ပြည်ပရောက် မြန်မာနိုင်ငံသားများ မှတ်ပုံတင် ပြန်လည် လျှောက်ထားနိုင်!

ဘယ်သူတွေပြည်တော်ပြန်ချင်သလဲ? ပြန်လည်မြန်မာနိုင်ငံသားခံယူခွင့်ပြန်ပေးနေပြီလို့ပြောနေပါပြီ...

ဒါပေမဲ့ "မြန်မာနိုင်ငံမှာနေထိုင်စဉ် ရာဇ၀တ်မှုမှတ်တမ်းများကို စစ်ဆေးခြင်း၊ အခွန်တိမ်းရှောင်ကာ အစိုးရနှင့် ငွေကြေးကိစ္စမှုခင်းရှိ၊ မရှိ စစ်ဆေးမည် (သို့) စိစစ်တဲ့အခါမှာ ရာဇ၀တ်မှုကျူးလွန်ခဲ့ရင်တော့ ပြစ်ဒဏ်ခံရမယ်။ နိုင်ငံရေးလှုပ်ရှားမှုတွေရှိသလား ရှိခဲ့ရင်လည်း အခုကနိုင်ငံရေးလုပ်ခဲ့တာ ဘာပြဿနာမှမဖြစ်တော့ဘူး။ မှတ်တမ်းယူရုံပဲတဲ့" ... ၀မ်းသာစရာပါဘဲသတင်းတွေပါ....

နိုင်ငံရေးလုပ်ပြီး နေစရာမရှိုနိုင်ငံပျောက်နေပြီး ပြည်တော်ပြန်လို့မရတဲ့ သူငယ်ချင်းတွေ ပြည်တော်ပြန်လို့ရပြီလေ!

ဒါပေမဲ့ဝမ်းနည်းစရာကတော့" စစ်ဆေးချိန်ဘယ်လောက်ကြာမယ်။ မကြာဘူးဆိုတာအတိကျ မပြောနိုင်ဘူး တဲ့၊  လုပ်ငန်းစဉ်က အဆင့်ဆင့်လုပ်ရတော့ ကြာမယ်” လျှောက်ထားသူသည် ၅၆ဦးရှိပြီး စိစစ်ဆဲ ထုတ်မပေးသေးပါဘူးတဲ့.... မြန်အောင် ဘယ်လိုလုပ်မလဲသိတယ်ဟုတ်....

 

အဲ...အခြေနေကောင်းလို့ စီးပွားရေးလုပ်လို့အဆင်ပြေမယ်ထင်ရင်တော့ ပြန်ကျရမှာဘဲ! ဒါပေမဲ့ အခုချိန်ထိတော့ ဆောင့်ကြည့်ရမဲ့အချိန်တွေဘဲလေ......ဒီလိုအသွင်ကူးပြောင်းရေး ကာလာအချိန်မှာတော့ ကွင်မြင်ပြီး လျင်တဲ့သူတွေ "ငွေပိုလျှံသူတွေ (သို့) ငွေလှည့်ပြီး ဆွဲကစားရဲတဲ့ သူတွေအတွက်ကတော့ အဆင်ပြေဆုံးအချိန်ပါဘဲ" .......

 

7dayjournalမှ....

ရန်ကုန်- ပြည်ပရောက် မြန်မာနိုင်ငံသားများကိုနိုင်ငံသား အဖြစ် ပြန်လည်အသိအမှတ်ပြုရန် နိုင်ငံသားစိစစ်ရေးကတ်များ ကို သက်ဆိုင်ရာနိုင်ငံရှိ သံရုံးများတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနသို့ လိပ်မူပြီး ပြန်လည်လျှောက်ထား နိုင်ပြီဖြစ်ကြောင်း လူဝင်မှုကြီးကြပ် ရေးနှင့် အမျိုးသား မှတ်ပုံတင် ဦးစီးဌာနညွှန်ကြားရေးမှူးချုပ် ဦးမောင်မောင်သန်းက ပြောသည်။

ယခင်ကမှတ်ပုံတင်ရှိသော်လည်း နိုင်ငံခြားတွင် ကာလရှည် နေထိုင်စဉ် ပတ်စ်ပို့သက်တမ်းကုန်ဆုံးသူများ၊ ပတ်စ်ပို့မရှိသူများနှင့် နိုင်ငံခြားတွင် Travel Document ကိုင်ဆောင်ထားသူများသည် နိုင်ငံခြားသားအဖြစ် ခံယူမထားသော်လည်း အလိုအလျောက် မြန်မာနိုင်ငံသားအဖြစ်မှ ပျက်ပြယ်ပြီး မူလကိုင်ဆောင်ထားသော မှတ်ပုံတင်များမှာ တရားမ၀င်တော့ပေ။ ထိုကဲ့သို့သော ပုဂ္ဂိုလ်များအနေဖြင့် မြန်မာနိုင်ငံသားစိစစ်ရေးကတ်ပြား ပြန်လျှောက်ထားနိုင်ပြီး ပြည်ပနိုင်ငံသားအဖြစ်ခံယူထားသူများ လည်းလျှောက်ထား နိုင်ကြောင်း အထက်ပါပုဂ္ဂိုလ်ကဆိုသည်။

