ကျောက်မီးသွေး သုံး လျှပ်စစ်ဓာတ်အား ထုတ်လုပ်ရေး စီမံကိန်းများ (New Clean Coal Energy Plan)

နိုင်ငံတော်၏ ကျောက်မီးသွေး အရင်းအမြစ်သုံး လျှပ်စစ်ဓာတ်အား ထုတ်လုပ်ရေး စီမံကိန်းများနှင့် စပ်လျဉ်း၍ ရှင်းလင်းတင်ပြချက်

နေပြည်တော် ဇူလိုင် ၂၃

ကျောက်မီးသွေးသုံး ဓာတ်အားပေးစက်ရုံများ တည်ဆောက်ခြင်းကြောင့် အကျိုး ကျေးဇူးများ တစ်ဖက်က ရရှိသလို တစ်ဖက်မှလည်း အားနည်းချက်များ ရှိနေပါသည်။ အဓိက အားနည်းချက်များမှာ-

(က) ဖန်လုံအိမ်ဓာတ်ငွေ့ထုတ်လွှတ်မှုများပြားခြင်း။

      (ဥပမာ-ကာဗွန်ဒိုင်အောက်ဆိုက်ဓာတ်ငွေ့)

(ခ) သဘာဝပတ်ဝန်းကျင် ထိခိုက်စေသော ဓာတ်ငွေ့များ၊ ပစ္စည်းများထွက်ရှိခြင်း။

     (ဥပမာ-ဆာလဖာဒိုင်အောက်ဆိုက်၊ နိုက်ထရစ်အောက်ဆိုက်၊ ပြဒါး)

(ဂ) အမှုန်အမွှားများ ထွက်ရှိခြင်း။

ဖော်ပြပါ ဆိုးကျိုးများကို အသက်သာနိုင်ဆုံး လျော့နည်းသွားစေမည့် သန့်ရှင်းသော ကျောက်မီးသွေး နည်းပညာ (Clean Coal Technology) များ ပေါ်ပေါက်နေပြီဖြစ်၍ နိုင်ငံ အများအပြားတွင် ကျောက်မီးသွေးသုံး ဓာတ်အားပေးစက်ရုံများ တိုးချဲ့ တည်ဆောက်လာကြခြင်း ဖြစ်ပါသည်။

အဆိုပါ သန့်ရှင်းသော ကျောက်မီးသွေးနည်းပညာ (Clean Coal Technology) တွင် အောက်ပါ အဓိက လုပ်ငန်းစဉ်များ ပါရှိပါသည်။

(က) စက်ရုံမှထွက်ရှိလာမည့် ပြာမှုန့်နှင့် ဆာလဖာဒိုင်အောက်ဆိုက် ဓာတ်ငွေ့များ လျော့နည်း စေရန် ကျောက်မီးသွေး ကို ဆေးကြောခြင်း။

(ခ) Flue Gas မှ ကျောက်မီးသွေးပြာ Fly Ash ကို ဖယ်ထုတ်ရန် Electrostatic Precipitator နှင့် Fabric Filter များ အသုံးပြုဆောင်ရွက်ခြင်း။

(ဂ) ဆာလဖာဒိုင်အောက်ဆိုက် ဓာတ်ငွေ့ထွက်ရှိမှုကို ၉၇ ရာခိုင်နှုန်းအထိ လျှော့ချနိုင်ရေး Flue Gas Desulfurization (FGD) အသုံးပြုဆောင်ရွက်ခြင်း။

(ဃ) Thermal Efficiency ကို နည်းပညာဟောင်းများထက် ၅၀ ရာခိုင်နှုန်းအထိ မြှင့်တင် ပေးနိုင်ခြင်းဖြင့် အကျိုးကျေးဇူး ပိုမိုရရှိခြင်း။

သန့်ရှင်းသော ကျောက်မီးသွေးသုံး ဓာတ်အားပေးစက်ရုံများ ဖြစ်ပေါ်လာစေရေးအတွက် ကမ္ဘာ့ဘဏ်၊ အာရှ ဖွံ့ဖြိုးရေးဘဏ်၊ ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ စသည့် နိုင်ငံတကာ အဖွဲ့အစည်းများမှလည်း သတ်မှတ်ချက် (Guide Line) များ ချမှတ်ပေးထားပါသည်။

