တရုတ်ပြည် ဂန္တ၀င်မြောက် ဆွန်ဇု၏ စစ်ပညာကျမ်း (စံလှိုင်)
စစ်ရေးပမာဏ သုံးသပ်ခြင်း
ဆွန်ဇုက ဤသို့မိန့်ဆို၏ ...
စစ်ရေးသည် တိုင်းပြည်အတွက် အရေးအကြောင်း ကိစ္စရပ်ကြီးဖြစ်သည်။ သေရေးရှင်ရေးအပေါ် အခြေတည်ပြီး တည်တံ့ခိုင်မြဲရေးနှင့် ပျက်သုဉ်းရေး အကြောင်းတရားဖြစ်ပေသည်။ ထို့ကြောင့် မဖြစ်မနေ ဆင်ခြင်ဆန်းစစ် လေ့လာဂရုပြုရမည်။
စစ်ရေးအခြေအနေကို ကောင်းစွာသိမြင်နိုင်ရန်အလို့ငှာ ရန်သူနှင့်မိမိဖက်ရှိ အကြောင်းရပ်ကြီးငါးချက်အပေါ် အခြေတည်ပြီး စီမံကြံစည်လှုပ်ရှားမှုများကို နှိုင်းယှဉ်သုံးသပ်တတ်ရမည်။ ယင်းတို့ကား ...
၁။ ကျင့်ဝတ်တရား
၂။ ဥတု အာကာ သဘာဝ
၃။ ပထ၀ီ မြေအနေအထား
၎။ ခေါင်းဆောင်တပ်မှူး
၅။ စည်းကမ်း ဥပဒေ ... တို့ ဖြစ်ကြ၏။
ကျင့်ဝတ်တရားဆိုသည်ကား အုပ်စိုးသူတို့အနေနှင့် ကောင်းမြတ်သောကျင့်ဝတ်တရားများနှင့် ပြည့်စုံညီညွတ်ပြီး ပြည်သူပြည်သားများအား အထက်နှင့်အတူ စိတ်ရင်းသဘောရင်း တစ်သားတည်းကျရောက်နေစေခြင်းကို ဆိုလိုသည်။ ဤသို့အားဖြင့် ပြည်သူတို့ကို အုပ်စိုးသူတို့က စေလိုရာစေစားနိုင်ပြီး သေအတူရှင်မကွာ အခက်အခဲအန္တရာယ်များကို မမှုပဲစွန့်လွှတ်စွန့်စား ရင်ဆိုင်လာကြလိမ့်မည်ဖြစ်သည်။
ဥတု အာကာ သဘာဝဆိုသည်မှာ နေ့နှင့်ည အပါအ၀င် တရုတ်အခေါ် ယင်ဓာတ်(မဓာတ်/သီတ) နှင့် ယန်ဓာတ်(ဖိုဓာတ်/ဥဏှ)၊ အပူအအေး၊ ဥတုရာသီနှင့် အချိန်အခါကာလတို့ကို ခြုံ၍ဆိုလိုခြင်းဖြစ်သည်။
ပထ၀ီမြေအနေအထားဆိုသည်မှာ အနီးအဝေး၊ အန္တရာယ်ကျရောက်နိုင်သော အရေးပါသည့်နေရာနှင့် လုံခြုံလွယ်ကူချောမွေ့သည့်နေရာ၊ မြေပြင်အကျဉ်းအကျယ်၊ သေရေးရှင်ရေးကိန်းဆိုက်ရာ မြေအနေအထားတို့ကို ဆိုလိုသည်။
ခေါင်းဆောင်တပ်မှူး(ခေါ်) စစ်သူကြီးတို့မည်သည်ကား ဥာဏ်ပညာကြီးမှု၊ ကတိသစ္စာရှိမှု၊ မေတ္တာအကြင်နာရှိမှု၊ ရဲစွမ်းသတ္တိရှိမှု၊ တည်ကြည်ပြတ်သား စည်းကမ်းကြီးမှု စသည့်အရည်အချင်းများနှင့် ပြည့်စုံရမည်ဟု ဆိုလိုသည်။
စည်းကမ်းဥပဒေဆိုသည်မှာ တပ်များစနစ်တကျ ဖွဲ့စည်းအုပ်ချုပ်တည်ဆောက်မှု၊ အရာရှိအရာထမ်းများ ခန့်အပ်စီမံမှု၊ စစ်ပစ္စည်းရိက္ခာ ထိန်းသိမ်းခွဲဝေသုံးစွဲမှုတို့ကို ဆိုလိုသည်။
အထက်ပါအချက်ကြီးငါးချက်ကို စစ်သူကြီး (သို့) ခေါင်းဆောင်တပ်မှူးတိုင်း မဖြစ်မနေနားလည် သိရှိထားအပ်ပေသည်။ ၎င်းအကြောင်းအချက်တို့ကို ကောင်းစွာအပြည့်အ၀သိရှိနားလည်ပါက စစ်ပွဲကိုအောင်နိုင်ရာ၏။ မသိနားမလည်သူတို့ကား စစ်ပွဲမအောင်ရာ။
ထို့ကြောင့် အချက်ကြီးငါးရပ်နှင့်အညီ နည်းဗျူဟာများကို ရှာကြံချမှတ်ရာမှ အောက်ပါအခြေအနေ အရပ်ရပ်တို့ကို နှိုင်းယှဉ်လေ့လာသုံးသပ် ဆင်ခြင်တတ်ရပေမည် ... .. .
ယင်းတို့သည်ကား
- မည်သည့်ဘက်က အုပ်စိုးသူတို့တွင် ကျင့်ဝတ်တရားပြည့်ဝမှန်ကန် ကျင့်ကြံအားထုတ်သနည်း။ မည်သည့်ဘက်က စစ်သူကြီးတို့တွင် လက်ရုံးရည်၊ နှလုံးရည်ပြည့်စုံထက်မြက်သနည်း။ ဥတုအာကာ သဘာဝ အခြေအနေနှင့် ပထ၀ီမြေအနေအထားများနှင့် ပတ်သက်၍ မည်သည့်ဘက်က အခွင့်အလမ်းသာသနည်း။
- အမိန့်စည်းကမ်း ဥပဒေများကို မည်သူ့ဘက်က တင်းကျပ်စွာ ပြဌာန်းလိုက်နာကျင့်သုံးသနည်း။ မည်သည့်ဘက်က တပ်အင်အားပိုမိုများပြား ကြံ့ခိုင်အားသာသနည်း။ စစ်သည်များကို မည်သည့်ဘက်က ကောင်းစွာစစ်ရေးလေ့ကျင့်ပေးထားသနည်း။ ဆုပေး၊ ဒဏ်ပေးစနစ်ကို မည်သူ့ဘက်က မှန်ကန်တော်လျော်စွာ ကျင့်သုံးသနည်း။ အထက်ပါနှိုင်းယှဉ်လေ့လာချက်များအရ သုံးသပ်စိတ်ဖြာလိုက်လျှင် မည်သူ့ဘက်က နိုင်မည်၊ မည်သူ့ဘက်က ရှုံးမည်ကို ကြိုတင်ခန့်မှန်း သိရှိနိုင်လောက်ပေပြီ။
စစ်ဆင်ရေး
ဆွန်ဇုက ဤသို့မိန့်ဆို၏ ...
ကျွန်ုပ်တို့သည် စစ်ပွဲအတွက်စီစဉ်ရာမှာ တိုက်စစ်ရထား ၀န်စည်လှည်းယာဉ် ထောင်နှင့်ချီလိုက်ပါရမည်။ ချပ်ဝတ်တန်ဆာ အပြည့်ဆင်ထားသော တပ်သားစစ်သည် သိန်းနှင့်ချီ စုစည်းရမည်။ တပ်အတွက် စားရေရိက္ခာပစ္စည်းများကို မိုင်ရာထောင်ချီ ခရီးတစ်လျှောက် ထောက်ပို့ပေးရမည်ဖြစ်သည်။
၎င်း စစ်ရှေ့တန်းနှင့် နောက်တန်းသုံးစရိတ်များ၊ သံရေးတမန်ရေးဆိုင်ရာနှင့် ဧည့်ခံဆက်ဆံစရိတ်များ၊ စစ်လက်နက်ပစ္စည်းအတွက် ပြင်ဆင်ထုတ်လုပ်စရိတ်များ စသည်ဖြင့် နေ့စဉ်နှင့်အမျှ ငွေကြေးတန်ဖိုး ရွှေစင်အသပြာ ရာထောင်ချီကုန်ကျရပါမှ စစ်အင်အား သိန်းချီသည့်တပ်မကြီးမှာ သက်ဝင်လှုပ်ရှား အဆင်သင့်ရှိနိုင်မည် ဖြစ်သတည်း ...
စစ်တိုက်ရာတွင် အရေးအကြီးဆုံးမှာ အလျင်အမြန်အောင်နိုင်ရေးဖြစ်သည်။ ကြာရှည်ဆွဲတိုက်နေရလျှင် စစ်ညောင်းပြီး အားကုန်လူပန်း စိတ်ဓာတ်ကျကုန်ပေလိမ့်မည်။ ရန်သူ့မြို့ပြများကို ၀ိုင်းရံတိုက်ခိုက်ပြန်လျှင်လည်း အင်အားဆုံးရှုံး ပြုန်းတီးလာနိုင်သည်။ တပ်မကြီးတစ်ခုလုံးမှာလည်း ရှေ့တန်းမှာကြာရှည်တပ်ချ တပ်စွဲထားပြီး တိုက်ခိုက်ပြန်လျှင်လည်း ကုန်ကျစရိတ်ကြောင့် တိုင်းပြည်ဘဏ္ဍာအရင်းအမြစ်များ မလုံမလောက် ကုန်ခန်းရပေတော့မည်။
ယင်းသို့ တပ်များစစ်ညောင်းပြီး နုံးခွေပင်ပန်း စိတ်ဓာတ်ကျလာသည်နှင့်အမျှ အားအင်ပြုန်းတီးဆုတ်ယုတ်ပြီး၊ ဘဏ္ဍာအရင်းအမြစ်များ ကုန်ခန်းလာတတ်သည်နှင့်အညီ ဤအဖြစ်သနစ်ဆိုးကျိုးကို အကြောင်းပြုပြီး လက်အောက်မြို့ပြ ပြည်ထောင်မင်းများသည် အခွင့်ကောင်းယူကာ ပုန်ကန်ထကြွခြားနားလာနိုင်ပေသည်။ ယင်းသို့ အခြေအနေမျိုးဆိုက်သော် လူတော်လူစွမ်းကောင်းကြီးများ ရှိလင့်ကစား ၎င်းဆိုးကျိုးအခြေအနေကို အကောင်းဘက်သို့ ပြောင်းလဲခြင်းငှာ စွမ်းဆောင်နိုင်ကြမည်မဟုတ်ပေ။
ထို့ကြောင့် စစ်တိုက်ရာမှာ အောင်နိုင်ရေးအတွက် အရမ်းကာရော အလောသုံးဆယ်တိုက်ခြင်းကြောင့် စစ်ဦးစီးညံ့ဖျင်းရာကျသည်ဟူသော သာဓကကိုသာ ကြားဖူး၏။ စစ်ကို ရေရှည်ဆွဲတိုက်သည်ကို လိမ္မာပါးနပ်သည်၊ တော်သည်ဟူ၍ကား မကြားဖူးပါချေ။
စစ်ကို ရေရှည်ဆွဲတိုက်သဖြင့် တိုင်းပြည်အတွက် အကျိုးကျေးဇူး ဖြစ်ထွန်းလာစေခဲ့သော သာဓကဟူ၍ မရှိခဲ့ဖူးပါချေ။
ထို့ကြောင့် စစ်အင်အားကို အသုံးချရာမှာ ပေါ်ပေါက်တတ်သော ဆိုးကျိုးအန္တရာယ်များကို ဘက်စုံထောင့်စုံ ကောင်းစွာမသိနားမလည်သောသူအနေနှင့် စစ်အင်အားကိုအသုံးချ၍ အကျိုးဖြစ်ထွန်းစေနိုင်သော အကြောင်းအရာများကိုလည်း ကောင်းစွာသိရှိနားလည်နိုင်စွမ်း ရှိလိမ့်မည်မဟုတ်ပေ။
စစ်ရေးဆိုင်ရာ ကျွမ်းကျင်သူတို့သည် စစ်သားစုဆောင်းရေးကို အကြိမ်ကြိမ်ဆင့်ခေါ်စုစည်းခြင်းမပြု၊ ရိက္ခာများကိုလည်း အလီလီထောက်ပို့ရန် မခိုင်း၊ မိမိနိုင်ငံမှ လက်နက်ပစ္စည်းများကို စွဲကိုင်အသုံးပြုပြီး၊ ရန်သူ့နယ်မြေမှ စားရေရိက္ခာကို ရယူစုဆောင်းအမှီပြုနိုင်သဖြင့် စစ်တပ်များအတွက် ရိက္ခာလုံလုံလောက်လောက် ရရှိအောင် စွမ်းဆောင်နိုင်ကြပေသည်။
စစ်ချီတိုက်ခိုက်ခြင်းကြောင့် တိုင်းပြည်ချွတ်ခြုံမွဲပြာကျရခြင်း အကြောင်းရင်းတစ်ရပ်ကား စစ်မြေပြင်သို့ ခရီးဝေးထောက်ပို့ရသောကြောင့်ဖြစ်၏။ ယင်းသို့ဝေးဝေးလံလံ ထောက်ပို့ရခြင်းကြောင့်လည်း တိုင်းသူပြည်သားများ ဆင်းရဲကျပ်တည်းခြင်း ဖြစ်ကြရလေသည်။ တပ်စွဲရာ အနီးအနားတစ်ဝိုက်ရှိ ကုန်ပစ္စည်းများဈေးနှုန်းမြှင့်တင် ရောင်းချလာပေတော့ရာ မတန်တဆဈေးကြီးပေး ၀ယ်ယူသုံးစွဲရသောကြောင့်လည်း ပြည်သူအများငွေကြေးဥစ္စာ ကုန်ခန်းလာရလေတော့သည်။ ငွေကြေးဥစ္စာ ကုန်ခန်းလာသည့်အလျောက် အခွန်အတုတ်များမှာလည်း ၀န်ထုပ်ဝန်ပိုးကြီးသဖွယ် ပိုမိုဖိစီးလာမှုဒဏ်ကို မလွဲမသွေခံလာကြရလေသည်။ စစ်အင်အားနှင့်တကွ ငွေကြေးဥစ္စာအရင်းအမြစ်များလည်း ချို့တဲ့ဆုံးရှုံး ပြုန်းတီးလာသည့်အလျောက် ပြည်တွင်းမှာဆင်းရဲမွဲတေ ချွတ်ခြုံကျသောအခြေသို့ ဆိုက်ရပေတော့ရာ၊ တိုင်းသူပြည်သားတို့၏ ဥစ္စာပစ္စည်းများမှာလည်း ဆယ်ချိုးခုနှစ်ချိုးမျှ ပြုန်းတီးကုန်ရချေတော့မည်ဖြစ်သည်။
အစိုးရဌာနဆိုင်ရာ အသုံးစရိတ်များ၊ လှည်းပျက်မြင်းနာစသည့် အဆုံးအရှုံးအပျက်အစီးများ၊ ဒူးလေးချပ်ကာ၊ ဒိုင်းလွှား ဓားလှံ၊ လှေကြီးလှေငယ် စသည့်စစ်သုံးပစ္စည်းများ ပြုပြင်ဖြည့်တင်းဆောက်တည်ရခြင်းများ၊ ရိက္ခာလက်နက်ပို့ရန် နွားလှည်း၊ မြင်းလှည်းကြီးများအပါအ၀င် သုံးစွဲကုန်ကျစရိတ်အတွက် အစိုးရဘဏ္ဍာတော် ငွေကြေးဆယ်ပုံခြောက်ပုံခန့် ကုန်ခန်းရသည့်အခြေသို့ ဆိုက်ရချေတော့မည်ဖြစ်သည်။
ထို့ကြောင့် စစ်ရေးကျွမ်းကျင်လိမ္မာသော တပ်မှူးတို့သည် ရန်သူ့နယ်မြေမှ စားရေရိက္ခာများကို အရယူဖြည့်တင်းရပေမည်။ ပမာပြောရလျှင် ရန်သူ့ထံမှရိက္ခာ တစ်တင်းရလျှင်ပင် ကျွန်ုပ်တို့အတွက် တင်း ၂၀ မျှ တန်သည်မှတ်ရမည်။ ရန်သူ့ထံမှ ကောက်ရိုးမြက်ထုံး တစ်ထုံးရသည်ပင်လျှင် ကျွန်ုပ်တို့အတွက် အထုံး ၂၀ မျှ တန်သည်မှတ်ရမည်။
ရန်သူ့အပေါ် တိုက်ရဲခိုက်ရဲစေလိုသော် ရဲသွေးရဲမာန် ဘာမထီစိတ်ဓာတ် နှိုးဆွပေးခြင်းပြုတတ်ရာ၏။
ရန်သူ့အပေါ် အနိုင်ရအမြတ်ထုတ်လိုသော် မိမိစစ်သည်များကို တိုက်ရလာသော ပစ္စည်းများအား ပေးကမ်းဝေမျှ ချီးမြှင့်ခြင်းပြုတတ်ရာ၏။
ထို့ကြောင့် စစ်ရထားခြင်း တိုက်စစ်ဆင်ရာမှ ရန်သူ့စစ်ရထား ဆယ်စင်းကျော် သိမ်းပိုက်ရမိလေတိုင်း ကနဦးဆုံးရလာသောတပ်သားအား ဆုတော်လာဘ်တော်များ ချီးမြှင့်ရမည်။ ၎င်းရန်သူ့စစ်ရထားများပေါ်ကို မိမိတို့အလံများ ပြောင်းစိုက်ကာ မိမိတို့၏စစ်ရထားများအကြား ထည့်ညှပ်ပြီးစစ်တိုက်ရန်အသုံးချသွားရမည်။ သုံ့ပန်းများကို ကောင်းစွာစောင့်ရှောက် ကျွေးမွေးထားတတ်ရမည်။
ဤအချက်သည် ရန်သူကိုအနိုင်တိုက်ရင်း မိမိအင်အားကြီးထွားအောင် ဖြည့်တင်းရရှိခြင်းဟူ၏။
စစ်တိုက်ရာမှာ အရေးကြီးဆုံးကား အမြန်အနိုင်တိုက်ရေး ဖြစ်သည်။ ရေရှည်ဆွဲတိုက်ရန် မသင့်။
ထို့ကြောင့်လည်း စစ်ရေးစစ်ရာကျွမ်းကျင်သော တပ်မှူးများသည် ပြည်သူပြည်သားတို့၏ ကံကြမ္မာဖန်တီးရှင်ဟု ခေါ်ဆိုထိုက်ပါသည်။ တိုင်းပြည်၏ လုံခြုံအေးချမ်းရေးနှင့် ပျက်သုဉ်းရေးကို ခြယ်လှယ်နိုင်သော အုပ်စိုးသူများလည်း ဖြစ်ကြပေသည်။
မဟာဗျူဟာမြောက် ထိုးစစ်
ဆွန်ဇုက ဤသို့မိန့်ဆိုထား၏ ...
စစ်မဟာဗျူဟာနည်းအရ စစ်ဆင်ရာမှာ ရန်သူ့တိုင်းပြည်တစ်ပြည်လုံးကို ပကတိအညံ့ခံလာစေပြီး သိမ်းပိုက်အောင်နိုင်ခြင်းကား အကောင်းဆုံးနည်းဖြစ်သည်။ တိုင်းပြည်ဖြိုခွင်းပြီး အောင်နိုင်ခြင်းကား သင့်ရုံသာရှိသည်ဟု ဆိုရအံ့။ ရန်သူ့တပ်မတစ်ခုလုံးကို ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးနည်းဖြစ်၏။ ရန်သူ့တပ်မကို ဖြိုခွင်းပြီးအနိုင်ရလိုက်ခြင်းကား သင့်ရုံသာရှိသည်ဟု ဆိုရအံ့။
ရန်သူ့တပ်ရင်း တစ်ရင်းလုံး ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးဖြစ်၏။ ရန်သူ့တပ်ရင်းကို ဖြိုခွင်းအောင်နိုင်ခြင်းကား သင့်ရုံသာရှိသည်ဟု ဆိုရအံ့။ ရန်သူ့တပ်ခွဲ တစ်ခွဲလုံး ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးဖြစ်၏။ တပ်ခွဲကို ဖြိုခွင်းအောင်နိုင်ခြင်းကား သင့်ရုံသာရှိသည် ဆိုရအံ့။ ရန်သူ့တပ်စိတ် တစ်စိတ်လုံး ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးဖြစ်၏။ တပ်စိတ်ကို ဖြိုခွင်းအောင်နိုင်ခြင်းကား သင့်ရုံသာရှိသည် ဆိုရအံ့။
တိုက်ပွဲတစ်ရာ အောင်ပွဲတစ်ရာ ဆင်နိုင်သူတိုင်း အကောင်းဆုံးအတော်ဆုံးဟု မဆိုထိုက်သေးချေ။
မတိုက်ရပဲနှင့် ရန်သူ့အင်အားကို ချိုးနှိမ်အညံ့ခံလာရအောင် လုပ်နိုင်သူသည်သာ အကောင်းတကာ့ အကောင်းဆုံး အတော်ဆုံးဟု ဆိုထိုက်ပေသည်။
စစ်တိုက်ရာတွင် ထိပ်တန်းအကောင်းဆုံးနည်းလမ်းကား ဗျူဟာမြောက်နည်းပရိယာယ်ဆင်ခြင်းဖြင့် ရန်သူကို မတိုက်ခိုက်ရပဲ ချိုးနှိမ်အောင်နိုင်ခြင်းဖြစ်၏။
ဒုတိယနည်းလမ်းကား သံရေးတမန်ရေးအရ ရန်သူ၏မဟာမိတ်များကို သပ်လျှိုဖြိုခွင်းပြီး ချိုးနှိမ်အောင်နိုင်ခြင်းဖြစ်၏။
တတိယနည်းလမ်းကား စစ်အင်အားသုံးပြီး ရန်သူ့တပ်ကို တိုက်ခိုက်ဖြိုခွင်း အောင်နိုင်ခြင်းဖြစ်၏။
မတတ်သာဆုံးနည်းလမ်းကား မြို့ကြီးပြကြီးများကို ၀န်းရံတိုက်ခိုက် ဖြိုခွင်းအောင်နိုင်ခြင်းဖြစ်၏။
မြို့ကြီးပြကြီးများကို ၀န်းရံတိုက်ခိုက်ရခြင်းမှာကား မလွှဲမရှောင်သာသောကြောင့်သာ ဖြစ်ရပေမည်။ အဘယ်ကြောင့်ဆိုသော် မြို့ပြများကိုဝန်းရံတိုက်ခိုက်ရန်အတွက် ဒိုင်းလွှား၊ မျှော်စင်ပါ လှည်းယာဉ်ကြီးများ ပြုလုပ်တည်ဆောက်ခြင်း၊ အခြားအသုံးအဆောင် ယန္တရားလက်နက်များ စုဆောင်းခြင်းတို့အတွက် လပေါင်းများစွာ အချိန်ကုန်သွားနိုင်၏။ မြို့ရိုးတံတိုင်းများကို ကျော်တက်စီးနင်းနိုင်အောင် မြေတာတောင်ပို့ကြီးများ ဖို့ခြင်းအလုပ်ကိုလည်း နောက်ထပ်လပေါင်းများစွာ အချိန်ယူရဦးမည်ဖြစ်၏။ သို့နှင့် တပ်မှူးများက စိတ်လောစိတ်မရှည်နိုင်ပဲ ဒေါကြီးလောကြီးပြီး တပ်သားများကို မြို့ရိုးတစ်လျှောက် အစုအပြုံလိုက်သဲကြီးမဲကြီး တက်တိုက်ခိုင်းလေသော် သုံးပုံတစ်ပုံခန့်သော တပ်သားများကျဆုံးကုန်သည့်တိုင် မြို့ကိုသိမ်းပိုက်မရပဲဖြစ်တတ်၏။ ဤသည်မှာကား ရန်သူ့မြို့ပြများကို ၀န်းရံတိုက်ခိုက်သောကြောင့် ဖြစ်ပေါ်ကြုံတွေ့လာနိုင်သော ဆိုးကျိုးဆိုးပြစ်များဖြစ်ပေသည်။
စစ်ရေးကျွမ်းကျင်သူတို့အနေနှင့် ရန်သူ့တပ်ကို မတိုက်ခိုက်ရပဲ အညံ့ခံလာအောင် ချိုးနှိမ်အနိုင်ယူတတ်ကြသည်။ ရန်သူ့မြို့ပြများကို ၀န်းရံမတိုက်ခိုက်ရပဲ သိမ်းပိုက်နိုင်အောင် စွမ်းဆောင်တတ်ကြသည်။ ရန်သူ့တိုင်းပြည်ကို ရေရှည်ဆွဲမတိုက်ရပဲ ဖြိုခွင်းသိမ်းပိုက်နိုင်ကြပေသည်။ ၎င်းတို့သည် ဘက်စုံအလုံးစုံ အောင်နိုင်ရေး စစ်ဗျူဟာများ တစ်ထစ်ကျချမှတ်ကျင့်သုံးပြီး ဇမ္ဗူတစ်လွှားယှဉ်ပြိုင်အနိုင်ရအောင် စွမ်းဆောင်ကြကုန်သည်ဖြစ်၏။ သို့ဖြစ်သောကြောင့်လည်း မိမိ၏စစ်အင်အားကို ပျက်စီးဆုံးရှုံးမှုမရှိစေပဲ အောင်ပွဲကိုဘက်စုံမှ အပြည့်အ၀ရရှိနိုင်စေခဲ့လေသည်။ ဤသည်ကား စစ်မဟာဗျူဟာနည်းပရိယာယ်ဉာဏ်ဖြင့် ထိုးစစ်ဆင်ခြင်း ဟူသတည်း။
စစ်ရေးနည်းဗျူဟာ ကျင့်သုံးရာမှာ ရန်သူ့ထက် အင်အားဆယ်ဆသာလျှင် ၀ိုင်းပိတ်တိုက်ပါ။ ရန်သူထက် အင်အားငါးဆသာလျှင် ထိုးစစ်ဆင်ပါ။ ရန်သူထက် အင်အားနှစ်ဆသာနေလျှင် ရန်သူ့အင်အားကို အပိုင်းပိုင်းစိတ်၍တိုက်ပါ။ အင်အားချင်းတူနေလျှင် ယှဉ်တိုက်နိုင်ရမည်။ မိမိအင်အားလျော့နည်းနေလျှင် ရှောင်ပြေးတတ်ရမည်။ ရန်သူ့အင်အားကြီး၍ မယှဉ်သာလျှင် တိမ်းရှောင်တပ်ဖျောက်နေတတ်ရမည်။ ထို့ကြောင့် အင်အားခြင်းမမျှပဲ ခေါင်းမာစွာရင်ဆိုင်တိုက်ခိုက်ခြင်းသည် အင်အားကြီးသောရန်သူတို့၏ သုံ့ပန်းအဖြစ်သို့ ကျရောက်တတ်ပေသည်။
စစ်သူကြီးများ၊ တပ်မှူးများကား တိုင်းပြုပြည်ပြုအတွက် အထောက်အကူပြုသော အကျိုးတော်ဆောင် လက်ရုံးကြီးများဖြစ်ကြပေသည်။ အကျိုးတော်ဆောင် လက်ရုံးကြီးများအနေနှင့် ထောင့်စေ့အောင် အပြုသဘောအကျိုးပြု အားဖြည့်စွမ်းဆောင်ပေးနိုင်လျှင် နိုင်ငံတော်အင်အား ဧကန်မလွဲ တောင့်တင်းခိုင်မာလာမည်ဖြစ်သည်။ အကျိုးပြုအားဖြည့်စွမ်းဆောင်မှု ချွတ်ယွင်းချွတ်ချော်လစ်ဟင်းနေလျှင် နိုင်ငံတော်အင်အားမုချ ချိနဲ့နေမည်ဖြစ်သည်။
အုပ်စိုးသူတို့ကြောင့် တပ်ကိုဆိုးကျိုးဒုက္ခပေးနိုင်သော အကြောင်းရပ်သုံးမျိုးရှိ၏။ ၎င်းမှာ အုပ်စိုးသူတို့အနေနှင့် တပ်ကိုရှေ့တိုးချီတက်ရန် မသင့်တော်ကြောင်း မရကြောင်းကို မသိနားမလည်ပဲနှင့် အမိန့်ပေးအတင်းချီတက်စေခြင်း၊ တပ်ကိုနောက်သို့ဆုတ်ခွာရန် မသင့်တော်ကြောင်း မဖြစ်ကြောင်းကို မသိနားမလည်ပဲနှင့် အမိန့်ပေးအတင်းဆုတ်ခွာစေခြင်းဖြစ်၏။ ဤအကြောင်းအရာမျိုးကို တပ်အားအကျပ်ကိုင် တုတ်နှောင်မှုမျိုးဟု ဆိုရပေမည်။
အခြားတစ်မျိုးက အုပ်စိုးသူတို့အနေနှင့် တပ်များ၏စစ်စည်းကမ်း အုပ်ချုပ်စီမံမှုအခြေအနေများကို မသိနားမလည်ပဲနှင့် တပ်တစ်ခုလုံးတွင် မြို့ပြအုပ်ချုပ်မှုပုံစံမျိုးနှင့် ပါဝင်စီမံခန့်ခွဲခြင်းဖြစ်၏။ ဤသည်ကို တပ်မတော်သားများအား တွေဝေစိတ်အနှောင့်အယှက်ဖြစ်စေခြင်းမျိုးဟု ဆိုရပေမည်။
နောက်တစ်မျိုးကား အုပ်စိုးသူတို့အနေနှင့် တပ်များ၏ စစ်ရေးစစ်ရာအခြေအနေအရ လိုက်လျောညီထွေစွာ ပါးပါးနပ်နပ်လှုပ်ရှားပြောင်းလဲမှု ပြုလုပ်ရသည့် နည်းပရိယာယ်ဗျူဟာများကို မသိနားမလည်ပဲနှင့် တပ်များ၏ဦးစီးညွှန်ကြားမှုတွင် ပါဝင်ခြယ်လှယ်အမိန့်ပေးလာခြင်းမျိုး ဖြစ်၏။ ဤသည်ကို တပ်သားများအား ယုံကြည်မှု ယိုယွင်း၊ ဒွိဟသံသယစိတ် ပွားစေခြင်းမျိုးဟု ဆိုရပေမည်။
ဤသို့ တပ်တစ်ခုလုံးတွင် တွေဝေစိတ်များ၊ ဒွိဟသံသယစိတ်များ ရောပြွမ်းပေါက်ဖွားနေလေသော် ယင်းကိုအကြောင်းပြု၍ နယ်စားပယ်စား မြို့ပြပြည်ထောင်မင်းများက ကျူးကျော်ရန်စ တိုက်ခိုက်ဒုက္ခပေးလာကြတော့မည်ဖြစ်သည်။ ဤသည်ကား တပ်တစ်ခုလုံးကို ကိုယ့်ဘာသာကိုယ် ခလောက်ဆံအောင် ဖန်တီးပြီးပျက်စီးဆုံးရှုံးရာသို့ တွန်းပို့ခြင်းသာဖြစ်သည်။
ထို့ကြောင့် ကြိုတင်သိနိုင်စွမ်းသော စစ်အောင်နိုင်ရာသော အကြောင်းတရား ငါးရပ်ရှိ၏။ ၎င်းတို့မှာ ... .. .
