ပြည်ပ အလုပ်အကိုင်တွေမှာ လစာမြင့် အလုပ်အကိုင် တစ်ခုဖြစ်တဲ့ စင်္ကာပူ Spass အလုပ်အကိုင်တွေ ပြန်လည်ခေါ်ယူမှုဖြင့် တက်လာတယ်လို့ ပြည်ပ အလုပ်အကိုင် အေဂျင်စီ အချို့က သိရပါသည်။ ချထားပေးမှု လျော့ကျနေခဲ့တဲ့ စင်္ကာပူ Spass အလုပ်အကိုင် တွေကို ပြန်လည် ချထားပေး လာတာဖြစ်ပြီး လုပ်သား ခေါ်ယူမှုလည်း မြင့်တက် လာတယ်လို့ သိရပါသည်။ Spass အလုပ်အကိုင် တွေဟာ လစာမြင့်တဲ့ အလုပ်အကိုင် တွေဖြစ်လို့ သူတို့နိုင်ငံ သားအတွက် အလုပ်ရရှိမှု အနေအထား အပေါ် သက်ရောက်မှု ရှိလာနိုင်တာကြောင့် Spass ချထား ပေးမှုတွေကို လျှော့ချထားတာ ဖြစ်ပါသည်။လက်ရှိမှာတော့ စင်္ကာပူ Spass အလုပ်အကိုင် တစ်ခုဖြစ်တဲ့ သင်္ဘောကျင်း ဆိုင်ရာ အလုပ်အကိုင် တစ်ခုကို စင်္ကာပူရှိ Kepple သင်္ဘောကျင်းက ခေါ်ယူလျက် ရှိတယ်လို့ ပြည်ပ အလုပ်အကိုင် အေဂျင်စီ တစ်ခုဖြစ်တဲ့ သုခစုစံ ကုမ္ပဏီက သိရပါသည်။ အဆိုပါ အလုပ်အကိုင် အတွက် ၀န်ဆောင်ခ အခမဲ့ဖြစ်ပြီး အင်ဂျင်နီယာ ၊ ဖိုမင် အပါအ၀င် အလုပ်အကိုင် တွေအတွက် လုပ်သားတွေ ခေါ်ယူလာတာ ဖြစ်ပါသည်။
လစာအနေနဲ့ စင်္ကာပူ ဒေါ်လာ(၂၂၀၀)မှ (၅၀၀၀)အထိ ရရှိနိုင်ပြီး ပြည်ပမှ ကျွမ်းကျင်သူများ ကိုယ်တိုင် လာရောက်စစ်ဆေး ခေါ်ယူမှာ ဖြစ်တယ်လို့ သုခစုစံ က သိရပါသည်။ လက်ရှိ ပြည်ပ အလုပ်အကိုင် ဈေးကွက်မှာ မလေးရှား အလုပ်အကိုင် များလည်း ခေါ်ယူမှု မြင့်တက်လာသလို စင်္ကာပူ အလုပ်အကိုင် များလည်း ခေါ်ယူမှုပုံမှန် ရှိတယ်လို့ သတင်းရရှိ ပါသည်။
Ref:forevergroup
No comments:
Post a Comment