ကမ္ဘာ့ဘဏ်အနေဖြင့် ရုပ်ကြွင်းလောင်စာသုံး ဓာတ်အားပေးစက်ရုံ အသစ်များ တည်ဆောက်ရာတွင် သဘာဝ ပတ်ဝန်းကျင် ညစ်ညမ်းမှုနှင့် ဖန်လုံအိမ် အာနိသင် လျှော့ချနိုင်ရေး Pollution Prevention and Abatement Hand Book ကို ၁၉၉၈ ခုနှစ်တွင် စတင် အသက်ဝင် ပြဋ္ဌာန်းပေးခဲ့ပါသည်။

နိုင်ငံတော်အတွင်း မည်သည့်ဒေသမဆို ကျောက်မီးသွေးသုံး ဓာတ်အားပေးစက်ရုံ တည်ဆောက်ရေး အတွက် လျှောက်ထား လာသူများကို အောက်ပါ အတိုင်း အဆင့်ဆင့် စိစစ်ဆောင်ရွက်လျက်ရှိပါသည်။

(က) ဆောင်ရွက်လေ့လာလိုသည့် နေရာအတွက် နိုင်ငံတော်မှ ခွင့်ပြုချက်ရယူပြီး လေ့လာမှု ပြုလုပ်ခြင်း။

(ခ) ဤအဆင့်တွင် ဆောင်ရွက်လိုသော နေရာဒေသရှိ ပြည်နယ်နှင့် တိုင်းဒေသကြီး အစိုးရမှ အတည်ပြုချက် ရယူပြီးမှသာ လေ့လာ ခွင့်ပြုခြင်း။

(ဂ) စူးစမ်းလေ့လာရန် ဖြစ်မြောက်နိုင်စွမ်း အစီရင်ခံစာ တင်ပြလာပြီးပါက ဝန်ကြီးဌာနမှ ကျွမ်းကျင်မှုဆိုင်ရာများ စနစ်တကျ စိစစ်ခြင်း။

(ဃ) တစ်ပြိုင်နက်တည်းမှာပင် EIA, SIA  အစီရင်ခံစာများ ပြုစုတင်ပြခြင်း။ (ဂုဏ်သိက္ခာရှိသော တတိယ အဖွဲ့အစည်းကို ဆောင်ရွက်စေပါသည်။)

(င) EIA, SIA အစီရင်ခံစာ တင်ပြရုံသာမက သက်ဆိုင်ရာ နယ်မြေခံ/ဒေသခံ ပြည်သူများအား ဒေသတွင်း၌ ကျယ်ကျယ်ပြန့်ပြန့် ရှင်းလင်းတင်ပြစေခြင်း၊ တင်ပြချိန်တွင်လည်း ပွင့်လင်း မြင်သာစွာ အချက်အလက်အားလုံး ရှင်းလင်းတင်ပြစေခြင်း။

(စ) ဖော်ပြပါ အထောက်အထားများ ပြည့်စုံခိုင်လုံပါက အဆင့်ဆင့်တင်ပြ၍ ဆက်လက် ဆောင်ရွက်ခွင့်ပြုခြင်း။

ဝန်ကြီးဌာနအနေဖြင့် ဖြစ်မြောက်နိုင်စွမ်း အစီရင်ခံစာပါ ကျွမ်းကျင်မှုစိစစ်ခြင်းကို တာဝန်ခံပြီး ကမ္ဘာ့ဘဏ်၏ သတ်မှတ်စံနှုန်းထက် မနိမ့်သော စံနှုန်းဖြင့် ဆောင်ရွက်နိုင်ကြောင်း အာမခံချက် လက်မှတ်ပါ ဆောင်ရွက်မည့် ကုမ္ပဏီထံမှ တစ်ပါတည်း တောင်းခံ ရယူပါသည်။

သဘာဝပတ်ဝန်းကျင်နှင့် လူမှုပတ်ဝန်းကျင် ထိခိုက်မှု (EIS, SIA) အစီရင်ခံစာကိုမူ ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာန သို့ ပေးပို့တင်ပြ၍ အစစ်ဆေး ခံယူပါသည်။

မိမိတို့ ဝန်ကြီးဌာနတွင် အောက်ပါဒေသများ၌ အဆိုပြုသူများ လာရောက် စူးစမ်း လေ့လာမှုများ ပြုလုပ်လျက် ရှိပါကြောင်း တင်ပြအပ်ပါသည်။

