ကြိုတင်သိထားနိုင်သော ဆီးကျိတ်ကင်ဆာ

၂၀ရာစုမှာယောကျာင်္းကြီးတွေ အလွန်သတိထားရမဲ့ရောဂါတခုပါဘဲ!

 

အမေရိကန်နိုင်ငံ၊ နယူးယောက်မြို့ မြို့တော်ဝန် မစ္စတာရူဒီဂူလီယာနီသည် လက်ရှိသမ္မတကတော် မစ္စဟယ်လာရီ ကလင်တန်နှင့် အထက်လွှတ်တော် အမတ်နေရာအတွက် ယှဉ်ပြိုင်ရန် စိုင်းပြင်းလျက်ရှိသည်။ သူ၏ဖခင်မှာ ဆီးကျိတ်ကင်ဆာရောဂါဖြင့် အသက် ၇၃-နှစ်အရွယ်တွင် ကွယ်လွန်ခဲ့သည်။ ထိုရောဂါသည် မျိုးရိုးလိုက်တတ်သဖြင့် အသက် ၄၀-ကျော်ကာလများမှ စတင်၍ ရောဂါ၏သဲလွန်စ ရှိမရှိ စစ်ဆေးသင့်ကြောင်း အကြံပေးသဖြင့် နှစ်စဉ်အစစ်ဆေးခံခဲ့သည်။

 

သမ္မတလောင်း ဖြစ်ခဲ့ဖူးသော ဘော့ပ်ဒိုးလ်၊ ပင်လယ်ကွေ့ စစ်ပွဲကြီးအတွင်းက နာမည်ကြီးခဲ့သော ဗိုလ်ချုပ်ကြီးဟောင်း နော်မာန်ရှဝပ်စ်ကော့ပါ၊ အဆိုတော် ဟယ်ရီဘီလာဖွန်တီတို့သည်လည်း ထိုသို့ ကြိုတင်စစ်ဆေးကာ သိရှိခဲ့ကြသည်။ ထိုအခါ လိုအပ်သော ကုသမှုများ အလျင်အမြန်ခံယူခဲ့ကြသဖြင့် အသက်ချမ်းသာရာ ရခဲ့ကြောင်း မစ္စတာရူဒီ ကောင်းစွာသိထား သည်။ ထို့ကြောင့်လည်း မှန်မှန်အစစ်ဆေးခံခဲ့သည်။ ယခုနှစ် မေလ ၂၈-ရက်နေ့က သူသည် အသက် ၆၅-နှစ်ပြည့်ခဲ့သည်။ ထိုအချိန်မတိုင်မီမှာပင် သူ့တွင် ဆီးကျိတ်ကင်ဆာရောဂါ စတင်ဖြစ်ပွားနေပြီ ဖြစ်ကြောင်း သိရသည်။ မစ္စတာရူဒီကဲ့သို့ပင် အမေရိကန်အမျိုးသား ၁၈၀၀၀၀-ဦးခန့်မှာ နှစ်စဉ် ထိုရောဂါရရှိကြောင်း အသိပေးခံနေကြရသည်။ သို့ရာတွင် ဆီးကျိတ်ကင်ဆာရောဂါသည် စောစီးစွာ သိထားပါက လိုအပ်သောကုသမှုများ ခံယူလျှင် အသက်ချမ်းသာရာ ရနိုင်ကြောင်းသိရသည်။

မစ္စတာရူဒီအတွက် သင့်တင့်မည့် ကုသနည်းများကို သူ၏ဆရာဝန်က ကြံဆနေကြသည်။ အကြောင်းမှာ ကုသမှုတိုင်းတွင် ကောင်းကျိုးရှိသကဲ့သို့ ဆိုးကျိုးများလည်း ယှဉ်တွဲနေသဖြင့် အသင့်တော်ဆုံး ကုသမှုကို စဉ်းစားပေးရသည်။ ပထမဦးစားပေး စဉ်းစားသည့်နည်းလမ်းမှာ ထိုဝက်သစ်ချသီးအရွယ် ဆီးကျိတ်ကို ခွဲစိတ်ထုတ်ယူလိုက်ခြင်းပင် ဖြစ်သည်။ သို့သော် ထိုနည်းမှာ လိင်စွမ်းဆောင်မှုတွင် အခက်အခဲ ဖြစ်စေခြင်း သို့မဟုတ်-ဆီးမထိန်းနိုင်ခြင်းများ ဖြစ်စေတတ်သည်။ ဆရာဝန်များက အတတ်နိုင်ဆုံး ထိုသို့မဖြစ်ရန် ကြိုးစားအားထုတ်ကြမည်ဟု သိရသည်။ သို့သော် မည်မျှကျွမ်းကျင်သည့်ဆရာဝန်ဖြင့် ခွဲစိတ်စေကာမူ အနည်းဆုံး ယာယီအားဖြင့် ပန်းသေ၊ ပန်းညှိုးခြင်း ဖြစ်နိုင်ခြေမှာ ၃၀-ရာခိုင်နှုန်းခန့်ရှိသည်ဟု သိရသည်။