အခြေအနေအရ တိုက်နိုင်ခြင်းကိုလည်းကောင်း၊ မတိုက်နိုင်ခြင်းကိုလည်းကောင်း ခန့်မှန်းသိစွမ်းနိုင်သောသူသည် စစ်အောင်နိုင်ရာ၏။
တပ်အင်အားအနည်းအများအလိုက် အသုံးချအုပ်ချုပ်စီမံ တိုက်ခိုက်တတ်သူသည် စစ်အောင်နိုင်ရာ၏။
အဆင့်ဆင့်ထက်အောက် တပ်မှူးတပ်သားများ တစ်စိတ်တစ်ဝမ်းတည်းဖြစ်အောင် ဖန်တီးနိုင်စွမ်းသူသည် စစ်အောင်နိုင်ရာ၏။
မိမိဘက်က အသင့်ပြင်ဆင်မှုရှိပြီး အသင့်မရှိသေးသောရန်သူကို စောင့်စားရင်ဆိုင် တိုက်ခိုက်နိုင်သူသည် စစ်အောင်နိုင်ရာ၏။
စစ်သူကြီးများ တပ်မှူးများအနေနှင့် အရည်အချင်းပြည့်ဝပြီး အုပ်စိုးသူများပါဝင်စွက်ဖက် ခြယ်လှယ်ခြင်းကို မခံရသူသည် စစ်အောင်နိုင်ရာ၏။
ဤကား ကြိုတင်သိနိုင်စွမ်းသည့် စစ်အောင်နိုင်ရာသော အကြောင်းတရားငါးရပ်ဖြစ်ပေသည်။
ထို့ကြောင့် ဤသို့ အဆိုအမိန့်ရှိ၏ .....
သူ့အကြောင်း ကိုယ့်အကြောင်း သိကျွမ်းလျှင် တိုက်ပွဲတိုင်း အန္တရာယ်ကင်းကင်းနှင့် အောင်မြင်ရာ၏။ သူ့အကြောင်းမသိ ကိုယ့်အကြောင်းသာသိလျှင် နိုင်သည်လည်း ရှိမည်၊ ရှုံးသည်လည်း ရှိမည်။ ကိုယ့်အကြောင်း သူ့အကြောင်း လုံးဝမသိလျှင် တိုက်ပွဲတိုင်း မုချ ရှုံးလိမ့်မည်။
စစ်ရေးစစ်ရာ အနေအထား
ဆွန်ဇုက ဤသို့မိန့်ဆိုထား၏ ...
ရှေးခတ်က စစ်တိုက်ကျွမ်းကျင်သူတို့သည် ရှေးဦးစွာ မိမိကိုယ်ကို သူတစ်ပါးအနိုင်မတိုက်နိုင်အောင် ကြိုတင်ဖန်တီးကြ၏။ ထို့နောက် ရန်သူကို အနိုင်ရမည့်အခါအခွင့်ကို ငံ့လင့်၏။ မိမိကိုယ်ကို သူတစ်ပါးမနိုင်အောင် လက်ဦးမှုရယူထားနိုင်သည့် အခြေအနေသည် မိမိအပေါ်၌ တည်လေသည်။ ရန်သူကို အနိုင်ယူနိုင်မှု ရှိမရှိအခြေအနေသည် ရန်သူကိုယ်၌တွင် စစ်ရှုံးစေမည့် ပျော့ကွက်ဟာကွက်၊ ချို့ယွင်းချက် ရှိမရှိအပေါ်၌ တည်နေပေသည်။
စစ်ရေးကျွမ်းကျင်သူတို့သည် မိမိကိုယ်ကို သူတစ်ပါးမနိုင်ရအောင် အခြေအနေကို ဖန်တီးရယူနိုင်၏။ ရန်သူကိုမူ ကျွန်ုပ်တို့မုချနိုင်ရမည့် အခြေအနေအတင်းဖန်တီးပေးလာစေရန် မဖြစ်နိုင်ချေ။ ထို့ကြောင့် အောင်ပွဲကို ကြိုတင်ခန့်မှန်း သိရှိနိုင်သော်လည်း အတင်းအဓမ္မ ဖန်တီးမရယူနိုင်ပေ။ မိမိအပေါ် ရန်သူတို့အနိုင်တိုက်မရအောင် စွမ်းဆောင်နိုင်ခြင်းအကြောင်းကား မိမိ၏တပ်အင်အားအနေနှင့် လုံခြုံကြံ့ခိုင်စွာ ခံစစ်ဆင်နိုင်သောကြောင့် ဖြစ်ရာ၏။ ရန်သူကို အနိုင်တိုက်နိုင်ခြင်းအကြောင်းကား မိမိတို့တပ်အနေနှင့် ထိုးစစ်ပိုင်နိုင်စွာ ဆင်နိုင်သောကြောင့် ဖြစ်ရာ၏။ ခံစစ်ဆင်ရခြင်းအရင်းခံကား အင်အားမလုံလောက်မမျှ၍ ဖြစ်ရာ၏။ ထိုးစစ်ဆင်တိုက်ခိုက်နိုင်ခြင်း အရင်းခံကား အင်အားသာလွန် ကောင်းမွန်သောကြောင့် ဖြစ်ရာ၏။ ခံစစ်ကျွမ်းကျင်သူတို့သည် တပ်များကိုမြေလျှိုးပုန်းကွယ်ထားဘိသကဲ့သို့ မြေပထ၀ီအနေအထားပေါ်တည်ပြီး တပ်ဖျောက်ကာကွယ် ခုခံတတ်ကြ၏။ ထိုးစစ်တိုက်စစ်ကျွမ်းကျင်သူတို့မှာလည်း တပ်အင်အားကို မိုးကောင်းကင်မှ လျှပ်တစ်ပြက် ကျရောက်သက်ဆင်းလာစေသည့်နှယ် အလျင်အမြန်အရှိန်အဟုန်ဖြင့် လှုပ်ရှားတိုက်ခိုက်တတ်ကြ၏။ ထို့ကြောင့် မိမိကိုယ်ကိုလုံခြုံအောင် ကာကွယ်ထိန်းသိမ်းနိုင်ကြသည့်အလျှောက် ရန်သူကိုလုံးဝဥဿုံ အောင်နိုင်ခြင်းငှာ စွမ်းဆောင်တိုက်ခိုက်နိုင်ကြပေသည်။
အောင်ပွဲကို အများသူငါ သိနိုင်သောအမြင်အတိုင်း ကြိုတင်ခန့်မှန်းတတ်သိနိုင်သူကား လူတော်ထဲကအတော်ဆုံးလူဟု မဆိုသာ။ စစ်ပွဲတိုက်ခိုက်ပြီး အောင်နိုင်သူအား နိုင်ငံအ၀န်း ချီးမွမ်းသြဘာပေးကြသော်လည်း လူတော်ထဲက အတော်ဆုံးလူဟု မဆိုသာ။ ထို့ကြောင့် ပမာခိုင်းနှိုင်းပြောရလျှင် ငှက်တောင်ကို ကိုင်မနိုင်ရုံဖြင့် ခွန်အားကြီးသည်ဟုမဆိုသာ။ ထိုနည်းလည်းကောင်း နေ၊ လတို့ကို ကြည့်မြင်နိုင်ရုံဖြင့် မျက်စေ့ကောင်းသည်၊ လျင်သည်ဟုမဆိုသာ။ မိုးချုန်းသံကြားရနိုင်ရုံမျှဖြင့် နားပါးနားလျင်သည်ဟု မဆိုသာ။
ရှေးခေတ်က ပြောစမှတ်ပြုကြသော စစ်တိုက်ကျွမ်းကျင်သူတို့ မည်သည်ကား တိုက်လွယ်သောရန်သူများကိုသာ အနိုင်ရယူလိုက်ခြင်းဖြစ်သည်ဟု ဆိုရပေမည်။ ထို့ကြောင့်လည်း ၎င်းအောင်ပွဲများနှင့်ပတ်သက်၍ စစ်တိုက်ကျွမ်းကျင်သူတို့၏ ကြံရည်ဖန်ရည် ဂုဏ်သတင်းများ မထင်ပေါ်မကျော်စော၊ သူရသတ္တိဂုဏ်ပုဒ်များ မထင်ရှားမကျော်ကြားပေ။ ၎င်းတို့၏ အောင်နိုင်ခြင်းသည် တိမ်းစောင်းမှားယွင်းမှု မရှိဖြစ်၏။ တိမ်းစောင်းမှားယွင်းမှု မရှိဟုဆိုရခြင်းမှာလည်း ၎င်းတို့၏လုပ်ဆောင်ချက်များသည် မုချအောင်နိုင်မည့် အခြေခံပေါ်တွင် စီစဉ်ထားခြင်းဖြင့် နဂိုကပင်ရှုံးနိမ့်မည့်အခြေအနေရှိသော ရန်သူကို အနိုင်တိုက်ရလိုက်ခြင်းကြောင့် ဖြစ်ပေသည်။ ထို့ကြောင့် စစ်တိုက်ကျွမ်းကျင်သူတို့သည် မိမိကိုယ်ကို မရှုံးနိမ့်နိုင်သော အခြေအနေတွင် ရပ်တည်လျှက်ရှိစေပြီး ရန်သူတို့ရှုံးနိမ့်နိုင်မည့် အခြေအနေကို အခါမလင့်စောင့်ဆိုင်း တိုက်ခိုက်တတ်ကြပေသည်။
အောင်ပွဲခံတပ်မတော်တို့ဟူသည် အောင်နိုင်မည့်အခြေအနေကို လက်ဦးမှုရှိစွာဖန်တီးရယူပြီးမှ ရန်သူကိုဦးတည်ရင်ဆိုင် တိုက်ခိုက်တတ်ကြလေသည်။ အရေးနိမ့်မည့် ရှုံးမည့်တပ်များအနေနှင့်မူ အလျင်စလိုဦးစွာ ရန်သူနှင့်ရင်ဆိုင်တိုက်ခိုက်ပြီး ကံကောင်းထောက်မမှုကို အားကိုး၍အနိုင်ရရန် ကြိုးပမ်းတတ်ကြပေသည်။ စစ်အင်အားကို ကျွမ်းကျင်ပြောင်မြောက်စွာ အသုံးချတတ်သူတို့အနေနှင့် တိုင်းရေးပြည်ရာအတွက် ကျင့်ဝတ်တရားကောင်းများကို ကျင့်ကြံအားထုတ် ဆောက်တည်တတ်ကြရပေသည်။ ထို့အတူ စည်းမျဉ်းစည်းကမ်း ဥပဒေများကိုလည်း ထိန်းသိမ်းစောင့်ရှောက် လိုက်နာကျင့်သုံးတတ်ကြရပေသည်။ သို့ပါ၍လည်း စစ်ပွဲအနိုင်အရှုံး အဆုံးအဖြတ်တို့ကို စွဲမြဲစွာ ဆုပ်ကိုင်ခြယ်လှယ်နိုင်စွမ်းရှိကြပေသည်။
စစ်ဥပဒေသ အဆိုအမိန့်အရ စစ်အခြေခံ အကြောင်းအချက်ကြီး (၅)ချက် ရှိ၏။ ၎င်းတို့မှာ ... .. .
၁။ အတိုင်းအတာ
၂။ အရေအတွက်
၃။ အတွက်အချက်
၎။ အနှိုင်းအဆ
၅။ အနိုင်အပိုင် ... ... ... စသည်တို့ ဖြစ်၏။
ပထ၀ီအနေအထားအရ အတိုင်းအတာကိန်း ပေါ်ပေါက်လာ၏။ အတိုင်းအတာအရ အရေအတွက်ကိန်း ပေါ်ပေါက်လာ၏။ အရေအတွက်အရ အတွက်အချက်ကိန်း ပေါ်ပေါက်လာ၏။ အတွက်အချက်အရ အနှိုင်းအဆကိန်း ပေါ်ပေါက်လာ၏။ အနှိုင်းအဆပေါ်မူတည်ပြီး အနိုင်အပိုင်ကိန်း ပေါ်ပေါက်လာတော့၏။
(တစ်နည်း အဓိပ္ပါယ်ဖွင့်ဆိုချက်မှာ :
: :
... ရန်-ငါ နှစ်ဖက်တို့၏ တည်နေရာခြားနားမှုအရ မြေဧရိယာအကျယ်အ၀န်း မတူခြားနားသော အတိုင်းအတာကိန်း ပေါ်ပေါက်လာရ၏။
... ရန်-ငါ နှစ်ဖက်ရှိ မြေဧရိယာ အကျဉ်းအကျယ် အတိုင်းအတာမတူခြားနားမှုအရ၊ နှစ်ဖက်သော သယံဇာတကြွယ်ဝမှု အနည်းအများ မတူခြားနားသော အရေအတွက်ကိန်း ပေါ်ပေါက်လာရ၏။
... ရန်-ငါ နှစ်ဖက်ရှိ သယံဇာတ အရင်းအမြစ်ပေါကြွယ်ဝမှု အနည်းအများအရေအတွက် မတူခြားနားမှုအရ နှစ်ဖက်သော စစ်အင်အား အနည်းအများ မတူခြားနားသော အတွက်အချက်ကိန်း ပေါ်ပေါက်လာရ၏။
... ရန်-ငါ နှစ်ဖက် စစ်သားအင်အားအနည်းအများ အတွက်အချက် မတူခြားနားမှုအရ နှစ်ဖက်သောစစ်အင်အား အားသာအားနည်းခြင်းဟူ၍ မတူခြားနားသော အနှိုင်းအဆကိန်း ပေါ်ပေါက်လာရ၏။
... ရန်-ငါ နှစ်ဖက် စစ်အင်အား အားသာအားနည်းခြင်းဟူသော အနှိုင်းအဆ မတူခြားနားမှုအရ စစ်ပွဲ အနိုင်အပိုင်အရှုံးကို အပြီးသတ် အဆုံးအဖြတ်ပေးလေသည်။)
အောင်ပွဲရစစ်သည်တော်တို့၏ စွမ်းဆောင်ပုံကား ပမာဏအားဖြင့် ပိဿာလေးကြီးအသွင်ဖြင့် ရန်သူဟူသော ပမာဏအားဖြင့် ရွေးစေ့ငယ်လေးကို နှိုင်းယှဉ်ချိန်ထိုးလိုက်သည့်အခါ တွေ့မြင်ရသောအလေးသာမှုနှယ်ရှိပေမည်။ ရှုံးပွဲဝင်ကြသော စစ်သည်တော်တို့၏ လုပ်ဆောင်ပုံကား မိမိအင်အား ရွေးစေ့ပမာဏလောက်ကို ပိဿာလေးကြီးပမာဏလောက်ရှိသည့် ရန်သူနှင့် နှိုင်းယှဉ်ချိန်ထိုးကြည့်နေသည့်နှယ် ရှိချေမည်ဖြစ်တော့သည်။
အောင်စစ်သည်တော်တို့သည် ရန်သူကိုထိုးစစ်ဆင်သည့်အခါ စုစုစည်းစည်းနှင့် အရှိန်အဟုန် လျင်မြန်ပြင်းထန်စွာ စီးနင်းတိုက်ခိုက်တတ်ကြပေသည်။ ပမာပြောရလျှင် တောင်ပေါ်ရေအိုင်ကြီး၏ ရေကာတာကိုချိုးဖောက်ချကာ ရေတို့ကို ပေပေါင်းထောင်သောင်းနက်သော ချောက်ထဲသို့ အလျင်အမြန် အရှိန်အဟုန်ပြင်းစွာ ဒလဟောတိုက်စားစီးဆင်းစေသည့်နှယ်ဖြစ်၏။ ဤကား စစ်ရေးစစ်ရာ စစ်အင်အားအနေအထား အရှိန်အဟုန်ဖြင့် ထိုးစစ်ဆင်ပုံတည်း။
တပ်အင်အား အနေအထား
ဆွန်ဇုက ဤသို့မိန့်ဆိုထား၏ ... .. .