(က) BOT စနစ် (ပြည်တွင်းတိုင်းရင်းသား ရင်းနှီးမြှုပ်နှံမှု) ဖြင့် ဆောင်ရွက်ခြင်း

စဉ်	စီမံကိန်းအမည်/ တည်နေရာ/ဒေသ	တပ္ဆင္စက္အင္အား (မဂ္ဂါဝပ်)/ခန့်မှန်း ပြီးစီးမည့်ခုနှစ်	ဆောင်ရွက်မှုအဆင့်
MoU လက်မှတ်ရေးထိုးပြီး စီမံကိန်း (၂) ခု
1	ကွမ်းခြံကုန်း ရန်ကုန်တိုင်းဒေသကြီး Virtue Land	၃၀၀ (ပ-ဆင့်) ၂၀၁၅-၂၀၁၈ ၉၉၀ (ဒု-ဆင့်) ၂၀၂၁-၂၀၂၇ ၁၉၈၀ (တ-ဆင့်) ၂၀၂၅-၂၀၃၀	- (၂၄-၈-၂၀၁၄) MoU ေရးထိုးၿပီး။ - MoU သက်တမ်း (၂၄) လ - EIA, SIA ဆောင်ရွက်လျက်ရှိ - သီလဝါ စက်မှုဇုန်နှင့် ပြည်တွင်း ဓာတ်အား လိုအပ်ချက်ကို ဖြည့်ဆည်း ပေးနိုင်ရန်
2	မြိတ် တနင်္သာရီတိုင်းဒေသကြီး သန်းဖြိုးသူ	၅၀ ၂၀၁၃-၂၀၁၆	- (၂၇-၇-၂၀၁၂) MoU ေရးထိုးၿပီး။ - MoU သက်တမ်း (၁၈) လ - တိုင်းဒေသကြီး အစိုးရအဖွဲ့မှ လွှဲ ပြောင်းလာခြင်းဖြစ် - ကျွမ်းကျင်မှုဆိုင်ရာ စိစစ်ဆဲ - မြိတ်ခရိုင်ဒေသအတွင်း လျှပ်စစ် ဓာတ်အား ဖြန့်ဖြူးပေးနိုင်ရန်
	စုစုပေါင်း	3320
(ခ) နိုင်ငံခြားရင်းနှီးမြှုပ်နှံမှု (ဖက်စပ်ပိုင်) JV/B.O.T စီမံကိန်းများ
စဉ်	စီမံကိန်းအမည်/ တည်နေရာ/ဒေသ	တပ္ဆင္စက္အင္အား (မဂ္ဂါဝပ်)/ခန့်မှန်း ပြီးစီးမည့်ခုနှစ်	ဆောင်ရွက်မှုအဆင့်
MoU လက်မှတ်ရေးထိုးပြီး စီမံကိန်း (၇) ခု
1	ထန်းတပင် ရန်ကုန်တိုင်းဒေသကြီး Huaneng Lancang + Htoo	၂၇၀ ၂၀၁၅-၂၀၁၈	- (၁၁-၁-၂၀၁၀) MoU ေရးထိုးၿပီး။ - ကျွမ်းကျင်မှုဆိုင်ရာ အတည်ပြုပြီး။ - EIA/ SIA ၿပဳစုဆဲ။ - ဆိပ်ကမ်းနေရာ အခက်အခဲကြောင့် ဖြစ်နိုင်ခြေ နည်းပါး။ - မဟာဓာတ်အားလိုင်းမှ တစ်ဆင့် ဓာတ်အား ဖြန့်ဖြူးပေးနိုင်ရန်။
2	သီလဝါ ရန်ကုန်တိုင်းဒေသကြီး Toyo-Thai	၆၅၀ (ပ-ဆင့်) ၂၀၁၅-၂၀၁၈ ၂၀၀၀ (ဒု-ဆင့်) ၂၀၁၉-၂၀၂၄ ၃၀၀၀ (တ-ဆင့်) ၂၀၂၅-၂၀၃၀	- (၂၁-၃-၂၀၁၃) MoU ေရးထိုးၿပီး။ - ကျွမ်းကျင်မှုဆိုင်ရာ လေ့လာမှုစိစစ်ဆဲ။ - တနင်္သာရီတိုင်းဒေသကြီး၊ ရေးသို့ ပြောင်းရွှေ့ရန် အဆိုပြုထား - မဟာဓာတ်အားလိုင်းမှ တစ်ဆင့် ဓာတ်အား ဖြန့်ဖြူးပေးနိုင်ရန်။
