ပါဝင်သော ပစ္စည်များ - ငါးဖယ်ခြစ် တစ်ဆယ်ကျပ်သား
- စပါးလင် အနေတော်တစ်ပင်
- ကြက်သွန်ဖြူ ဥတစ်လုံး ငါးတက်
- ကြက်သွန်နီ နှစ်လုံး
- နံနံပင် အနည်းငယ်
- ငရုတ်သီး အစိမ်းတောင့် အတောင့် ၂၀ လောက်
ပြုလုပ်ပုံ အဆင့်ဆင့်
ပထမဆုံး လုပ်ရမှာက ငါးဖယ်ကို ခါတိုင်းလိုပဲ ဆားနဲ့ ချင်းထည့်ပြီး မာနေအောင်
ထောင်းထားရမယ်။ ပြီးရင် စပါးလင်နဲ့ ကြက်သွန်ဖြူကို ညက်နေအောင်ထောင်း၊
ကြက်သွန်နီကိုလည်း သီးသန့် ထောင်းထား၊ ငရုတ်သီးစိမ်းကိုလည်း ညက်နေအောင်
ထောင်းထားရပါမယ်။
စချက်ပြီးဆိုရင်တော့ ထုံးစံအတိုင်း ဆီနည်းနည်း အရင်ထည့်ပါမယ်။
ဆီဆူလာရင် နနွင်းမှုန့်လေး နည်းနည်းထည့်မယ်။ အရောင်တင်မှုန့် သုံးမှာမဟုတ်လို့
နနွင်းကိုတော့ ပုံမှန်ဟင်းတွေထက် နည်းနည်းလေး ပိုထည့်ရပါမယ်။
အရင်ဆုံး စထည့်မှာကတော့ ထောင်းထားတဲ့ ကြက်သွန်ဖြူနဲ့ စပါးလင်ပါ။ စပါးလင်နဲ့
ကြက်သွန်ဖြူ နံ့လေးသင်းလာပြီ ဆိုတာနဲ့ ကြက်သွန်နီ ထပ်ထည့်ပါမယ်။ ကြက်သွန်နီလေး
ရဲလာပြီဆိုရင်တော့ ငါးဖယ်ထည့် ရပါတော့မယ်။
ထောင်းထားတဲ့ ငါးဖယ်ကို လက်သည်းခွံသာသာ အတုံးလေးတွေ ဖြစ်အောင် ဆီထဲကို
အတုံးသေးသေးလေးတွေအဖြစ် ဖဲ့ထည့်နေမှာမို့လို့ မီးအနေအထားကို လျှော့လိုက်
တင်းလိုက်လုပ်ရင်းက မွှေလည်းမွှေပေးရပါဦးမယ်။
ထောင်းထားတဲ့ ငါးဖယ်တစ်ဆယ်သား အကုန်လုံး အိုးထဲရောက်သွားပြီဆိုရင်တော့
ငါးဖယ်တုံးလေးတွေ တင်းသွားအောင် ဆက်တိုက်မွှေပေးပါ။ ပြီးရင် ငံပြာရည် အနည်းငယ်ကို
လောင်းထည့်လိုက်ပြီ အနံ့ပျောက်တဲ့ထိ မွှေပေးရပါမယ်။
ပြီးတော့မှ ဒီဟင်းရဲ့ အဓိကပစ္စည်းဖြစ်တဲ့ ငရုတ်သီးစိမ်းထောင်းကို ထည့်ပြီး
ငရုတ်နံ့လေး မွှေးလာအောင် မွှေပေးလိုက်ပါ။
ငံပြာရည်နံ့လေး ပျောက်သွားပြီး စပါးလင်နံ့နဲ့ ငါးဖယ်နံ့လေး မွှေးလာပြီဆိုရင်တော့
ရေနွေးအဖြူထည်လေး နည်းနည်းလောင်းထည့်လိုက်ပါ။ ရေနဲ့ဆီ ဆူသွားအောင် အဖုံးလေး
ခဏအုပ်ထားလိုက်ပြီးရင်တော့ ဆီပြန်ကြိုက်သူတွေက ဆီပြန်အောင်ထား၊ ဆီကျန်
ရေကျန်ကြိုက်သူတွေက ဆီကျန် ရေကျန်လေးထားပြီး မီးလျှော့လိုက်လို့ ရပါပြီ။
နောက်ဆုံးမှာ ရေဆေးသန့်စင်ထားတဲ့ နံနံပင်လေး အုပ်လိုက်ပါ။
Ref: 7 Day News
No comments:
Post a Comment