တပ်မကြီးတစ်ခုလုံးကို ကိုင်တွယ်အုပ်ချုပ်ရသည်မှာ တပ်စုငယ်ကိုကိုင်တွယ်အုပ်ချုပ်ရသည့်နှယ် မခြားပေ။ အကြောင်းကား တပ်ကိုအဆင့်ဆင့် ပိုင်းခြားဖွဲ့စည်း ကွပ်ကဲအုပ်ချုပ်မှုပေါ်တည်၏။ တပ်အလုံးအရင်းကို အမိန့်ပေးတိုက်ပွဲဆင်နွှဲရာမှာလည်း တပ်စုငယ်ကို အမိန့်ပေးတိုက်ခိုက်စေသည်နှင့် မခြားပေ။ ဤကားအချက်ပြဆက်သွယ် အမိန့်ပေးညွှန်ကြား လှုပ်ရှားစေခြင်းပေါ်တည်၏။ တပ်မတော်အင်အားတစ်ခုလုံး ရန်သူ၏တိုက်ခိုက်ထိုးနှက်ခြင်းကို ခံရသော်လည်းမရှုံးမနိမ့်ပဲ ကြံ့ကြံ့ခံနိုင်ခြင်းကား တိုက်ရိုက်တိုက်နည်းနှင့် သွယ်ဝိုက်တိုက်နည်းဟူသော စစ်ပရိယာယ်လှည့်စား ကစားမှုပေါ်တွင်တည်ပေသည်။ တပ်အင်အားကို အားပြုအသုံးချတိုက်ခိုက်ရာတွင် ပမာအားဖြင့် ဥငယ်ကို ခဲကြီးဖြင့် ထုနှက်သည့်နှယ်ရှိရမည်။ ဤကား အားကြီးခြင်းနှင့် အားနည်းခြင်း လက္ခဏာသဘောတည်း။ ယေဘုယျအားဖြင့် တိုက်ပွဲများဆင်နွှဲရာတွင် တိုက်ရိုက်နည်းဖြင့် လှုပ်ရှားရင်ဆိုင်ပြီး သွယ်ဝိုက်နည်းဖြင့် လှည့်စားတိုက်ခိုက်၍ အောင်ပွဲရယူရာ၏။ သွယ်ဝိုက်နည်းများဖြင့် ကျွမ်းကျင်စွာ စစ်တိုက်တတ်သူတို့သည် ၎င်းတို့၏တိုက်နည်းခိုက်နည်းကား မိုးမဆုံးမြေမဆုံးအောင်ပင် အပြောင်းအလဲအမျိုးမျိုး ဖြစ်ပေါ်စေလျှက် ထွေလီများပြားလှပါသည်။ ချောင်းရေမြစ်ရေများ တသွင်သွင်စဉ်ဆက်မပြတ် စီးဆင်းသည့်နှယ် မကုန်ခမ်းနိုင်အောင် ရှိပါပေသည်။
နေ-လ သို့နှယ် ပေါ်ထွန်းပျောက်ကွယ် ဆန်းဆုတ်လည်ပတ် အဖန်တလဲလဲ အစဉ်အမြဲ ဖြစ်တည်နေ၏။ ဥတုရာသီတို့သို့နှယ် ကုန်ဆုံးရာမှ တစ်လှည့်စီ အဖန်ဖန် ပြန်လည်သက်ဝင်ရှင်သန်လာမြဲရှိပေသည်။ အသံတွင် သံစဉ်ငါးမျိုးရှိ၏။ ၎င်းသံစဉ်များ ပေါင်းစပ်ပြောင်းလဲ ပေါ်ထွက်လာသည့် အသီးသီးသော သံစုံများကား နားဆင်၍မကုန်မခမ်းနိုင်အောင် ရှိပါပေသည်။ အရောင်တွင် ရောင်စဉ်ငါးမျိုးရှိ၏။ ၎င်းရောင်စဉ်များ ပေါင်းစပ်ပြောင်းလဲ ထွက်ပေါ်လာသည့် အသီးသီးသော ရောင်စုံများကား ရှုချင့်ဖွယ်မကုန်အောင် များပြားလှပါပေသည်။ အရသာတွင် ရသငါးမျိုးရှိ၏။ ၎င်းရသများ ပေါင်းစပ်ပြောင်းလဲ ဖြစ်ပေါ်လာသည့် အသီးသီးသော ရသစုံများကား မြည်းစမ်း၍မကုန်အောင် များပြားလှပေသည်။
ထိုနည်းလည်းကောင်းပင် တိုက်ပွဲဆင်မှုအနေအထားတွင် တိုက်ရိုက်တိုက်နည်းနှင့် သွယ်ဝိုက်တိုက်နည်းနှစ်မျိုးသာရှိ၏။ သို့လင့်ကစား ထိုတိုက်ရိုက်တိုက်နည်းနှင့် သွယ်ဝိုက်တိုက်နည်းတို့ အဆင့်ဆင့်ပေါင်းစပ်ဖြစ်ထွန်း ပေါ်ပေါက်လာသောနည်းတို့မူကား မရေမတွက်နိုင်အောင် များပြားလှပေသည်။ သွယ်ဝိုက်နည်းနှင့် တိုက်ရိုက်နည်းတို့သည် အပြန်အလှန်တည်မှီ ရှင်သန်နေသည့်အလျောက် အဆုံးအစမရှိစက်ဝိုင်းကြီး လည်ပတ်နေသည့်နှယ် မရေမတွက်နိုင်အောင် အဖန်ဖန်တလဲလဲ ဖြစ်ပေါ်နေပေသည်။ ဤသည်ကို အဘယ်မှာလျှင် ကုန်ခမ်းအောင် သုံးနိုင်ပါမည်နည်း။
ရေအလျဉ်အစီးသန်ပြီး ကျောက်တုံးကျောက်ခဲများကို တိုက်စားမျောပါအောင် စွမ်းဆောင်နိုင်ခြင်းကား အရှိန်အဟုန်အားကြောင့်ဖြစ်၏။ စွန်ရဲသိမ်းငှက်များ အလျင်ဖြင့်ထိုးသုတ်ပြီး သားကောင်များကို သတ်ဖြတ်ကိုက်ချီနိုင်ခြင်းကား ချိန်သားကိုက် စွမ်းဆောင်နိုင်သောကြောင့်ဖြစ်၏။ ထို့ကြောင့် စစ်ရေးကျွမ်းကျင်သူတို့ ထိုးစစ်ဆင်နွှဲတိုက်ခိုက်လာသော အင်အားအရှိန်အဟုန်မှာ ကြောက်မက်ဖွယ် ပြင်းထန်အားကောင်းလှပေသည်။ ချိန်သားကိုက် တိကျမှန်ကန်စွမ်းဆောင်တိုက်ခိုက်နိုင်မှုမှာ တိုတောင်းလျှင်မြန်လှပေသည်။ ပမာပြုပြောရလျှင် အင်အားအရှိန်အဟုန်အနေအထားမှာ လေးညှို့ကို တင်းတင်းဆွဲထားသည့်နှယ်ရှိပြီး ချိန်သားကိုက်အနေအထားမှာ လေးညှို့ခလုတ်ကို ဆွဲဖြုတ်လိုက်သည့် တဒင်္ဂနှယ်ရှိချေသည်။
တိုက်ပွဲဆင်နွှဲရာတွင် အလံတံခွန်များ ရှုတ်ယှက်ယောက်ယက်ခတ်ပြီး မြင်းရောလူပါခွဲခြားမရအောင် လုံးလုံးထွေးထွေးဖြစ်နေသည့်ကြားက မိမိတပ်အင်အားကို စုရုံးညီညာစည်းကမ်းတကျရှိအောင် ဦးစီးဦးဆောင်တိုက်နိုင်ရမည်။ တပ်အင်အားအလုံးအရင်းချီပြီး အုတ်အော်သောင်းတင်း တစ်ဖက်နှင့် တစ်ဖက် ရုန်းရင်းဆန်ခတ် အမြင်ရှုပ်ထွေးနေသောအခြေအနေ၌ တိုက်ပွဲဆင်ရသော် မိမိတပ်အင်အားကို အချိတ်အဆက်မိမိ၊ တိုက်ကွက်ကျကျစီစဉ်၍ မရှုံးမလန်အောင် ဦးစီးဦးဆောင်တိုက်နိုင်ရမည်။
စည်းကမ်းတကျ ထိန်းကွပ်မှုအတွင်း ဗရမ်းဗတာစည်းလွတ်ဝါးလွတ်ခြင်းများ ဖြစ်ပေါ်တတ်၏။ သူရသတ္တိဗျတ္တိ ထက်မြက်မှုအတွင်း သူရဲဘောကြောင် ကြောက်ရွံ့ထိန့်လန့်ခြင်းများ ဖြစ်ပေါ်တတ်၏။ ကြံ့ခိုင်တောင့်တင်း အားကောင်းမှုအတွင်း ပျော့ညံ့အားနည်းခြင်းများ ဖြစ်ပေါ်တတ်၏။ (တစ်နည်းအဓိပ္ပါယ် ဖွင့်ဆိုချက်မှာ ... ... ... ဗရမ်းဗတာ စည်းပျက်ကမ်းပျက်ပုံ ဟန်ဆောင်ပြနိုင်ခြင်းကား စည်းကမ်းတကျ ကျစ်ကျစ်လစ်လစ်ရှိမှုပေါ်မူတည်၏။ သူရဲဘောကြောက် ကြောက်ရွံ့ကြောက်လန့်ဟန်ဆောင်ပြနိုင်ခြင်းကား သူရသတ္တိရဲစွမ်းရဲမာန် ခိုင်ကျည်မှုပေါ်မူတည်၏။ ပျော့ညံ့အားနည်းဟန်ဆောင်ပြနိုင်ခြင်းကား ကြံ့ခိုင်တောင့်တင်း အားကောင်းနေမှုပေါ်မူတည်၏။)
စည်းကမ်းတကျရှိခြင်းသော်လည်းကောင်း၊ ဗရမ်းဗတာဖြစ်ခြင်းသည်လည်းကောင်း ဖွဲ့စည်းအုပ်ချုပ်မှု အဆိုးအကောင်းပေါ်မူတည်၏။ သူရသတ္တိရှိခြင်းသော်လည်းကောင်း၊ သူရဲဘောကြောင်ခြင်းသော်လည်းကောင်း စစ်ရေးသာလွန်မှု ယုတ်ညံ့အားနည်းမှု အခြေအနေပေါ်တည်၏။ အားကြီးအားကောင်းခြင်းသော်လည်းကောင်း၊ အားနည်းအားငယ်ခြင်းသော်လည်းကောင်း စစ်ရေးယှဉ်ပြိုင်မှု အင်အားသွင်ပြင် အနေအထားပေါ်တည်၏။
ရန်သူကို မိမိတို့အလိုကျဖြစ်လာအောင် ကျွမ်းကျင်စွာလုပ်ဆောင်နိုင်သူတို့၏ အစွမ်းကား တပ်အင်အားသွင်ပြင်အနေအထား ဟန်ရေးပြလှည့်စားခြင်းဖြင့် မိမိတို့အလိုကျ ရန်သူတို့ကို မလွဲမသွေလိုက်ပါ လှုပ်ရှားလာစေ၏။ ငါးစာချမြှူခြင်းဖြင့် ရန်သူတို့ ငမ်းငမ်းတက်လှမ်းယူလာစေ၏။ ဤတွင်ရန်သူကို မက်လုံးပေး စစ်မြှူပြီးပါလာအောင် လှုပ်ရှားစေသည်နှင့်အတူ မိမိတို့၏တပ်အင်အားကိုလည်း အဆင်သင့်နေရာယူ စောင့်ဆိုင်းတိုက်ခိုက်တတ်ရာ၏။ စစ်တိုက်ကျွမ်းကျင်သူတို့သည် စစ်ရေးခင်းကျင်းပြင်ဆင်မှုပေါ်မူတည်ပြီး အကျိုးဖြစ်ထွန်းမှုအနေအထားကို ကြိုးစားဖန်တီးရယူကြ၏။ လူပုဂ္ဂိုလ် တပ်မှူးတပ်သားများအပေါ် အကျိုးအပြစ်ကို တာဝန်ပုံမချပေ။ သို့ဖြစ်၍လည်း လူတော်များကိုနေရာတကျ ရွေးချယ်တာဝန်ပေး အသုံးချတတ်ပြီး အကျိုးဖြစ်ထွန်းစေမည့် စစ်ရေးအနေအထားများကို ရရှိအောင်စွမ်းဆောင်နိုင်ကြပေသည်။
စစ်ရေးအနေအထားကို အသုံးချသည်ဆိုရာမှာ မိမိ၏တပ်အင်အား စစ်သည်အစွမ်းအစအလိုက် လူမှန်၊ နေရာမှန် စနစ်ကျကျခွင်ကျကျ အနေအထားပေါ် မူတည်ပြီး တာဝန်ပေးဦးစီးကွပ်ကဲ တိုက်ခိုက်တတ်ခြင်းမည်၏။ ဥပမာနှိုင်းပြောရလျှင် ကျောက်တုံးကျောက်ခဲ သစ်တုံးသစ်လုံးကြီးများကို အသုံးချလှုပ်ရှားစေသည့်နှယ်ဖြစ်၏။ ကျောက်တုံးကျောက်ခဲ၊ သစ်တုံးသစ်လုံးတို့၏ သဘောသဘာဝကား မြေညီမြေပြန့်တွင်ချထားက ငြိမ်သက်စွာရှိတတ်၏။ အမြင့်ဆင်ခြေလျောတွင်မှု လှုပ်ရှားနိုင်၏။ အသွင်သဏ္ဍာန်အားဖြင့် လေးထောင့်ကျလျှင် မလှုပ်မယှက် တန့်နေတတ်၏။ အလုံးအ၀န်းဖြစ်လျှင် လိမ့်သွားရွေ့သွားနိုင်၏။
ထို့ကြောင့် စစ်ရေးစစ်ရာကျွမ်းကျင်စွာ တိုက်ခိုက်တတ်သူတို့သည် မိမိစစ်အင်အားကို သာလွန်ကောင်းမွန်သော စွမ်းအားအရှိန်အဟုန် အနေအထားရအောင် ဖန်တီးအသုံးချရာ၌ လုံးဝန်းသော ကျောက်တုံးကျောက်ခဲကြီးကဲ့သို့သော အရာဝတ္ထုကို ပေထောင်ပေါင်းများစွာ မြင့်မားမတ်စောက်သည့် တောင်စောင်းပေါ်မှ လှိမ့်ချလိုက်သကဲ့သို့ ဖြစ်ပေါ်လာသော ပြင်းထန်လျှင်မြန်အားကောင်းသည့် အရှိန်အဟုန်အနေအထားမျိုးကို ဖန်တီးယူတတ်ကြပေသည်။
အားသာချက်၊ အားနည်းချက်
ဆွန်ဇုက ဤသို့မိန့်ဆိုထား၏ ... .. .
စစ်မြေပြင်သို့ဦးစွာရောက်နှင့်ပြီး ရန်သူကိုစောင့်တိုက်ရသူသည် သက်တောင့်သက်သာ အားဖြည့်နားနေရာ၏။ စစ်မြေပြင်သို့နောက်ကျရောက်လာပြီး ကတိုက်ကရိုက် စစ်ပွဲရင်ဆိုင်ရသူသည် မောပန်းနွမ်းနယ်မှုဒဏ် ခံရတတ်၏။ ထို့ကြောင့် စစ်ရေးကျွမ်းကျင်သူတို့အနေနှင့် မိမိတို့အလိုကျအဖြစ် ရန်သူကို လှုပ်ရှားလာစေအောင် စွမ်းဆောင်တိုက်ခိုက်နိုင်၏။ မိမိကိုယ်ကိုမူ ရန်သူ့အလိုကျ အဖြစ်မခံပေ။
မိမိတို့မှန်းထားသည့်အတိုင်း ရန်သူတို့အလိုအလျောက် ရောက်လာစေနိုင်ခြင်းကား မက်လုံးပေး မြှူနိုင်၊ဖြားယောင်းနိုင်သောကြောင့် ဖြစ်ရာ၏။ မိမိတို့ထံသို့ ထင်သလိုရောက်မလာစေနိုင်ခြင်းကား ရန်သူ့နိုင်ကွက်ကိုရှာ၍ ဒုက္ခပေးနှောက်ယှက်တိုက်ခိုက် တားဆီးနိုင်သောကြောင့်ဖြစ်ရာ၏။ အကယ်၍ ရန်သူတို့နားနေသက်သာရာရနေလျှင် မောပန်းနွမ်းနယ်အောင် လုပ်နိုင်ရမည်။ ရန်သူတို့ အစာရေစာပြည့်စုံနေလျှင် ငတ်တစ်လှည့် ပြတ်တစ်လှည့်ဖြစ်အောင် လုပ်နိုင်ရမည်။ ရန်သူတို့ အေးဆေးငြိမ်သက်နေလျှင် ဂနာမငြိမ်အောင် မွှေနှောက်ပေးနိုင်ရမည်ဖြစ်၏။ ရန်သူများ အလျင်အမြန် မကူမကယ်နိုင်သောနေရာကို ရွေးတိုက်ပါ။ ရန်သူများအမှတ်မထင်လောက်သောနေရာကို အလစ်ဝင်စီးပါ။ တပ်အင်အားတစ်ခုလုံးသည် မိုင်ပေါင်းရာထောင် ခရီးဝေးချီတက်ရသော်လည်း မပင်မပန်းအားအင်မကုန်ခမ်းပဲ ရှိနေနိုင်ခြင်းကား ရန်သူတို့ ခုခံကာကွယ်မှုမရှိသော အရပ်ဒေသ၌ ချီတက်ရသောကြောင့်ဖြစ်ပေမည်။
ထိုးစစ်ဆင်ရာတွင် မုချအောင်ပွဲရနိုင်ခြင်းအကြောင်းကား ရန်သူတို့ခုခံကာကွယ်မှု လစ်ဟင်းသောနေရာတို့ကို ရွေးချယ်တိုက်ခိုက်နိုင်သောကြောင့် ဖြစ်ပေမည်။ ကာကွယ်ခုခံရာမှာ မုချကြံ့ကြံ့ခံထိန်းချုပ်နိုင်ခြင်းအကြောင်းကား ရန်သူတို့ တိုက်ခိုက်မရသောနေရာတို့ကို ကာကွယ်ထိန်းချုပ်ထားနိုင်သောကြောင့် ဖြစ်ပေမည်။ ထိုးစစ်ကျွမ်းကျင်သူတို့သည် ရန်သူအဖို့မည်သည့်နေရာကနေ ခုခံကာကွယ်ရမှန်းမသိအောင် တိုက်ခိုက်တတ်ကြပေသည်။ ခံစစ်ကျွမ်းကျင်သူတို့သည် ရန်သူအဖို့ မည်သည့်နေရာကနေ ထိုးစစ်ဆင်ရမှန်း မဝေခွဲတတ်အောင် စီရင်ခုခံတတ်ကြပေသည်။
စစ်ရေးကျွမ်းကျင်သူတို့သည် ရန်သူမမြင်နိုင်လောက်အောင်ပင် တပ်အနေအထားအသွင်ဖျောက်၍ သိမ်မွေ့ပါးနပ်စွာလှုပ်ရှားစွမ်းဆောင်နိုင်ကြပါပေသည်။ တကယ့်ကို သိမ်မွေ့လှပါပေသည်။ ရန်သူမကြားမသိနိုင်လောက်အောင်ပင် အသံဗလံတိတ်ဆိတ်၍ လျှို့ဝှက်လှုပ်ရှား စွမ်းဆောင်နိုင်ကြပါပေသည်။ တကယ့်ကို ဆန်းထွေအံ့သြလောက်ပါပေသည်။ ထို့ကြောင့်လည်း ရန်သူတို့၏ ကံကြမ္မာကို ထိန်းချုပ်ချယ်လှယ်နိုင်စွမ်းရှိကြပါပေသည်။
ချီတက်တိုက်ခိုက်ရာမှာ မိမိတို့တပ်များကို ရန်သူတို့မခုမခံနိုင်အောင် ရှိရခြင်းကား ၎င်းရန်သူတို့၏ဟာကွက်ပျော့ကွက် အားနည်းချက်ကို မိမိရရ ထိုးနှက်တိုက်ခိုက်နိုင်သောကြောင့်တည်း။ ဆုတ်ခွာတိမ်းရှောင်ရာမှာ ရန်သူတို့နောက်ယောင်ခံ အမီလိုက်မတိုက်နိုင်ခြင်းမှာလည်း မိမိတို့တပ်များသည် သူမတူအောင် လျင်မြန်သွက်လက်စွာ လှုပ်ရှားနိုင်သောကြောင့်တည်း။ ကျွန်ုပ်တို့သည် ထိုးစစ်ဆင်ရင်ဆိုင်တိုက်ခိုက်လိုသောအခါ ရန်သူများအနေဖြင့် မည်သို့ပင် အခိုင်အမာတပ်စွဲပြီး အတားအဆီးကတုတ်ကျင်းကြီးများဖြင့် ကာရံခုခံခိုကပ်နေလင့်ကစား၊ ကျွန်ုပ်တို့ကို မလွှဲမရှောင်သာထွက်၍ ရင်ဆိုင်ရပေမည်။ ယင်းသို့ဖြစ်ရခြင်းမှာ ရန်သူများဧကန်မုချ မဖြစ်မနေကူရကယ်ရမည့် အလေးထားရာနေရာကို မိမိတို့ထိုးနှက် တိုက်ခိုက်နိုင်သောကြောင့်တည်း။ ကျွန်ုပ်တို့အနေနှင့် မတိုက်ခိုက်လိုသောအခါ သူ့စည်းကိုယ့်စည်းခြားပြီး စခန်းချနားနေနိုင်၏။ ယင်းသို့နေနိုင်ခြင်းမှာလည်း ကျွန်ုပ်တို့နှင့် ရင်ဆိုင်တိုက်ခိုက်မလာနိုင်အောင် ၎င်းရန်သူတို့၏ တိုက်ခိုက်ရေး ဦးတည်ချက်ကို တစ်ဖက်လှည့်အကွက်ဆင် သွေဖည်လိုက်သောကြောင့်ဖြစ်၏။ ရန်သူတပ်ဖြန့်ထားပုံအခြေအနေကို ပေါ်လွင်သိရှိအောင်လုပ်ပါ။ ကျွန်ုပ်တို့ တပ်အနေအထားကိုမူ မသိမမြင်သာအောင် မှန်းမရအောင် တပ်ဖျောက်ထားနိုင်ပါစေ။ သို့အားဖြင့် ကျွန်ုပ်တို့တပ်သည် စုစုစည်းစည်းရှိနေပြီး ရန်သူ့တပ်မှာ ဖြန့်ထားရ၍ ပြန့်ကျဲလျက်ရှိချေမည်။
ကျွန်ုပ်တို့ တပ်အင်အားသည် ကျစ်လစ်စွာ တစ်စုတစ်စည်းတည်းရှိနေပြီး ရန်သူ့အင်အားမှာ ပြန့်ကျဲဖြစ်နေ၍ ဆယ်စိတ်ပမာမျှ အစိတ်စိတ်ရှိချေသော်၊ ရန်သူ့အင်အား တစ်စိတ်တစ်ပိုင်းကို ထိုးနှက်ရာတွင် ကျွန်ုပ်တို့၏ စုစည်းအင်အားသည် ဆယ်ဆမျှသာလွန်နေသည့်အခြေမှာ နှိုင်းယှဉ်တည်ရှိနေပေလိမ့်မည်။ ဤတွင် ကျွန်ုပ်တို့အင်အားများပြီး ရန်သူ့အင်အားနည်းသည့် အနေအထားသဘောကို ဆောင်သွားကြောင်း သိသာနိုင်ပေသည်။ ကျွန်ုပ်တို့သည် တစ်စုတစ်စည်းတည်းသော အင်အားကြီးဖြင့် ရန်သူ့အင်အားအနည်းငယ်ကို တိုက်ခိုက်ခွင့်ရရှိချေသော် ကျွန်ုပ်တို့နှင့် ရင်ဆိုင်တိုက်ခိုက်လာသော ရန်သူ့တပ်အင်အားမှာ နည်းပြီးအကန့်အသတ်ရှိကြောင်း တွေ့သာမြင်သာရမည်ဖြစ်သည်။
ကျွန်ုပ်တို့ တိုက်ပွဲဆင်နွှဲမည့် ဦးတည်ချက်စစ်မျက်နှာကို ရန်သူများအသိခက်အောင် ဖန်တီးထားရမည်။ ထိုသို့ အသိရခက်လေလေ ရန်သူများအဖို့ ရင်ဆိုင်ခုခံရန် နေရာများများအတွက် တပ်ဖြန့်တပ်ချထားရလေ ရှိချေမည်။ ထိုသို့ နေရာများများ တပ်ဖြန့်တပ်ချထားရလေလေ ကျွန်ုပ်တို့ ရင်ဆိုင်တိုက်ခိုက်ရသော ရန်သူ့အင်အားနည်းလေလေသာ ရှိချေတော့မည်။ ထို့ကြောင့် ရှေတန်းအားဖြည့်လျှင် နောက်တန်းအားလျော့မည်။ နောက်တန်းအားဖြည့်ပြန်သော် ရှေ့တန်းအားနည်းမည်။ ဘယ်ဘက်ခြမ်း အားဖြည့်ပြန်လျှင် ညာဘက်ခြမ်း အားလျော့နေမည်။ ညာဘက်ခြမ်း အားဖြည့်ပြန်သော် ဘယ်ဘက်ခြမ်း အားနည်းနေမည်။ ဤသို့ဖြင့် နေရာတိုင်းမှာ တပ်ဖြန့်အားဖြည့် ကာကွယ်ထားရပါမူ နေရာတိုင်းမှာ အင်အားမလုံလောက်ပဲ အားနည်းနေလိမ့်မည်ဖြစ်သည်။ဤတွင် နေရာတိုင်းမှာ ရန်သူကိုရင်ဆိုင်ရန် ပြင်ထားရသူကို အားနည်းသူဟု ဆိုနိုင်၏။ နေရာတိုင်းမှာ ရန်သူကို မိမိနှင့် ရင်ဆိုင်ဖို့ပြင်ထားအောင် လုပ်နိုင်သူကို အားကောင်းသူဟု ဆိုနိုင်၏။
နှစ်ဖက်စစ်ခင်းမည့် နေရာဒေသ၊ အချိန်နေ့ရက်တို့ကို အတိအကျကြိုသိထားလျှင် မိုင်ပေါင်းထောင်ချီ ခရီးနှင်ရလင့်ကစား ချီတက်ရင်ဆိုင် တိုက်ပွဲဝင်နွှဲနိုင်ကောင်းပေသည်။ စစ်ပွဲရင်ဆိုင်ရမည့် နေရာဒေသ၊ အချိန်နေ့ရက်တို့ကို မသိမမှန်းဆနိုင်သည်ရှိသော် ဘယ်ခြမ်းက ညာခြမ်းတပ်ကို မကယ်နိုင်၊ ညာတောင်ပံကလည်း ဘယ်တောင်ပံစစ်ကြောင်းကို မကူနိုင်။ ရှေ့ကလည်း နောက်ကိုမကူနိုင်၊ နောက်ကလည်း ရှေ့ကိုမကယ်နိုင် အခြေသို့ဆိုက်နိုင်သည့်အလျောက် မိုင်ဆယ်ပေါင်းများစွာ ဝေးလံသောနေရာကို မဆိုထားဘိ၊ မိုင်အနည်းငယ်သာ ကွာလှမ်းသည့်နေရာကိုပင် စိတ်ထင်သလို ကူနိုင်ကယ်နိုင် တိုက်နိုင်ဖို့ရာ ခဲယဉ်းပေလိမ့်မည်။
ကျွန်ုပ်၏ သုံးသပ်ချက်အရ ပြောရလျှင် ယဲ့နိုင်ငံသားများ၏ တပ်အင်အားသာလွန်များပြားနေလင့်ကစား စစ်ပွဲအနိုင်အရှုံးအတွက် အရာရောက်နိုင်လိမ့်မည် မထင်ချေ။ ထို့ကြောင့် ကျွန်ုပ်တို့အနေနှင့် အောင်ပွဲကို ဖန်တီးဆွတ်ခူး ရယူနိုင်ပေလိမ့်မည်။ ယင်းကား ရန်သူ့အင်အား ကြီးမားများပြားသော်လည်း တိုက်ရေးခိုက်ရေးမှာ အရာမရောက်အောင် ဖန်တီးပစ်နိုင်ခြေ ရှိသောကြောင့်တည်း။ စစ်ရေးစီမံချက်ကို အသေအချာ ရေးဆွဲတွက်ချက်ခြင်းဖြင့် ရန်သူ၏ စစ်ရေးသာလွန်မှု၊ ညံ့ဖျင်းမှုနှင့် အနိုင်အရှုံးကို သုံးသပ်သိရှိနိုင်ပေလိမ့်မည်။
သွေးတိုးစမ်း ရန်စခြင်းဖြင့် ရန်သူ၏ လှုပ်ရှားမှု၊ ငြိမ်သက်မှုသဘောကို နားလည်သိသာနိုင်ပေလိမ့်မည်။ စစ်ရေးအရ တပ်ဖြန့်၍ ဟန်ရေးပြလှုပ်ရှားခြင်းဖြင့် ရန်သူ့ ပျော့ကွက်ဟာကွက်များ၊ သေရေးရှင်ရေးနေရာများကို ပေါ်လွင်ထင်ရှားအောင် သွေးတိုးစမ်းသိရှိနိုင်ပေလိမ့်မည်။ တိုက်ပွဲကလေးများဆင်နွှဲကာ ရင်ဆိုင်ယှဉ်ပြိုင် တိုက်ခိုက်အကဲစမ်းခြင်းဖြင့် ရန်သူ့အားနည်းချက် အားသာချက်များကို သုံးသပ်သိမြင်လာနိုင်မည်ဖြစ်၏။ တပ်ဖြန့်အနေအထား လှုပ်ရှားသွင်ပြင်ကို အဆင့်မြင့်အတိုင်းအတာသို့ ထိန်းသိမ်းရောက်ရှိစေသော် သွင်ပြင်လက္ခဏာမတွေ့ရအောင်ပင် လျှို့ဝှက်တပ်ဖျောက် လှုပ်ရှားနိုင်စွမ်းရှိပေလိမ့်မည်။ ထိုသို့ လျှို့ဝှက်တပ်ဖျောက် လှုပ်ရှားနိုင်စွမ်းအခြေ၌ရှိသော်၊ ကျွန်ုပ်တို့ တပ်ထဲသို့အတွင်းကျကျ ရောက်ရှိထောက်လှမ်းလျက်ရှိသည့် ရန်သူ့သူလျှိုများပင်လျှင် စစ်ရေးစစ်ရာများကို ချောင်းမြောင်းစုံစမ်းအကဲခတ်မရနိုင်အောင် ဖြစ်ချိမ့်မည်။ ဥာဏ်ကြီးရှင်တို့ပင် ကြံစည်ဖျက်ဆီးမရနိုင် ဖြစ်ချိမ့်မည်။
အောင်ပွဲရနိုင်မည့် စစ်ရေးနည်းဗျူဟာတပ်ဖြန့်အနေအထားများကို လူထုရှေ့မှောက်ချပြသော်လည်း အများကနားလည်နိုင်ကြမည်မဟုတ်။ လူအများက ကျွန်ုပ်တို့ အောင်ပွဲရယူလိုက်သော တပ်ဖြန့်အခြေအနေများကို အပြင်ပန်းသိနိုင်ကြမည်ဖြစ်၏။ သို့သော် ၎င်းအောင်ပွဲရတပ်ဖြန့်ပုံများကို မည်သို့မည်ပုံအသုံးချ အကွက်ဆင်အောင်ပွဲရယူလိုက်သည်ကိုမူ မည်သူမျှသိနိုင်ကြလိမ့်မည် မဟုတ်ပေ။ သို့ဖြစ်၍ ရရှိသည့်အောင်ပွဲတိုင်းမှ နည်းလမ်းများသည် တစ်ခုနှင့်တစ်ခု သမားရိုးကျထပ်တူပုံတူ မကျပေ။ မတူခြားနားသော အခြေအနေ အနေအထားများနှင့် လိုက်လျောညီထွေ ဖြစ်ထွန်းမှုများအပေါ် အခြေတည်ပြီး မတူသောအောင်ပွဲရနည်းလမ်းအမျိုးမျိုးသည် မကုန်မခမ်းအောင် ရှိသည်ဖြစ်၏။
စစ်၏ သဘောသွင်ပြင်လက္ခဏာသည် ရေနှင့်အလားသဏ္ဍာန်တူ၏။ ရေတို့မည်သည် မြင့်ရာကိုရှောင်ပြီး နိမ့်ရာသို့တစ်ဟုန်ထိုး စီးဆင်း၏။ စစ်၏ သဘောသွင်ပြင်မှာ အားကြီးအားကောင်းသည်ကိုရှောင်ပြီး အားနည်းအားပျော့ရာကို တိုက်သောသဘောရှိပေ၏။ ရေတို့မည်သည် မြေသားအလျောက် အသွင်ဆောင် စီးဆင်းရာ၏။ စစ်တို့မည်သည် ရန်သူ့အခြေအနေအလျောက် မိမိတို့ အောင်ပွဲရရေးကို စီစဉ်ဖန်တီးယူရာ၏။ စစ်ရေးစစ်ရာမှာ အမြဲပုံမှန် အနေအထားမရှိ၊ ရေသည်လည်း အမြဲတိကျသော အသွင်သဏ္ဍာန်မရှိ။ ရန်သူ့အခြေအနေ အပြောင်းအလွဲပေါ်မူတည်ပြီး အောင်ပွဲရယူနိုင်သူကား နတ်သို့အလား စစ်ပရိယာယ်ကြွယ်ဝပါပေသည်ဟု အံ့ဖွယ်ချီးကျူးဂုဏ်ပြုထိုက်သည်မှာ အမှန်ပင်ဖြစ်သည်။ ပထ၀ီ၊ တေဇော၊ အာပေါ၊ ၀ါယော၊ အာကာသ ဟူသည့် ဓာတ်ကြီးငါးပါးတို့သည် အသီးသီးအစဉ်အမြဲ တည်တံ့စိုးမိုးနိုင်ခြင်းမရှိ။ နွေဦး၊ နွေ၊ ဆောင်းဦး၊ ဆောင်း ဟူသည့် ရာသီဥတုလေးပါးတို့သည်လည်း အလှည့်ကျပေါ်ထွန်းနေပြီး အစဉ်အမြဲ တည်တံ့စိုးမိုးမနေ။ နေ့မှာ နေ့တာတိုရှည် ရှိ၏။ လမှာ လပြည့်လကွယ်ရှိ၏။
စစ်မက်အပြိုင်အဆိုင်
ဆွန်ဇုက ဤသို့မိန့်ဆို၏ ... .. .