3	ကျောက်တန်း ရန်ကုန်တိုင်းဒေသကြီး Orange Power gen + Global Advisors + Diamond Palace	၆၀၀ (ပ-ဆင့်) ၂၀၁၆-၂၀၁၉ ၇၀၀ (ဒု-ဆင့်) ၂၀၂၅-၂၀၂၈	- (၈-၁၀-၂၀၁၃) MoU ေရးထိုးၿပီး။ - MoU သက်တမ်း (၈) လ - ကျွမ်းကျင်မှုဆိုင်ရာ လေ့လာမှုစိစစ်ဆဲ။ - သီလဝါစက်မှုဇုန်နှင့် ပြည်တွင်း ဓာတ်အား လိုအပ်ချက်ကို ဖြည့်ဆည်း ပေးနိုင်ရန်။
4	ငရုတ်ကောင်း ဧရာဝတီတိုင်းဒေသကြီး TATA Power	၂၇၀ (ပ-ဆင့်) ၂၀၁၅-၂၀၁၈ ၂၇၀ (ဒု-ဆင့်) ၂၀၂၁-၂၀၂၅	- (၁၁-၄-၂၀၁၃) MoU ေရးထိုးၿပီး။ - MoU သက်တမ်း (၃၀) လ - ကျွမ်းကျင်မှုဆိုင်ရာ လေ့လာမှုစိစစ်ဆဲ။ - မြေနေရာအခက်အခဲကိစ္စ ကုမ္ပဏီနှင့် တိုင်းဒေသကြီး အစိုးရ ညှိနှိုင်း ဆောင်ရွက်ဆဲ။ - ငရုတ်ကောင်း (ဧရာဝတီ) စက်မှုဇုန် ဖွံ့ဖြိုး တိုးတက်စေရန်။
5	ကေလး၀ စစ်ကိုင်းတိုင်းဒေသကြီး ISDN+Tun Thwin	၂၇၀ (ပ-ဆင့်) ၂၀၁၅-၂၀၁၈ ၂၇၀ (ဒု-ဆင့်) ၂၀၂၀-၂၀၂၄	- (၂၇-၅-၂၀၁၀) MoU ေရးထိုးၿပီး။ - ကျွမ်းကျင်မှုဆိုင်ရာ အတည်ပြုပြီး။ - EIA/SIA ေလ့လာဆဲ။ - FA ညှိနှိုင်းဆွေးနွေးဆဲ။ - ပြည်တွင်း ကျောက်မီးသွေး အရင်း အမြစ်ကို အသုံးချ၍ ဓာတ်အား လိုအပ်ချက်ကို ဖြည့်ဆည်းပေးနိုင်ရန်။
6	ကျိုင်းတုံ ရှမ်းပြည်နယ် (အရှေ့) Lumpoondum	၆၀၀ ၂၀၁၅-၂၀၁၈	- (၁-၁၀-၂၀၁၃) MoU ေရးထိုးၿပီး။ - MoU သက်တမ်း (၆) လ - ကျွမ်းကျင်မှုဆိုင်ရာ အတည်ပြုပြီး။ - EIA/SIA ေလ့လာဆဲ။ - ပြည်တွင်း ကျောက်မီးသွေး အရင်း အမြစ်ကို အသုံးချ၍ ဓာတ်အား လိုအပ်ချက်ကို ဖြည့်ဆည်းပေးနိုင်ရန်။
7	ဘုတ်ပြင်း တနင်္သာရီတိုင်းဒေသကြီး 24 Hour	၂၅၀ (ပ-ဆင့်) ၂၀၁၅-၂၀၁၈ ၂၅၀(ဒု-ဆင့်) ၂၀၂၄-၂၀၂၇	- (၂၁-၉-၂၀၁၂) MoU ေရးထိုးၿပီး။ - MoU သက်တမ်း (၃၀) လ - ကျွမ်းကျင်မှုဆိုင်ရာ လေ့လာမှုစိစစ်ဆဲ။ - တနင်္သာရီတိုင်းဒေသကြီး အတွင်း လျှပ်စစ်ဓာတ်အား လိုအပ်ချက်ကို ဖြည့်ဆည်း ပေးနိုင်ရန်။
	စုစုပေါင်း	9400

  

