| Sunday, 02 October 2011 06:49 |
ငါးပိစိမ်းစားများတွင် စားသုံး ကိုအန္တရာယ်ဖြစ်စေနိုင်သော Rhodamine-B ဆိုးဆေးပါဝင်နေသဖြင့် ငါးပိများကို သိမ်းဆည်းခဲ့ကြောင်း၊ ဘုရင့်နောင်ပွဲရုံနှင့် ပုဇွန်တောင် ဈေးတို့မှ ဆိုးဆေးပါဝင်သော ငါးပိ ပိဿာချိန် ၁၉၀၀၀ ကျော်ကိုသိမ်း ဆည်း ရရှိခဲ့ကြောင်း သိရသည်။ အဆိုပါ ငါးပိများမှာ ဧရာဝတီတိုင်း ဖျာပုံဒေသမှ ၀င်ရောက်လာခြင်း ဖြစ်သည်ဟုလည်း သိရသည်။ ရန်ကုန်မြို့ရှိ ဈေးများအားလုံး တွင် စားသုံးသူများအား အန္တရာယ် ဖြစ်စေနိုင်သည့် ဆိုးဆေးပါဝင်သော စားသောက်ကုန်ပစ္စည်းများမရောင်း ချရန်ဈေးရောင်းချသူများကို ထပ်မံ၍ အသိပေးကြေညာထားပြီး ရောင်းချပါက ထိထိရောက်ရောက်အရေးယူ သွားမည်ဖြစ်ကြောင်း ရန်ကုန်မြို့ တော်စည်ပင်သာယာရေး ကော်မတီ၊ ဈေးများဌာန၏ ထုတ်ပြန်ကြေညာ ချက်အရ သိရှိရသည်။ Ref:new-seleven နောက်ဆက်တွဲ- တားမြစ်ဆိုးဆေး ပါဝင်သော စားသောက်ကုန် များ ဖျက်စီး  တားမြစ်ဓာတုဆိုးဆေး အသုံးပြုထားသော ကုန် ပစ္စည်းများကို သိမ်းဆည်းကာ စက်တင်ဘာ ၂၇ရက် တွင်ဘုရင့်နောင် ပွဲရုံ ကွပ်ကဲရေးဌာန ရုံးရှေ့တွင် မီးရှို့ ဖျက်ဆီး ခဲ့ကြောင်းသိရသည်။ဈေးများ အတွင်း ရောင်းချလျက်ရှိသော စား သောက်ကုန် ပစ္စည်း အချို့ကို မြို့တော်စည်ပင်ဈေး များဌာန၊ ကျန်းမာရေး ဌာန၊ အစားအသောက်နှင့် ဆေးဝါးကွပ်ကဲရေးတို့ပူးပေါင်းကာ မိုဘိုင်းဓာတ်ခွဲခန်း ယာဉ်ဖြင့် ရှောင်တခင် ၀င်ရောက် စစ်ဆေးခဲ့ရာတွင် တားမြစ်ဓာတု ဆိုးဆေးအသုံးပြုထားသော စား သောက်ကုန် ပစ္စည်းများတွေ့ရှိ သဖြင့် သိမ်းဆည်းခဲ့ ကြောင်း ဈေးများဌာနမှ တာဝန်ရှိသူတစ်ဦးကဆိုသည်။ “ဈေးတွေကိုသွားစစ် တဲ့အခါမှာ ဆိုးဆေးတွေ့တယ်။ အဲဒီဆိုးဆေး တွေကချည်တို့၊ ရော်ဘာတို့ကို အရောင်ဆိုး တဲ့ ဆေးတွေပါ။ ဆေးတွေ ကတော့ Orange II, Roda mine-B, Auramine-O တွေကို သုံးထား ကြတယ်။ အနီရောင်၊ အ၀ါရောင်တွေပါ” ဟု ပူးပေါင်းအဖွဲ့တွင်ပါ ၀င်သော အစားအသောက် နှင့်ဆေးဝါးကွပ်ကဲရေးဌာနမှ အရာရှိတစ်ဦးကပြောသည်။ စစ်ဆေး သိမ်းဆည်းခဲ့မှုများတွင် သီရိ မင်္ဂလာဈေး မှ ၀ါးပိုးမျှစ် ၂၂ ပိဿာ၊ ခြစ်မျှစ် ၂၀ ပိဿာ၊ ငရုတ်သီး အစိမ်းမှုန့် ၁၀ ပိဿာ၊ ၀က်အူချောင်း သုံးပိဿာခွဲ တို့ပါဝင်ပြီး မင်္ဂလာတောင်ညွန့် ဈေးမှ မျှင်ငါးပိ ရှစ်ပိဿာ၊ ညောင်ပင်လေး ဈေးမှ မျှင်ငါးပိ ၂၄ ပိဿာ၊ တာမွေဈေးမှ မျှင်ငါးပိ လေးပိဿာ၊ ပုဇွန်တောင် ဈေးမှ မျှင်ငါးပိ ပိဿာ ၃၀၊ ဘုရင့်နောင်ပွဲရုံ မှ မျှင်ငါးပိ ၁၀၃ ပိဿာတို့ကို သိမ်းဆည်းကာ မီးရှို့ဖျက်ဆီး ခဲ့ပြီး ဖြစ်ကြောင်း ဈေးများဌာနမှ တာဝန်ရှိသူတစ်ဦးက ဆိုသည်။ ယခုကဲ့သို့စစ်ဆေးမှု ကို ရန်ကုန်မြို့တော်စည်ပင် သာယာရေး နယ်နိမိတ်အတွင်း ရှိဈေးများတွင်ပါဆက် လက်စစ်ဆေး သွားရန် စီစဉ်ထားပြီး ပညာပေး၊ သတိ ပေးလုပ်ငန်းများ ပြီးဆုံး သွားပါက အမျိုးသား အစားအ သောက်ဥပဒေ အရ အရေးယူ သွားမည်ဖြစ်ကြောင်း လည်း မြို့တော် စည်ပင် ကျန်းမာရေး ဌာနမှ ဌာနမှူး ဒေါက်တာမြတ်မွန် အေးကပြောသည်။ လှိုင်လှိုင် Ref:themyanmarpost |
No comments:
Post a Comment