မှတ်ပုံတင်လျှောက်ထားသူများကို နိုင်ငံခြားရေးဝန်ကြီးဌာန၊ ပြည်ထဲရေးဝန်ကြီးဌာန၊ နိုင်ငံတော်သမ္မတရုံး၊ အစိုးရအဖွဲ့နှင့် လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာနမှ စိစစ်မည်ဖြစ်သည်။

“စိစစ်တဲ့အခါမှာ ရာဇ၀တ်မှုကျူးလွန်ခဲ့ရင်တော့ ပြစ်ဒဏ်ခံရမယ်။ နိုင်ငံရေးလှုပ်ရှားမှုတွေရှိသလား ရှိခဲ့ရင်လည်း အခုကနိုင်ငံရေးလုပ်ခဲ့တာ ဘာပြဿနာမှမဖြစ်တော့ဘူး။ မှတ်တမ်းယူရုံပဲ” ဟု ဦးမောင်မောင်သန်းကပြောသည်။

လျှောက်ထားသူများကို ၀န်ကြီးဌာနက ပုံစံနှစ်မျိုးဖြင့် စိစစ်မည်ဖြစ်သည်။ ပထမတစ်မျိုးမှာ လူဝင် မှုကြီးကြပ်ရေးမှ ရပ်၊ ကျေး၊ မြို့နယ်၊ ခရိုင်၊ တိုင်းဒေသကြီး၊ ပြည်နယ်အဆင့်ဆင့်ရှိ လ၀ကရုံးများတွင် လျှောက်ထားသူသည် မြန်မာနိုင်ငံတွင်နေထိုင်စဉ်က မွေးဖွားသည်မှ ထွက်ခွာသွား သည်အချိန်အထိ မည့်သည့်အရပ်ဒေသတွင်နေထိုင်သည့် သန်းခေါင်းစာရင်း၊ ပုံစံ(၁၀)လက်ရှိ မှတ်တမ်း/မှတ်တမ်းဟောင်း များကို စိစစ်ပြီး အခြားဝန်ကြီးဌာနများကို တင်ပြမည်ဖြစ်သည်။

ပြည်ထဲရေးဝန်ကြီးဌာနကလည်း မြန်မာနိုင်ငံမှာနေထိုင်စဉ် ရာဇ၀တ်မှုမှတ်တမ်းများကို စစ်ဆေးခြင်း၊ အခွန်တိမ်းရှောင်ကာ အစိုးရနှင့် ငွေကြေးကိစ္စမှုခင်းရှိ၊ မရှိ စစ်ဆေးမည် ဖြစ်သည်။ စစ်ဆေးတွေ့ရှိချက်များကို အစိုးရအဖွဲ့ဝန်ကြီးများ အစည်းအဝေးတွင် တင်ပြပြီး၊ ယင်းအစည်းအဝေးဆုံးဖြတ်ချက်က ရာဇ၀တ်မှုနှင့် အစိုးရနှင့် စီးပွားရေးအရှုပ်အရှင်းကင်းသူများကို မြန်မာနိုင်ငံသားအဖြစ် ပြန်လည်အသိ
အမှတ်ပြုနိုင်ငံသားစိစစ်ရေးကတ်ပြန်လည်ထုတ်ပေးရေး ထောက်ခံချက်ပေးပြီး နိုင်ငံတော်ကာကွယ်ရေးနှင့် လုံခြုံရေး ကောင်စီသို့ တင်ပြမည်ဖြစ်သည်။

နိုင်ငံတော်ကာကွယ်ရေးနှင့် လုံခြုံရေးကောင်စီမှ ထောက်ခံချက်ပေးခြင်းခံရသူများသည် နိုင်ငံခြားတွင် ရှိနေစဉ်ထိုင်နိုင်ငံသားအဖြစ် ခံယူထားသည့် လက်မှတ် သို့မဟုတ် Travel Document ကို သက်ဆိုင်သည့် နိုင်ငံသို့ ပြန်အပ်ရမည်ဖြစ်သည်။ အပ်နှံပြီးစီးကြောင်း စာနှင့်အတူ မြန်မာသံရုံးတွင် ပြည်တော်ပြန်ရန် CI(Certificate of Identificat -ion) ထုတ်ယူပြီးပြန်ခဲ့ရမည်ဖြစ်သည်။ ထိုမှသာ နိုင်ငံသားစိစစ်ရေးကတ်ထုတ်ပေးမည်ဖြစ်သည်။

“စစ်ဆေးချိန် ဘယ်လောက်ကြာမယ်။ မကြာဘူးဆိုတာ အတိကျမပြောနိုင်ဘူး။ လုပ်ငန်းစဉ်က အဆင့်ဆင့်လုပ်ရတော့ ကြာမယ်”ဟု ဦးမောင်မောင်သန်းကပြောသည်။

ယခုလက်ရှိတွင် နိုင်ငံသားစိစစ်ရေးကတ်ပြန်လည်အသိအမှတ်ပြုလက်မှတ် လျှောက်ထားသူသည် ၅၆ ဦး ရှိပြီး စိစစ်နေဆဲဖြစ်၍ ကတ်ပြားထုတ်မပေးရသေးချေ။
 Ref:7daynewjournal