MoU များ ရေးထိုးရာတွင် ရန်ကုန်နှင့် အနီးတစ်ဝိုက်တွင် ဖြစ်ပေါ်လာမည့် စက်မှုဇုန်များ အထူး စီးပွားရေးဇုန်များ အပါအဝင် ထပ်တိုး လိုအပ်လာမည့် ဓာတ်အား ဖြည့်ဆည်းရန်အတွက် ထန်းတပင်၊ သီလဝါ၊ ကျောက်တန်းဒေသများတွင် လည်းကောင်း၊ ဧရာဝတီတိုင်းဒေသကြီး အထူးစီးပွားရေးဇုန်နှင့် ထပ်တိုး လိုအပ်မည့် ဓာတ်အားအတွက် ငရုတ်ကောင်း ဒေသတွင်လည်းကောင်း၊ စစ်ကိုင်းတိုင်း ဒေသကြီးနှင့် ချင်းပြည်နယ်များ ဖွံ့ဖြိုးရေးအတွက် ပြည်တွင်းရှိ ကလေးဝ ကျောက်မီးသွေးတွင်းမှ ထွက်ရှိမည့် ကျောက်မီးသွေးကို အခြေခံ၍ ကလေးဝဒေသတွင် လည်းကောင်း၊ ရှမ်းပြည်နယ် အရှေ့ပိုင်း ဒေသဖွံ့ဖြိုးရေးအတွက် ပြည်တွင်းကျောက်မီးသွေးသုံးစွဲ၍ ကျိုင်းတုံဒေသတွင်လည်းကောင်း၊ တနင်္သာရီ တိုင်းဒေသကြီး ဖွံ့ဖြိုးရေးနှင့် စက်မှုဇုန်များ၊ အထူးစီးပွားရေးဇုန်များ၏ လိုအပ်ချက်ကို ဖြည့်ဆည်းရန် ဘုတ်ပြင်းဒေသတွင် လည်းကောင်း ဒေသလိုအပ်ချက် အသီးသီးအပေါ် အခြေခံ၍ တည်ဆောက်သွားရန် လျာထား ဆောင်ရွက်ခြင်း ဖြစ်ပါသည်။ ရန်ကုန်/ဧရာဝတီတိုင်းဒေသကြီးအတွင်းရှိ တည်ဆောက်ပြီး၊ တည်ဆောက်ဆဲနှင့် ဆောင်ရွက်ရန် လျာထားသော ကျောက်မီးသွေးနှင့် သဘာဝဓာတ်ငွေ့သုံး ဓာတ်အားပေး စက်ရုံ စီမံကိန်းများ၏ တပ်ဆင် စက်အင်အားမှာ ၈၅၄၈ ဒသမ ၆ မဂ္ဂါဝပ်ရှိပါသည်။ သို့ပါ၍ ၂၀၃၀ ခုနှစ်တွင် ဖြစ်ပေါ်လာရမည့် တစ်နိုင်ငံလုံး တပ်ဆင်စက်အင်အား လိုအပ်ချက်၏ ၆၇ ရာခိုင်နှုန်းခန့် ရှိပါသည်။ ရန်ကုန်/ဧရာဝတီနှင့် မြန်မာပြည်အောက်ပိုင်း ဒေသများသည် နောင်တွင် အဓိကဓာတ်အား သုံးစွဲမည့်ဒေသများ ဖြစ်လာမည်ဖြစ်၍ တိုးချဲ့ဆောင်ရွက်သင့်ပါကြောင်းလည်း တင်ပြအပ်ပါသည်။