ဒုတိယနည်းမှာ ဓာတ်ရောင်ခြည်ဖြင့် ကုသနည်းဖြစ်ပြီး ခွဲစိတ်ကုသမှုကဲ့သို့ပင် ထိရောက်သည်။ ခွဲစိတ်ကုသ အပြီး ထိုနည်းဖြင့်လည်း ဆက်လက်ကုသလေ့ရှိသည်။ စွမ်းအားမြင့်သော ဓာတ်ရောင်ခြည်ကြောင့် ဆီးကျိတ်အား ထိခိုက်နိုင်သလို ဆီးမထိန်းနိုင်ခြင်း၊ ပန်းညှိုးခြင်းများလည်း ဖြစ်တတ်ပါသည်။


တတိယနည်းမှာ နိုက်ထရိုဂျင်အရည်ဖြင့် ထိုကင်ဆာဆဲလ်များကို အေးခဲသွားစေပြီး ဆီးထဲမှ စွန့်ထုတ်ခြင်းနည်း ဖြစ်သည်။ ထို့ပြင် ဟော်မုန်းဖြင့် ကုသသည့်နည်းလည်းရှိသည်။ ယောက်ျားဟော်မုန်းများကို တားဆီးထားလိုက်ခြင်းဖြင့် ဆီးကျိတ်၏ကြီးထွားမှုကို ရပ်တန့်စေခြင်းဖြစ်သည်။ ထိုနည်းမှာ အခြားနည်းများ ဖြင့်လည်း တွဲဘက်အသုံးပြုနိုင်ပြီး အထူးသဖြင့် ပြန့်ပွားနေသော ကင်တာဆဲလ်များအား နှိမ်နင်းရာတွင် သုံးလေ့ရှိသည်။


မစ္စတာရူဒီအတွက် အသင့်တော်ဆုံးနည်းလမ်းဖြင့် ကုသမည်ဖြစ်သည်။ မည်သို့ဆိုစေ ကောင်းစွာကျန်းမာလာမည်ဖြစ်ပြီး သူ၏မဲဆွယ်စည်းရုံးပွဲများကိုလည်း ပြန်လည်ပြုလုပ်နိုင် မည် ဖြစ်ကြောင်း သူ၏ဆရာဝန်များက ပြောကြား ကြသည်။

