☀ တရုတ်နိုင်ငံမှ စတော့အိတ်ချိန်းကြီးများ ☀
ကမ္ဘာ့စတော့ဈေးကွက်ကြီးများထဲတွင် အမေရိကန် စတော့ဈေးကွက်ပြီးနောက် တရုတ်စတော့ဈေးကွက်မှာ ဒုတိယ အကြီးဆုံးဖြစ်သည်။ တရုတ်နိုင်ငံတွင် ပထမဦးဆုံးဖြစ်သော Shanghai စတော့အိတ်ချိန်းကို 1860 ခုနှစ်က စတင်တည်ထောင်ခဲ့သည်။ ၄င်းနောက် ကွန်မြူနစ်တော်လှန်ရေး ကာလအတောအတွင်း နှစ်ပေါင်း 41 နှစ်ကြာ ပိတ်ထားခဲ့ကြရသည်။
2017 ခုနှစ် ဇွန်လ 20 ရက်နေ့ တွင် နိုင်ငံတကာရင်းနှီးမြုပ်နှံမှု ကုမ္ပဏီကြီး Morgan Stanley က ၄င်းတို့၏ ထွန်းသစ်စဈေးကွက် ညွှန်းကိန်းထဲတွင် တရုတ်မှ A အဆင့် ရှိသည့် ရှယ်ယာများကို ထည့်သွင်းလိုက်ကြောင်း ကြေညာခဲ့သည်။ ၄င်းအချိန်မှစ၍ တရုတ်စတော့ဈေးကွက်ကြီး၏ ပမာဏသည် ဒေါ်လာ 11 ဘီလီယံ တိုးလာခဲ့သည်။
တရုတ်စတော့ဈေးကွက်ကြီးမားလာခြင်းက နိုင်ငံတကာမှ ရင်းနှီးမြုပ်နှံမှု အဖွဲ့အစည်းကြီးများကို ၄င်းတို့၏ ပေါ်ဖိုလီယိုထဲ၌ တရုတ် ၏ A ရှယ်ယာများ ဝယ်ယူစုဆောင်းဖို့ တွန်းအားဖြစ်လာစေသည်။ ယခုအခါ ၄င်းရင်းနှီးမြုပ်နှံမှု အဖွဲ့အစည်းကြီးများ၏ ရှယ်ယာလက်ဝယ်ထားရှိမှု စုစုပေါင်း ဒေါ်လာ 4.75 ထရီလီယံ ခန့်ရှိနေပြီ ဖြစ်သည်။ 2015 နှင့် 2016 နှစ်များတွင်တော့ တရုတ်စတော့ဈေးကွက်တွင်း စီးလိုက်မျော၍ ရောင်းဝယ်မှုများ အဆမတန် များပြားခဲ့သောကြောင့် ဈေးနုန်း အလှုပ်ခတ်များခဲ့သည်။ ကြီးမားလှပါ၏ ဆိုသော တရုတ်စတော့ဈေးကွက်အတွင်း တရုတ်ပြည်သူတို့၏ စတော့ရှယ်ယာ ပိုင်ဆိုင်မှု မှာ 7% သာ ရှိသည်။ အဆိုပါ 7% ထဲကမှ တရုတ်လူချမ်းသာများက 80% နေရာယူထားကြပြီး ၄င်းလူချမ်းသာကြီးများ၏ အရောင်းဝယ်ပြုလုပ်မှုများက စတော့ဈေးနုန်း အရွေ့ ကို ဖြစ်ထွန်းစေနိုင်သည်။
တရုတ်ပြည်မကြီးတွင် စတော့အိတ်ချိန်း 2 ခုရှိလေသည်။ ၄င်းတို့မှာ Shanghai နှင့် Shenzhen အိတ်ချိန်းတို့ ဖြစ်ကြပြီး 1990 ခုနှစ်တွင် တရုတ်အစိုးရမှ တိုင်းပြည်စီးပွားရေးကို ခေတ်စနစ်နှင့်အညီ ပြောင်းလဲဆောင်ရွက်ခဲ့ချိန်တွင် ပြန်ဖွင့်ပေးခဲ့ခြင်းဖြစ်သည်။ ဟောင်ဟောင်စတော့အိတ်ချိန်းကတော့ တရုတ်စတော့အိတ်ချိန်းနှင့် ပူးတွဲထားသည်။
