိန်း တည်ဆောက်တာကို သမ္မတ ဦးသိန်းစိန်က မဖျက်သိမ်းလိုက်ခင်မှာ သဘာာဝပတ်ဝန်းကျင် အမြင်၊ အမျိုးသားရေး ရပ်တည်ချက်တွေနဲ့ အပြင်းအထန် ကန့်ကွက်ခဲ့ကြ ပါတယ်။

မြန်မာပြည်က ဒီမိုကရေစီလမ်းပွင့်လာမှုဟာ ကြီးမားတဲ့ တိုးတက်မှုလို့ ဆိုနိုင်ပေမယ့် အလွယ်တကူနဲ့ နောက်ပြန်လှည့်သွားနိုင်ပါတယ်။ ဒီပေါ်လစီသစ်ကို ချမှတ်တဲ့ သူတွေအနေနဲ့ မဟာမိတ်သစ်ဖြစ်တဲ့ အနောက်နဲ့ ပေါင်းလို့ ဘာတွေ အကျိုးရလဒ်တွေ ရှိသလဲဆိုတာကို အချိန်တိုအတွင်းမှာ သက်သေပြနိုင်ဖို့ လိုအပ်နေပါတယ်။ ဒါမှပဲ အပြောင်းအလဲတွေ ပိုပြီး အရှိန်ရလာမှာဖြစ်ပါတယ်။ ပြန်လည်ထူထောင်ရေးမှာ ဒီအဆင့်ဟာ အလွန်ကြီးကျယ်တဲ့ ကိစ္စဖြစ်ပါတယ်။

အခုကာလ ဒီမိုကရေစီအသွင်ကူးပြောင်းရေးကြိုးပမ်းမှု ဖြစ်စဉ်တွေမှာ တွေ့ရလေ့ရှိတာတွေက ဒီမိုကရေစီအင်အားစုတွေဟာ လူထုအခြေပြုအဖွဲ့အစည်းမှာ တက်ကြွလှုပ်ရှားသူတွေ ဘ၀ကနေ နိုင်ငံရေးပါတီကို ထူထောင်သူတွေ ဖြစ်လာပြီး ရွေးကောက်ပွဲတွေမှာ ၀င်ပြိုင်၊ အဲဒီကနေ နောက်တဆင့် အဖြစ် အစိုးရထဲမှာ ပါဝင်လာပြီး လူထုရေးရာပေါ်လစီတွေကို ချမှတ် အကောင်အထည်ဖော်တဲ့ သူတွေဖြစ်လာတဲ့ အဆင့်အထိ တက်လှမ်းနိုင်တာမျိုးတွေ ကို တွေ့ရပါတယ်။ မြန်မာပြည်မှာလည်း ဒီလိုကဏ္ဍတွေ အားလုံးမှာ အကူအညီတွေ မဟားတရား လိုအပ်နေပါတယ်။

မကြာခင်တုန်းက မြန်မာပြည်ကို သွားရောက်ခဲ့တဲ့ ကမ္ဘာကျော် နိုင်ငံရေးနှင့် ဖွံ့ဖြိုးရေးပညာရှင် ဖရန့်စစ်ဖူကူယားမားရဲ့ မြန်မာပြည်အပြောင်းအလဲအပေါ် သူရဲ့ အမြင်နဲ့ သုံးသပ်ချက် ဆောင်းပါးဖြစ် ပါတယ်။

(Francis Fukuyama ရေးတဲ့ “What Myanmar Needs” ဆောင်းပါးကို ကိုနေသွင်က ဘာသာပြန်တင်ပြထားပါတယ်။)

ရည်ညွန်း၊ ၊ What Myanmar Needs by Francis Fukuyama

 

Ref:burmese.dvb.no