မိဘမျိုးရိုးများတွင် ဆီးကျိတ်ကင်ဆာ ဖြစ်ပွားခဲ့ဖူးပါက အနည်းဆုံး အသက် ၄၅-နှစ်အရွယ် အမျိုးသားတိုင်း ထိုရောဂါ ရှိ-မရှိ ကြိုတင်စစ်ဆေးထားသင့်ကြောင်း သိရသည်။ အမေရိကန်နိုင်ငံတွင် လူမည်းအမေရိကန် တို့သည် လူဖြူတို့ထက် ၃၄-ရာခိုင်နှုန်း ပိုမိုဖြစ်ပွားလျက်ရှိသည်။ အမေရိကန်ကင်ဆာအသင်းကြီး၏ ထုတ်ပြန်ချက်အရ ၁၉၉၆-ခုနှစ်က ထိုရောဂါဖြင့် လူ ၄၀၀၀၀-သေဆုံးခဲ့ပြီး ၁၉၉၈-ခုနှစ်က ၃၈၀၀၀-ဦး၊ ယခု ၂၀၀၀-ပြည့်နှစ်တွင် ၃၂၀၀၀-ဦး သေဆုံးနိုင်ကြောင်း သိရသည်။ ကြိုတင်သိထားသူများမှာ ကုသမှုအချိန်မီရကြ၍ အသက်ချမ်းသာရာရခဲ့ကြသည်။ ထိုရောဂါဖြစ်-မဖြစ် PSA(Prostate Specific Antigen) စစ်ဆေးနိုင်သည်။ ထိုအင်ဇိုင်းကို သွေးထဲတွင် တွေ့ရှိခြင်းဖြင့် ဆီးကျိတ်မှာ ကင်ဆာဆဲလ်များကြောင်း အမြှေးအိတ်ပေါက်ကာ သွေးအတွင်းရောက်ရှိနေကြောင်း ပြသနေခြင်းဖြစ်သည်။ ထိုသို့စစ်ဆေးနိုင်သဖြင့် အမေရိကန်နိုင်ငံတွင် ရောဂါဖြစ်ပွားသူ ၃၉၀၀၀-အနက် ၂၇၀၀၀-ကို အသက်ကယ်နိုင်ခဲ့သည်။ ထို့ပြင် အနည်းဆုံးတနှစ်လျှင် တကြိမ်ခန့် စအိုမှ စစ်ဆေးခြင်း ပြုလုပ်သင့်သည်။ ပျော့ပျောင်း၍ ရော်ဘာကဲ့သို့ ဖြစ်နေရမည့် ဆီးကျိတ်သည် မာ၍ ကြယ်သီးအရွယ်ဖြစ်နေပါက ဆီးကျိတ်တွင် ကင်ဆာဖြစ်နေကြောင်း သိရမည်ဖြစ်သည်။ အထူးသဖြင့် ကမ္ဘာ့ နိုင်ငံအသီးသီးတွင် ထို PSA စမ်းသပ်နည်းမှာ အထူးခေတ်စားနေပါသည်။ လွန်ခဲ့သည့် ဆယ်နှစ်အတွင်း ဆီးကျိတ်ကင်ဆာဖြင့် သေဆုံးနိုင်မည့်သူ လူဖြူ ၁၆-ရာခိုင်နှုန်း၊ လူမည်း ၁၁-ရာခိုင်နှုန်းခန့်ကို ကယ်နိုင်ခဲ့သည်။


ဆီးကျိတ်---
ဆီးကျိတ်သည် ဝမ်းဗိုက်အောက်ပိုင်း ဆီးအိမ်အောက်ခြေလည်တိုင်တွင် ဆီးအိမ်၏ အဝ ကျင်ချောင်းကို ပတ်ထားသည်။ နီညိုရောင်ရှိ၍ ဝက်သစ်ချသီးအရွယ် အလေးချိန် ၁၅-ဂရမ်ခန့်ရှိသည်။ အချို့က ဗာဒံသီး အရွယ်ခန့်ဟု ဆိုကြသည်။ ဆီးကျိတ်သည် အဖိုမျိုးပွားအင်္ဂါအတွက် အရေးကြီးသော အဖိုဂလင်းဟုလည်း
ခေါ်နိုင်သည်။ သုက်ရည်သိုလှောင်ထားရာ အင်္ဂါဖြစ်ပြီး ဝှေးစေ့များက သန်း ၂၀၀-မျှသော ဖိုမျိုးပွားဆဲလ် (Sperm) များ ထုတ်ပေးသောအခါ ဆီးကျိတ်မှ ထိုသုက်ရည်ကို ထုတ်ပေးရသည်။ ထိုအရည်ဖြင့် မျိုးပွားဆဲလ်များအားပျော်စေပြီး၊ မ ယောနိလမ်းကြောင်းရှိ အက်စစ်ဓာတ်များကို သမသွားစေသည်။ ထို့နောက် သုက်ရည်က ကြားခံရည်အဖြစ် မျိုးပွားဆဲလ်များကို မမျိုးဥထဲရောက်ရှိစေရန် ဆောင်ရွက်ပေးသည်။ ထိုသုက်ရည်တွင် ပရိုတိန်းဓာတ်များ၊ အင်ဇိုင်းများ၊ အဆီများနှင့် သကြားများ ပါဝင်သဖြင့် သုက်ပိုးများကို အားဖြည့်ပေးသကဲ့သို့လည်း ဖြစ်သည်။