စစ်ရေးဥပဒေသသဘောအရ စစ်သူကြီးများသည် ရှင်ဘုရင့်အမိန့်တော်ကို နာခံပြီး တပ်အင်အားနှင့်လူထုကို စုစည်းစည်းရုံးကာ စနစ်တကျဖွဲစည်းရ၏။ ယင်းနောက် စစ်မြေပြင်ရှေ့တန်းသို့ ထိပ်တိုက်ရင်ဆိုင်အပြိုင်စစ်ခင်းရ၏။ ဤသို့ စီစဉ်တိုက်ခိုက် အပြိုင်အောင်ပွဲလုရသည်လောက် ခက်ခဲသောအရာဟူ၍ မရှိချေ။ စစ်အောင်နိုင်ရေးအတွက် အပြိုင်အဆိုင်စစ်ခင်းကြရာတွင် အခက်ခဲဆုံးသော ပြဿနာရပ်သည်ကား အရေးအကြောင်း အကွေ့အကောက်ဖြစ်ရာကို လိုရာဖြောင့်တန်းတည့်မတ်အောင် လုပ်ဆောင်ရခြင်း၊ အန္တရာယ်ဆိုးကျိုး အခြေအနေမှသည် ကောင်းကျိုးဖြစ်အောင် ဖန်တီးပြောင်းလွှဲရခြင်းပင်ဖြစ်ပေသည်။
ထို့ကြောင့်စစ်မြေပြင်သို့ ရန်သူ၏တည့်ဖြောင့်ဦးတည်ရာလမ်းကြောင်းကို သွေဖည်ကောက်ကွေ့အောင် မက်လုံးပေးစစ်မြူလှည့်စားပါ။ သို့ဖြင့် ရန်သူ့ထက် နောက်ကျစစ်ချီသော်လည်း စစ်မြေပြင်သို့ ဦးစွာရောက်နှင့်နိုင်အောင် လုပ်နိုင်ပေမည်။ ဤသို့စွမ်းဆောင်နိုင်သူကို အကောက်အဖြောင့် လှည့်စားနည်းပရိယာယ်များကို တတ်သိအသုံးချတတ်သူဟု ဆိုရပေမည်။ စစ်မက်အပြိုင်အဆိုင်ခင်းကြရာဝယ် အကျိုးဖြစ်ထွန်းမှု ပေါ်ပေါက်ရရှိနိုင်သလို၊ အန္တရာယ်ဘေးနှင့်လည်း ရင်ဆိုင်ရနိုင်ပေသည်။
အောင်နိုင်ရေး အခွင့်သာရေးအတွက် တပ်မကြီးတစ်ခုလုံးကို အလုံးအရင်းအကြိတ်အနယ် ချီတက်စေသော်၊ အားလုံးတစ်ပြိုင်နက် အချိန်မီ ရောက်နိုင်ကြလိမ့်မည်မဟုတ်ပေ။ ခြေမြန်စစ်ကြောင်းအဖြစ်နှင့် တက်သုတ်နှင် တိုက်စစ်ဆင်ပြန်လျှင်လည်း တပ်အင်အားအချို့နှင့်အတူ စစ်ပစ္စည်း၊ ရိက္ခာ၊ ယာဉ်တန်းများ ချန်ရစ်ခဲ့ရလေရာ ဆုံးရှုံးပျက်စီးမှုများ ရှိတတ်ပေမည်။ တပ်အင်အား လက်နက်ခဲယမ်း အပြည့်အစုံ အလုံးအရင်းဖြင့် နေ့ရောညပါ တစ်ထောက်မျှမနားပဲ သာမန်စစ်ချီနှုန်းထက် နှစ်ဆတိုးအပြင်းနှင်၍ မိုင်ပေါင်းရာချီနီးပါး ဝေးလံသည့်နေရာမှ အသာစီးအခွင့်အလမ်း အခွင့်အလမ်း အကျိုးအမြတ်များကို ရန်သူနှင့်အပြိုင်အဆိုင် ယှဉ်လုရလေသော် မိမိ၏ တပ်ဗိုလ်တပ်မှူးများအားလုံး ရန်သူ့လက်တွင်းသို့ သုံ့ပန်းအဖြစ်ကျရောက်ကိန်း ဆိုက်နိုင်ခြေရှိပေသည်။ တပ်အင်အားမှာလည်း အားသန်အားရှိသူ အချို့အ၀က်လောက်သာ စစ်မြေပြင်သို့ အလျင်မီရောက်နှင့်နိုင်ပြီး မောပန်းနွမ်းနယ်သူတို့မှာ နောက်ကျကျန်ရစ်မည့် အခြေရှိပေသည်။ တပ်တစ်ခုလုံး ပြန်ခြုံကြည့်လျှင် အင်အားဆယ်ပုံတစ်ပုံခန့်သာ အချိန်မီရောက်လာနိုင်မည်ကို တွေ့ရမည်ဖြစ်သည်။
အကယ်၍ အသာစီးအခွင့်အလမ်းများကို မိုင်ငါးဆယ်လောက် ခရီးနှင်ပြီးလုရသော် ရှေ့တန်းတပ်မှူးများ ရှုံးနိမ့်အကျအဆုံး ရှိနိုင်ပေသည်။ ၎င်းတပ်အင်အားမှာလည်း တစ်ဝက်တစ်ပျက်ခန့်လောက်သာ စစ်မြေပြင်သို့ အချိန်မီရောက်လာနိုင်ပေမည်။ မိုင်သုံးဆယ်ခန့်လောက် ခရီးနှင်တိုက်ရသော် တပ်အင်အားသုံးပုံနှစ်ပုံခန့်သာ ရှေ့တန်းသို့အချိန်မီ ရောက်နိုင်မည်ဖြစ်သည်။ ထို့ကြောင့် စစ်တပ်တစ်ခုလုံးမှာ ၀န်စည်စလယ် လှည်းယာဉ်တန်းများနှင့် ထောက်ပို့စစ်ပစ္စည်းများမရှိသော် စစ်ရှုံးရချေမည်။ စားရေရိက္ခာပစ္စည်းမရှိသော် စစ်ရှုံးရချေမည်။ ရိက္ခာရေစာများ စုစုဆောင်းဆောင်း သိုလှောင်ထားခြင်းမရှိသော် စစ်ရှုံးရချေမည်။
မြို့ပြနိုင်ငံကြီးငယ်ရှိ မင်းတို့၏ စစ်ရေးအကြံအစည်များကို မသိမကျွမ်းလျှင် ယင်းတို့နှင့် မဟာမိတ်ဖွဲ့ဆက်ဆံခြင်းငှာ မပြုအပ်။ စစ်ဘက်ဆိုင်ရာ တောင်တောင်စိမ့်စမ်း မြိုင်ဂနိုင်များ၊ အန္တရာယ်တောင်စောင်း၊ ချောက်ကမ်းပါးများ၊ အဆီးအတားများ၊ အင်းအိုင်နုံးနွံများ အစရှိသည့် မြေပထ၀ီ အနေအထားများအကြောင်းကို မသိမကျွမ်းလျှင် ဦးစီးကွပ်ကဲပြီး စစ်ကြောင်းမချီအပ်။ နယ်မြေခံလမ်းပြများကို အသုံးချခြင်းမရှိလျှင် ၎င်းနယ်မြေ ပထ၀ီအနေအထား၏ အကျိုးပြုအခွင့်အလမ်းများ၊ အားသာချက်များကို အသုံးချမရနိုင်ဖြစ်ချေမည်။ စစ်တို့မည်သည် လှည့်စားမှုပရိယာယ်ပေါ် အခြေတည်၏။ အကျိုးရလာဒ်ပေါ် မူတည်ပြီးလှုပ်ရှားရာ၏။ အခြေအနေအရ အင်အားဖြန့်ကျက်ခြင်း၊ စုစည်းခြင်း နည်းဗျူဟာပြောင်းလွဲမှု ပုံစံအမျိုးမျိုးအဖြစ် တည်ရှိရာ၏။
စစ်တို့၏ သဘောသဘာဝကား လှုပ်ရှားရာတွင် လေပြင်းအဟုန်နှယ် သွက်လက်အားကောင်းရမည်။ သက်သက်သာသာချီတက်ရာတွင် တောအုပ်ဆိုင်းဆိုင်း စီရရီရှိသည့်နှယ် စည်းကမ်းတကျရှိရမည်။ ရန်သူကိုခြေမှုန်းရာမှာ မီးလျှံမီးတောက် တဟုန်းဟုန်းဝါးမျိုသည့်နှယ် အရှိန်အဟုန်ဖြင့် အပြတ်တိုက်ခိုက်ရမည်။ ရန်သူကိုခုခံရာမှာ တောင်စွယ်တောင်တန်းနှယ် ကြံ့ကြံ့ခိုင်မာ ရပ်တည်နေနိုင်ရမည်။ အရာကိစ္စတို့ကို ဖုံးကွယ်လျှို့ဝှက်ရာမှာ အမှောင်ပိန်းပိန်းချထားသည့်နှယ် တစ်ပါးသူမသိမမြင်ရအောင် လုပ်ဆောင်တတ်ရမည်။ ချင်းနင်းထိုးစစ်ဆင်ရာတွင် လျှပ်စီးမိုးကြိုးသွားအလား လျှင်မြန်ထက်မြက် အားကောင်းရမည်။
ရန်သူ့ကျေးလက်ဒေသရှိ ရိက္ခာပစ္စည်းများကို အသီးသီးတပ်ဖြန့်လုယက် သိမ်းပိုက်စေပြီး တပ်များကို ပြန်လည်ခွဲဝေပေးပါ။ ရန်သူ့နယ်မြေကို အပိုင်ချဲ့ထွင်ပြီး အုပ်ချုပ်ပိုင်စားမှုကို မျှဝေခန့်ထားပါ။ အခြေအနေများ ချင့်ချိန်သုံးသပ်လေ့လာပြီးမှ တပ်များကိုစီစဉ်လှုပ်ရှားပါ။ အခြေအနေနှင့် လိုက်လျောညီထွေရှိသော လမ်းကြောင်းကောက်ဖြောင့် လှည့်စားမှုနည်းပရိယာယ်တို့ကို ကြိုတင်သိကျွမ်း ပိုင်နိုင်အသုံးချတတ်သော သူသာလျှင် အောင်ပွဲခံရာ၏။ ဤကားစစ်မက်ယှဉ်ပြိုင် အနိုင်ရရေး နည်းဥပဒေသတည်း။
စစ်အုပ်ချုပ်မှုကျမ်း အဆိုအရ ... တပ်တွင်းဆက်သွယ်အမိန့်ပေးရာမှာ တစ်ဦးကိုတစ်ဦး ပြောသံဆိုသံမကြားလွယ်၍ စည်သံမောင်းသံများကို အသုံးပြုရာ၏။ တစ်ဦးကိုတစ်ဦး မမြင်လွယ်၍ တံခွန်အလံများကို အသုံးပြုရာ၏။ စစ်စည်စစ်မောင်း၊ တံခွန်တို့မူကား လူတို့၏ နားမျက်စိသဖွယ်ဖြစ်၏။ လူတစ်ယောက်တည်းသဖွယ် စုစည်းထားရှိသော အကြားနှင့်အမြင်တို့သဘောတည်း၊ သို့နှင့် စစ်သည်တော်တို့အပေါ် အမြင်နှင့်အကြား တစ်စုတစ်စည်းတည်း ထိန်းချုပ်ညွှန်ကြား အမိန့်ပေးနိုင်ခြင်းဖြင့် ရဲသူတို့စည်းလွတ်စည်းကျွံ မတိုက်ရအောင်လည်းကောင်း၊ သူရဲဘောကြောင်သူတို့ ကိုယ်လွတ်ရုန်း နောက်ဆုတ်မရအောင်လည်းကောင်း ထိန်းချုပ်ကွပ်ကဲနိုင်လေသည်။ ဤကား အင်အားကြီးမားများပြားသော လူစုလူအုပ်ကြီးများကို ထိန်းချုပ်ကွပ်ကဲရသော နည်းလမ်းပင်တည်း။ ညအခါ စစ်ခင်းရာမှာ မီးတိုင်မီးတုတ်များ၊ စစ်စည်စစ်မောင်းများ အသုံးများ၏။ နေ့အခါစစ်တိုက်ရာမှာ တံခွန်အလံများ အသုံးများ၏။ ဤကား အခြေအနေနှင့် လိုက်လျောညီထွေ လူတို့၏နားမျက်စိတို့ကို တစ်နည်းတစ်ဖုံ ပြောင်းလဲပေါ်လွင် ကြားမြင်စေပုံတည်း။
ရန်သူ့တပ်မတော်တစ်ခုလုံးနှင့် ပတ်သက်လျှင် စိတ်ဓာတ်အားမာန် ကျဆင်းအောင်ချိုးနှိမ်တိုက်ဖျက်နိုင်ရမည်။ ရန်သူစစ်သူကြီးတပ်မှူးတို့နှင့် ပတ်သက်လျှင် စိတ်နေစိတ်ထားခိုင်ကျည်မှုကို ယိမ်းယိုင်ပျက်ပြားအောင် ဖျက်ဆီးနိုင်ရမည်။ တပ်အင်အား စိတ်ဓာတ်အနေအထားတို့ကို ယေဘုယျသိထားဖို့ရာမှာ တပ်တို့မည်သည် ကနဦးပိုင်း(နံနက်ပိုင်း)အချိန်တွင် တက်ကြွထက်သန်၏။ အတန်ကြာ(နေ့လည်)ချိန်ရောက်မူ ထိုင်းမှိုင်းလျော့ရဲလာတတ်၏။ နှောင်းပိုင်း(ညနေ)ချိန်ရောက်သော် တပ်ခေါက်ချင် ပြန်နားချင်စိတ် စောလာတတ်၏။ စစ်ရေးကျွမ်းကျင်သူတို့အနေနှင့် ရန်သူ့စိတ်ဓာတ်တက်ကြွချိန်ကို ရှောင်ရှားကြ၏။ ၎င်းရန်သူတို့ ထိုင်းမှိုင်းလျော့ရဲလာချိန်နှင့် တပ်ခေါက်ပြီး စခန်းပြန်ချင်နားချင်လာချိန်ကို စောင့်ဆိုင်းတိုက်ခိုက်တတ်ကြ၏။ ဤကား စိတ်ဓာတ်အားမာန်တို့နှင့် ပတ်သက်၍ ဆန်းစစ်အသုံးချပုံတည်း။
မိမိတပ်များကို စနစ်တကျ စီမံအုပ်ချုပ်ခြင်းဖြင့် ရန်သူ့တပ်များ ဗရမ်းဗတာဖြစ် စည်းကမ်းမဲ့ချိန်ကို စောင့်တိုက်ပါ။ အေးဆေးတည်ငြိမ်စွာ ရှိခြင်းဖြင့် ရန်သူတို့ အုံကြွဂနာမငြိမ် ဖြစ်ပေါ်လာချိန်ကို စောင့်တိုက်ပါ။ ဤကား စိတ်ပိုင်းဆိုင်ရာအခြေအနေကို အသုံးချနည်းတည်း။ စစ်တလင်း အနီးတစ်ဝိုက်ကနေ ရန်သူတို့ဝေးဝေးက လှမ်းလာချိန်ကိုစောင့်တိုက်ပါ။ မိမိတို့တပ်များ နားနေအားဖြည့်လျက် ရန်သူတို့အမောဆိုက်လာချိန်ကို စောင့်တိုက်ပါ။ မိမိတပ်များ အစာရေစာဝပြီး ရန်သူတုိ့ ဆာလောင်ငတ်မွတ်ဖြစ်ပေါ်ချိန်ကို စောင့်တိုက်ပါ။ ဤကား ကာယအင်အားပိုင်းဆိုင်ရာ အခြေအနေအရ အသုံးချနည်းတည်း။
အလံတံခွန်တလူလူဖြင့် စည်းစနစ်တကျ အလုံးအရင်းချီတက်လာနေသော ရန်သူ့တပ်ကို ကြားဖြတ်မတိုက်ပါနှင့်။ တပ်ဖြန့်ဖွဲ့စည်းပုံ အကွက်ကျကျ ထောင့်စေ့အားကောင်းသော ရန်သူ့တပ်ကို ရင်ဆိုင်မတိုက်ခိုက်ပါနှင့်။ ဤကား အပြောင်းအလဲပိုင်းဆိုင်ရာ အခြေအနေနှင့် လိုက်လျောညီထွေစွာ အသုံးချပုံတည်း။
ထိုးစစ်ရေးရာ နည်းဥပဒေသကား ရန်သူတပ်စွဲရာ တောင်ကုန်းဆီသို့ မော့လှန်၍တက်တိုက်ခြင်းရှောင်ပါ။ တောင်ကုန်းပေါ်မှနေ၍ တိုက်ခိုက်ရန်ဆင်းလာနေသော ရန်သူ့တပ်ကို ဆီးကြိုမတိုက်ပါနှင့်။ ရှုံးဟန်ပြ၍ ပြေးဟန်ဆောင်သော ရန်သူ့တပ်နောက်သို့ မလိုက်ပါနှင့်။ စိတ်ဓာတ်ပြင်းထန်တက်ကြွနေသော ရန်သူ့တပ်ကိုမတိုက်ပါနှင့်။ မက်လုံးပေးအကွက်ဆင်ကာ စစ်မြူဖြားယောင်းနေသော ရန်သူ့တပ်ကို အပိုင်မကြံမိပါစေနှင့်။ ရန်သူ့တပ်မကြီး ဆုတ်ခွာစခန်းသိမ်းအပြန်ကို ဆီးတားမတိုက်ပါနှင့်။ ရန်သူ့တပ်မကို ၀ိုင်းရံခြေမှုန်းရာတွင် ရန်သူ့အတွက် ပြေးပေါက်ထား ချန်လှပ်တိုက်ရမည်။ စစ်ရှုံးစစ်ပြေး ကစဥ့်ကလျားတပ်ကို ကြောက်ကန်ကန်အောင် ဖိမတိုက်ပါနှင့်။ ဤသည်တို့ကား ထိုးစစ်ရေးရာ နည်းဥပဒေသတို့ပင်တည်း။
နည်းဗျူဟာ အလှည့်အပြောင်း(၉)ချက်
ဆွန်ဇုက ဤသို့ အဆိုအမိန့်ရှိ၏ ... .. .
စစ်ရေးစစ်ရာ နည်းဗျူဟာအရ ပြောရလျှင် စစ်သူကြီးများသည် ရှင်ဘုရင့်အမိန့်တော်ကို နာခံပြီး တပ်အင်အားနှင့် လူထုကို စုစည်းစည်းရုံးကာ စနစ်တကျ ဖွဲ့စည်းစစ်ဆင် ချီတက်ကြရပေသည်။ ဤသို့စစ်ဆင်ချီတက်တိုက်ခိုက်ရာတွင် သိထားရမည်မှာ .. ခက်ခဲကြမ်းတမ်းပြီး ဘေးဆိုက်နိုင်သော ကန္တာရမြေနေရာများတွင် တပ်စခန်းမချရ။ လမ်းဆုံလမ်းခွ နယ်ခြားဆုံဆည်းရာအရပ်တွင် နီးစပ်ရာတို့နှင့် ပူးပေါင်းမဟာမိတ်ဖွဲ့ပါ။ ဘေးအန္တရာယ်များသော လွင်တီးခေါင်အရပ်တွင် မရပ်နားရ။ ချောင်ပိတ်အ၀ိုင်းခံရမည့် အနေအထားမျိုးတွင် ရုန်းထွက်နိုင်အောင် ပရိယာယ် ဥာဏ်ဆင်တိုက်ပါ။ သေရေးရှင်ရေး ဆိုးဝါးသောအနေအထားမျိုး ဆိုက်ရောက်လျှင် စွန့်လွှတ်စွန့်စားတိုက်ပါ။ အချို့လမ်းကြောင်းကို ဖြတ်သန်းချီတက်ရန်မလို၊ အချို့ရန်သူ့တပ်ကို တိုက်ရန်မလို၊ အချို့မြို့ပြများကို တိုက်သိမ်းရန်မလို၊ အချို့နယ်မြေများကို ပြိုင်လုရန်မလို၊ အချို့ဘုရင့်အမိန့်တော်များကို လိုက်နာရန်မလို စသည့်ခြွင်းချက် အခွင့်အလမ်း အခြေအနေမျိုးတို့ရှိပေသည်။
စစ်သူကြီးများအနေနှင့် နည်းဗျူဟာ အလှည့်အပြောင်း(၉)ချက် ပရိယာယ်များ၏ အကျိုးတရားများနှင့်ပတ်သက်၍ ကောင်းစွာတတ်သိ ကိုင်တွယ်ကျင့်သုံးနိုင်ပါက စစ်တပ်ကိုဦးစီးဦးဆောင် စီရင်ခန့်ခွဲတတ်သည်ဟု ဆိုရပေမည်။ စစ်သူကြီးများအနေနှင့် နည်းဗျူဟာ အလှည့်အပြောင်း(၉)ချက် ပရိယာယ်များ၏ အကျိုးတရားများကို မသိမကျွမ်း မသုံးတတ်ပါက၊ ပထ၀ီမြေအနေအထားအကြောင်း သိထားသော်လည်း ၎င်းမြေအနေအထား၏ အခွင့်အလမ်းအကျိုးကျေးဇူးများကို ရယူနိုင်လိမ့်မည်မဟုတ်ပေ။
စစ်တပ်ကိုကွပ်ကဲအုပ်ချုပ်ရာတွင် အလှည့်အပြောင်း(၉)ချက်နှင့် ပတ်သက်၍ ကိုင်တွယ်တတ်သိခြင်းမရှိလျှင် အထက်ဖော်ပြပါ ခြွင်းချက်အခြေအနေ အခွင့်အလမ်းငါးရပ်၏ အကျိုးတရားများအကြောင်း သိထားပါသော်လည်း တပ်အင်အားကို ကောင်းမွန်စွာ အသုံးချတတ်လိမ့်မည် မဟုတ်ချေ။ ထို့ကြောင့် ဥာဏ်ပညာရှိသူတို့မည်သည် တွေးတောကြံဆရာမှာ ကောင်းကျိုးဆိုးပြစ်တို့ကို ဒွန်တွဲနှိုင်းယှဉ် ထည့်သွင်းဆင်ခြင် သုံးသပ်တတ်ကြရပေမည်။
အရေးမလှသည့် အခြေအနေမျိုးမှာ ကောင်းကျိုးရလာဒ် ဖြစ်ထွန်းနိုင်မှုကိုပါ ထည့်သွင်းစဉ်းစား ဆင်ခြင်တတ်ခြင်းဖြင့် ချောမောမှုအောင်မြင်မှု ရလာနိုင်ပေလိမ့်မည်။ အရေးသာချောမွတ်သည့် အခြေအနေမျိုးမှာ အဆိုးအပြစ်တို့ကိုပါ ထည့်သွင်းစဉ်းစားဆင်ခြင်တတ်ခြင်းဖြင့် ဘေးအန္တရာယ် ပြဿနာများကို ကြိုတင်ဖြေရှင်း ကာကွယ်ဖယ်ရှားနိုင်မည်ဖြစ်သည်။
ရန်သူ့မြို့ပြနိုင်ငံမင်းများကို ဒုက္ခပေး ဒဏ်ခတ်ဖျက်ဆီးခြင်းဖြင့် ချိုးနှိမ်အနိုင်ယူပါ။ ရန်သူ့မြို့ပြနိုင်ငံမင်းများကို အလုပ်ရှုပ်အကျပ်ဆိုက်စေခြင်းဖြင့် ခယခစားလာအောင် ပြုလုပ်ပါ။ ရန်သူ့မြို့ပြနိုင်ငံမင်းများကို မက်လုံးပေးကျုံးသွင်းခြင်းဖြင့် စေလိုရာစေနိုင်အောင် လုပ်ပါ။ စစ်ရေးစစ်ရာ စီမံခန့်ခွဲရာတွင် ရန်သူတို့မလာနိုင်ဟု မျှော်လင့်တွက်ဆခြင်းအပေါ် အားကိုးအားထားမပြုရာ၊ မည်သို့ရှိစေ မိမိအနေနှင့် ရန်သူကိုရင်ဆိုင်ရန် အဆင်သင့်ပြင် အားဖြည့်ထားခြင်းအပေါ်၌သာ အားပြုတည်မှီရာ၏။ ရန်သူတို့ တိုက်လာမည်မဟုတ်ဟု မျှော်လင့်ယူဆခြင်းအပေါ် အားကိုးအားထားမပြုရာ၊ မည်သို့ရှိစေ မိမိ၏တပ်အင်အားကို တောင့်တင်းစေပြီး သူတစ်ပါးဖြိုခွင်းမရနိုင်အောင် အားဖြည့်အသင့်ပြင်ဆင်ထားခြင်း အပေါ်၌သာ အားပြုတည်မှီရာ၏။
စစ်သူကြီးတပ်မှူးများအဖို့ ဖြစ်ပေါ်နိုင်သော အန္တရယ်ကြီးငါးမျိုးရှိ၏ ... .. . ယင်းကား
• တဇောက်ကန်း အသေခံတိုက်ခြင်းဖြင့် ရန်သူ့ကျော့ကွင်းမိပြီး အသတ်ခံရနိုင်သည်။
• သူရဲဘောကြောင်ပြီး အသက်ရှင်ခွင့်ရှိရေးကိုသာ ကြံဆခြင်းဖြင့် ရန်သူ့သုံ့ပန်းအဖြစ် ကျရောက်နိုင်သည်။
• စိတ်မြန်စိတ်တိုခြင်းဖြင့် ရန်သူတို့ ရန်စစော်ကား အကွက်ဆင်တိုက်ခြင်းကို ခံရနိုင်သည်။
• အရှက်အကြောက်ကြီးကာ ဂုဏ်သိက္ခာငဲ့လွန်းခြင်းဖြင့် ရန်သူတို့အသရေဖျက် ပရိယာယ်ဆင် တိုက်ခိုက်ခြင်းကို ခံရနိုင်သည်။
• တပ်သားပြည်သူများအပေါ် ကြင်နာစိုးရိမ်စိတ်ကြီးခြင်းဖြင့် ရန်သူတို့လှည့်စားနှောင့်ယှက် တိုက်ခိုက်ခြင်းကို ခံရနိုင်သည်။
ဖော်ပြပါ အကြောင်းရပ်ငါးမျိုးတို့သည်ကား စစ်သူကြီးတပ်မှူးများ ကျူးလွန်တတ်သော ပြစ်ချက်အမှားများဖြစ်ပေသည်။ စစ်ကစားရာမှာ ကြုံတွေ့ရတတ်သော အန္တရာယ်ကြီးများပင်တည်း။ တပ်မကြီးတစ်ခုလုံး ပျက်သုဉ်းဆုံးရှုံးရခြင်းသည်လည်းကောင်း၊ စစ်သူကြီးတပ်မှူးများ ကျဆုံးသတ်ဖြတ်ခံရခြင်းသည်လည်းကောင်း ယင်းအန္တရာယ်ကြီးငါးမျိုးပေါ်တွင် မုချဆက်စပ်အကြောင်းရင်းခံနေသည်ကို တွေ့ရပေမည်။ ထို့ကြောင့် အသေအချာ သုံးသပ်ဂရုပြု သတိထားအပ်ပေသည်။
(နည်းဗျူဟာ အလှည့်အပြောင်း(၉)ချက်၏ အနက်ဆိုလိုရင်းသဘောကား - စစ်ရေးစစ်ရာ နည်းပရိယာယ်များနှင့် ပတ်သက်၍ နယ်ဘက်နှင့် စစ်ဘက်မတူ ခြားနားအခြေအနေပေါ်မူတည်ပြီး၊ သာမန် စစ်ဥပဒေသ၊ နည်းဗျူဟာများကို လိမ္မာပျော့ပြောင်းစွာ လှည့်ပြောင်းကိုင်တွယ်တတ်ရမည်ဟု ဆိုလိုသည်။ အခြေအနေနှင့် လိုက်လျောညီထွေ စိတ်တိုင်းကျလှည့်ပြောင့် ကျင့်သုံးတတ်ရမည်။ လှေနံဓားထစ် ပုံသေကားကျ မကျင့်သုံးရန်လည်း ဆိုလိုသည်။ နည်းဗျူဟာ အလှည့်အပြောင်း ပရိယာယ်များသည် မရေမတွက်နိုင်အောင် များပြားစွာရှိ၏။ ကိုးချက်ဟူသော ဆိုလိုရင်းမှာလည်း ကိန်းဂဏန်းအရေအတွက် များပြားခြင်းသဘောကို ဖော်ညွှန်းတင်စားခြင်းဖြစ်၏။)
စစ်ဆင်ရေး
ဆွန်ဇုက ဤသို့မိန့်ဆို၏ ...
