အိမ်နီးချင်း နိုင်ငံတွေမှ ပြည်တွင်းကို ၀င်ရောက်လာတဲ့ အိမ်သုံးဆားတွေဟာ ပြည်တွင်းမှာ ထုတ်လုပ်လျက်ရှိတဲ့ ဆားတွေထက် ပိုမိုဖြူဖွေး သန့်စင်မှုရှိပြီး ဒီလို ဖြူဖွေးသန့်စင် နေခြင်းဟာ ဆားတွေကို ဖြူဖွေးစေတဲ့ ချွတ်ဆေးတွေ အသုံးပြု ထားခြင်းကြောင့် ဖြစ်တယ်လို့ မြန်မာ့ဆားလုပ်ငန်းမှ သိရပါသည်။ ဒီလို ဆားမျိုးတွေကို ကြာရှည်စွာ သုံးစွဲမိပါက ကျန်းမာရေး ထိခိုက်လာနိုင်ဖွယ် ရှိတယ်လို့ သိရပါသည်။
ပြည်တွင်းရှိ ဆားစက်ရုံတွေက ထုတ်လုပ်တဲ့ ဆားတွေကတော့ အိမ်နီးချင်း နိုင်ငံတွေမှ ၀င်ရောက်လာတဲ့ ဆားတွေလောက် ဖြူဖွေးသန့်စင်ခြင်း မရှိဘဲ ညစ်တဲ့အရောင် အနည်းငယ် ရှိပါသည်။ ဒီလို ဖြစ်ရခြင်းဟာ ဆားစက်ရုံတွေမှ ဆားကြမ်းတွေကို အိမ်သုံးဆား အနေအထား ရောက်ရှိဖို့ ထုတ်လုပ်တဲ့အခါမှာ ဖြူဖွေးတဲ့ ဆားအနေအထား ရရှိဖို့ ထုတ်လုပ်ရာမှာ ပိဿာချိန် လျော့ကျမှာ စိုးတာကြောင့် အပြည့်အ၀ ဆေးကြောသန့်စင်မှု မပြုလုပ်ခြင်းကြောင့် ဖြစ်ပါသည်။ အိမ်နီးချင်း နိုင်ငံတွေမှ ပြည်တွင်း ဆားဈေးကွက် အတွင်းကို နာဂစ်မုန်တိုင်း ဖြစ်ပြီးနောက် ၀င်ရောက်ခဲ့တာ ဖြစ်ပြီး ထိုင်းနိုင်ငံမှ အများဆုံးဝင်ရောက် လျက်ရှိတာ ဖြစ်ပါသည်။
ပြည်တွင်းမှ ဆားထုတ်စက်ရုံ အများစုကတော့ အိမ်သုံးအိုင်အိုဒင်း ထုတ်လုပ်ရာမှာ သဘာဝဆား ထုတ်လုပ်မှု စနစ်နဲ့သာ ထုတ်လုပ်မှု များတယ်လို့ မြန်မာ့ဆား လုပ်ငန်းမှ သိရပါသည်။ ဒီလို အိုင်အိုဒင်းဆား ထုတ်လုပ်ရာမှာလည်း ဆားစက်ရုံများ အနေနဲ့ အိုင်အိုဒင်း ပါဝင်မှုနှုန်းကို မြန်မာ့ဆား လုပ်ငန်းမှ သတ်မှတ်ထားတဲ့ စံချိန်စံညွှန်းအတိုင်း ထုတ်လုပ်ရတယ်လို့ သိရပါသည်။ ပြည်တွင်းမှာတော့ ဆားစက်ရုံ (တစ်ရာ)ကျော်ရှိပြီး ရန်ကုန်တိုင်း ဒေသကြီးမှာ အများဆုံးဖြစ်ပါသည်။ လက်ရှိဆားကြမ်း ဈေးဟာ ရန်ကုန်အရောက် တစ်ပိဿာကို (၇၅)ကျပ် ရှိတယ်လို့ သတင်းရရှိပါသည်။-Ref:forevergroup news
Posted using BlogPress from my 4GiPhone
No comments:
Post a Comment