ဆီးကျိတ်တွင် အဖုသုံးခုပါဝင်၍ အမြှေးအိတ်ဖြင့် ဖုံးအုပ်ထားသည်။ ကျင်ချောင်းသည် အလယ်အဖုလုံးကို ဖြတ်သန်းသွားသည်။ အသက်ကြီးလာသဖြင့် ဝှေးစေ့ဟော်မုန်းများ ထုတ်လုပ်မှု ကျဆင်းလာသောအခါ ဆီးကျိတ်သည် အရွယ်ကြီးလာတတ်သည်။ ဒုက္ခပေးနိုင်လောက်သည်အထိ ကြီးထွားလာသော ဆီးကျိတ်မှာ အသက် ၅၀-နှစ်တွင် ၂၀-ရာခိုင်နှုန်း၊ အသက် ၇၀-နှစ်တွင် ၅၀-ရာခိုင်နှုန်း၊ အသက် ၈၀-နှစ်တွင် ၈၀-ရာခိုင်နှုန်းရှိသည်ဟု သိရသည်။


သင်းကွပ်ထားသူများတွင်မူ ကြီးထွားမှုမရှိကြောင်း တွေ့ရသည်။ ရိုးရိုးဆီးကျိတ်ကြီးခြင်းထက် ကင်ဆာဖြစ်ပွားမှုကြောင့် ကြီးထွားနေခြင်းသည် အလွန်အန္တရာယ်ကြီးသည်။ ဆီးကျိတ်ကင်ဆာရောဂါဖြင့် ဆေးရုံရောက်သူ ၂၀-ဦးတွင် ၁၉-ဦးမှာ ခွဲစိတ်ကုသရန် အချိန်နှောင်းနေတတ်ကြောင်း သိရသည်။ အသက် ၅၀-နှစ်အရွယ်တွင် ဆီးကျိတ်ကင်ဆာရောဂါဖြစ်ရန် ၅-ရာခိုင်နှုန်း၊ အသက် ၇၀-နှစ်တွင် ၅၀-၅၅-ရာခိုင်နှုန်း အလားအလာရှိသည်။ မျိုးရိုးလိုက်၍လည်း ဖြစ်တတ်သည်။ ဖော်ပြခဲ့သည့်အတိုင်း ကြိုတင်စမ်းသပ်စစ်ဆေးပြီး သိရှိရပါက ကောင်းစွာပျောက်ကင်းအောင် ကုသနိုင်သည့်ခေတ် ရောက်နေပြီ ဖြစ်သည်။


“ယောက်ျားမှာ ဆီး၊ မိန်းမမှာ မီး”ဆိုသည့်အတိုင်း ယောက်ျားများအတွက် ဆီးနှင့်ပတ်သက်သော ရောဂါဘယများ ထူပြောတတ်သည်။ အထူးသဖြင့် ဆီးကျိတ်မှာ ဖိုမျိုးပွားအင်္ဂါ ဖြစ်သော်လည်း ဆီးလမ်းကြောင်းတွင် တည်ရှိရာ ဆီးနှင့်ပတ်သက်သော ရောဂါဟုဆိုလျှင်လည်း ဆိုနိုင်ပါသည်။ နိုင်ငံအသီးသီးတွင် ထိုရောဂါကို ကုသမှုထက် ကြိုတင်စစ်ဆေးခြင်း၊ ကာကွယ်ခြင်းများ ပြုလုပ်လျက်ရှိနေပြီ ဖြစ်သည်။ ထိုသို့ ပြုလုပ်ခြင်းဖြင့် လူ့အသက်ပေါင်းများစွာ ချမ်းသာရာ ရနေပြီလည်း ဖြစ်သည်။


ထို့ကြောင့် ---
၁။ အသက် ၄၀-ကျော်သူတိုင်း နှစ်စဉ် သွေးစစ်ဆေးခြင်း PSA လုပ်သင့်သည်။
၂။ စအိုမှ စစ်ဆေးခြင်းကိုလည်း တနှစ်လျှင် တကြိမ် (သို့) နှစ်ကြိမ်ခန့် စစ်ဆေးသင့်သည်။
၃။ ဆေးလိပ်၊ အရက်၊ လက်ဖက်ရည်၊ ကော်ဖီတို့ကို သင့်တင့်သောအတိုင်းအတာအထိသာ သုံးဆောင်သင့်သည်။
၎။ ဆေးဆိုးထားသော အစားအစာများ၊ မီးကင် ကျပ်တင်ထားသော အသား ငါးများ၊ ထပ်တလဲလဲ ကြော်ထားသော ဆီချက်များဖြင့် ချက်ပြုတ်ထားသည့် အစားအစာများ၊ ကြာရှည်စွာ သိုလှောင်ထားနိုင်ရန် စီမံထားသော အစားအစာများကို စားသုံးခြင်းမှ ရှောင်ကြဉ်သင့်သည်။