ကျွန်ုပ်တို့သည် စစ်ပွဲအတွက်စီစဉ်ရာမှာ တိုက်စစ်ရထား ၀န်စည်လှည်းယာဉ် ထောင်နှင့်ချီလိုက်ပါရမည်။ ချပ်ဝတ်တန်ဆာ အပြည့်ဆင်ထားသော တပ်သားစစ်သည် သိန်းနှင့်ချီ စုစည်းရမည်။ တပ်အတွက် စားရေရိက္ခာပစ္စည်းများကို မိုင်ရာထောင်ချီ ခရီးတစ်လျှောက် ထောက်ပို့ပေးရမည်ဖြစ်သည်။
၎င်း စစ်ရှေ့တန်းနှင့် နောက်တန်းသုံးစရိတ်များ၊ သံရေးတမန်ရေးဆိုင်ရာနှင့် ဧည့်ခံဆက်ဆံစရိတ်များ၊ စစ်လက်နက်ပစ္စည်းအတွက် ပြင်ဆင်ထုတ်လုပ်စရိတ်များ စသည်ဖြင့် နေ့စဉ်နှင့်အမျှ ငွေကြေးတန်ဖိုး ရွှေစင်အသပြာ ရာထောင်ချီကုန်ကျရပါမှ စစ်အင်အား သိန်းချီသည့်တပ်မကြီးမှာ သက်ဝင်လှုပ်ရှား အဆင်သင့်ရှိနိုင်မည် ဖြစ်သတည်း ...
စစ်တိုက်ရာတွင် အရေးအကြီးဆုံးမှာ အလျင်အမြန်အောင်နိုင်ရေးဖြစ်သည်။ ကြာရှည်ဆွဲတိုက်နေရလျှင် စစ်ညောင်းပြီး အားကုန်လူပန်း စိတ်ဓာတ်ကျကုန်ပေလိမ့်မည်။ ရန်သူ့မြို့ပြများကို ၀ိုင်းရံတိုက်ခိုက်ပြန်လျှင်လည်း အင်အားဆုံးရှုံး ပြုန်းတီးလာနိုင်သည်။ တပ်မကြီးတစ်ခုလုံးမှာလည်း ရှေ့တန်းမှာကြာရှည်တပ်ချ တပ်စွဲထားပြီး တိုက်ခိုက်ပြန်လျှင်လည်း ကုန်ကျစရိတ်ကြောင့် တိုင်းပြည်ဘဏ္ဍာအရင်းအမြစ်များ မလုံမလောက် ကုန်ခန်းရပေတော့မည်။
ယင်းသို့ တပ်များစစ်ညောင်းပြီး နုံးခွေပင်ပန်း စိတ်ဓာတ်ကျလာသည်နှင့်အမျှ အားအင်ပြုန်းတီးဆုတ်ယုတ်ပြီး၊ ဘဏ္ဍာအရင်းအမြစ်များ ကုန်ခန်းလာတတ်သည်နှင့်အညီ ဤအဖြစ်သနစ်ဆိုးကျိုးကို အကြောင်းပြုပြီး လက်အောက်မြို့ပြ ပြည်ထောင်မင်းများသည် အခွင့်ကောင်းယူကာ ပုန်ကန်ထကြွခြားနားလာနိုင်ပေသည်။ ယင်းသို့ အခြေအနေမျိုးဆိုက်သော် လူတော်လူစွမ်းကောင်းကြီးများ ရှိလင့်ကစား ၎င်းဆိုးကျိုးအခြေအနေကို အကောင်းဘက်သို့ ပြောင်းလဲခြင်းငှာ စွမ်းဆောင်နိုင်ကြမည်မဟုတ်ပေ။
ထို့ကြောင့် စစ်တိုက်ရာမှာ အောင်နိုင်ရေးအတွက် အရမ်းကာရော အလောသုံးဆယ်တိုက်ခြင်းကြောင့် စစ်ဦးစီးညံ့ဖျင်းရာကျသည်ဟူသော သာဓကကိုသာ ကြားဖူး၏။ စစ်ကို ရေရှည်ဆွဲတိုက်သည်ကို လိမ္မာပါးနပ်သည်၊ တော်သည်ဟူ၍ကား မကြားဖူးပါချေ။
စစ်ကို ရေရှည်ဆွဲတိုက်သဖြင့် တိုင်းပြည်အတွက် အကျိုးကျေးဇူး ဖြစ်ထွန်းလာစေခဲ့သော သာဓကဟူ၍ မရှိခဲ့ဖူးပါချေ။
ထို့ကြောင့် စစ်အင်အားကို အသုံးချရာမှာ ပေါ်ပေါက်တတ်သော ဆိုးကျိုးအန္တရာယ်များကို ဘက်စုံထောင့်စုံ ကောင်းစွာမသိနားမလည်သောသူအနေနှင့် စစ်အင်အားကိုအသုံးချ၍ အကျိုးဖြစ်ထွန်းစေနိုင်သော အကြောင်းအရာများကိုလည်း ကောင်းစွာသိရှိနားလည်နိုင်စွမ်း ရှိလိမ့်မည်မဟုတ်ပေ။
စစ်ရေးဆိုင်ရာ ကျွမ်းကျင်သူတို့သည် စစ်သားစုဆောင်းရေးကို အကြိမ်ကြိမ်ဆင့်ခေါ်စုစည်းခြင်းမပြု၊ ရိက္ခာများကိုလည်း အလီလီထောက်ပို့ရန် မခိုင်း၊ မိမိနိုင်ငံမှ လက်နက်ပစ္စည်းများကို စွဲကိုင်အသုံးပြုပြီး၊ ရန်သူ့နယ်မြေမှ စားရေရိက္ခာကို ရယူစုဆောင်းအမှီပြုနိုင်သဖြင့် စစ်တပ်များအတွက် ရိက္ခာလုံလုံလောက်လောက် ရရှိအောင် စွမ်းဆောင်နိုင်ကြပေသည်။
စစ်ချီတိုက်ခိုက်ခြင်းကြောင့် တိုင်းပြည်ချွတ်ခြုံမွဲပြာကျရခြင်း အကြောင်းရင်းတစ်ရပ်ကား စစ်မြေပြင်သို့ ခရီးဝေးထောက်ပို့ရသောကြောင့်ဖြစ်၏။ ယင်းသို့ဝေးဝေးလံလံ ထောက်ပို့ရခြင်းကြောင့်လည်း တိုင်းသူပြည်သားများ ဆင်းရဲကျပ်တည်းခြင်း ဖြစ်ကြရလေသည်။ တပ်စွဲရာ အနီးအနားတစ်ဝိုက်ရှိ ကုန်ပစ္စည်းများဈေးနှုန်းမြှင့်တင် ရောင်းချလာပေတော့ရာ မတန်တဆဈေးကြီးပေး ၀ယ်ယူသုံးစွဲရသောကြောင့်လည်း ပြည်သူအများငွေကြေးဥစ္စာ ကုန်ခန်းလာရလေတော့သည်။ ငွေကြေးဥစ္စာ ကုန်ခန်းလာသည့်အလျောက် အခွန်အတုတ်များမှာလည်း ၀န်ထုပ်ဝန်ပိုးကြီးသဖွယ် ပိုမိုဖိစီးလာမှုဒဏ်ကို မလွဲမသွေခံလာကြရလေသည်။ စစ်အင်အားနှင့်တကွ ငွေကြေးဥစ္စာအရင်းအမြစ်များလည်း ချို့တဲ့ဆုံးရှုံး ပြုန်းတီးလာသည့်အလျောက် ပြည်တွင်းမှာဆင်းရဲမွဲတေ ချွတ်ခြုံကျသောအခြေသို့ ဆိုက်ရပေတော့ရာ၊ တိုင်းသူပြည်သားတို့၏ ဥစ္စာပစ္စည်းများမှာလည်း ဆယ်ချိုးခုနှစ်ချိုးမျှ ပြုန်းတီးကုန်ရချေတော့မည်ဖြစ်သည်။
အစိုးရဌာနဆိုင်ရာ အသုံးစရိတ်များ၊ လှည်းပျက်မြင်းနာစသည့် အဆုံးအရှုံးအပျက်အစီးများ၊ ဒူးလေးချပ်ကာ၊ ဒိုင်းလွှား ဓားလှံ၊ လှေကြီးလှေငယ် စသည့်စစ်သုံးပစ္စည်းများ ပြုပြင်ဖြည့်တင်းဆောက်တည်ရခြင်းများ၊ ရိက္ခာလက်နက်ပို့ရန် နွားလှည်း၊ မြင်းလှည်းကြီးများအပါအ၀င် သုံးစွဲကုန်ကျစရိတ်အတွက် အစိုးရဘဏ္ဍာတော် ငွေကြေးဆယ်ပုံခြောက်ပုံခန့် ကုန်ခန်းရသည့်အခြေသို့ ဆိုက်ရချေတော့မည်ဖြစ်သည်။
ထို့ကြောင့် စစ်ရေးကျွမ်းကျင်လိမ္မာသော တပ်မှူးတို့သည် ရန်သူ့နယ်မြေမှ စားရေရိက္ခာများကို အရယူဖြည့်တင်းရပေမည်။ ပမာပြောရလျှင် ရန်သူ့ထံမှရိက္ခာ တစ်တင်းရလျှင်ပင် ကျွန်ုပ်တို့အတွက် တင်း ၂၀ မျှ တန်သည်မှတ်ရမည်။ ရန်သူ့ထံမှ ကောက်ရိုးမြက်ထုံး တစ်ထုံးရသည်ပင်လျှင် ကျွန်ုပ်တို့အတွက် အထုံး ၂၀ မျှ တန်သည်မှတ်ရမည်။
ရန်သူ့အပေါ် တိုက်ရဲခိုက်ရဲစေလိုသော် ရဲသွေးရဲမာန် ဘာမထီစိတ်ဓာတ် နှိုးဆွပေးခြင်းပြုတတ်ရာ၏။
ရန်သူ့အပေါ် အနိုင်ရအမြတ်ထုတ်လိုသော် မိမိစစ်သည်များကို တိုက်ရလာသော ပစ္စည်းများအား ပေးကမ်းဝေမျှ ချီးမြှင့်ခြင်းပြုတတ်ရာ၏။
ထို့ကြောင့် စစ်ရထားခြင်း တိုက်စစ်ဆင်ရာမှ ရန်သူ့စစ်ရထား ဆယ်စင်းကျော် သိမ်းပိုက်ရမိလေတိုင်း ကနဦးဆုံးရလာသောတပ်သားအား ဆုတော်လာဘ်တော်များ ချီးမြှင့်ရမည်။ ၎င်းရန်သူ့စစ်ရထားများပေါ်ကို မိမိတို့အလံများ ပြောင်းစိုက်ကာ မိမိတို့၏စစ်ရထားများအကြား ထည့်ညှပ်ပြီးစစ်တိုက်ရန်အသုံးချသွားရမည်။ သုံ့ပန်းများကို ကောင်းစွာစောင့်ရှောက် ကျွေးမွေးထားတတ်ရမည်။
ဤအချက်သည် ရန်သူကိုအနိုင်တိုက်ရင်း မိမိအင်အားကြီးထွားအောင် ဖြည့်တင်းရရှိခြင်းဟူ၏။
စစ်တိုက်ရာမှာ အရေးကြီးဆုံးကား အမြန်အနိုင်တိုက်ရေး ဖြစ်သည်။ ရေရှည်ဆွဲတိုက်ရန် မသင့်။
ထို့ကြောင့်လည်း စစ်ရေးစစ်ရာကျွမ်းကျင်သော တပ်မှူးများသည် ပြည်သူပြည်သားတို့၏ ကံကြမ္မာဖန်တီးရှင်ဟု ခေါ်ဆိုထိုက်ပါသည်။ တိုင်းပြည်၏ လုံခြုံအေးချမ်းရေးနှင့် ပျက်သုဉ်းရေးကို ခြယ်လှယ်နိုင်သော အုပ်စိုးသူများလည်း ဖြစ်ကြပေသည်။
မဟာဗျူဟာမြောက် ထိုးစစ်
ဆွန်ဇုက ဤသို့မိန့်ဆိုထား၏ ...
စစ်မဟာဗျူဟာနည်းအရ စစ်ဆင်ရာမှာ ရန်သူ့တိုင်းပြည်တစ်ပြည်လုံးကို ပကတိအညံ့ခံလာစေပြီး သိမ်းပိုက်အောင်နိုင်ခြင်းကား အကောင်းဆုံးနည်းဖြစ်သည်။ တိုင်းပြည်ဖြိုခွင်းပြီး အောင်နိုင်ခြင်းကား သင့်ရုံသာရှိသည်ဟု ဆိုရအံ့။ ရန်သူ့တပ်မတစ်ခုလုံးကို ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးနည်းဖြစ်၏။ ရန်သူ့တပ်မကို ဖြိုခွင်းပြီးအနိုင်ရလိုက်ခြင်းကား သင့်ရုံသာရှိသည်ဟု ဆိုရအံ့။
ရန်သူ့တပ်ရင်း တစ်ရင်းလုံး ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးဖြစ်၏။ ရန်သူ့တပ်ရင်းကို ဖြိုခွင်းအောင်နိုင်ခြင်းကား သင့်ရုံသာရှိသည်ဟု ဆိုရအံ့။ ရန်သူ့တပ်ခွဲ တစ်ခွဲလုံး ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးဖြစ်၏။ တပ်ခွဲကို ဖြိုခွင်းအောင်နိုင်ခြင်းကား သင့်ရုံသာရှိသည် ဆိုရအံ့။ ရန်သူ့တပ်စိတ် တစ်စိတ်လုံး ပကတိအညံ့ခံလာအောင် ချိုးနှိမ်အောင်နိုင်ခြင်းကား အကောင်းဆုံးဖြစ်၏။ တပ်စိတ်ကို ဖြိုခွင်းအောင်နိုင်ခြင်းကား သင့်ရုံသာရှိသည် ဆိုရအံ့။
တိုက်ပွဲတစ်ရာ အောင်ပွဲတစ်ရာ ဆင်နိုင်သူတိုင်း အကောင်းဆုံးအတော်ဆုံးဟု မဆိုထိုက်သေးချေ။
မတိုက်ရပဲနှင့် ရန်သူ့အင်အားကို ချိုးနှိမ်အညံ့ခံလာရအောင် လုပ်နိုင်သူသည်သာ အကောင်းတကာ့ အကောင်းဆုံး အတော်ဆုံးဟု ဆိုထိုက်ပေသည်။
စစ်တိုက်ရာတွင် ထိပ်တန်းအကောင်းဆုံးနည်းလမ်းကား ဗျူဟာမြောက်နည်းပရိယာယ်ဆင်ခြင်းဖြင့် ရန်သူကို မတိုက်ခိုက်ရပဲ ချိုးနှိမ်အောင်နိုင်ခြင်းဖြစ်၏။
ဒုတိယနည်းလမ်းကား သံရေးတမန်ရေးအရ ရန်သူ၏မဟာမိတ်များကို သပ်လျှိုဖြိုခွင်းပြီး ချိုးနှိမ်အောင်နိုင်ခြင်းဖြစ်၏။
တတိယနည်းလမ်းကား စစ်အင်အားသုံးပြီး ရန်သူ့တပ်ကို တိုက်ခိုက်ဖြိုခွင်း အောင်နိုင်ခြင်းဖြစ်၏။
မတတ်သာဆုံးနည်းလမ်းကား မြို့ကြီးပြကြီးများကို ၀န်းရံတိုက်ခိုက် ဖြိုခွင်းအောင်နိုင်ခြင်းဖြစ်၏။
မြို့ကြီးပြကြီးများကို ၀န်းရံတိုက်ခိုက်ရခြင်းမှာကား မလွှဲမရှောင်သာသောကြောင့်သာ ဖြစ်ရပေမည်။ အဘယ်ကြောင့်ဆိုသော် မြို့ပြများကိုဝန်းရံတိုက်ခိုက်ရန်အတွက် ဒိုင်းလွှား၊ မျှော်စင်ပါ လှည်းယာဉ်ကြီးများ ပြုလုပ်တည်ဆောက်ခြင်း၊ အခြားအသုံးအဆောင် ယန္တရားလက်နက်များ စုဆောင်းခြင်းတို့အတွက် လပေါင်းများစွာ အချိန်ကုန်သွားနိုင်၏။ မြို့ရိုးတံတိုင်းများကို ကျော်တက်စီးနင်းနိုင်အောင် မြေတာတောင်ပို့ကြီးများ ဖို့ခြင်းအလုပ်ကိုလည်း နောက်ထပ်လပေါင်းများစွာ အချိန်ယူရဦးမည်ဖြစ်၏။ သို့နှင့် တပ်မှူးများက စိတ်လောစိတ်မရှည်နိုင်ပဲ ဒေါကြီးလောကြီးပြီး တပ်သားများကို မြို့ရိုးတစ်လျှောက် အစုအပြုံလိုက်သဲကြီးမဲကြီး တက်တိုက်ခိုင်းလေသော် သုံးပုံတစ်ပုံခန့်သော တပ်သားများကျဆုံးကုန်သည့်တိုင် မြို့ကိုသိမ်းပိုက်မရပဲဖြစ်တတ်၏။ ဤသည်မှာကား ရန်သူ့မြို့ပြများကို ၀န်းရံတိုက်ခိုက်သောကြောင့် ဖြစ်ပေါ်ကြုံတွေ့လာနိုင်သော ဆိုးကျိုးဆိုးပြစ်များဖြစ်ပေသည်။
စစ်ရေးကျွမ်းကျင်သူတို့အနေနှင့် ရန်သူ့တပ်ကို မတိုက်ခိုက်ရပဲ အညံ့ခံလာအောင် ချိုးနှိမ်အနိုင်ယူတတ်ကြသည်။ ရန်သူ့မြို့ပြများကို ၀န်းရံမတိုက်ခိုက်ရပဲ သိမ်းပိုက်နိုင်အောင် စွမ်းဆောင်တတ်ကြသည်။ ရန်သူ့တိုင်းပြည်ကို ရေရှည်ဆွဲမတိုက်ရပဲ ဖြိုခွင်းသိမ်းပိုက်နိုင်ကြပေသည်။ ၎င်းတို့သည် ဘက်စုံအလုံးစုံ အောင်နိုင်ရေး စစ်ဗျူဟာများ တစ်ထစ်ကျချမှတ်ကျင့်သုံးပြီး ဇမ္ဗူတစ်လွှားယှဉ်ပြိုင်အနိုင်ရအောင် စွမ်းဆောင်ကြကုန်သည်ဖြစ်၏။ သို့ဖြစ်သောကြောင့်လည်း မိမိ၏စစ်အင်အားကို ပျက်စီးဆုံးရှုံးမှုမရှိစေပဲ အောင်ပွဲကိုဘက်စုံမှ အပြည့်အ၀ရရှိနိုင်စေခဲ့လေသည်။ ဤသည်ကား စစ်မဟာဗျူဟာနည်းပရိယာယ်ဉာဏ်ဖြင့် ထိုးစစ်ဆင်ခြင်း ဟူသတည်း။
စစ်ရေးနည်းဗျူဟာ ကျင့်သုံးရာမှာ ရန်သူ့ထက် အင်အားဆယ်ဆသာလျှင် ၀ိုင်းပိတ်တိုက်ပါ။ ရန်သူထက် အင်အားငါးဆသာလျှင် ထိုးစစ်ဆင်ပါ။ ရန်သူထက် အင်အားနှစ်ဆသာနေလျှင် ရန်သူ့အင်အားကို အပိုင်းပိုင်းစိတ်၍တိုက်ပါ။ အင်အားချင်းတူနေလျှင် ယှဉ်တိုက်နိုင်ရမည်။ မိမိအင်အားလျော့နည်းနေလျှင် ရှောင်ပြေးတတ်ရမည်။ ရန်သူ့အင်အားကြီး၍ မယှဉ်သာလျှင် တိမ်းရှောင်တပ်ဖျောက်နေတတ်ရမည်။ ထို့ကြောင့် အင်အားခြင်းမမျှပဲ ခေါင်းမာစွာရင်ဆိုင်တိုက်ခိုက်ခြင်းသည် အင်အားကြီးသောရန်သူတို့၏ သုံ့ပန်းအဖြစ်သို့ ကျရောက်တတ်ပေသည်။
စစ်သူကြီးများ၊ တပ်မှူးများကား တိုင်းပြုပြည်ပြုအတွက် အထောက်အကူပြုသော အကျိုးတော်ဆောင် လက်ရုံးကြီးများဖြစ်ကြပေသည်။ အကျိုးတော်ဆောင် လက်ရုံးကြီးများအနေနှင့် ထောင့်စေ့အောင် အပြုသဘောအကျိုးပြု အားဖြည့်စွမ်းဆောင်ပေးနိုင်လျှင် နိုင်ငံတော်အင်အား ဧကန်မလွဲ တောင့်တင်းခိုင်မာလာမည်ဖြစ်သည်။ အကျိုးပြုအားဖြည့်စွမ်းဆောင်မှု ချွတ်ယွင်းချွတ်ချော်လစ်ဟင်းနေလျှင် နိုင်ငံတော်အင်အားမုချ ချိနဲ့နေမည်ဖြစ်သည်။
အုပ်စိုးသူတို့ကြောင့် တပ်ကိုဆိုးကျိုးဒုက္ခပေးနိုင်သော အကြောင်းရပ်သုံးမျိုးရှိ၏။ ၎င်းမှာ အုပ်စိုးသူတို့အနေနှင့် တပ်ကိုရှေ့တိုးချီတက်ရန် မသင့်တော်ကြောင်း မရကြောင်းကို မသိနားမလည်ပဲနှင့် အမိန့်ပေးအတင်းချီတက်စေခြင်း၊ တပ်ကိုနောက်သို့ဆုတ်ခွာရန် မသင့်တော်ကြောင်း မဖြစ်ကြောင်းကို မသိနားမလည်ပဲနှင့် အမိန့်ပေးအတင်းဆုတ်ခွာစေခြင်းဖြစ်၏။ ဤအကြောင်းအရာမျိုးကို တပ်အားအကျပ်ကိုင် တုတ်နှောင်မှုမျိုးဟု ဆိုရပေမည်။
အခြားတစ်မျိုးက အုပ်စိုးသူတို့အနေနှင့် တပ်များ၏စစ်စည်းကမ်း အုပ်ချုပ်စီမံမှုအခြေအနေများကို မသိနားမလည်ပဲနှင့် တပ်တစ်ခုလုံးတွင် မြို့ပြအုပ်ချုပ်မှုပုံစံမျိုးနှင့် ပါဝင်စီမံခန့်ခွဲခြင်းဖြစ်၏။ ဤသည်ကို တပ်မတော်သားများအား တွေဝေစိတ်အနှောင့်အယှက်ဖြစ်စေခြင်းမျိုးဟု ဆိုရပေမည်။
နောက်တစ်မျိုးကား အုပ်စိုးသူတို့အနေနှင့် တပ်များ၏ စစ်ရေးစစ်ရာအခြေအနေအရ လိုက်လျောညီထွေစွာ ပါးပါးနပ်နပ်လှုပ်ရှားပြောင်းလဲမှု ပြုလုပ်ရသည့် နည်းပရိယာယ်ဗျူဟာများကို မသိနားမလည်ပဲနှင့် တပ်များ၏ဦးစီးညွှန်ကြားမှုတွင် ပါဝင်ခြယ်လှယ်အမိန့်ပေးလာခြင်းမျိုး ဖြစ်၏။ ဤသည်ကို တပ်သားများအား ယုံကြည်မှု ယိုယွင်း၊ ဒွိဟသံသယစိတ် ပွားစေခြင်းမျိုးဟု ဆိုရပေမည်။
ဤသို့ တပ်တစ်ခုလုံးတွင် တွေဝေစိတ်များ၊ ဒွိဟသံသယစိတ်များ ရောပြွမ်းပေါက်ဖွားနေလေသော် ယင်းကိုအကြောင်းပြု၍ နယ်စားပယ်စား မြို့ပြပြည်ထောင်မင်းများက ကျူးကျော်ရန်စ တိုက်ခိုက်ဒုက္ခပေးလာကြတော့မည်ဖြစ်သည်။ ဤသည်ကား တပ်တစ်ခုလုံးကို ကိုယ့်ဘာသာကိုယ် ခလောက်ဆံအောင် ဖန်တီးပြီးပျက်စီးဆုံးရှုံးရာသို့ တွန်းပို့ခြင်းသာဖြစ်သည်။
ထို့ကြောင့် ကြိုတင်သိနိုင်စွမ်းသော စစ်အောင်နိုင်ရာသော အကြောင်းတရား ငါးရပ်ရှိ၏။ ၎င်းတို့မှာ ... .. .