Shanghai စတော့အိတ်ချိန်း ကတော့ တရုတ်တွင်အကြီးဆုံးဖြစ်ပြီး 2015 ခုနှစ်စာရင်းအရ ဈေးကွက်အရင်းပြုတန်ဖိုး (Market Capitalization) ဒေါ်လာ 4.71 ထရီလီယံ ပမာဏရှိသည်။ Shanghai စတော့အိတ်ချိန်း (SSE) တွင် စာရင်းတင်ထားသည့် ကုမ္ပဏီ အများစုက တရုတ်တွင်အကြီးဆုံးကုမ္ပဏီများဖြစ်ကြပြီး တိုင်းပြည်စီးပွားရေး တိုးတက်မှု အတွက် အရေးပါလှသည့် ကုမ္ပဏီများလည်းဖြစ်ကြသည်။ ၄င်းအိတ်ချိန်းတွင် ရင်းနှီးမြုပ်နှံကြသူအများစုမှာ ပင်စင်ရံပုံငွေ အဖွဲ့များနှင့် ဘဏ်များ ဖြစ်ကြသည်။ SSE က ရှန်ဟိုင်းမြို့တွင် တည်ရှိသည်။
Shenzhen စတော့အိတ်ချိန်း (SZ) ကတော့ SSE လောက်မကြီးပေ။ ဈေးကွက်အရင်းပြုတန်ဖိုးသည်လည်း 2015 ခုနှစ်စာရင်းအရ ဒေါ်လာ 3 ထရီလီယံ သာရှိသည်။ SZ ကတော့ ရှန်းဇန်းမြို့ တွင်ရှိသည်။ ဟောင်ကောင်ကနေ 2 နာရီခန့်သာ မောင်းနှင်ရပြီး ရင်းနှီးမြုပ်နှံသူများဝင်ရောက်နိုင်သည့် အချက်ချာ ကျသည့် မြို့ ဖြစ်သည်။ SZ တွင် စာရင်းတင်ထားသည့် ကုမ္ပဏီငယ် အများစုကတော့ တိုင်းပြည်စီးပွားရေး ပြုပြင်ပြောင်းလဲရေးအတွက် အလွန်အရေးပါလှသည်။ ၄င်းကုမ္ပဏီများထဲတွင် အများစုမှာ နည်းပညာဆန်းသစ်တီထွင်သော ကုမ္ပဏီများလည်းပါဝင်ပြီး အမေရိကန် နည်းပညာစတော့အိတ်ချိန်းကြီးဖြစ်သည့် NASDAQ နှင့် ဆင်တူယိုးမှား ဖြစ်အောင် ပြုလုပ်ထားသည်။
Hong Kong စတော့အိတ်ချိန်းနှင့် စာရင်းရှင်းလင်းရေး တာဝန်ယူသည့် ကုမ္ပဏီ (HKEx) တွင်တော့ စတော့ဈေးကွက်ရော ဆင့်ပွားဈေးကွက်(Derivatives market) ပါအရောင်းဝယ်ပြုလုပ်နိုင်သည်။ တရုတ်ပြည်မကြီး ကတော့ ဟောင်ကောင်၏ တရားရေးရာစီမံခန့်ခွဲမှုများကိုခွင့်ပြုထားသည်။ သို့သော် ဟောင်ကောင်ဒေါ်လာ ဖြင့်သာ စာရင်းရှင်းလင်းရေး ပြုလုပ်ကြပြီး 2047 ခုနှစ်အထိ တရားရေးရာစီမံခန့်ခွဲ ခွင့် ဌာန ခွဲတစ်ခု အဖြစ်ခွင့်ပြုပေးထားသည်။