 

ယခုအခါ ထိုသွေးစစ်ဆေးခြင်းကို ကျွန်တော်တို့နိုင်ငံတွင်လည်း လုပ်နိုင်ပြီဖြစ်ကြောင်း သတင်းကောင်းရရှိပါသည်။ အဆိုပါ PSA စမ်းသပ်ခြင်းကို ရန်ကုန်မြို့ရှိ ဓာတ်ခွဲခန်းကြီးတချို့တွင် စမ်းသပ်စစ်ဆေးနေပြီဖြစ်သည်။ ကျွန်တော်တို့နိုင်ငံတွင် မှန်မှန်ဆေးစစ်ခံခြင်း၊ ဆရာဝန်မျးနှင့် တိုင်ပင်ဆွေးနွေးခြင်း စသည်များ လုပ်လေ့လုပ်ထ မရှိကြပါ။ အထူးသဖြင့် ထိုဆီးကျိတ်ကင်ဆာရောဂါသည်  ယောက်ျား ၆-ယောက်တွင် ကင်ဆာရောဂါဖြစ်လျှင် တယောက်မှာ ထိုရောဂါဖြစ်တတ်ကြောင်း သိရသည်။ ဖြစ်ပွားမှုနည်းသည်ဟုလည်း မဆိုင်နိုင်ပါ။ ထူးခြားသည်မှာ ထိုရောဂါသည် အခြားကင်ဆာရောဂါ များကဲ့သို့ ပျံ့နှံ့မှု မမြန်၊ နှေးကွေးသည်ဟုဆိုသည်။ ထို့ကြောင့် မကြီးထွား မပျံ့နှံ့မီ ကြိုတင်စစ်ဆေးသိရှိ ထားနိုင်လျှင် ထိရောက်စွာကုသခြင်းဖြင့် ပျောက်ကင်းနိုင်သည့် အလားအလာကောင်းရှိသည်။ ဆီးကျိတ်သည် ရော်ဘာကဲ့သို့ မမာ မပျော့ ဖြစ်သည်။ မိမိ၏ လိင်တံအရင်းကို စမ်းကြည့်၍ ကြယ်သီးကဲ့သို့ မာနေပြီဆိုလျှင် ဆရာဝန်ထံ အမြန်သွားသင့်ပြီဖြစ်သည်။ အထက်ဖော်ပြပါကဲ့သို့ ကြိုတင်စစ်ဆေးခြင်းတို့သည် အမှန်တကယ်အကျိုးရှိ၍ အမျိုးသားများအတွက်လည်း ထိုရောဂါအန္တရာယ်ဆိုးကြီးမှ လွတ်မြောက်နိုင် ပါကြောင်း ရေးသားလိုက်ရပေသည်။

ဒေါက်တာ မြင့်သန်း(ညောင်လေးပင်)

 

ဆက်စပ်သတင်း-

အမျိုးသားတွေ အသက်ကြီးလာရင် စိုးရိမ်ရတဲ့ ဆီးကျိတ်ကင်ဆာ (အပိုင်း-၁)

အမျိုးသား ဆီးကျိတ်ကင်ဆာရောဂါ (Prostate Cancer) ဟာ ဘယ်လို အကြောင်းတရားတွေကြောင့် ဖြစ်ရတာလဲ၊ ဘယ်နေရာတွေမှာ ပိုဖြစ်သလဲ၊ အစားအသောက်၊ ပတ်ဝန်းကျင်၊ တွေနဲ့ကော ဘယ်လို ဆက်စပ်သလဲစတဲ့ အချက်တွေ နဲ့ သားကြောဖြတ်ခြင်း၊ တစ်ကိုယ်ရည် အာသာဖြေခြင်းတို့နဲ့ ဘယ်လို ဆက်စပ်သလဲ ဆိုတဲ့ အချက်တွေကို အရွယ်ရောက်ပြီး အမျိုးသားတိုင်း သိချင်မှာပဲ ဖြစ်ပါတယ်။ ဒါကြောင့် သေချာရေးသား ဖော်ပြပေးလိုက်ပါတယ်။