အခြေအနေအရ တိုက်နိုင်ခြင်းကိုလည်းကောင်း၊ မတိုက်နိုင်ခြင်းကိုလည်းကောင်း ခန့်မှန်းသိစွမ်းနိုင်သောသူသည် စစ်အောင်နိုင်ရာ၏။
တပ်အင်အားအနည်းအများအလိုက် အသုံးချအုပ်ချုပ်စီမံ တိုက်ခိုက်တတ်သူသည် စစ်အောင်နိုင်ရာ၏။
အဆင့်ဆင့်ထက်အောက် တပ်မှူးတပ်သားများ တစ်စိတ်တစ်ဝမ်းတည်းဖြစ်အောင် ဖန်တီးနိုင်စွမ်းသူသည် စစ်အောင်နိုင်ရာ၏။
မိမိဘက်က အသင့်ပြင်ဆင်မှုရှိပြီး အသင့်မရှိသေးသောရန်သူကို စောင့်စားရင်ဆိုင် တိုက်ခိုက်နိုင်သူသည် စစ်အောင်နိုင်ရာ၏။
စစ်သူကြီးများ တပ်မှူးများအနေနှင့် အရည်အချင်းပြည့်ဝပြီး အုပ်စိုးသူများပါဝင်စွက်ဖက် ခြယ်လှယ်ခြင်းကို မခံရသူသည် စစ်အောင်နိုင်ရာ၏။
ဤကား ကြိုတင်သိနိုင်စွမ်းသည့် စစ်အောင်နိုင်ရာသော အကြောင်းတရားငါးရပ်ဖြစ်ပေသည်။
ထို့ကြောင့် ဤသို့ အဆိုအမိန့်ရှိ၏ .....
သူ့အကြောင်း ကိုယ့်အကြောင်း သိကျွမ်းလျှင် တိုက်ပွဲတိုင်း အန္တရာယ်ကင်းကင်းနှင့် အောင်မြင်ရာ၏။ သူ့အကြောင်းမသိ ကိုယ့်အကြောင်းသာသိလျှင် နိုင်သည်လည်း ရှိမည်၊ ရှုံးသည်လည်း ရှိမည်။ ကိုယ့်အကြောင်း သူ့အကြောင်း လုံးဝမသိလျှင် တိုက်ပွဲတိုင်း မုချ ရှုံးလိမ့်မည်။
စစ်ရေးစစ်ရာ အနေအထား
ဆွန်ဇုက ဤသို့မိန့်ဆိုထား၏ ...
ရှေးခတ်က စစ်တိုက်ကျွမ်းကျင်သူတို့သည် ရှေးဦးစွာ မိမိကိုယ်ကို သူတစ်ပါးအနိုင်မတိုက်နိုင်အောင် ကြိုတင်ဖန်တီးကြ၏။ ထို့နောက် ရန်သူကို အနိုင်ရမည့်အခါအခွင့်ကို ငံ့လင့်၏။ မိမိကိုယ်ကို သူတစ်ပါးမနိုင်အောင် လက်ဦးမှုရယူထားနိုင်သည့် အခြေအနေသည် မိမိအပေါ်၌ တည်လေသည်။ ရန်သူကို အနိုင်ယူနိုင်မှု ရှိမရှိအခြေအနေသည် ရန်သူကိုယ်၌တွင် စစ်ရှုံးစေမည့် ပျော့ကွက်ဟာကွက်၊ ချို့ယွင်းချက် ရှိမရှိအပေါ်၌ တည်နေပေသည်။
စစ်ရေးကျွမ်းကျင်သူတို့သည် မိမိကိုယ်ကို သူတစ်ပါးမနိုင်ရအောင် အခြေအနေကို ဖန်တီးရယူနိုင်၏။ ရန်သူကိုမူ ကျွန်ုပ်တို့မုချနိုင်ရမည့် အခြေအနေအတင်းဖန်တီးပေးလာစေရန် မဖြစ်နိုင်ချေ။ ထို့ကြောင့် အောင်ပွဲကို ကြိုတင်ခန့်မှန်း သိရှိနိုင်သော်လည်း အတင်းအဓမ္မ ဖန်တီးမရယူနိုင်ပေ။ မိမိအပေါ် ရန်သူတို့အနိုင်တိုက်မရအောင် စွမ်းဆောင်နိုင်ခြင်းအကြောင်းကား မိမိ၏တပ်အင်အားအနေနှင့် လုံခြုံကြံ့ခိုင်စွာ ခံစစ်ဆင်နိုင်သောကြောင့် ဖြစ်ရာ၏။ ရန်သူကို အနိုင်တိုက်နိုင်ခြင်းအကြောင်းကား မိမိတို့တပ်အနေနှင့် ထိုးစစ်ပိုင်နိုင်စွာ ဆင်နိုင်သောကြောင့် ဖြစ်ရာ၏။ ခံစစ်ဆင်ရခြင်းအရင်းခံကား အင်အားမလုံလောက်မမျှ၍ ဖြစ်ရာ၏။ ထိုးစစ်ဆင်တိုက်ခိုက်နိုင်ခြင်း အရင်းခံကား အင်အားသာလွန် ကောင်းမွန်သောကြောင့် ဖြစ်ရာ၏။ ခံစစ်ကျွမ်းကျင်သူတို့သည် တပ်များကိုမြေလျှိုးပုန်းကွယ်ထားဘိသကဲ့သို့ မြေပထ၀ီအနေအထားပေါ်တည်ပြီး တပ်ဖျောက်ကာကွယ် ခုခံတတ်ကြ၏။ ထိုးစစ်တိုက်စစ်ကျွမ်းကျင်သူတို့မှာလည်း တပ်အင်အားကို မိုးကောင်းကင်မှ လျှပ်တစ်ပြက် ကျရောက်သက်ဆင်းလာစေသည့်နှယ် အလျင်အမြန်အရှိန်အဟုန်ဖြင့် လှုပ်ရှားတိုက်ခိုက်တတ်ကြ၏။ ထို့ကြောင့် မိမိကိုယ်ကိုလုံခြုံအောင် ကာကွယ်ထိန်းသိမ်းနိုင်ကြသည့်အလျှောက် ရန်သူကိုလုံးဝဥဿုံ အောင်နိုင်ခြင်းငှာ စွမ်းဆောင်တိုက်ခိုက်နိုင်ကြပေသည်။
အောင်ပွဲကို အများသူငါ သိနိုင်သောအမြင်အတိုင်း ကြိုတင်ခန့်မှန်းတတ်သိနိုင်သူကား လူတော်ထဲကအတော်ဆုံးလူဟု မဆိုသာ။ စစ်ပွဲတိုက်ခိုက်ပြီး အောင်နိုင်သူအား နိုင်ငံအ၀န်း ချီးမွမ်းသြဘာပေးကြသော်လည်း လူတော်ထဲက အတော်ဆုံးလူဟု မဆိုသာ။ ထို့ကြောင့် ပမာခိုင်းနှိုင်းပြောရလျှင် ငှက်တောင်ကို ကိုင်မနိုင်ရုံဖြင့် ခွန်အားကြီးသည်ဟုမဆိုသာ။ ထိုနည်းလည်းကောင်း နေ၊ လတို့ကို ကြည့်မြင်နိုင်ရုံဖြင့် မျက်စေ့ကောင်းသည်၊ လျင်သည်ဟုမဆိုသာ။ မိုးချုန်းသံကြားရနိုင်ရုံမျှဖြင့် နားပါးနားလျင်သည်ဟု မဆိုသာ။
ရှေးခေတ်က ပြောစမှတ်ပြုကြသော စစ်တိုက်ကျွမ်းကျင်သူတို့ မည်သည်ကား တိုက်လွယ်သောရန်သူများကိုသာ အနိုင်ရယူလိုက်ခြင်းဖြစ်သည်ဟု ဆိုရပေမည်။ ထို့ကြောင့်လည်း ၎င်းအောင်ပွဲများနှင့်ပတ်သက်၍ စစ်တိုက်ကျွမ်းကျင်သူတို့၏ ကြံရည်ဖန်ရည် ဂုဏ်သတင်းများ မထင်ပေါ်မကျော်စော၊ သူရသတ္တိဂုဏ်ပုဒ်များ မထင်ရှားမကျော်ကြားပေ။ ၎င်းတို့၏ အောင်နိုင်ခြင်းသည် တိမ်းစောင်းမှားယွင်းမှု မရှိဖြစ်၏။ တိမ်းစောင်းမှားယွင်းမှု မရှိဟုဆိုရခြင်းမှာလည်း ၎င်းတို့၏လုပ်ဆောင်ချက်များသည် မုချအောင်နိုင်မည့် အခြေခံပေါ်တွင် စီစဉ်ထားခြင်းဖြင့် နဂိုကပင်ရှုံးနိမ့်မည့်အခြေအနေရှိသော ရန်သူကို အနိုင်တိုက်ရလိုက်ခြင်းကြောင့် ဖြစ်ပေသည်။ ထို့ကြောင့် စစ်တိုက်ကျွမ်းကျင်သူတို့သည် မိမိကိုယ်ကို မရှုံးနိမ့်နိုင်သော အခြေအနေတွင် ရပ်တည်လျှက်ရှိစေပြီး ရန်သူတို့ရှုံးနိမ့်နိုင်မည့် အခြေအနေကို အခါမလင့်စောင့်ဆိုင်း တိုက်ခိုက်တတ်ကြပေသည်။
အောင်ပွဲခံတပ်မတော်တို့ဟူသည် အောင်နိုင်မည့်အခြေအနေကို လက်ဦးမှုရှိစွာဖန်တီးရယူပြီးမှ ရန်သူကိုဦးတည်ရင်ဆိုင် တိုက်ခိုက်တတ်ကြလေသည်။ အရေးနိမ့်မည့် ရှုံးမည့်တပ်များအနေနှင့်မူ အလျင်စလိုဦးစွာ ရန်သူနှင့်ရင်ဆိုင်တိုက်ခိုက်ပြီး ကံကောင်းထောက်မမှုကို အားကိုး၍အနိုင်ရရန် ကြိုးပမ်းတတ်ကြပေသည်။ စစ်အင်အားကို ကျွမ်းကျင်ပြောင်မြောက်စွာ အသုံးချတတ်သူတို့အနေနှင့် တိုင်းရေးပြည်ရာအတွက် ကျင့်ဝတ်တရားကောင်းများကို ကျင့်ကြံအားထုတ် ဆောက်တည်တတ်ကြရပေသည်။ ထို့အတူ စည်းမျဉ်းစည်းကမ်း ဥပဒေများကိုလည်း ထိန်းသိမ်းစောင့်ရှောက် လိုက်နာကျင့်သုံးတတ်ကြရပေသည်။ သို့ပါ၍လည်း စစ်ပွဲအနိုင်အရှုံး အဆုံးအဖြတ်တို့ကို စွဲမြဲစွာ ဆုပ်ကိုင်ခြယ်လှယ်နိုင်စွမ်းရှိကြပေသည်။
စစ်ဥပဒေသ အဆိုအမိန့်အရ စစ်အခြေခံ အကြောင်းအချက်ကြီး (၅)ချက် ရှိ၏။ ၎င်းတို့မှာ ... .. .
၁။ အတိုင်းအတာ
၂။ အရေအတွက်
၃။ အတွက်အချက်
၎။ အနှိုင်းအဆ
၅။ အနိုင်အပိုင် ... ... ... စသည်တို့ ဖြစ်၏။
ပထ၀ီအနေအထားအရ အတိုင်းအတာကိန်း ပေါ်ပေါက်လာ၏။ အတိုင်းအတာအရ အရေအတွက်ကိန်း ပေါ်ပေါက်လာ၏။ အရေအတွက်အရ အတွက်အချက်ကိန်း ပေါ်ပေါက်လာ၏။ အတွက်အချက်အရ အနှိုင်းအဆကိန်း ပေါ်ပေါက်လာ၏။ အနှိုင်းအဆပေါ်မူတည်ပြီး အနိုင်အပိုင်ကိန်း ပေါ်ပေါက်လာတော့၏။
(တစ်နည်း အဓိပ္ပါယ်ဖွင့်ဆိုချက်မှာ :
: :... ရန်-ငါ နှစ်ဖက်တို့၏ တည်နေရာခြားနားမှုအရ မြေဧရိယာအကျယ်အ၀န်း မတူခြားနားသော အတိုင်းအတာကိန်း ပေါ်ပေါက်လာရ၏။
... ရန်-ငါ နှစ်ဖက်ရှိ မြေဧရိယာ အကျဉ်းအကျယ် အတိုင်းအတာမတူခြားနားမှုအရ၊ နှစ်ဖက်သော သယံဇာတကြွယ်ဝမှု အနည်းအများ မတူခြားနားသော အရေအတွက်ကိန်း ပေါ်ပေါက်လာရ၏။
... ရန်-ငါ နှစ်ဖက်ရှိ သယံဇာတ အရင်းအမြစ်ပေါကြွယ်ဝမှု အနည်းအများအရေအတွက် မတူခြားနားမှုအရ နှစ်ဖက်သော စစ်အင်အား အနည်းအများ မတူခြားနားသော အတွက်အချက်ကိန်း ပေါ်ပေါက်လာရ၏။
... ရန်-ငါ နှစ်ဖက် စစ်သားအင်အားအနည်းအများ အတွက်အချက် မတူခြားနားမှုအရ နှစ်ဖက်သောစစ်အင်အား အားသာအားနည်းခြင်းဟူ၍ မတူခြားနားသော အနှိုင်းအဆကိန်း ပေါ်ပေါက်လာရ၏။
... ရန်-ငါ နှစ်ဖက် စစ်အင်အား အားသာအားနည်းခြင်းဟူသော အနှိုင်းအဆ မတူခြားနားမှုအရ စစ်ပွဲ အနိုင်အပိုင်အရှုံးကို အပြီးသတ် အဆုံးအဖြတ်ပေးလေသည်။)
အောင်ပွဲရစစ်သည်တော်တို့၏ စွမ်းဆောင်ပုံကား ပမာဏအားဖြင့် ပိဿာလေးကြီးအသွင်ဖြင့် ရန်သူဟူသော ပမာဏအားဖြင့် ရွေးစေ့ငယ်လေးကို နှိုင်းယှဉ်ချိန်ထိုးလိုက်သည့်အခါ တွေ့မြင်ရသောအလေးသာမှုနှယ်ရှိပေမည်။ ရှုံးပွဲဝင်ကြသော စစ်သည်တော်တို့၏ လုပ်ဆောင်ပုံကား မိမိအင်အား ရွေးစေ့ပမာဏလောက်ကို ပိဿာလေးကြီးပမာဏလောက်ရှိသည့် ရန်သူနှင့် နှိုင်းယှဉ်ချိန်ထိုးကြည့်နေသည့်နှယ် ရှိချေမည်ဖြစ်တော့သည်။
အောင်စစ်သည်တော်တို့သည် ရန်သူကိုထိုးစစ်ဆင်သည့်အခါ စုစုစည်းစည်းနှင့် အရှိန်အဟုန် လျင်မြန်ပြင်းထန်စွာ စီးနင်းတိုက်ခိုက်တတ်ကြပေသည်။ ပမာပြောရလျှင် တောင်ပေါ်ရေအိုင်ကြီး၏ ရေကာတာကိုချိုးဖောက်ချကာ ရေတို့ကို ပေပေါင်းထောင်သောင်းနက်သော ချောက်ထဲသို့ အလျင်အမြန် အရှိန်အဟုန်ပြင်းစွာ ဒလဟောတိုက်စားစီးဆင်းစေသည့်နှယ်ဖြစ်၏။ ဤကား စစ်ရေးစစ်ရာ စစ်အင်အားအနေအထား အရှိန်အဟုန်ဖြင့် ထိုးစစ်ဆင်ပုံတည်း။
တပ်အင်အား အနေအထား
ဆွန်ဇုက ဤသို့မိန့်ဆိုထား၏ ... .. .
တပ်မကြီးတစ်ခုလုံးကို ကိုင်တွယ်အုပ်ချုပ်ရသည်မှာ တပ်စုငယ်ကိုကိုင်တွယ်အုပ်ချုပ်ရသည့်နှယ် မခြားပေ။ အကြောင်းကား တပ်ကိုအဆင့်ဆင့် ပိုင်းခြားဖွဲ့စည်း ကွပ်ကဲအုပ်ချုပ်မှုပေါ်တည်၏။ တပ်အလုံးအရင်းကို အမိန့်ပေးတိုက်ပွဲဆင်နွှဲရာမှာလည်း တပ်စုငယ်ကို အမိန့်ပေးတိုက်ခိုက်စေသည်နှင့် မခြားပေ။ ဤကားအချက်ပြဆက်သွယ် အမိန့်ပေးညွှန်ကြား လှုပ်ရှားစေခြင်းပေါ်တည်၏။ တပ်မတော်အင်အားတစ်ခုလုံး ရန်သူ၏တိုက်ခိုက်ထိုးနှက်ခြင်းကို ခံရသော်လည်းမရှုံးမနိမ့်ပဲ ကြံ့ကြံ့ခံနိုင်ခြင်းကား တိုက်ရိုက်တိုက်နည်းနှင့် သွယ်ဝိုက်တိုက်နည်းဟူသော စစ်ပရိယာယ်လှည့်စား ကစားမှုပေါ်တွင်တည်ပေသည်။ တပ်အင်အားကို အားပြုအသုံးချတိုက်ခိုက်ရာတွင် ပမာအားဖြင့် ဥငယ်ကို ခဲကြီးဖြင့် ထုနှက်သည့်နှယ်ရှိရမည်။ ဤကား အားကြီးခြင်းနှင့် အားနည်းခြင်း လက္ခဏာသဘောတည်း။ ယေဘုယျအားဖြင့် တိုက်ပွဲများဆင်နွှဲရာတွင် တိုက်ရိုက်နည်းဖြင့် လှုပ်ရှားရင်ဆိုင်ပြီး သွယ်ဝိုက်နည်းဖြင့် လှည့်စားတိုက်ခိုက်၍ အောင်ပွဲရယူရာ၏။ သွယ်ဝိုက်နည်းများဖြင့် ကျွမ်းကျင်စွာ စစ်တိုက်တတ်သူတို့သည် ၎င်းတို့၏တိုက်နည်းခိုက်နည်းကား မိုးမဆုံးမြေမဆုံးအောင်ပင် အပြောင်းအလဲအမျိုးမျိုး ဖြစ်ပေါ်စေလျှက် ထွေလီများပြားလှပါသည်။ ချောင်းရေမြစ်ရေများ တသွင်သွင်စဉ်ဆက်မပြတ် စီးဆင်းသည့်နှယ် မကုန်ခမ်းနိုင်အောင် ရှိပါပေသည်။
နေ-လ သို့နှယ် ပေါ်ထွန်းပျောက်ကွယ် ဆန်းဆုတ်လည်ပတ် အဖန်တလဲလဲ အစဉ်အမြဲ ဖြစ်တည်နေ၏။ ဥတုရာသီတို့သို့နှယ် ကုန်ဆုံးရာမှ တစ်လှည့်စီ အဖန်ဖန် ပြန်လည်သက်ဝင်ရှင်သန်လာမြဲရှိပေသည်။ အသံတွင် သံစဉ်ငါးမျိုးရှိ၏။ ၎င်းသံစဉ်များ ပေါင်းစပ်ပြောင်းလဲ ပေါ်ထွက်လာသည့် အသီးသီးသော သံစုံများကား နားဆင်၍မကုန်မခမ်းနိုင်အောင် ရှိပါပေသည်။ အရောင်တွင် ရောင်စဉ်ငါးမျိုးရှိ၏။ ၎င်းရောင်စဉ်များ ပေါင်းစပ်ပြောင်းလဲ ထွက်ပေါ်လာသည့် အသီးသီးသော ရောင်စုံများကား ရှုချင့်ဖွယ်မကုန်အောင် များပြားလှပါပေသည်။ အရသာတွင် ရသငါးမျိုးရှိ၏။ ၎င်းရသများ ပေါင်းစပ်ပြောင်းလဲ ဖြစ်ပေါ်လာသည့် အသီးသီးသော ရသစုံများကား မြည်းစမ်း၍မကုန်အောင် များပြားလှပေသည်။
ထိုနည်းလည်းကောင်းပင် တိုက်ပွဲဆင်မှုအနေအထားတွင် တိုက်ရိုက်တိုက်နည်းနှင့် သွယ်ဝိုက်တိုက်နည်းနှစ်မျိုးသာရှိ၏။ သို့လင့်ကစား ထိုတိုက်ရိုက်တိုက်နည်းနှင့် သွယ်ဝိုက်တိုက်နည်းတို့ အဆင့်ဆင့်ပေါင်းစပ်ဖြစ်ထွန်း ပေါ်ပေါက်လာသောနည်းတို့မူကား မရေမတွက်နိုင်အောင် များပြားလှပေသည်။ သွယ်ဝိုက်နည်းနှင့် တိုက်ရိုက်နည်းတို့သည် အပြန်အလှန်တည်မှီ ရှင်သန်နေသည့်အလျောက် အဆုံးအစမရှိစက်ဝိုင်းကြီး လည်ပတ်နေသည့်နှယ် မရေမတွက်နိုင်အောင် အဖန်ဖန်တလဲလဲ ဖြစ်ပေါ်နေပေသည်။ ဤသည်ကို အဘယ်မှာလျှင် ကုန်ခမ်းအောင် သုံးနိုင်ပါမည်နည်း။
ရေအလျဉ်အစီးသန်ပြီး ကျောက်တုံးကျောက်ခဲများကို တိုက်စားမျောပါအောင် စွမ်းဆောင်နိုင်ခြင်းကား အရှိန်အဟုန်အားကြောင့်ဖြစ်၏။ စွန်ရဲသိမ်းငှက်များ အလျင်ဖြင့်ထိုးသုတ်ပြီး သားကောင်များကို သတ်ဖြတ်ကိုက်ချီနိုင်ခြင်းကား ချိန်သားကိုက် စွမ်းဆောင်နိုင်သောကြောင့်ဖြစ်၏။ ထို့ကြောင့် စစ်ရေးကျွမ်းကျင်သူတို့ ထိုးစစ်ဆင်နွှဲတိုက်ခိုက်လာသော အင်အားအရှိန်အဟုန်မှာ ကြောက်မက်ဖွယ် ပြင်းထန်အားကောင်းလှပေသည်။ ချိန်သားကိုက် တိကျမှန်ကန်စွမ်းဆောင်တိုက်ခိုက်နိုင်မှုမှာ တိုတောင်းလျှင်မြန်လှပေသည်။ ပမာပြုပြောရလျှင် အင်အားအရှိန်အဟုန်အနေအထားမှာ လေးညှို့ကို တင်းတင်းဆွဲထားသည့်နှယ်ရှိပြီး ချိန်သားကိုက်အနေအထားမှာ လေးညှို့ခလုတ်ကို ဆွဲဖြုတ်လိုက်သည့် တဒင်္ဂနှယ်ရှိချေသည်။
တိုက်ပွဲဆင်နွှဲရာတွင် အလံတံခွန်များ ရှုတ်ယှက်ယောက်ယက်ခတ်ပြီး မြင်းရောလူပါခွဲခြားမရအောင် လုံးလုံးထွေးထွေးဖြစ်နေသည့်ကြားက မိမိတပ်အင်အားကို စုရုံးညီညာစည်းကမ်းတကျရှိအောင် ဦးစီးဦးဆောင်တိုက်နိုင်ရမည်။ တပ်အင်အားအလုံးအရင်းချီပြီး အုတ်အော်သောင်းတင်း တစ်ဖက်နှင့် တစ်ဖက် ရုန်းရင်းဆန်ခတ် အမြင်ရှုပ်ထွေးနေသောအခြေအနေ၌ တိုက်ပွဲဆင်ရသော် မိမိတပ်အင်အားကို အချိတ်အဆက်မိမိ၊ တိုက်ကွက်ကျကျစီစဉ်၍ မရှုံးမလန်အောင် ဦးစီးဦးဆောင်တိုက်နိုင်ရမည်။
စည်းကမ်းတကျ ထိန်းကွပ်မှုအတွင်း ဗရမ်းဗတာစည်းလွတ်ဝါးလွတ်ခြင်းများ ဖြစ်ပေါ်တတ်၏။ သူရသတ္တိဗျတ္တိ ထက်မြက်မှုအတွင်း သူရဲဘောကြောင် ကြောက်ရွံ့ထိန့်လန့်ခြင်းများ ဖြစ်ပေါ်တတ်၏။ ကြံ့ခိုင်တောင့်တင်း အားကောင်းမှုအတွင်း ပျော့ညံ့အားနည်းခြင်းများ ဖြစ်ပေါ်တတ်၏။ (တစ်နည်းအဓိပ္ပါယ် ဖွင့်ဆိုချက်မှာ ... ... ... ဗရမ်းဗတာ စည်းပျက်ကမ်းပျက်ပုံ ဟန်ဆောင်ပြနိုင်ခြင်းကား စည်းကမ်းတကျ ကျစ်ကျစ်လစ်လစ်ရှိမှုပေါ်မူတည်၏။ သူရဲဘောကြောက် ကြောက်ရွံ့ကြောက်လန့်ဟန်ဆောင်ပြနိုင်ခြင်းကား သူရသတ္တိရဲစွမ်းရဲမာန် ခိုင်ကျည်မှုပေါ်မူတည်၏။ ပျော့ညံ့အားနည်းဟန်ဆောင်ပြနိုင်ခြင်းကား ကြံ့ခိုင်တောင့်တင်း အားကောင်းနေမှုပေါ်မူတည်၏။)
စည်းကမ်းတကျရှိခြင်းသော်လည်းကောင်း၊ ဗရမ်းဗတာဖြစ်ခြင်းသည်လည်းကောင်း ဖွဲ့စည်းအုပ်ချုပ်မှု အဆိုးအကောင်းပေါ်မူတည်၏။ သူရသတ္တိရှိခြင်းသော်လည်းကောင်း၊ သူရဲဘောကြောင်ခြင်းသော်လည်းကောင်း စစ်ရေးသာလွန်မှု ယုတ်ညံ့အားနည်းမှု အခြေအနေပေါ်တည်၏။ အားကြီးအားကောင်းခြင်းသော်လည်းကောင်း၊ အားနည်းအားငယ်ခြင်းသော်လည်းကောင်း စစ်ရေးယှဉ်ပြိုင်မှု အင်အားသွင်ပြင် အနေအထားပေါ်တည်၏။
ရန်သူကို မိမိတို့အလိုကျဖြစ်လာအောင် ကျွမ်းကျင်စွာလုပ်ဆောင်နိုင်သူတို့၏ အစွမ်းကား တပ်အင်အားသွင်ပြင်အနေအထား ဟန်ရေးပြလှည့်စားခြင်းဖြင့် မိမိတို့အလိုကျ ရန်သူတို့ကို မလွဲမသွေလိုက်ပါ လှုပ်ရှားလာစေ၏။ ငါးစာချမြှူခြင်းဖြင့် ရန်သူတို့ ငမ်းငမ်းတက်လှမ်းယူလာစေ၏။ ဤတွင်ရန်သူကို မက်လုံးပေး စစ်မြှူပြီးပါလာအောင် လှုပ်ရှားစေသည်နှင့်အတူ မိမိတို့၏တပ်အင်အားကိုလည်း အဆင်သင့်နေရာယူ စောင့်ဆိုင်းတိုက်ခိုက်တတ်ရာ၏။ စစ်တိုက်ကျွမ်းကျင်သူတို့သည် စစ်ရေးခင်းကျင်းပြင်ဆင်မှုပေါ်မူတည်ပြီး အကျိုးဖြစ်ထွန်းမှုအနေအထားကို ကြိုးစားဖန်တီးရယူကြ၏။ လူပုဂ္ဂိုလ် တပ်မှူးတပ်သားများအပေါ် အကျိုးအပြစ်ကို တာဝန်ပုံမချပေ။ သို့ဖြစ်၍လည်း လူတော်များကိုနေရာတကျ ရွေးချယ်တာဝန်ပေး အသုံးချတတ်ပြီး အကျိုးဖြစ်ထွန်းစေမည့် စစ်ရေးအနေအထားများကို ရရှိအောင်စွမ်းဆောင်နိုင်ကြပေသည်။
စစ်ရေးအနေအထားကို အသုံးချသည်ဆိုရာမှာ မိမိ၏တပ်အင်အား စစ်သည်အစွမ်းအစအလိုက် လူမှန်၊ နေရာမှန် စနစ်ကျကျခွင်ကျကျ အနေအထားပေါ် မူတည်ပြီး တာဝန်ပေးဦးစီးကွပ်ကဲ တိုက်ခိုက်တတ်ခြင်းမည်၏။ ဥပမာနှိုင်းပြောရလျှင် ကျောက်တုံးကျောက်ခဲ သစ်တုံးသစ်လုံးကြီးများကို အသုံးချလှုပ်ရှားစေသည့်နှယ်ဖြစ်၏။ ကျောက်တုံးကျောက်ခဲ၊ သစ်တုံးသစ်လုံးတို့၏ သဘောသဘာဝကား မြေညီမြေပြန့်တွင်ချထားက ငြိမ်သက်စွာရှိတတ်၏။ အမြင့်ဆင်ခြေလျောတွင်မှု လှုပ်ရှားနိုင်၏။ အသွင်သဏ္ဍာန်အားဖြင့် လေးထောင့်ကျလျှင် မလှုပ်မယှက် တန့်နေတတ်၏။ အလုံးအ၀န်းဖြစ်လျှင် လိမ့်သွားရွေ့သွားနိုင်၏။
ထို့ကြောင့် စစ်ရေးစစ်ရာကျွမ်းကျင်စွာ တိုက်ခိုက်တတ်သူတို့သည် မိမိစစ်အင်အားကို သာလွန်ကောင်းမွန်သော စွမ်းအားအရှိန်အဟုန် အနေအထားရအောင် ဖန်တီးအသုံးချရာ၌ လုံးဝန်းသော ကျောက်တုံးကျောက်ခဲကြီးကဲ့သို့သော အရာဝတ္ထုကို ပေထောင်ပေါင်းများစွာ မြင့်မားမတ်စောက်သည့် တောင်စောင်းပေါ်မှ လှိမ့်ချလိုက်သကဲ့သို့ ဖြစ်ပေါ်လာသော ပြင်းထန်လျှင်မြန်အားကောင်းသည့် အရှိန်အဟုန်အနေအထားမျိုးကို ဖန်တီးယူတတ်ကြပေသည်။
အားသာချက်၊ အားနည်းချက်
ဆွန်ဇုက ဤသို့မိန့်ဆိုထား၏ ... .. .