2014 ခုနှစ် နိုဝင်ဘာလမှ စ၍ တရုတ်အစိုးရက Shanghai အိတ်ချိန်းနှင့် Hong Kong အိတ်ချိန်းတို့ကို Shanghai-Hong Kong Connect program ဖြင့် ချိတ်ဆက်ထားခဲ့သည်။ ချိတ်ဆက်ထားသော အိတ်ချိန်းစနစ်တွင် တရုတ်ပြည်သူတို့ နေ့စဉ် ရောင်းဝယ်ခွင့် ပမာဏကို ဒေါ်လာ 1.7 ဘီလီယံ အထိ ခွင့်ပြု ထားပါသည်။ ၄င်း စတော့အိတ်ချိန်းများမှ ရောင်းဝယ်မှုများက သမ္မတ ရှီကျင်ပင်း ၏ စီးပွားရေးပြုပြင်ပြောင်းလဲမည့် စီမံချက်များအတွက် လွန်စွာအထောက်ကူ ပြုလေသည်။ ထူးခြားချက်ကတော့ Hong Kong စတော့အိတ်ချိန်းမှ စတော့ရှယ်ယာဈေးနုန်းများက Shenzhen စတော့အိတ်ချိန်း ထက် 25% လောက် ဈေးနုန်းချို သာလေ့ရှိသည်။ အကြောင်းရင်းကတော့ ပြည်တွင်းရင်းနှီးမြုပ်နှံသူများ အားဆွဲဆောင်မှု ဖြစ်စေလိုခြင်းပင်ဖြစ်သည်။
စတော့ညွှန်းကိန်းများ -
SHCOMP စတော့ညွှန်းကိန်း (Shanghai Composite Index) က SSE မှ စတော့ရှယ်ယာများကို ခြေရာခံပြီး ညွှန်ပြပေးသည်။ SSE တွင်နေ့စဉ် ရောင်းဝယ်နေသော A အဆင့် နှင့် B အဆင့်ရှယ်ယာများ၏ ဈေးနုန်းများအပြောင်းလဲကို တိုင်းတာပြီး ညွှန်းကိန်းအနေဖြင့် အတက်အကျ ပြပေးသည်။ ကုမ္ပဏီငယ်များ ထက် ကုမ္ပဏီကြီးများ ၏ စတော့ရှယ်ယာဈေးနုန်း အတက်အကျများက SHCOMP စတော့ညွှန်းကိန်းအပေါ် သက်ရောက်မှုရှိသည်။ ဈေးကွက်အရင်းပြု တန်ဖိုးကို အခြေခံပြီး တွက်ချက်သည့် ညွှန်းကိန်းဖြစ်ပြီး အမေရိကန် S&P 500 ညွှန်းကိန်း၏ လုပ်ဆောင်ပုံနှင့် ဆင်တူသည်။
Shenzhen စတော့ညွှန်းကိန်း(SZCOMP) ကတော့ SZ တွင်ရောင်းဝယ်နေသော A , B ရှယ်ယာများအားလုံးကို ခြေရာခံ တိုင်းတာပြီး ဈေးကွက်အရင်းပြု တန်ဖိုးကို အခြေခံပြီး တွက်ချက်သည့် ညွှန်းကိန်းဖြစ်သည်။ Hang Seng စတော့ညွှန်းကိန်း (HSI) ကတော့ ဟောင်ကောင် စတော့အိတ်ချိန်းတွင် အရောင်းဝယ်အများဆုံးပြုလုပ်နေကြသည့် ကုမ္ပဏီကြီးများ၏ စတော့ရှယ်ယာဈေးနုန်းများကိုသာ ခြေရာခံတိုင်းတာသည်။ HSI စတော့ညွှန်းကိန်းတန်ဖိုးအပေါ် မည်သည့်ကုမ္ပဏီကမှ 10% ထက်ပိုပြီး ကိုယ်စားပြုနိုင်ခြင်း မရှိပေ။
စာကြွင်း - စတော့ညွှန်းကိန်းတန်ဖိုး အတက်အကျများကို ကြည့်ခြင်းအားဖြင့် ၄င်းညွှန်းကိန်း ကိုယ်စားပြုသည့် စတော့ရှယ်ယာများ၏ တန်ဖိုး အတက်အကျကို သာမက စတော့ဈေးကွက်ကြီး တစ်ခုလုံး၏ အခြေအနေကိုပါ ခြုံငုံ သုံးသပ်နိုင်ပါသည်။
No comments:
Post a Comment