ဆက်လက်၍ တင်ပြလိုသည်မှာ ကျောက်မီးသွေးသုံး ဓာတ်အားပေးစက်ရုံများ တည်ဆောက်ရာတွင် သဘာဝ ပတ်ဝန်းကျင်နှင့် လူမှုပတ်ဝန်းကျင် ထိခိုက်မှု အနည်းဆုံးဖြစ်အောင် ဆောင်ရွက်နိုင်သည့် ခေတ်မီ အဆင့်မြင့် နည်းပညာများ ပေါ်ပေါက်လာပြီဖြစ်၍ အချို့ကမ္ဘာ့နိုင်ငံကြီး များတွင် ကျောက်မီးသွေးသုံး ဓာတ်အားပေး စက်ရုံများအား လူနေမြို့များနှင့် နီးကပ်စွာပင် တည်ဆောက် အသုံးပြု လာကြသည်ကို လေ့လာ တွေ့ရှိပါသည်။ ဥပမာအားဖြင့် တင်ပြရပါလျှင် ဂျပန်နိုင်ငံ Mikawa ပင်လယ်အော်၊ Aichi ပြည်နယ်တွင် စက်တပ်ဆင်အင်အား ၄၁၀၀ မဂ္ဂါဝပ်ရှိ Hekinan ကျောက်မီးသွေးသုံး ဓာတ်အားပေး စက်ရုံသည် လူနေထူထပ်မှု များပြားသော Hekinan မြို့အနီး ၄ ကီလိုမီတာခန့် အကွာတွင်သာ တည်ဆောက်ထားရှိ သည်ကို ဖော်ပြပါပုံ အတိုင်း တွေ့မြင်ရမည်ဖြစ်ပါသည်။

Hekinan ကျောက်မီးသွေးသုံး ဓာတ်အားပေး စက်ရုံ

ဂျပန်နိုင်ငံရှိ လူနေမြို့နှင့် နီးကပ်စွာ တည်ဆောက်ထားသည့် Hekinan ကျောက်မီးသွေးသုံး ဓါတ်အားပေးစက်ရုံ။

၎င်းအပြင် Yokohama တွင် တပ်ဆင်စက်အင်အား ၁၂၀၀ မဂ္ဂါဝပ်ရှိ Isogo ကျောက်မီးသွေးသုံး ဓာတ်အားပေးစက်ရုံသည် လူနေထူထပ်သော Isogo ရပ်ကွက်နှင့် ၄ ဒသမ ၅ ကီလိုမီတာခန့် အကွာ တွင်သာ တည်ဆောက် လည်ပတ်နေခြင်း ဖြစ်ကြောင်းလည်း ဖော်ပြပါပုံအတိုင်း လေ့လာ တွေ့ရှိရမည် ဖြစ်ပါသည်။

ဂျပန်နိုင်ငံ၏ Isogo ဓာတ်အားပေးစက်ရုံ။

ဂျပန်နိုင်ငံရှိ လူနေမြို့နှင့် နီးကပ်စွာ တည်ဆောက်ထားသည့် Isogo ကျောက်မီးသွေးသုံး ဓာတ်အားပေးစက်ရုံ။

အဆိုပါ Isogo ကျောက်မီးသွေးသုံး ဓာတ်အားပေးစက်ရုံသည် ၁၉၆၇ ခုနှစ်တွင် ၂၆၅x၂=၅၃၀ မဂ္ဂါဝပ် ဖြင့် စတင် လည်ပတ်ခဲ့ပြီး ခေတ်မီနည်းပညာများ ပေါ်ပေါက်လာချိန်တွင် စက်ရုံအား အဆင့်မြှင့်တင်ခြင်း များ ပြုလုပ်ပြီး ၂၀၀၉ ခုနှစ်တွင် ၁၂၀၀ မဂ္ဂါဝပ်ဖြင့် ပြန်လည်မောင်းနှင် လည်ပတ်ခဲ့ပါသည်။ သို့ပါ၍လည်း တည်ဆောက်ပြီးစီးသော ကျောက်မီးသွေးသုံး ဓာတ်အားပေးစက်ရုံ များအား ခေတ်မီ နည်းပညာများ ထပ်မံ ပေါ်ပေါက်လာပါက ပြန်လည်အဆင့်မြှင့်တင် မွမ်းမံသွားနိုင်မည်လည်း ဖြစ်ပါသည်။

နိဂုံးချုပ်အားဖြင့် နောင်နှစ်ပေါင်းများစွာအတွက် ဓာတ်အား လိုအပ်ချက်ပမာဏ ကြီးမားကြောင်း သိရှိနေကြပြီး ဖြစ်သည့် အားလျော်စွာ ဆောင်ရွက်ရမည့် ပမာဏမှာလည်း ပျမ်းမျှနှစ်စဉ် မဂ္ဂါဝပ် ၈၀၀ မှ ၁၀၀၀ ခန့်ထိ ပုံမှန် တိုးတက်ထုတ်လုပ်သွားနိုင်ရေး ကြိုးပမ်းဆောင်ရွက်ကြရပါမည်။