စစ်မြေပြင်သို့ဦးစွာရောက်နှင့်ပြီး ရန်သူကိုစောင့်တိုက်ရသူသည် သက်တောင့်သက်သာ အားဖြည့်နားနေရာ၏။ စစ်မြေပြင်သို့နောက်ကျရောက်လာပြီး ကတိုက်ကရိုက် စစ်ပွဲရင်ဆိုင်ရသူသည် မောပန်းနွမ်းနယ်မှုဒဏ် ခံရတတ်၏။ ထို့ကြောင့် စစ်ရေးကျွမ်းကျင်သူတို့အနေနှင့် မိမိတို့အလိုကျအဖြစ် ရန်သူကို လှုပ်ရှားလာစေအောင် စွမ်းဆောင်တိုက်ခိုက်နိုင်၏။ မိမိကိုယ်ကိုမူ ရန်သူ့အလိုကျ အဖြစ်မခံပေ။
မိမိတို့မှန်းထားသည့်အတိုင်း ရန်သူတို့အလိုအလျောက် ရောက်လာစေနိုင်ခြင်းကား မက်လုံးပေး မြှူနိုင်၊ဖြားယောင်းနိုင်သောကြောင့် ဖြစ်ရာ၏။ မိမိတို့ထံသို့ ထင်သလိုရောက်မလာစေနိုင်ခြင်းကား ရန်သူ့နိုင်ကွက်ကိုရှာ၍ ဒုက္ခပေးနှောက်ယှက်တိုက်ခိုက် တားဆီးနိုင်သောကြောင့်ဖြစ်ရာ၏။ အကယ်၍ ရန်သူတို့နားနေသက်သာရာရနေလျှင် မောပန်းနွမ်းနယ်အောင် လုပ်နိုင်ရမည်။ ရန်သူတို့ အစာရေစာပြည့်စုံနေလျှင် ငတ်တစ်လှည့် ပြတ်တစ်လှည့်ဖြစ်အောင် လုပ်နိုင်ရမည်။ ရန်သူတို့ အေးဆေးငြိမ်သက်နေလျှင် ဂနာမငြိမ်အောင် မွှေနှောက်ပေးနိုင်ရမည်ဖြစ်၏။ ရန်သူများ အလျင်အမြန် မကူမကယ်နိုင်သောနေရာကို ရွေးတိုက်ပါ။ ရန်သူများအမှတ်မထင်လောက်သောနေရာကို အလစ်ဝင်စီးပါ။ တပ်အင်အားတစ်ခုလုံးသည် မိုင်ပေါင်းရာထောင် ခရီးဝေးချီတက်ရသော်လည်း မပင်မပန်းအားအင်မကုန်ခမ်းပဲ ရှိနေနိုင်ခြင်းကား ရန်သူတို့ ခုခံကာကွယ်မှုမရှိသော အရပ်ဒေသ၌ ချီတက်ရသောကြောင့်ဖြစ်ပေမည်။
ထိုးစစ်ဆင်ရာတွင် မုချအောင်ပွဲရနိုင်ခြင်းအကြောင်းကား ရန်သူတို့ခုခံကာကွယ်မှု လစ်ဟင်းသောနေရာတို့ကို ရွေးချယ်တိုက်ခိုက်နိုင်သောကြောင့် ဖြစ်ပေမည်။ ကာကွယ်ခုခံရာမှာ မုချကြံ့ကြံ့ခံထိန်းချုပ်နိုင်ခြင်းအကြောင်းကား ရန်သူတို့ တိုက်ခိုက်မရသောနေရာတို့ကို ကာကွယ်ထိန်းချုပ်ထားနိုင်သောကြောင့် ဖြစ်ပေမည်။ ထိုးစစ်ကျွမ်းကျင်သူတို့သည် ရန်သူအဖို့မည်သည့်နေရာကနေ ခုခံကာကွယ်ရမှန်းမသိအောင် တိုက်ခိုက်တတ်ကြပေသည်။ ခံစစ်ကျွမ်းကျင်သူတို့သည် ရန်သူအဖို့ မည်သည့်နေရာကနေ ထိုးစစ်ဆင်ရမှန်း မဝေခွဲတတ်အောင် စီရင်ခုခံတတ်ကြပေသည်။
စစ်ရေးကျွမ်းကျင်သူတို့သည် ရန်သူမမြင်နိုင်လောက်အောင်ပင် တပ်အနေအထားအသွင်ဖျောက်၍ သိမ်မွေ့ပါးနပ်စွာလှုပ်ရှားစွမ်းဆောင်နိုင်ကြပါပေသည်။ တကယ့်ကို သိမ်မွေ့လှပါပေသည်။ ရန်သူမကြားမသိနိုင်လောက်အောင်ပင် အသံဗလံတိတ်ဆိတ်၍ လျှို့ဝှက်လှုပ်ရှား စွမ်းဆောင်နိုင်ကြပါပေသည်။ တကယ့်ကို ဆန်းထွေအံ့သြလောက်ပါပေသည်။ ထို့ကြောင့်လည်း ရန်သူတို့၏ ကံကြမ္မာကို ထိန်းချုပ်ချယ်လှယ်နိုင်စွမ်းရှိကြပါပေသည်။
ချီတက်တိုက်ခိုက်ရာမှာ မိမိတို့တပ်များကို ရန်သူတို့မခုမခံနိုင်အောင် ရှိရခြင်းကား ၎င်းရန်သူတို့၏ဟာကွက်ပျော့ကွက် အားနည်းချက်ကို မိမိရရ ထိုးနှက်တိုက်ခိုက်နိုင်သောကြောင့်တည်း။ ဆုတ်ခွာတိမ်းရှောင်ရာမှာ ရန်သူတို့နောက်ယောင်ခံ အမီလိုက်မတိုက်နိုင်ခြင်းမှာလည်း မိမိတို့တပ်များသည် သူမတူအောင် လျင်မြန်သွက်လက်စွာ လှုပ်ရှားနိုင်သောကြောင့်တည်း။ ကျွန်ုပ်တို့သည် ထိုးစစ်ဆင်ရင်ဆိုင်တိုက်ခိုက်လိုသောအခါ ရန်သူများအနေဖြင့် မည်သို့ပင် အခိုင်အမာတပ်စွဲပြီး အတားအဆီးကတုတ်ကျင်းကြီးများဖြင့် ကာရံခုခံခိုကပ်နေလင့်ကစား၊ ကျွန်ုပ်တို့ကို မလွှဲမရှောင်သာထွက်၍ ရင်ဆိုင်ရပေမည်။ ယင်းသို့ဖြစ်ရခြင်းမှာ ရန်သူများဧကန်မုချ မဖြစ်မနေကူရကယ်ရမည့် အလေးထားရာနေရာကို မိမိတို့ထိုးနှက် တိုက်ခိုက်နိုင်သောကြောင့်တည်း။ ကျွန်ုပ်တို့အနေနှင့် မတိုက်ခိုက်လိုသောအခါ သူ့စည်းကိုယ့်စည်းခြားပြီး စခန်းချနားနေနိုင်၏။ ယင်းသို့နေနိုင်ခြင်းမှာလည်း ကျွန်ုပ်တို့နှင့် ရင်ဆိုင်တိုက်ခိုက်မလာနိုင်အောင် ၎င်းရန်သူတို့၏ တိုက်ခိုက်ရေး ဦးတည်ချက်ကို တစ်ဖက်လှည့်အကွက်ဆင် သွေဖည်လိုက်သောကြောင့်ဖြစ်၏။ ရန်သူတပ်ဖြန့်ထားပုံအခြေအနေကို ပေါ်လွင်သိရှိအောင်လုပ်ပါ။ ကျွန်ုပ်တို့ တပ်အနေအထားကိုမူ မသိမမြင်သာအောင် မှန်းမရအောင် တပ်ဖျောက်ထားနိုင်ပါစေ။ သို့အားဖြင့် ကျွန်ုပ်တို့တပ်သည် စုစုစည်းစည်းရှိနေပြီး ရန်သူ့တပ်မှာ ဖြန့်ထားရ၍ ပြန့်ကျဲလျက်ရှိချေမည်။
ကျွန်ုပ်တို့ တပ်အင်အားသည် ကျစ်လစ်စွာ တစ်စုတစ်စည်းတည်းရှိနေပြီး ရန်သူ့အင်အားမှာ ပြန့်ကျဲဖြစ်နေ၍ ဆယ်စိတ်ပမာမျှ အစိတ်စိတ်ရှိချေသော်၊ ရန်သူ့အင်အား တစ်စိတ်တစ်ပိုင်းကို ထိုးနှက်ရာတွင် ကျွန်ုပ်တို့၏ စုစည်းအင်အားသည် ဆယ်ဆမျှသာလွန်နေသည့်အခြေမှာ နှိုင်းယှဉ်တည်ရှိနေပေလိမ့်မည်။ ဤတွင် ကျွန်ုပ်တို့အင်အားများပြီး ရန်သူ့အင်အားနည်းသည့် အနေအထားသဘောကို ဆောင်သွားကြောင်း သိသာနိုင်ပေသည်။ ကျွန်ုပ်တို့သည် တစ်စုတစ်စည်းတည်းသော အင်အားကြီးဖြင့် ရန်သူ့အင်အားအနည်းငယ်ကို တိုက်ခိုက်ခွင့်ရရှိချေသော် ကျွန်ုပ်တို့နှင့် ရင်ဆိုင်တိုက်ခိုက်လာသော ရန်သူ့တပ်အင်အားမှာ နည်းပြီးအကန့်အသတ်ရှိကြောင်း တွေ့သာမြင်သာရမည်ဖြစ်သည်။
ကျွန်ုပ်တို့ တိုက်ပွဲဆင်နွှဲမည့် ဦးတည်ချက်စစ်မျက်နှာကို ရန်သူများအသိခက်အောင် ဖန်တီးထားရမည်။ ထိုသို့ အသိရခက်လေလေ ရန်သူများအဖို့ ရင်ဆိုင်ခုခံရန် နေရာများများအတွက် တပ်ဖြန့်တပ်ချထားရလေ ရှိချေမည်။ ထိုသို့ နေရာများများ တပ်ဖြန့်တပ်ချထားရလေလေ ကျွန်ုပ်တို့ ရင်ဆိုင်တိုက်ခိုက်ရသော ရန်သူ့အင်အားနည်းလေလေသာ ရှိချေတော့မည်။ ထို့ကြောင့် ရှေတန်းအားဖြည့်လျှင် နောက်တန်းအားလျော့မည်။ နောက်တန်းအားဖြည့်ပြန်သော် ရှေ့တန်းအားနည်းမည်။ ဘယ်ဘက်ခြမ်း အားဖြည့်ပြန်လျှင် ညာဘက်ခြမ်း အားလျော့နေမည်။ ညာဘက်ခြမ်း အားဖြည့်ပြန်သော် ဘယ်ဘက်ခြမ်း အားနည်းနေမည်။ ဤသို့ဖြင့် နေရာတိုင်းမှာ တပ်ဖြန့်အားဖြည့် ကာကွယ်ထားရပါမူ နေရာတိုင်းမှာ အင်အားမလုံလောက်ပဲ အားနည်းနေလိမ့်မည်ဖြစ်သည်။ဤတွင် နေရာတိုင်းမှာ ရန်သူကိုရင်ဆိုင်ရန် ပြင်ထားရသူကို အားနည်းသူဟု ဆိုနိုင်၏။ နေရာတိုင်းမှာ ရန်သူကို မိမိနှင့် ရင်ဆိုင်ဖို့ပြင်ထားအောင် လုပ်နိုင်သူကို အားကောင်းသူဟု ဆိုနိုင်၏။
နှစ်ဖက်စစ်ခင်းမည့် နေရာဒေသ၊ အချိန်နေ့ရက်တို့ကို အတိအကျကြိုသိထားလျှင် မိုင်ပေါင်းထောင်ချီ ခရီးနှင်ရလင့်ကစား ချီတက်ရင်ဆိုင် တိုက်ပွဲဝင်နွှဲနိုင်ကောင်းပေသည်။ စစ်ပွဲရင်ဆိုင်ရမည့် နေရာဒေသ၊ အချိန်နေ့ရက်တို့ကို မသိမမှန်းဆနိုင်သည်ရှိသော် ဘယ်ခြမ်းက ညာခြမ်းတပ်ကို မကယ်နိုင်၊ ညာတောင်ပံကလည်း ဘယ်တောင်ပံစစ်ကြောင်းကို မကူနိုင်။ ရှေ့ကလည်း နောက်ကိုမကူနိုင်၊ နောက်ကလည်း ရှေ့ကိုမကယ်နိုင် အခြေသို့ဆိုက်နိုင်သည့်အလျောက် မိုင်ဆယ်ပေါင်းများစွာ ဝေးလံသောနေရာကို မဆိုထားဘိ၊ မိုင်အနည်းငယ်သာ ကွာလှမ်းသည့်နေရာကိုပင် စိတ်ထင်သလို ကူနိုင်ကယ်နိုင် တိုက်နိုင်ဖို့ရာ ခဲယဉ်းပေလိမ့်မည်။
ကျွန်ုပ်၏ သုံးသပ်ချက်အရ ပြောရလျှင် ယဲ့နိုင်ငံသားများ၏ တပ်အင်အားသာလွန်များပြားနေလင့်ကစား စစ်ပွဲအနိုင်အရှုံးအတွက် အရာရောက်နိုင်လိမ့်မည် မထင်ချေ။ ထို့ကြောင့် ကျွန်ုပ်တို့အနေနှင့် အောင်ပွဲကို ဖန်တီးဆွတ်ခူး ရယူနိုင်ပေလိမ့်မည်။ ယင်းကား ရန်သူ့အင်အား ကြီးမားများပြားသော်လည်း တိုက်ရေးခိုက်ရေးမှာ အရာမရောက်အောင် ဖန်တီးပစ်နိုင်ခြေ ရှိသောကြောင့်တည်း။ စစ်ရေးစီမံချက်ကို အသေအချာ ရေးဆွဲတွက်ချက်ခြင်းဖြင့် ရန်သူ၏ စစ်ရေးသာလွန်မှု၊ ညံ့ဖျင်းမှုနှင့် အနိုင်အရှုံးကို သုံးသပ်သိရှိနိုင်ပေလိမ့်မည်။
သွေးတိုးစမ်း ရန်စခြင်းဖြင့် ရန်သူ၏ လှုပ်ရှားမှု၊ ငြိမ်သက်မှုသဘောကို နားလည်သိသာနိုင်ပေလိမ့်မည်။ စစ်ရေးအရ တပ်ဖြန့်၍ ဟန်ရေးပြလှုပ်ရှားခြင်းဖြင့် ရန်သူ့ ပျော့ကွက်ဟာကွက်များ၊ သေရေးရှင်ရေးနေရာများကို ပေါ်လွင်ထင်ရှားအောင် သွေးတိုးစမ်းသိရှိနိုင်ပေလိမ့်မည်။ တိုက်ပွဲကလေးများဆင်နွှဲကာ ရင်ဆိုင်ယှဉ်ပြိုင် တိုက်ခိုက်အကဲစမ်းခြင်းဖြင့် ရန်သူ့အားနည်းချက် အားသာချက်များကို သုံးသပ်သိမြင်လာနိုင်မည်ဖြစ်၏။ တပ်ဖြန့်အနေအထား လှုပ်ရှားသွင်ပြင်ကို အဆင့်မြင့်အတိုင်းအတာသို့ ထိန်းသိမ်းရောက်ရှိစေသော် သွင်ပြင်လက္ခဏာမတွေ့ရအောင်ပင် လျှို့ဝှက်တပ်ဖျောက် လှုပ်ရှားနိုင်စွမ်းရှိပေလိမ့်မည်။ ထိုသို့ လျှို့ဝှက်တပ်ဖျောက် လှုပ်ရှားနိုင်စွမ်းအခြေ၌ရှိသော်၊ ကျွန်ုပ်တို့ တပ်ထဲသို့အတွင်းကျကျ ရောက်ရှိထောက်လှမ်းလျက်ရှိသည့် ရန်သူ့သူလျှိုများပင်လျှင် စစ်ရေးစစ်ရာများကို ချောင်းမြောင်းစုံစမ်းအကဲခတ်မရနိုင်အောင် ဖြစ်ချိမ့်မည်။ ဥာဏ်ကြီးရှင်တို့ပင် ကြံစည်ဖျက်ဆီးမရနိုင် ဖြစ်ချိမ့်မည်။
အောင်ပွဲရနိုင်မည့် စစ်ရေးနည်းဗျူဟာတပ်ဖြန့်အနေအထားများကို လူထုရှေ့မှောက်ချပြသော်လည်း အများကနားလည်နိုင်ကြမည်မဟုတ်။ လူအများက ကျွန်ုပ်တို့ အောင်ပွဲရယူလိုက်သော တပ်ဖြန့်အခြေအနေများကို အပြင်ပန်းသိနိုင်ကြမည်ဖြစ်၏။ သို့သော် ၎င်းအောင်ပွဲရတပ်ဖြန့်ပုံများကို မည်သို့မည်ပုံအသုံးချ အကွက်ဆင်အောင်ပွဲရယူလိုက်သည်ကိုမူ မည်သူမျှသိနိုင်ကြလိမ့်မည် မဟုတ်ပေ။ သို့ဖြစ်၍ ရရှိသည့်အောင်ပွဲတိုင်းမှ နည်းလမ်းများသည် တစ်ခုနှင့်တစ်ခု သမားရိုးကျထပ်တူပုံတူ မကျပေ။ မတူခြားနားသော အခြေအနေ အနေအထားများနှင့် လိုက်လျောညီထွေ ဖြစ်ထွန်းမှုများအပေါ် အခြေတည်ပြီး မတူသောအောင်ပွဲရနည်းလမ်းအမျိုးမျိုးသည် မကုန်မခမ်းအောင် ရှိသည်ဖြစ်၏။
စစ်၏ သဘောသွင်ပြင်လက္ခဏာသည် ရေနှင့်အလားသဏ္ဍာန်တူ၏။ ရေတို့မည်သည် မြင့်ရာကိုရှောင်ပြီး နိမ့်ရာသို့တစ်ဟုန်ထိုး စီးဆင်း၏။ စစ်၏ သဘောသွင်ပြင်မှာ အားကြီးအားကောင်းသည်ကိုရှောင်ပြီး အားနည်းအားပျော့ရာကို တိုက်သောသဘောရှိပေ၏။ ရေတို့မည်သည် မြေသားအလျောက် အသွင်ဆောင် စီးဆင်းရာ၏။ စစ်တို့မည်သည် ရန်သူ့အခြေအနေအလျောက် မိမိတို့ အောင်ပွဲရရေးကို စီစဉ်ဖန်တီးယူရာ၏။ စစ်ရေးစစ်ရာမှာ အမြဲပုံမှန် အနေအထားမရှိ၊ ရေသည်လည်း အမြဲတိကျသော အသွင်သဏ္ဍာန်မရှိ။ ရန်သူ့အခြေအနေ အပြောင်းအလွဲပေါ်မူတည်ပြီး အောင်ပွဲရယူနိုင်သူကား နတ်သို့အလား စစ်ပရိယာယ်ကြွယ်ဝပါပေသည်ဟု အံ့ဖွယ်ချီးကျူးဂုဏ်ပြုထိုက်သည်မှာ အမှန်ပင်ဖြစ်သည်။ ပထ၀ီ၊ တေဇော၊ အာပေါ၊ ၀ါယော၊ အာကာသ ဟူသည့် ဓာတ်ကြီးငါးပါးတို့သည် အသီးသီးအစဉ်အမြဲ တည်တံ့စိုးမိုးနိုင်ခြင်းမရှိ။ နွေဦး၊ နွေ၊ ဆောင်းဦး၊ ဆောင်း ဟူသည့် ရာသီဥတုလေးပါးတို့သည်လည်း အလှည့်ကျပေါ်ထွန်းနေပြီး အစဉ်အမြဲ တည်တံ့စိုးမိုးမနေ။ နေ့မှာ နေ့တာတိုရှည် ရှိ၏။ လမှာ လပြည့်လကွယ်ရှိ၏။
စစ်မက်အပြိုင်အဆိုင်
ဆွန်ဇုက ဤသို့မိန့်ဆို၏ ... .. .
စစ်ရေးဥပဒေသသဘောအရ စစ်သူကြီးများသည် ရှင်ဘုရင့်အမိန့်တော်ကို နာခံပြီး တပ်အင်အားနှင့်လူထုကို စုစည်းစည်းရုံးကာ စနစ်တကျဖွဲစည်းရ၏။ ယင်းနောက် စစ်မြေပြင်ရှေ့တန်းသို့ ထိပ်တိုက်ရင်ဆိုင်အပြိုင်စစ်ခင်းရ၏။ ဤသို့ စီစဉ်တိုက်ခိုက် အပြိုင်အောင်ပွဲလုရသည်လောက် ခက်ခဲသောအရာဟူ၍ မရှိချေ။ စစ်အောင်နိုင်ရေးအတွက် အပြိုင်အဆိုင်စစ်ခင်းကြရာတွင် အခက်ခဲဆုံးသော ပြဿနာရပ်သည်ကား အရေးအကြောင်း အကွေ့အကောက်ဖြစ်ရာကို လိုရာဖြောင့်တန်းတည့်မတ်အောင် လုပ်ဆောင်ရခြင်း၊ အန္တရာယ်ဆိုးကျိုး အခြေအနေမှသည် ကောင်းကျိုးဖြစ်အောင် ဖန်တီးပြောင်းလွှဲရခြင်းပင်ဖြစ်ပေသည်။
ထို့ကြောင့်စစ်မြေပြင်သို့ ရန်သူ၏တည့်ဖြောင့်ဦးတည်ရာလမ်းကြောင်းကို သွေဖည်ကောက်ကွေ့အောင် မက်လုံးပေးစစ်မြူလှည့်စားပါ။ သို့ဖြင့် ရန်သူ့ထက် နောက်ကျစစ်ချီသော်လည်း စစ်မြေပြင်သို့ ဦးစွာရောက်နှင့်နိုင်အောင် လုပ်နိုင်ပေမည်။ ဤသို့စွမ်းဆောင်နိုင်သူကို အကောက်အဖြောင့် လှည့်စားနည်းပရိယာယ်များကို တတ်သိအသုံးချတတ်သူဟု ဆိုရပေမည်။ စစ်မက်အပြိုင်အဆိုင်ခင်းကြရာဝယ် အကျိုးဖြစ်ထွန်းမှု ပေါ်ပေါက်ရရှိနိုင်သလို၊ အန္တရာယ်ဘေးနှင့်လည်း ရင်ဆိုင်ရနိုင်ပေသည်။
အောင်နိုင်ရေး အခွင့်သာရေးအတွက် တပ်မကြီးတစ်ခုလုံးကို အလုံးအရင်းအကြိတ်အနယ် ချီတက်စေသော်၊ အားလုံးတစ်ပြိုင်နက် အချိန်မီ ရောက်နိုင်ကြလိမ့်မည်မဟုတ်ပေ။ ခြေမြန်စစ်ကြောင်းအဖြစ်နှင့် တက်သုတ်နှင် တိုက်စစ်ဆင်ပြန်လျှင်လည်း တပ်အင်အားအချို့နှင့်အတူ စစ်ပစ္စည်း၊ ရိက္ခာ၊ ယာဉ်တန်းများ ချန်ရစ်ခဲ့ရလေရာ ဆုံးရှုံးပျက်စီးမှုများ ရှိတတ်ပေမည်။ တပ်အင်အား လက်နက်ခဲယမ်း အပြည့်အစုံ အလုံးအရင်းဖြင့် နေ့ရောညပါ တစ်ထောက်မျှမနားပဲ သာမန်စစ်ချီနှုန်းထက် နှစ်ဆတိုးအပြင်းနှင်၍ မိုင်ပေါင်းရာချီနီးပါး ဝေးလံသည့်နေရာမှ အသာစီးအခွင့်အလမ်း အခွင့်အလမ်း အကျိုးအမြတ်များကို ရန်သူနှင့်အပြိုင်အဆိုင် ယှဉ်လုရလေသော် မိမိ၏ တပ်ဗိုလ်တပ်မှူးများအားလုံး ရန်သူ့လက်တွင်းသို့ သုံ့ပန်းအဖြစ်ကျရောက်ကိန်း ဆိုက်နိုင်ခြေရှိပေသည်။ တပ်အင်အားမှာလည်း အားသန်အားရှိသူ အချို့အ၀က်လောက်သာ စစ်မြေပြင်သို့ အလျင်မီရောက်နှင့်နိုင်ပြီး မောပန်းနွမ်းနယ်သူတို့မှာ နောက်ကျကျန်ရစ်မည့် အခြေရှိပေသည်။ တပ်တစ်ခုလုံး ပြန်ခြုံကြည့်လျှင် အင်အားဆယ်ပုံတစ်ပုံခန့်သာ အချိန်မီရောက်လာနိုင်မည်ကို တွေ့ရမည်ဖြစ်သည်။
အကယ်၍ အသာစီးအခွင့်အလမ်းများကို မိုင်ငါးဆယ်လောက် ခရီးနှင်ပြီးလုရသော် ရှေ့တန်းတပ်မှူးများ ရှုံးနိမ့်အကျအဆုံး ရှိနိုင်ပေသည်။ ၎င်းတပ်အင်အားမှာလည်း တစ်ဝက်တစ်ပျက်ခန့်လောက်သာ စစ်မြေပြင်သို့ အချိန်မီရောက်လာနိုင်ပေမည်။ မိုင်သုံးဆယ်ခန့်လောက် ခရီးနှင်တိုက်ရသော် တပ်အင်အားသုံးပုံနှစ်ပုံခန့်သာ ရှေ့တန်းသို့အချိန်မီ ရောက်နိုင်မည်ဖြစ်သည်။ ထို့ကြောင့် စစ်တပ်တစ်ခုလုံးမှာ ၀န်စည်စလယ် လှည်းယာဉ်တန်းများနှင့် ထောက်ပို့စစ်ပစ္စည်းများမရှိသော် စစ်ရှုံးရချေမည်။ စားရေရိက္ခာပစ္စည်းမရှိသော် စစ်ရှုံးရချေမည်။ ရိက္ခာရေစာများ စုစုဆောင်းဆောင်း သိုလှောင်ထားခြင်းမရှိသော် စစ်ရှုံးရချေမည်။
မြို့ပြနိုင်ငံကြီးငယ်ရှိ မင်းတို့၏ စစ်ရေးအကြံအစည်များကို မသိမကျွမ်းလျှင် ယင်းတို့နှင့် မဟာမိတ်ဖွဲ့ဆက်ဆံခြင်းငှာ မပြုအပ်။ စစ်ဘက်ဆိုင်ရာ တောင်တောင်စိမ့်စမ်း မြိုင်ဂနိုင်များ၊ အန္တရာယ်တောင်စောင်း၊ ချောက်ကမ်းပါးများ၊ အဆီးအတားများ၊ အင်းအိုင်နုံးနွံများ အစရှိသည့် မြေပထ၀ီ အနေအထားများအကြောင်းကို မသိမကျွမ်းလျှင် ဦးစီးကွပ်ကဲပြီး စစ်ကြောင်းမချီအပ်။ နယ်မြေခံလမ်းပြများကို အသုံးချခြင်းမရှိလျှင် ၎င်းနယ်မြေ ပထ၀ီအနေအထား၏ အကျိုးပြုအခွင့်အလမ်းများ၊ အားသာချက်များကို အသုံးချမရနိုင်ဖြစ်ချေမည်။ စစ်တို့မည်သည် လှည့်စားမှုပရိယာယ်ပေါ် အခြေတည်၏။ အကျိုးရလာဒ်ပေါ် မူတည်ပြီးလှုပ်ရှားရာ၏။ အခြေအနေအရ အင်အားဖြန့်ကျက်ခြင်း၊ စုစည်းခြင်း နည်းဗျူဟာပြောင်းလွဲမှု ပုံစံအမျိုးမျိုးအဖြစ် တည်ရှိရာ၏။
စစ်တို့၏ သဘောသဘာဝကား လှုပ်ရှားရာတွင် လေပြင်းအဟုန်နှယ် သွက်လက်အားကောင်းရမည်။ သက်သက်သာသာချီတက်ရာတွင် တောအုပ်ဆိုင်းဆိုင်း စီရရီရှိသည့်နှယ် စည်းကမ်းတကျရှိရမည်။ ရန်သူကိုခြေမှုန်းရာမှာ မီးလျှံမီးတောက် တဟုန်းဟုန်းဝါးမျိုသည့်နှယ် အရှိန်အဟုန်ဖြင့် အပြတ်တိုက်ခိုက်ရမည်။ ရန်သူကိုခုခံရာမှာ တောင်စွယ်တောင်တန်းနှယ် ကြံ့ကြံ့ခိုင်မာ ရပ်တည်နေနိုင်ရမည်။ အရာကိစ္စတို့ကို ဖုံးကွယ်လျှို့ဝှက်ရာမှာ အမှောင်ပိန်းပိန်းချထားသည့်နှယ် တစ်ပါးသူမသိမမြင်ရအောင် လုပ်ဆောင်တတ်ရမည်။ ချင်းနင်းထိုးစစ်ဆင်ရာတွင် လျှပ်စီးမိုးကြိုးသွားအလား လျှင်မြန်ထက်မြက် အားကောင်းရမည်။
ရန်သူ့ကျေးလက်ဒေသရှိ ရိက္ခာပစ္စည်းများကို အသီးသီးတပ်ဖြန့်လုယက် သိမ်းပိုက်စေပြီး တပ်များကို ပြန်လည်ခွဲဝေပေးပါ။ ရန်သူ့နယ်မြေကို အပိုင်ချဲ့ထွင်ပြီး အုပ်ချုပ်ပိုင်စားမှုကို မျှဝေခန့်ထားပါ။ အခြေအနေများ ချင့်ချိန်သုံးသပ်လေ့လာပြီးမှ တပ်များကိုစီစဉ်လှုပ်ရှားပါ။ အခြေအနေနှင့် လိုက်လျောညီထွေရှိသော လမ်းကြောင်းကောက်ဖြောင့် လှည့်စားမှုနည်းပရိယာယ်တို့ကို ကြိုတင်သိကျွမ်း ပိုင်နိုင်အသုံးချတတ်သော သူသာလျှင် အောင်ပွဲခံရာ၏။ ဤကားစစ်မက်ယှဉ်ပြိုင် အနိုင်ရရေး နည်းဥပဒေသတည်း။
စစ်အုပ်ချုပ်မှုကျမ်း အဆိုအရ ... တပ်တွင်းဆက်သွယ်အမိန့်ပေးရာမှာ တစ်ဦးကိုတစ်ဦး ပြောသံဆိုသံမကြားလွယ်၍ စည်သံမောင်းသံများကို အသုံးပြုရာ၏။ တစ်ဦးကိုတစ်ဦး မမြင်လွယ်၍ တံခွန်အလံများကို အသုံးပြုရာ၏။ စစ်စည်စစ်မောင်း၊ တံခွန်တို့မူကား လူတို့၏ နားမျက်စိသဖွယ်ဖြစ်၏။ လူတစ်ယောက်တည်းသဖွယ် စုစည်းထားရှိသော အကြားနှင့်အမြင်တို့သဘောတည်း၊ သို့နှင့် စစ်သည်တော်တို့အပေါ် အမြင်နှင့်အကြား တစ်စုတစ်စည်းတည်း ထိန်းချုပ်ညွှန်ကြား အမိန့်ပေးနိုင်ခြင်းဖြင့် ရဲသူတို့စည်းလွတ်စည်းကျွံ မတိုက်ရအောင်လည်းကောင်း၊ သူရဲဘောကြောင်သူတို့ ကိုယ်လွတ်ရုန်း နောက်ဆုတ်မရအောင်လည်းကောင်း ထိန်းချုပ်ကွပ်ကဲနိုင်လေသည်။ ဤကား အင်အားကြီးမားများပြားသော လူစုလူအုပ်ကြီးများကို ထိန်းချုပ်ကွပ်ကဲရသော နည်းလမ်းပင်တည်း။ ညအခါ စစ်ခင်းရာမှာ မီးတိုင်မီးတုတ်များ၊ စစ်စည်စစ်မောင်းများ အသုံးများ၏။ နေ့အခါစစ်တိုက်ရာမှာ တံခွန်အလံများ အသုံးများ၏။ ဤကား အခြေအနေနှင့် လိုက်လျောညီထွေ လူတို့၏နားမျက်စိတို့ကို တစ်နည်းတစ်ဖုံ ပြောင်းလဲပေါ်လွင် ကြားမြင်စေပုံတည်း။
ရန်သူ့တပ်မတော်တစ်ခုလုံးနှင့် ပတ်သက်လျှင် စိတ်ဓာတ်အားမာန် ကျဆင်းအောင်ချိုးနှိမ်တိုက်ဖျက်နိုင်ရမည်။ ရန်သူစစ်သူကြီးတပ်မှူးတို့နှင့် ပတ်သက်လျှင် စိတ်နေစိတ်ထားခိုင်ကျည်မှုကို ယိမ်းယိုင်ပျက်ပြားအောင် ဖျက်ဆီးနိုင်ရမည်။ တပ်အင်အား စိတ်ဓာတ်အနေအထားတို့ကို ယေဘုယျသိထားဖို့ရာမှာ တပ်တို့မည်သည် ကနဦးပိုင်း(နံနက်ပိုင်း)အချိန်တွင် တက်ကြွထက်သန်၏။ အတန်ကြာ(နေ့လည်)ချိန်ရောက်မူ ထိုင်းမှိုင်းလျော့ရဲလာတတ်၏။ နှောင်းပိုင်း(ညနေ)ချိန်ရောက်သော် တပ်ခေါက်ချင် ပြန်နားချင်စိတ် စောလာတတ်၏။ စစ်ရေးကျွမ်းကျင်သူတို့အနေနှင့် ရန်သူ့စိတ်ဓာတ်တက်ကြွချိန်ကို ရှောင်ရှားကြ၏။ ၎င်းရန်သူတို့ ထိုင်းမှိုင်းလျော့ရဲလာချိန်နှင့် တပ်ခေါက်ပြီး စခန်းပြန်ချင်နားချင်လာချိန်ကို စောင့်ဆိုင်းတိုက်ခိုက်တတ်ကြ၏။ ဤကား စိတ်ဓာတ်အားမာန်တို့နှင့် ပတ်သက်၍ ဆန်းစစ်အသုံးချပုံတည်း။
မိမိတပ်များကို စနစ်တကျ စီမံအုပ်ချုပ်ခြင်းဖြင့် ရန်သူ့တပ်များ ဗရမ်းဗတာဖြစ် စည်းကမ်းမဲ့ချိန်ကို စောင့်တိုက်ပါ။ အေးဆေးတည်ငြိမ်စွာ ရှိခြင်းဖြင့် ရန်သူတို့ အုံကြွဂနာမငြိမ် ဖြစ်ပေါ်လာချိန်ကို စောင့်တိုက်ပါ။ ဤကား စိတ်ပိုင်းဆိုင်ရာအခြေအနေကို အသုံးချနည်းတည်း။ စစ်တလင်း အနီးတစ်ဝိုက်ကနေ ရန်သူတို့ဝေးဝေးက လှမ်းလာချိန်ကိုစောင့်တိုက်ပါ။ မိမိတို့တပ်များ နားနေအားဖြည့်လျက် ရန်သူတို့အမောဆိုက်လာချိန်ကို စောင့်တိုက်ပါ။ မိမိတပ်များ အစာရေစာဝပြီး ရန်သူတုိ့ ဆာလောင်ငတ်မွတ်ဖြစ်ပေါ်ချိန်ကို စောင့်တိုက်ပါ။ ဤကား ကာယအင်အားပိုင်းဆိုင်ရာ အခြေအနေအရ အသုံးချနည်းတည်း။
အလံတံခွန်တလူလူဖြင့် စည်းစနစ်တကျ အလုံးအရင်းချီတက်လာနေသော ရန်သူ့တပ်ကို ကြားဖြတ်မတိုက်ပါနှင့်။ တပ်ဖြန့်ဖွဲ့စည်းပုံ အကွက်ကျကျ ထောင့်စေ့အားကောင်းသော ရန်သူ့တပ်ကို ရင်ဆိုင်မတိုက်ခိုက်ပါနှင့်။ ဤကား အပြောင်းအလဲပိုင်းဆိုင်ရာ အခြေအနေနှင့် လိုက်လျောညီထွေစွာ အသုံးချပုံတည်း။
ထိုးစစ်ရေးရာ နည်းဥပဒေသကား ရန်သူတပ်စွဲရာ တောင်ကုန်းဆီသို့ မော့လှန်၍တက်တိုက်ခြင်းရှောင်ပါ။ တောင်ကုန်းပေါ်မှနေ၍ တိုက်ခိုက်ရန်ဆင်းလာနေသော ရန်သူ့တပ်ကို ဆီးကြိုမတိုက်ပါနှင့်။ ရှုံးဟန်ပြ၍ ပြေးဟန်ဆောင်သော ရန်သူ့တပ်နောက်သို့ မလိုက်ပါနှင့်။ စိတ်ဓာတ်ပြင်းထန်တက်ကြွနေသော ရန်သူ့တပ်ကိုမတိုက်ပါနှင့်။ မက်လုံးပေးအကွက်ဆင်ကာ စစ်မြူဖြားယောင်းနေသော ရန်သူ့တပ်ကို အပိုင်မကြံမိပါစေနှင့်။ ရန်သူ့တပ်မကြီး ဆုတ်ခွာစခန်းသိမ်းအပြန်ကို ဆီးတားမတိုက်ပါနှင့်။ ရန်သူ့တပ်မကို ၀ိုင်းရံခြေမှုန်းရာတွင် ရန်သူ့အတွက် ပြေးပေါက်ထား ချန်လှပ်တိုက်ရမည်။ စစ်ရှုံးစစ်ပြေး ကစဥ့်ကလျားတပ်ကို ကြောက်ကန်ကန်အောင် ဖိမတိုက်ပါနှင့်။ ဤသည်တို့ကား ထိုးစစ်ရေးရာ နည်းဥပဒေသတို့ပင်တည်း။
နည်းဗျူဟာ အလှည့်အပြောင်း(၉)ချက်
ဆွန်ဇုက ဤသို့ အဆိုအမိန့်ရှိ၏ ... .. .
စစ်ရေးစစ်ရာ နည်းဗျူဟာအရ ပြောရလျှင် စစ်သူကြီးများသည် ရှင်ဘုရင့်အမိန့်တော်ကို နာခံပြီး တပ်အင်အားနှင့် လူထုကို စုစည်းစည်းရုံးကာ စနစ်တကျ ဖွဲ့စည်းစစ်ဆင် ချီတက်ကြရပေသည်။ ဤသို့စစ်ဆင်ချီတက်တိုက်ခိုက်ရာတွင် သိထားရမည်မှာ .. ခက်ခဲကြမ်းတမ်းပြီး ဘေးဆိုက်နိုင်သော ကန္တာရမြေနေရာများတွင် တပ်စခန်းမချရ။ လမ်းဆုံလမ်းခွ နယ်ခြားဆုံဆည်းရာအရပ်တွင် နီးစပ်ရာတို့နှင့် ပူးပေါင်းမဟာမိတ်ဖွဲ့ပါ။ ဘေးအန္တရာယ်များသော လွင်တီးခေါင်အရပ်တွင် မရပ်နားရ။ ချောင်ပိတ်အ၀ိုင်းခံရမည့် အနေအထားမျိုးတွင် ရုန်းထွက်နိုင်အောင် ပရိယာယ် ဥာဏ်ဆင်တိုက်ပါ။ သေရေးရှင်ရေး ဆိုးဝါးသောအနေအထားမျိုး ဆိုက်ရောက်လျှင် စွန့်လွှတ်စွန့်စားတိုက်ပါ။ အချို့လမ်းကြောင်းကို ဖြတ်သန်းချီတက်ရန်မလို၊ အချို့ရန်သူ့တပ်ကို တိုက်ရန်မလို၊ အချို့မြို့ပြများကို တိုက်သိမ်းရန်မလို၊ အချို့နယ်မြေများကို ပြိုင်လုရန်မလို၊ အချို့ဘုရင့်အမိန့်တော်များကို လိုက်နာရန်မလို စသည့်ခြွင်းချက် အခွင့်အလမ်း အခြေအနေမျိုးတို့ရှိပေသည်။
စစ်သူကြီးများအနေနှင့် နည်းဗျူဟာ အလှည့်အပြောင်း(၉)ချက် ပရိယာယ်များ၏ အကျိုးတရားများနှင့်ပတ်သက်၍ ကောင်းစွာတတ်သိ ကိုင်တွယ်ကျင့်သုံးနိုင်ပါက စစ်တပ်ကိုဦးစီးဦးဆောင် စီရင်ခန့်ခွဲတတ်သည်ဟု ဆိုရပေမည်။ စစ်သူကြီးများအနေနှင့် နည်းဗျူဟာ အလှည့်အပြောင်း(၉)ချက် ပရိယာယ်များ၏ အကျိုးတရားများကို မသိမကျွမ်း မသုံးတတ်ပါက၊ ပထ၀ီမြေအနေအထားအကြောင်း သိထားသော်လည်း ၎င်းမြေအနေအထား၏ အခွင့်အလမ်းအကျိုးကျေးဇူးများကို ရယူနိုင်လိမ့်မည်မဟုတ်ပေ။
စစ်တပ်ကိုကွပ်ကဲအုပ်ချုပ်ရာတွင် အလှည့်အပြောင်း(၉)ချက်နှင့် ပတ်သက်၍ ကိုင်တွယ်တတ်သိခြင်းမရှိလျှင် အထက်ဖော်ပြပါ ခြွင်းချက်အခြေအနေ အခွင့်အလမ်းငါးရပ်၏ အကျိုးတရားများအကြောင်း သိထားပါသော်လည်း တပ်အင်အားကို ကောင်းမွန်စွာ အသုံးချတတ်လိမ့်မည် မဟုတ်ချေ။ ထို့ကြောင့် ဥာဏ်ပညာရှိသူတို့မည်သည် တွေးတောကြံဆရာမှာ ကောင်းကျိုးဆိုးပြစ်တို့ကို ဒွန်တွဲနှိုင်းယှဉ် ထည့်သွင်းဆင်ခြင် သုံးသပ်တတ်ကြရပေမည်။
အရေးမလှသည့် အခြေအနေမျိုးမှာ ကောင်းကျိုးရလာဒ် ဖြစ်ထွန်းနိုင်မှုကိုပါ ထည့်သွင်းစဉ်းစား ဆင်ခြင်တတ်ခြင်းဖြင့် ချောမောမှုအောင်မြင်မှု ရလာနိုင်ပေလိမ့်မည်။ အရေးသာချောမွတ်သည့် အခြေအနေမျိုးမှာ အဆိုးအပြစ်တို့ကိုပါ ထည့်သွင်းစဉ်းစားဆင်ခြင်တတ်ခြင်းဖြင့် ဘေးအန္တရာယ် ပြဿနာများကို ကြိုတင်ဖြေရှင်း ကာကွယ်ဖယ်ရှားနိုင်မည်ဖြစ်သည်။
ရန်သူ့မြို့ပြနိုင်ငံမင်းများကို ဒုက္ခပေး ဒဏ်ခတ်ဖျက်ဆီးခြင်းဖြင့် ချိုးနှိမ်အနိုင်ယူပါ။ ရန်သူ့မြို့ပြနိုင်ငံမင်းများကို အလုပ်ရှုပ်အကျပ်ဆိုက်စေခြင်းဖြင့် ခယခစားလာအောင် ပြုလုပ်ပါ။ ရန်သူ့မြို့ပြနိုင်ငံမင်းများကို မက်လုံးပေးကျုံးသွင်းခြင်းဖြင့် စေလိုရာစေနိုင်အောင် လုပ်ပါ။ စစ်ရေးစစ်ရာ စီမံခန့်ခွဲရာတွင် ရန်သူတို့မလာနိုင်ဟု မျှော်လင့်တွက်ဆခြင်းအပေါ် အားကိုးအားထားမပြုရာ၊ မည်သို့ရှိစေ မိမိအနေနှင့် ရန်သူကိုရင်ဆိုင်ရန် အဆင်သင့်ပြင် အားဖြည့်ထားခြင်းအပေါ်၌သာ အားပြုတည်မှီရာ၏။ ရန်သူတို့ တိုက်လာမည်မဟုတ်ဟု မျှော်လင့်ယူဆခြင်းအပေါ် အားကိုးအားထားမပြုရာ၊ မည်သို့ရှိစေ မိမိ၏တပ်အင်အားကို တောင့်တင်းစေပြီး သူတစ်ပါးဖြိုခွင်းမရနိုင်အောင် အားဖြည့်အသင့်ပြင်ဆင်ထားခြင်း အပေါ်၌သာ အားပြုတည်မှီရာ၏။
စစ်သူကြီးတပ်မှူးများအဖို့ ဖြစ်ပေါ်နိုင်သော အန္တရယ်ကြီးငါးမျိုးရှိ၏ ... .. . ယင်းကား
• တဇောက်ကန်း အသေခံတိုက်ခြင်းဖြင့် ရန်သူ့ကျော့ကွင်းမိပြီး အသတ်ခံရနိုင်သည်။
• သူရဲဘောကြောင်ပြီး အသက်ရှင်ခွင့်ရှိရေးကိုသာ ကြံဆခြင်းဖြင့် ရန်သူ့သုံ့ပန်းအဖြစ် ကျရောက်နိုင်သည်။
• စိတ်မြန်စိတ်တိုခြင်းဖြင့် ရန်သူတို့ ရန်စစော်ကား အကွက်ဆင်တိုက်ခြင်းကို ခံရနိုင်သည်။
• အရှက်အကြောက်ကြီးကာ ဂုဏ်သိက္ခာငဲ့လွန်းခြင်းဖြင့် ရန်သူတို့အသရေဖျက် ပရိယာယ်ဆင် တိုက်ခိုက်ခြင်းကို ခံရနိုင်သည်။
• တပ်သားပြည်သူများအပေါ် ကြင်နာစိုးရိမ်စိတ်ကြီးခြင်းဖြင့် ရန်သူတို့လှည့်စားနှောင့်ယှက် တိုက်ခိုက်ခြင်းကို ခံရနိုင်သည်။
ဖော်ပြပါ အကြောင်းရပ်ငါးမျိုးတို့သည်ကား စစ်သူကြီးတပ်မှူးများ ကျူးလွန်တတ်သော ပြစ်ချက်အမှားများဖြစ်ပေသည်။ စစ်ကစားရာမှာ ကြုံတွေ့ရတတ်သော အန္တရာယ်ကြီးများပင်တည်း။ တပ်မကြီးတစ်ခုလုံး ပျက်သုဉ်းဆုံးရှုံးရခြင်းသည်လည်းကောင်း၊ စစ်သူကြီးတပ်မှူးများ ကျဆုံးသတ်ဖြတ်ခံရခြင်းသည်လည်းကောင်း ယင်းအန္တရာယ်ကြီးငါးမျိုးပေါ်တွင် မုချဆက်စပ်အကြောင်းရင်းခံနေသည်ကို တွေ့ရပေမည်။ ထို့ကြောင့် အသေအချာ သုံးသပ်ဂရုပြု သတိထားအပ်ပေသည်။
(နည်းဗျူဟာ အလှည့်အပြောင်း(၉)ချက်၏ အနက်ဆိုလိုရင်းသဘောကား - စစ်ရေးစစ်ရာ နည်းပရိယာယ်များနှင့် ပတ်သက်၍ နယ်ဘက်နှင့် စစ်ဘက်မတူ ခြားနားအခြေအနေပေါ်မူတည်ပြီး၊ သာမန် စစ်ဥပဒေသ၊ နည်းဗျူဟာများကို လိမ္မာပျော့ပြောင်းစွာ လှည့်ပြောင်းကိုင်တွယ်တတ်ရမည်ဟု ဆိုလိုသည်။ အခြေအနေနှင့် လိုက်လျောညီထွေ စိတ်တိုင်းကျလှည့်ပြောင့် ကျင့်သုံးတတ်ရမည်။ လှေနံဓားထစ် ပုံသေကားကျ မကျင့်သုံးရန်လည်း ဆိုလိုသည်။ နည်းဗျူဟာ အလှည့်အပြောင်း ပရိယာယ်များသည် မရေမတွက်နိုင်အောင် များပြားစွာရှိ၏။ ကိုးချက်ဟူသော ဆိုလိုရင်းမှာလည်း ကိန်းဂဏန်းအရေအတွက် များပြားခြင်းသဘောကို ဖော်ညွှန်းတင်စားခြင်းဖြစ်၏။)
Ref:Myanamrengineer
ဆွန်ဇူ၏စစ်ပညာကျမ်း
No comments:
Post a Comment