မိမိတို့သည် ကမ္ဘာ့အဆင့်ဖြင့် သတ်မှတ်ထားသော သဘာဝ ပတ်ဝန်းကျင်ထိခိုက်မှု သတ်မှတ်ချက်များနှင့် အညီလည်း ဆောင်ရွက် သွားပါမည်။ သဘာဝ ပတ်ဝန်းကျင်နှင့် လူမှုပတ်ဝန်းကျင် ထိခိုက်မှု စိစစ်ချက် ကိုလည်း သက်ဆိုင်ရာ ဝန်ကြီးဌာနမှ စိစစ်ဆောင်ရွက်သွားမည် ဖြစ်ပါသည်။ ခွင့်ပြုပြီးနောက် ရင်းနှီးမြှုပ်နှံသူများကြောင့် ထိခိုက်နစ်နာမှု ဆိုးကျိုးများ မဖြစ်ပေါ်စေရေးလည်း ကြီးကြပ် ဆောင်ရွက် သွားမည်ဖြစ်ပါသည်။ နည်းပညာများမှာ အချိန်နှင့်အမျှ တိုးတက်နေသည့်အတွက် စနစ်တကျ စိစစ်နိုင်ရန် လိုအပ်ပါက အတိုင်ပင်ခံအဖွဲ့ ငှားရမ်းဆောင်ရွက်သွားမည် ဖြစ်ပါကြောင်း ရှင်းလင်းတင်ပြအပ်ပါသည်။

 Ref: Myanmar President Office (http://203.81.89.211/2015zg)

Estmates of Power Capital And Operating Costs

ဂျပန်ကလူနေတဲ့ နေရာနီးနီးလေးမှာလုပ်တာက သူတို့အတွက် မြေမေရာရှားလို့ဗျ....အမိမြေမှာ မြေတွေ မှအများကြီး အန္တာရယ်ပိုကင်းတဲ့ ဝေးတဲ့နေရာမှာ ဘာကြောင့်လုပ်ဖို့မစဉ်းစားတာလဲဗျ...သာဘာဝ လေထုသန့်စင်အောင် ကာဗွန်တွေ စုတ်ယူတဲ့ သစ်ပင်တွေ အများကြီးကို ပြန်စိုက်ပေးရတယ်လေ...အမိမြေက အစိုးရကော ပြည်သူတွေ ဘေးအန္တရယ်အတွက်ပြန်ကြည့်ပေးမဲ့ ဥပဒေတွေနှင့် တိတိကျကျလုပ်ပေးမဲ့ အဖွဲ့အစည်းတွေ ကောရှိဲပြီလားဗျ...အခုတောင် ပြည်သူတွေဒုက္ခရောက်လို့ စာနယ်ဇင်းကနေ အော်ပြောတိုင်ပြောနေတာကို ၆၆ ဃ နှင့် တရားစွဲနေတယ်လေ...အခုလုပ်မဲံ စွမ်းအင်အားလုံးတွေက ပြည်တွင်းလိုအပ်နေတဲ့ ပြည်သူတွေ လုပ်ငန်းရှင်တွေ အတွက်ဘဲ မဟုတ်ရင် တော့ မလုပ်သင့် အားမပေးဘူးဗျ....

Asia: Pollution Index by Country 2017 Mid-Year
Rank	Country	Pollution Index	Exp Pollution Index
1	Mongolia	94.01	173.69
2	Myanmar	93.93	172.81
3	Bangladesh	90.07	162.63
4	Vietnam	86.96	155.46
5	China	86.82	158.78
6	Lebanon	85.50	152.11
7	Nepal	85.06	151.58
8	Jordan	82.63	146.85
9	Iran	80.79	147.73
10	Pakistan	77.88	137.16
11	India	76.63	134.82
12	Bahrain	76.27	140.80
13	Kazakhstan	74.39	134.58
14	Saudi Arabia	73.13	129.82
15	Georgia	73.08	131.52
16	Thailand	72.83	127.31
17	Qatar	72.02	127.88
18	Philippines	71.32	124.63
19	Turkey	70.15	124.16
20	Hong Kong	68.46	123.02
21	Malaysia	65.19	111.98
22	Taiwan	62.86	109.66
23	Israel	61.05	108.73
24	Sri Lanka	60.43	103.80
25	Indonesia	58.02	98.31
26	Cyprus	56.66	96.71
27	United Arab Emirates	56.36	96.73
28	South Korea	52.48	94.26
29	Japan	41.02	66.83
30	Singapore	34.82	59.74